Vuu ɓɔɔ zang nwangsɛ Yɔhana 8:10 - Nyaa Shɔɔ Ɓɔɔ Laa a Ɓɛɛ

¹⁰ A zang nyaa shonang Laa ɓɔɔ ka lapa ɓɛɛ, ɓɔɔ daa kaa taati ɓɛɛ, jee gboo ɓiɓɛ. A sang bang watɛ nɛɛ lapa, waa shaa kagn naa zang mang waa ka wisi. A watɛ ka rang, nɛɛ rɛɛ sɔlɔng mii dang gbete, naa zang basɛ ri tìng taati ɓɛɛ.

Vuu ɓɔɔ zang nwangsɛ Yɔhana 8:10 Σταυροειδείς Αναφορές

Matiyu 25:1

“Ka diki kaɓa kpanti roonang Laa naa nwang naa ruu rɛɛ ja soo kopi ɓɔɔ ri daa kn sinyɛ shaanang ɓɛɛ. Ri yaka waa zàáng sɔɔ nɛɛ ri daa ɓee sinyɛ ɓeevɛ yuu.

Luka 10:18

A kɔɔ ri tɔɔ, “N zi sheetang watɛ nɛɛ lapa naa shala ɓɔɔ mang takoti ɓɛɛ.

Yahuza 1:13

Ri nwàng ɓarɛ naa mii waapo ɓɔɔ rãa dɔɔli, a vuu shi kpang ɓɔɔ ri palɛ tusu bii ɓi kaa naa puru ɓɔɔ pu ka yuu mii waapo ɓɛɛ. Ri nwàng ɓarɛ naa sang ɓɔɔ jĩli ka lapa ɓɛɛ. Laa shìng ri nɔng tɔ dòndòng, ka nɔng ɓɔɔ tɔ̀ɔ katɔ kɔngkɔng ɓɛɛ.

Vuu ɓɔɔ zang nwangsɛ Yɔhana 1:20

Zirɛ, rɛɛ sang manziti kɔ n yiti ka naa ɓee, nɛɛ rɛɛ vuu manziti ɓɔɔ zang shĩili waa zàáng sɔɔ kagn, ɓɔɔ zang palɛ ri nɛɛ zinariya ɓɛɛ. N kaaɓi n nwangsɛ mɔɔ dĩiri rɛɛ vuu keɓe. Rɛɛ sang manziti keɓe, ɓi rɛɛ zang nyaa shonang Laa, ɓɔɔ ri ka lapa, ɓɔɔ ri gãng jĩng, ka rɛɛ Gãa Laa manziti kaɓa ɓɛɛ. Vuu manziti ɓɔɔ zang shĩili waa zàáng sɔɔ kagn kaɓa, ɓi kaa rɛɛ Gãa Laa bìí, nɛɛ yuu ɓarɛ.”

Vuu ɓɔɔ zang nwangsɛ Yɔhana 12:4

Naa zang basɛ sang kɔ ka lapa ɓee tĩng taati. Sɔkɔ keɓe, waarɛ ɓɔɔ tĩng gbete nɛɛ dãng ɓiɓɛ, vang ri ka tipi. A sɔkɔ bìí daa shii ka tĩng jaa soro ɓɔɔ nɛɛ wu yi kaa jaa ɓɛɛ, nɛɛ tɔɔ wu shaa jaa ɓɔɔ jaa soro yi ɓɛɛ kati.

Vuu ɓɔɔ zang nwangsɛ Yɔhana 14:7

A mɛɛ nyaa nabm kɔɔyi nɛɛ, “Nɔɔ dũng nyaa Laa ta, nɔɔ ti a wu bannang ka ruu ɓɔɔ, diki ɓɔɔ Laa naa jɛ̃ɛ zang piti ruu, a tɔ ɓɛɛ. Ka ruu nɔngkɔ, nɔɔ bang Laa ta, ɓɔɔ wukɔ mãa lapa nɛɛ tipi, nɛɛ waapo nɛɛ sɔlɔng mii nandon ɓɛɛ.”

Vuu ɓɔɔ zang nwangsɛ Yɔhana 16:4

Zang nyaa shonang Laa ɓɔɔ ka lapa ɓɛɛ, ɓɔɔ daa kaa taati ti arɛ, naa ɓaa kɔnang ɓɔɔ ka yeti waka ɓiɓɛ, ka rang nandon, nɛɛ sɔlɔng mii nandon, a ri raa zĩi jong nandon.

Vuu ɓɔɔ zang nwangsɛ Yɔhana 6:13

Sang ri shili nɛɛ lapa ka tipi naa ɓɔɔ jasung pũngku rãayi, kpàng gbãngko sĩiri ɓɔɔ ra doo knti ka tipi ɓɛɛ.

Vuu ɓɔɔ zang nwangsɛ Yɔhana 8:7

Zang nyaa shonang Laa ɓɔɔ ka lapa ɓɔɔ tĩng shɔɔnang jee gboo ɓiɓɛ, a nyaa kɔ doo naa ɓee, mii takong nɛɛ waa ri nwɛ̃ɛtɛ zɔɔ nɛɛ zĩi vuu a zang vang ri ka tipi. A tĩng gbete ka teteng koo ɓɔɔ zang basɛ tĩng taati ɓɛɛ, waa shaayi. A naa zang basɛ rɛɛ laa ɓɔɔ ri ka tipi tĩng taati, waa shaa tĩng gbete, a waa shaa wisi bɛbɛtɛ jong nandon.

Vuu ɓɔɔ zang nwangsɛ Yɔhana 9:1

A zang nyaa shonang Laa ɓɔɔ ka lapa ɓɛɛ, ɓɔɔ daa kaa maani ɓɛɛ, jee gboo ɓiɓɛ. A n zi sang ɓɔɔ watɛ ka koo nɛɛ lapa ɓɛɛ. A zang a wu saka ɓɔɔ wu puu too ɓɔɔ dii ɓiɓɛ kagn kpang nɛɛ mani ɓɛɛ.

Vuu ɓɔɔ zang nwangsɛ Yɔhana 9:15

Rɛɛ zang nyaa shonang Laa dɛ̃ɛti kaɓa bɛ̀ɛ́ zang mã ri ka nɔng kaɓa nɛɛ ri gã làá keɓe, nɛɛ diki keɓe, nɛɛ shala keɓe, nɛɛ saa keɓe. Tɔ̀ɔ, zang yaa ri naa kati ri nyɔkɔ zang tìng gbete vɔrɔ, naa zang basɛ zang koo tìng taati ɓɛɛ.

Vuu ɓɔɔ zang nwangsɛ Yɔhana 9:18

Rɛɛ kɔnang taati kɔ nwangkɛ nɛɛ nyaa rɛɛ gbantang ɓee, waa nɛɛ zĩiri nɛɛ vuu ɓɔɔ ta bii naa mii rong ɓɛɛ, ri nyɔ̀kɔ̀ shɔnzang tìng gbete nɛɛ wukɔ, naa zang basɛ shɔnzang ɓɔɔ koo tĩng taati ɓɛɛ.