Vuu ɓɔɔ zang nwangsɛ Yɔhana 6:2 - Nyaa Shɔɔ Ɓɔɔ Laa a Ɓɛɛ

² N shing jĩng tɔkn a n zi gbantang puru a kana. Zang ɓɔɔ vang ka dakn gbantang kaɓa yiti taka ka naa, a zang kãng wu lapoo yuu kpanti ɓɔɔ zang palɛ nɛɛ zinariya ka yuu. Árɛ, mɔɔ kɔɔ nɛɛ zang ɓɔɔ shaarɛ zang ka nyaa sĩiri diki diki ɓɛɛ, a daayi nɛɛ tɔ̀ɔ wu daa shaa zang tɔkn ka nɔng sĩiri.

Vuu ɓɔɔ zang nwangsɛ Yɔhana 6:2 Σταυροειδείς Αναφορές

Matiyu 28:18

A Yeesɔ arɛ naa kɔɔ ri tɔɔ, “Laa a m naa tɔ ka yuu vuu ɓɔɔ ka lapa, nɛɛ ɓɔɔ ka tipi nandon.

1 Koranti 15:25

Ɓɔɔ kãntang keɓe, ɓi Kirisi kɔ kpanti, diki ɓɔɔ Laa naa ɓa yuu zang ɓɔɔ ri shing jĩng nɛɛ Kirisi kpang nandon, wu a nɛɛ mani. Laa wu ti shing ri, Yeesɔ wu naalɛ ri nɛɛ doo.

Vuu ɓɔɔ zang nwangsɛ Yɔhana 11:15

A zang nyaa shonang Laa ɓɔɔ wukɔ wàa rɛɛ zang nyaa shonang Laa ɓɔɔ ri manziti nyaa knti ɓɛɛ, jee gboo ɓiɓɛ. A n tãlɛ yee nwangnɛ lapa, ri rang yee nabm nɛɛ, “Kpanti roonang koo keɓe, raa ɓɔɔ kpanti ɓuru tɔ, nɛɛ ɓɔɔ Kirisi ɓiɓɛ. Laa kɔ naa roo kpanti gbinggbing.”

Vuu ɓɔɔ zang nwangsɛ Yɔhana 11:18

Zang koo ɓɔ̀ɔ́gn, ɓɔɔ ri ɓarɛ zang Laa kpang, ri lasɛ yeti tɔ nɛɛ mɔɔ gbãng gbãng, a diki ɓɔɔ mɔɔ lasɛ yeti jong nɛɛ ri ti a tɔ. Diki ɓɔɔ mɔɔ dɔng zang ɓɔɔ ri vɔlɔ tɔ ruu kagn, mɔɔ ti sɔ̀ɔrɔ̀ rɛɛ zang nyaa shonang ɓaaɓɛ nɛɛ rɛɛ zang ɓaaɓɛ doo, ka ruu shonang ɓɔɔ ri palɛ ɓɛɛ. Nɛɛ rɛɛ zang bang, nɛɛ wujɛ ɓɔɔ ri a nung ɓaaɓɛ bannang katɔ ɓɛɛ. Zang ti ningsi zang ɓɔɔ bɛ̀ɛ́ ri ningsi koo ɓɛɛ.”

Vuu ɓɔɔ zang nwangsɛ Yɔhana 14:14

A n shing jĩng, n zi sãmbong puru. A zang ɓɔɔ nwàng ka yuu sãmbong kaɓa, nwang Jaa shɔnzang. Kãng lapoo yuu kpanti ɓɔɔ zang palɛ nɛɛ zinariya ɓɛɛ, ka yuu ɓiɓɛ, a yiti jangsi ɓɔɔ wɔng nyaa dɔɔli ɓɛɛ, ka naa ɓiɓɛ.

Vuu ɓɔɔ zang nwangsɛ Yɔhana 15:2

A n zi vuu ɓɔɔ nwang waapo ɓɔɔ kɔlɔ naa vĩilaa, a waa ti shaa kagn ɓɛɛ. Zang kaɓa ɓɔɔ ri ɓa yɔpɔ jĩngti kaɓa yuu ɓɛɛ, nɛɛ vuu ɓɔɔ zang palɛ nwang wu, nɛɛ lamba nung ɓiɓɛ piti ɓɛɛ, ri shiiri ka nyaa waapo kaɓa. Ri yi vũngta ɓɔɔ Laa a ri ɓɛɛ kaa naa.

Vuu ɓɔɔ zang nwangsɛ Yɔhana 17:14

Ri naa ta sĩiri nɛɛ Jaa Mɛ̀ɛrɛ́ Laa, a Jaa Mɛ̀ɛrɛ́ naa shaa ri katɔ, ka ruu ɓɔɔ, wukɔ kpanti ka yuu rɛɛ kpanti nandon. Kpanti roonang ɓiɓɛ, ɓa ɓɔɔ zang piti ɓɛɛ. Zang ɓiɓɛ ɓɔɔ wu zɔ̃ngkɔ, a ɓaa ri nyaa katɔ, ɓɔɔ ri dũng wu nɛɛ yeti gbete, ri naa shaa zang jong ka nyaa sĩiri nɛɛ wu.”

Vuu ɓɔɔ zang nwangsɛ Yɔhana 19:14

Zang sĩiri tanang ɓɔɔ ri ka lapa ɓɛɛ nandon, ri vánglɛ́ jong ka gbantang puru, a ri hãlɛ fɔ̃ɔrɔ liling puru ɓɔɔ bii rĩiti lee kagn kpang ɓɛɛ. Ri dũng wu.

Vuu ɓɔɔ zang nwangsɛ Yɔhana 3:21

Zang ɓɔɔ nɛɛ shii gbãng gbãng, nɛɛ ɓa yuu vuu gãsɛnang, n kasɛ tɔ, wu naa nwang nɛɛ n, ka laa kpanti roonang mɛɛ. Naa ɓɔɔ n ɓa yuu vuu gãsɛnang ka tĩng, n naa nwàng nɛɛ Daa mɛɛ ka laa kpanti roonang ɓiɓɛ ɓɛɛ.

Vuu ɓɔɔ zang nwangsɛ Yɔhana 9:7

Zɔɔrɔ kaɓa ri ta bii naa gbantang ɓɔɔ zang kpalɛ ri bii nɛɛ ri daa ka nyaa sĩiri ɓɛɛ. Vuu ɓɔɔ ri hãa ka yuu nwang lapoo yuu kpanti ɓɔɔ zang palɛ nɛɛ zinariya ɓɛɛ. Waa nyaating ɓarɛ nwàng ɓɔɔ shɔnzang.