Vuu ɓɔɔ zang nwangsɛ Yɔhana 7:4 - Nyaa Shɔɔ Ɓɔɔ Laa a Ɓɛɛ

⁴ A n tãayi, zang gã rɛɛ zang kaɓa, ɓɔɔ zang nyaa shonang Laa ɓɔɔ ka lapa ɓang ri vuu ka nyaating ɓɛɛ. Zang ri nandon, labang dakn laa maani tu laa ziti tu dɛ̃ɛti. Ri nwangnɛ teteng zɔ̃ng zang Isirela nandon.

Vuu ɓɔɔ zang nwangsɛ Yɔhana 7:4 Σταυροειδείς Αναφορές

Matiyu 19:28

Yeesɔ kɔɔ ri tɔɔ, “N kɔɔ nɔɔ ruu ɓɔɔ niizang kɔ nwani, ka diki ɓɔɔ Jaa Shɔnzang naa arɛ, naa nwang ka laa kpanti nɛɛ naa bannang ɓiɓɛ ka koo shɔɔ. Ɓɔɔ nɔɔ dũ̀ng knti mɛɛ, nɔɔ naa nwáng ditɔ jong ka laa nwannang kopi tu ziti. Tɔ̀ɔ nɔ́ɔ jɛ̃̀ɛ zɔ̃ng wujɛ Isirela ɓɔɔ kopi tu ziti ruu kati.

Luka 14:22

A zang shonang yɔɔ naa a tɔkn kɔɔ wu tɔɔ, ‘Dabang, n palɛ vuu ɓɔɔ mɔɔ kɔɔ m ɓɛɛ tɔ, nɔng ti yaa doogn.’

Luka 22:30

Tɔ̀ɔ, nɔɔ naa shaa vuu shaanang, nɔɔ ti ɓoo nɛɛ n ka nɔng vuu shaanang mɛɛ ka ɓɔɔ n naa roo kpanti ɓɛɛ. N ti shing nɔɔ, nɔɔ nwang ka yuu laa nwannang kpanti, nɔɔ jɛ̃ɛ zang zɔ̃ng Isirela ɓɔɔ kopi tu ziti ruu.

Zang Shonang Yeesɔ 26:7

Nyaa ɓɔɔ rɛɛ zɔ̃ng ɓuru kopi tu ziti, ri shing danggn nɛɛ Laa a ri, ka ɓɔɔ ri bang Laa nɛɛ laagɛ̃ nɛɛ zĩi piti ɓɛɛ. Kpanti, ka ruu danggn kɔ n shing ɓee kɔ, zang Yahudi ri kɔɔrɔ ruu shi kpang ka yuu mɛɛ.

Rooma 9:27

Ishaya kɔɔ ruu ka yuu zang Isirela tɔɔ, “Naa zang Isirela ri shang doo naa seseele ɓɔɔ ka nyaa waapo, zang ɓɔɔ zang naa ta yuu ɓarɛ ri dɔɔli kpang.”

Yakubu 1:1

Nkɔ Yakub zang shonang Laa nɛɛ ɓɔɔ Kpanti Yeesɔ Kirisi, n bèé nɔɔ labeenang keɓe, nɔɔ nyaa zang Isirela, laa gãa kopi tu ziti, ɓɔɔ zang tantɛ nɔɔ ka koo nandon ɓɛɛ. N jee nɔɔ nyaa.

Vuu ɓɔɔ zang nwangsɛ Yɔhana 14:1

A n shing jĩng, n zi Jaa Mɛ̀ɛrɛ́ Laa shii ka yuu kɔpɔ Siyona. Shɔnzang labang dakn laa maani tu laa ziti tu dɛ̃ɛti ri shii nɛɛ wu. Zang ɓɔɔ zang bee nung Daa ɓiɓɛ tɔ, nɛɛ nung ɓiɓɛ ka wàá nyaating ɓarɛ ɓɛɛ.

Vuu ɓɔɔ zang nwangsɛ Yɔhana 14:3

Zang kaɓa nandon, ri shii ka tĩng laa nwannang Kpanti Laa, nɛɛ tĩng rɛɛ vuu dɛ̃ɛti ɓɔɔ suru bii ɓarɛ kagn ɓɛɛ, nɛɛ tĩng rɛɛ zang bang bmati tu dɛ̃ɛti kaɓa, ri gaa soo shɔɔ. Zang ɓɔɔ zunung ɓɔɔ wu mantɛ soo kaɓa kagn kpang, ɓi zang labang dakn laa maani tu laa ziti tu dɛ̃ɛti kɔ zunung shɛ̃ɛning. Rikɔ zang ɓɔɔ zang tà yuu ɓarɛ nɛɛ koo ɓɛɛ.

Vuu ɓɔɔ zang nwangsɛ Yɔhana 7:5

Zang ɓang zang labang dakn kopi tu ziti ka teteng zɔ̃ng zang Yahuda. Zang labang dakn kopi tu ziti ka teteng zɔ̃ng zang Rubeng, zang labang dakn kopi tu ziti ka teteng zɔ̃ng zang Gaadi.

Vuu ɓɔɔ zang nwangsɛ Yɔhana 9:16

Zang sɔɔja ɓarɛ ɓɔɔ ri vang ɓarɛ gbantang ɓɛɛ, zang kɔɔ m nɛɛ ri labang labang, laa maani dakn ziti.