Vuu ɓɔɔ zang nwangsɛ Yɔhana 7:3 - Nyaa Shɔɔ Ɓɔɔ Laa a Ɓɛɛ

³ A kɔɔ ri nɛɛ, “Nɔ́ɔ dang rɛɛ tipi nɛɛ waapo, nɛɛ laa, jĩng gn kpang. Ruu ɓǎng rɛɛ zang shonang Laa ɓuru vuu ɓiɓɛ doo ka nyaating ka gbongkarɛ.”

Vuu ɓɔɔ zang nwangsɛ Yɔhana 7:3 Σταυροειδείς Αναφορές

Matiyu 24:22

Kpanti Laa nɛ̀ɛ́ sɔ́ɔrɔ̀ diki keɓe ka knti tɔkɔlɔng kpang, zang ɓɔɔ nɛɛ wɔ kagn gbete gãagãa kpang. A Kpanti Laa naa sɔ́ɔrɔ̀ diki keɓe, ka ruu zang ɓiɓɛ ɓɔɔ wu shɛ̃ɛrɛ ɓɛɛ.

Matiyu 24:31

N naa shong zang nyaa shonang mɛɛ ɓɔɔ lapa ditɔ nɛɛ vuukãng ɓɔɔ káa dɔɔli ɓɛɛ, tɔɔ ri kpalɛ m zang mɛɛ ɓɔɔ n shɛ̃ɛrɛ ka koo keɓe piti, nɛɛ paa ɓɔɔ laa nwang nɔng, a ɓɔɔ nɛɛ dii ɓɔɔ laa hãa nyaa kagn ɓɛɛ.

Yɔhana 12:26

Zang ɓɔɔ nɛɛ shòng m shonang, wu dũng, m ka knti. Nɔng ɓɔɔ n kagn zang shonang mɛɛ nwáng doo ka nɔngkɔ. Daa mɛɛ ti naa a zang ɓɔɔ palɛ m shonang bannang katɔ.”

Yɔhana 3:33

Zang ɓɔɔ nɛɛ ta rúu ɓiɓɛ, tusu zang tɔ, nɛɛ vuu ɓɔɔ Laa kɔɔ ɓɛɛ ɓi niizang.

Rooma 6:22

A kãntang keɓe zang ta nɔɔ tɔ nɛɛ, naa vuu shi kpang palɛnang, nɔɔ kaa jaafoo Laa. Vuu keɓe shing nɔɔ, nɔɔ nwang zang ɓɔɔ shi kpang ka bii ɓarɛ kpang ɓɛɛ. Wu ti shingnɛ nɔɔ wàlɛ̀ suru bii ɓɔɔ waa nyaa kpang ɓɛɛ.

Vuu ɓɔɔ zang nwangsɛ Yɔhana 13:16

Yɔpɔ jĩngti ɓɔɔ doo knti ti shingnɛ nɛɛ zang piti, zang bang nɛɛ wujɛ, nɛɛ zang ying, nɛɛ zang ɓɔɔ vuu ka naa ɓarɛ kpang ɓɛɛ, jaafoo, nɛɛ jaa gãa, zang nɛɛ ɓang ri vuu ka nakn kpang, zang ɓang ri ka nyaating ɓarɛ.

Vuu ɓɔɔ zang nwangsɛ Yɔhana 13:17

Zang ɓɔɔ zang nɛɛ ɓang wu vuu keɓe kpang, zang yaa wu, wu hoo vuu kpang, ti mãlɛ́ vuu kpang. Vuu kɔ zang ɓang zang ɓee ɓi nung yɔpɔ jĩngti kaɓa nɛɛ lamba ɓɔɔ wukɔ nwàng kaa naa nung ɓiɓɛ ɓɛɛ.

Vuu ɓɔɔ zang nwangsɛ Yɔhana 14:1

A n shing jĩng, n zi Jaa Mɛ̀ɛrɛ́ Laa shii ka yuu kɔpɔ Siyona. Shɔnzang labang dakn laa maani tu laa ziti tu dɛ̃ɛti ri shii nɛɛ wu. Zang ɓɔɔ zang bee nung Daa ɓiɓɛ tɔ, nɛɛ nung ɓiɓɛ ka wàá nyaating ɓarɛ ɓɛɛ.

Vuu ɓɔɔ zang nwangsɛ Yɔhana 14:9

A zang nyaa shonang Laa ɓɔɔ ka lapa ɓɛɛ, ɓɔɔ daa kaa nɛɛ wukɔ taati ɓɛɛ, arɛ, a mɛɛ nyaa nabm, kɔɔyi nɛɛ, “Zang ɓɔɔ nɛɛ bang yɔpɔ jĩngti kaɓa nɛɛ vuu ɓɔɔ zang palɛ nwang wu kaɓa, nɛɛ ti kasɛ, zang nɛɛ ɓang wu vuu ɓiɓɛ ka nakn kpang, zang ɓang wu ka nyaating.

