Vuu ɓɔɔ zang nwangsɛ Yɔhana 6:1 - Nyaa Shɔɔ Ɓɔɔ Laa a Ɓɛɛ

¹ A n zirɛ Jaa Mɛ̀ɛrɛ́ Laa, tã́a lang ɓɔɔ tĩng shɔɔnang, a n tãayi vuu gbete ka teteng vuu dɛ̃ɛti ɓɔɔ suru bii ɓarɛ kagn kaɓa, kɔɔyi, yee ɓiɓɛ naa shala mɛɛyi nɛɛ, “Arɛ.”

Vuu ɓɔɔ zang nwangsɛ Yɔhana 6:1 Σταυροειδείς Αναφορές

Yɔhana 1:29

Nɔng naa gãntɛ tɔ, a Yɔhana zi Yeesɔ a kana bìí ɓiɓɛ, a kɔɔyi nɛɛ, “Nɔɔ zirɛ, Jaa Mɛ̀ɛrɛ́ Laa kaɓa, ɓɔɔ naa shingnɛ, Laa yàá zang koo keɓe gbalang vuu shi kpang ɓɔɔ ri pàlɛ̀ ɓɛɛ kɔ.

Zang Shonang Yeesɔ 4:20

Ka ruu ɓɔɔ, ruu zunung naa ɓɔɔ ruu yaa vuu ɓɔɔ ruu zi nɛɛ jĩng ɓuru, a ruu ti tãa nɛɛ shoo ɓuru kɔɔnang kpang ɓɛɛ.”

Vuu ɓɔɔ zang nwangsɛ Yɔhana 11:19

A nyaa Gãa Laa ɓɔɔ ka lapa puuyi, zang zǐ akpaati nyaa ɓɔɔ Laa mã nɛɛ zang ɓiɓɛ kagn ɓɛɛ katɔ, ka yeti Gãa Laa. A shala mangkɛ, zang mɛɛrɛ nyaa nabm, tipi ruutu, shala mɛɛrɛ, a mii takong a dɔɔli.

Vuu ɓɔɔ zang nwangsɛ Yɔhana 13:8

Zang ɓɔɔ ri nwang ka koo nandon ri naa bang wu. Rɛɛ zang ɓɔɔ zang bee nung ɓarɛ doo tɛ̃ɛ tɛ̃ɛ kpang, ka yeti labeenang Jaa Mɛ̀ɛrɛ́ Laa, ɓɔɔ bɛ̀ɛ́ zang nyɔ wu vɔrɔ ɓɛɛ.

Vuu ɓɔɔ zang nwangsɛ Yɔhana 14:2

A n tãa yee nwangnɛ lapa naa mii zɛ̃ɛyi ka rang kɔpɔ. Ti kaa nyaa naa shala mii mɛɛyi, a ti tĩngnɛ naa zang ri wáarɛ̀ vũngta.

Vuu ɓɔɔ zang nwangsɛ Yɔhana 19:6

A n tãa vuu naa yee zang ɓɔɔ ri kpalɛ zɔɔ gaagaa ɓɛɛ. Yee ɓarɛ kaa nyaa naa mii zɛ̃ɛ ka rang kɔpɔ, a ɓɔɔ ti naa shala ɓɔɔ mɛɛ nabm ɓɛɛ. Yee bii kɔɔyi nɛɛ, “Haliluyaa, Laa ɓɔɔ wukɔ kpanti ɓuru, wukɔ ɓa zang piti, gaayu kpanti roonang tɔ.

Vuu ɓɔɔ zang nwangsɛ Yɔhana 4:8

Vuu dɛ̃ɛti ɓɔɔ suru bii kagn keɓe, vuu ɓu ta nasãng mangbete, bii ɓarɛ ɓi jĩng kɔ shɛ̃ɛning, ka dakn nɛɛ yeti piti. Ri yaa soo gáanang kpang, nɛɛ zĩi nɛɛ laagɛ̃, ri gaa soo nɛɛ, “Kpanti Laa ɓɔɔ mɔkɔ kpanti ka yuu vuu piti ɓɛɛ, shi kpang ɓi kagn bii ɓaaɓɛ kpang Mɔkɔ nwáng ɓaa ningkãari dòo ka tĩng tɛ̃ɛ tɛ̃ɛ, mɔɔ ti ɓaa ningkãari kãntang keɓe, mɔkɔ ti naa gbãayu tɔkn ka koo keɓe.”

