Vuu ɓɔɔ zang nwangsɛ Yɔhana 6:12 - Nyaa Shɔɔ Ɓɔɔ Laa a Ɓɛɛ

¹² A ɓɔɔ Jaa Mɛɛrɛ tãa lang ɓɔɔ daa kaa mangbete, n zirɛ tipi ruutu gbãng gbãng, a làa risi kaa vĩiri kɔngkɔng naa fɔ̃ɔrɔ vĩiri ɓɔɔ zang palɛ nɛɛ suuyuu ɓɛɛ, a shala raa kaa nwɛ̃ɛri naa zĩi.

Vuu ɓɔɔ zang nwangsɛ Yɔhana 6:12 Σταυροειδείς Αναφορές

Matiyu 11:21

“Vuu gn kɔnang kagn yuu manɛ zang gari Korazing nɛɛ Bɛsɛda. Naa vuu bang ɓɔɔ zang zirɛ zang mã naa ka danggn kɔ zang palɛ ka teteng manɛ ɓee, zang nɛɛ palɛ nɔngkɔ ka Taya nɛɛ Sidong, zang ɓarɛ nɛɛ kɔ̃sɔ yeti tɔ, ri nɛɛ yaa vuu shi kpang ɓarɛ tɔ tɛ̃ɛ tɛ̃ɛ. Ri nɛɛ ti hãa sɛ̃ɛ fɔ̃ɔrɔ yeti lasɛnang tɔ. Ri nɛɛ ti tɛ̃ɛ pũngku tɔ ka yuu ɓarɛ, nɛɛ tɔ̀ɔ, zang zi kati nɛɛ ri yaa vuu shi kpang ɓarɛ tɔ ɓɛɛ.

Matiyu 24:29

“Jĩng dannang bang kaɓa nɛɛ waa nyaa tɔ hn, “ ‘laa kɔ ruu zi ka lapa ɓee, naa tɔ̀ɔ katɔ, shala ti naa yàkɛ̀ nɔng takpang sang ri ti naa shili nɛɛ lapa, vuu ɓɔɔ ka lapa piti naa rùutú katɔ.’

Matiyu 24:7

Zang tipi ɓɔɔ naa gaa nyaa ditɔ nɛɛ zang tipi ɓɔɔgn. Kpanti ɓɔɔ ti naa gaa nyaa ditɔ nɛɛ Kpanti ɓɔɔgn. Nyɔkɔ bang, nɛɛ tipi ruutunang, ri ti naa nwang ditɔ ka tipi koo dɔɔli.

Matiyu 27:45

Nɔng tɔ̀ɔ ka tipi kaɓa nandon nɛɛ laagɛ̃ sasak, laa naa kpɛ̃ɛ nɛɛ mani.

Matiyu 27:54

Yɔɔ zang bang sɔɔja, nɛɛ sɔɔja ɓɔɔ ri gãng jĩng ka Yeesɔ, ri zi naa ɓɔɔ tipi ruutu, nɛɛ vuu piti ɓɔɔ palɛ, bii kàa ri vɔrɔ. Ri tɔɔ, “Bɛ̀ɛ́ yɔɔ keɓe, Jaa Laa kɔ niizang.”

Matiyu 28:2

A tipi ruutunang ɓɔɔ bang ruutu, ka ruu ɓɔɔ, zang nyaa shonang Laa ɓɔɔ ka lapa shooro, daa ka nɔng yuu sàa, a jĩiri tari ɓɔɔ zang ku nyaa sàa nɛɛ mani, nwang ka yuu ɓiɓɛ ɓɛɛ.

Maraku 15:33

Laa kaa dãngdãng yuu, a nɔng tɔɔ ka tipi kaɓa nandon, saka taati palɛ nɛɛ mani.

Vuu ɓɔɔ zang nwangsɛ Yɔhana 11:13

Nyaa kɔ doo naa ɓee, tipi ruutu nabm, a naa zang basɛ gari bang kaɓa tìng kopi, tìng gbete ka teteng ɓarɛ jirɛ. A tipi ɓɔɔ ruutu ɓee nyɔ shɔnzang labang manziti. A zang ɓɔɔ ri yaa knti, bii kaa ri vɔrɔ dɔɔli, a ri dɔɔ Laa ɓɔɔ ka lapa ɓɛɛ kati.

Vuu ɓɔɔ zang nwangsɛ Yɔhana 16:18

Shala mangkɛ, a ti mɛɛyi, a tipi ti ruutu gbãng gbãng. Tipi ruutu gngn naa waɓa kpang ɓu doo ɓɔɔ zang ri gaayu nwannang katɔ ka koo ɓɛɛ.

Vuu ɓɔɔ zang nwangsɛ Yɔhana 16:8

Zang nyaa shonang Laa ɓɔɔ ka lapa ɓɛɛ, ɓɔɔ daa kaa dɛ̃ɛti ɓɛɛ, arɛ naa ɓaa kɔnang ɓɔɔ ka yeti waka ɓiɓɛ ka yuu làa. A zang a laa naa, wu shaa zang naa waa.

Vuu ɓɔɔ zang nwangsɛ Yɔhana 8:12

Zang nyaa shonang Laa ɓɔɔ ka lapa, ɓɔɔ daa kaa dɛ̃ɛti ɓɛɛ, jee gboo ɓiɓɛ. A tìng gbete ka teteng tìng taati ɓɔɔ zang basɛ làa, nɛɛ shala nɛɛ rɛɛ sang ɓɛɛ, ri tɔɔyi. Tìng gbete ɓɔɔ laagɛ̃ nɛɛ ɓɔɔ nɔng zĩi yakɛ kpang.

Vuu ɓɔɔ zang nwangsɛ Yɔhana 8:5

A zang nyaa shonang Laa ɓɔɔ ka lapa ɓɛɛ kaɓa, see waa nɛɛ nɔng ɓɔɔ zang dɔɔ Laa vuu kaɓa, a tɛ̃ɛ ka waka ɓɔɔ zang palɛ nɛɛ zinariya ɓɛɛ kaɓa, a tasɛ ka koo. Ɓɔɔ wu tasɛ, shala mɛɛyi, a shala ti mangnɛ, a tipi ruutu.