Vuu ɓɔɔ zang nwangsɛ Yɔhana 19:2

Ɓi zang ɓɔɔ palɛ vuu ɓɔɔ niizang ɓɛɛ, ti dɔ̀ng zang ruu ɓi gn dang gbete kpang. Dɔ̀ng jaa soro ɓɔɔ rakɛ wàázaa dɔɔli kaɓa, ɓɔɔ lasɛ koo nɛɛ dũndũng ɓiɓɛ ɓɛɛ, ruu tɔ. Ti wàa zang shonang ɓiɓɛ pãng zĩi ɓarɛ tɔ ka yuu ɓiɓɛ.”

Vuu ɓɔɔ zang nwangsɛ Yɔhana 20:4

A n ti zi rɛɛ laa nwannang kpanti gaagaa, zang ɓɔɔ zang a ri naa nɛɛ ri jɛ̃ɛ zang ruu ri nwalɛ kagn. N ti zi suru bii rɛɛ zang ɓɔɔ zang dɔlɔ ri yuu, ka ruu ɓɔɔ ri shing danggn tɔ, ka vuu ɓɔɔ Yeesɔ tusu ri ɓɛɛ. A ka ruu ɓɔɔ, ri kɔɔ zang Ruu Laa ɓɛɛ. Zang ɓɔɔ ri bang yɔpɔ jĩngti kpàng, ri ti bang vuu ɓɔɔ zang palɛ nwang wu katɔ kpàng ɓɛɛ. Ri ti kasɛ kpang nɛɛ zang ɓang ri vuu ɓiɓɛ ka nyaa tĩng kpang, zang ti ɓang ri ka naa kpang. Ri nwáng tɔkn nɛɛ sàa ningkãari, ri roo kpanti nɛɛ Yeesɔ Kirisi saa labang gbete. Wee paa yunang nɛɛ sàa ɓɔɔ tĩng shɔɔnang kɔ.

Vuu ɓɔɔ zang nwangsɛ Yɔhana 22:4

Ri naa zi waa nyaating Laa, zang ti bee nung ɓiɓɛ ka nyaating ɓarɛ.

Vuu ɓɔɔ zang nwangsɛ Yɔhana 6:6

N tãa yee mɔɔ kɔɔ nɛɛ nwangnɛ teteng rɛɛ vuu dɛ̃ɛti kaɓa, ɓɔɔ suru bii ɓarɛ kagn ɓɛɛ kɔɔyi nɛɛ, “Zang túu saka shonang ɓɔɔ zang palɛ ka diki gbete zang hoo zee waka gbete. Zang ti tuu saka shonang ɓɔɔ zang palɛ ka diki gbete zang hoo nyɔngkɔ waka taati. Nɔ́ɔ lasɛ nung kpang, nɔ́ɔ ti lasɛ mii inabi kpang.”

Vuu ɓɔɔ zang nwangsɛ Yɔhana 7:1

A knti weɓe, n zi rɛɛ zang nyaa shonang Laa ɓɔɔ ri kaa lapa ɓɛɛ dɛ̃ɛti, ri shiiri ka nyaa kãngkãng koo. Ri nɔɔ jasung ɓɔɔ nɛɛ wu ra nɛɛ nɔng kaɓa ɓɛɛ, nɛɛ tɔ̀ɔ, ri rà kaa takpang ka tipi, nɛɛ yuu rɛɛ waapo, a ɓɔɔ ka yuu laa ɓɔɔ ka koo ɓɛɛ.

Vuu ɓɔɔ zang nwangsɛ Yɔhana 7:2

A n zi zang nyaa shonang Laa ɓɔɔ ka lapa ɓɛɛ gbete a nɛɛ paa ɓɔɔ laa nwang nɛɛ mani ɓɛɛ. Yiti vuu ɓɔɔ Laa ɓɔɔ ɓi ningkãari ɓang ka bii vuu, zang zi vuu ɓiɓɛ nung kaa gn ɓɛɛ. A mɛɛ nyaa nabm, ɓaa nyaa ka rɛɛ zang nyaa shonang Laa ɓɔɔ ri ka lapa ɓɛɛ dɛ̃ɛti kaɓa, ɓɔɔ Laa a ri naa tɔ nɛɛ ri dang tipi nɛɛ waapo jĩng ɓɛɛ.

Vuu ɓɔɔ zang nwangsɛ Yɔhana 9:4

Zang kɔɔ ri nɛɛ, ri pálɛ̀ rɛɛ wisi nɛɛ vuu ɓɔɔ takɛ ka tipi nɛɛ rɛɛ laa vuu ɓɔɔ kpang. Zang nɛɛ ri ta ɓarɛ shɔnzang ɓɔɔ zang ɓang vuu ɓɔɔ zang zi nung kagn nɛɛ ri zang Laa ka nyaating ɓarɛ kpang kɔ shɛ̃ɛning.