Vuu ɓɔɔ zang nwangsɛ Yɔhana 5:1

A n zi labeenang ɓɔɔ kagn, ka nakn zang ɓɔɔ nwang ka yuu laa nwannang kpanti ɓɛɛ. Zang bèe vuu ka yeti nɛɛ biling piti a zang leng kati. Zang ɓang nyaa ɓiɓɛ nɛɛ lang nɔng manziti.

Vuu ɓɔɔ zang nwangsɛ Yɔhana 5:12

Ri gaa soo ri mɛɛ nyaa nabm nɛɛ, “Jaa Mɛ̀ɛrɛ́ ɓɔɔ bɛ̀ɛ́ zang nyɔ wu vɔrɔ ɓɛɛ, daa naa ɓɔɔ zang a wu naa vuu palɛnang tɔ, nɛɛ vuu naa, nɛɛ zũnang, nɛɛ kaka, nɛɛ bannang, nɛɛ dɔɔnang a ɓɔɔ zɔ̃ɔrɔnang.”

Vuu ɓɔɔ zang nwangsɛ Yɔhana 5:8

A ɓɔɔ daa ta labeenang kaɓa tɔ, rɛɛ zang bang bmati tu dɛ̃ɛti kaɓa, ri tang nɛɛ gutu ka tĩng Jaa Mɛ̀ɛrɛ́ kaɓa. Zang kaɓa nandon, zang ɓu yiti vũngta ka naa, nɛɛ pii ɓɔɔ zang palɛ nɛɛ zinariya ɓɛɛ. Vuu ɓɔɔ a sɛ̃ɛ tɔ̃ɔ kagn ka yeti pii ka nyaa gaagaa. Vuu ɓɔɔ a sɛ̃ɛ tɔ̃ɔ keɓe, ɓi Laa gaanang rɛɛ zang Laa.

Vuu ɓɔɔ zang nwangsɛ Yɔhana 6:3

A ɓɔɔ wu tãa lang ɓɔɔ ɓang doo ɓɔɔ tĩng shɔɔnang, n tãayi vuu ɓɔɔ ɓang doo ɓɔɔ tĩng shɔɔnang ka teteng vuu dɛ̃ɛti kaɓa, ɓɔɔ suru bii ɓarɛ kagn ɓɛɛ, ɓaa nyaa nɛɛ, “Arɛ.”

Vuu ɓɔɔ zang nwangsɛ Yɔhana 6:5

A Jaa Mɛ̀ɛrɛ́ Laa tãa lang ɓɔɔ daa kaa taati. A n ti tãa yee vuu gbete ka teteng vuu dɛ̃ɛti ɓɔɔ suru bii ɓarɛ kagn kaɓa daa kaa taati, ɓaa nyaa nɛɛ, “Arɛ.” N shing jĩng tɔkn, n zi gbantang vĩiri nwangnɛ. Zang ɓɔɔ vang ka dakn ɓiɓɛ, yiti vuu ɓɔɔ zang ma vuu nɛɛ mani ɓɛɛ.

Vuu ɓɔɔ zang nwangsɛ Yɔhana 6:7

A tãa lang ɓɔɔ tɔkn daa kaa dɛ̃ɛti, á n tãa yee vuu ɓɔɔ waa nyaa knti ka teteng rɛɛ vuu dɛ̃ɛti ɓɔɔ suru bii ɓarɛ kagn kaɓa, ɓaa nyaa nɛɛ, “Arɛ.”

Vuu ɓɔɔ zang nwangsɛ Yɔhana 8:1

Ka knti ruu keɓe, Jaa Mɛ̀ɛrɛ́ tãa lang ɓɔɔ daa kaa manziti ɓɛɛ, a zang voo nyaa kaa lapa selele, daa nung minti bmati tu kopi katɔ.