Vuu ɓɔɔ zang nwangsɛ Yɔhana 5:9 - Nyaa Shɔɔ Ɓɔɔ Laa a Ɓɛɛ

⁹ Ri gaa soo shɔɔ, ri kɔɔyi nɛɛ, “Mɔɔ daa naa tɔ, mɔɔ ta labeenang kaɓa, mɔɔ ti tãlɛ lang ɓɔɔ zang ɓang nɛɛ mani ɓɛɛ. Ka ruu ɓɔɔ, zang nyɔ mɔɔ vɔrɔ ka tĩng, a mɔɔ ta Laa yuu zang dɔɔli nɛɛ zĩi ɓaaɓɛ ɓɛɛ. Zang ɓɔɔ mɔɔ ta yuu ɓarɛ keɓe, ri nwangnɛ zɔ̃ng zang piti ka koo keɓe, nɛɛ nyaa ɓɔɔ ka koo piti, ri nwangnɛ tipi piti, a ɓɔɔ nɛɛ tipi rɛɛ kpanti ka bm bm.

Vuu ɓɔɔ zang nwangsɛ Yɔhana 5:9 Σταυροειδείς Αναφορές

Matiyu 20:28

Naa ɓɔɔ n Jaa Shɔnzang n arɛ, nɛɛ zang shong m shonang kpang, n arɛ nɛɛ n shong m zang kɔ jong, n ti mãlɛ́ bii mɛɛ ka ruu zang dɔɔli nɛɛ tɔɔ n ta yuu ɓarɛ.”

Matiyu 26:28

Wee zĩi mɛɛ ɓɔɔ naa tusu zang nɛɛ nyaa shɔɔ ɓɔɔ Laa kɔɔ zang, naa nwang kaa niizang ɓɛɛ. Zĩi mɛɛ ɓɔɔ n tɛ̃ɛ ka ruu zang dɔɔli, nɛɛ tɔ̀ɔ Laa wu kɔsɔ ri vuu shi kpang ɓarɛ kati ɓɛɛ.

Zang Shonang Yeesɔ 20:28

Nɔɔ gãng jĩng ka yuu manɛ nɛɛ zang ɓɔɔ Suru Laa, a ri nɔɔ ka naa ɓɛɛ waasɛ̃. Nɔɔ nwang jagãng zang ɓɔɔ ri dũng Laa, ɓɔɔ ri nwàng ka ruu ɓɔɔ, wu hoo ri nɛɛ zĩi Jaa ɓiɓɛ ɓɛɛ.

1 Koranti 6:20

Ka ruu ɓɔɔ, hoo nɔɔ nɛɛ zĩi Yeesɔ Kirisi ɓɛɛ. Ka ruu nɔngkɔ, nɔɔ a Laa bannang nɛɛ bii manɛ.

1 Koranti 7:23

Laa ningsi vuu ɓɔɔ tɔ̃ɔ, a hoo nɔɔ nɛɛ mani. Nɔɔ tɔ̀ɔ́ jaafòó shɔnzang kpang, nɔɔ manɛ kaa jaafòó Yeesɔ Kirisi.

Afisa 1:7

Vɔrɔ Yeesɔ kɔ shingnɛ, Laa ta yuu ɓuru, a yaa ruu gbalang vuu shi kpang ɓuru. Ruu zi ka wukɔ nɛɛ tɔ̃ɔ Laa bang ɓi dɔɔli.

Afisa 5:19

Nɔɔ rang zɔɔ yee nɛɛ soo ɓɔɔ nɔɔ dɔɔ Kirisi nɛɛ mani ɓɛɛ, nɛɛ soo ɓɔɔ nɔɔ zãa wu nɛɛ mani, a ɓɔɔ nɛɛ soo ɓɔɔ Suru Laa kpɛ̃ɛrɛ zang ɓɛɛ. Nɔɔ gaa soo, nɔ́ɔ dɔɔ Kirisi ka yeti manɛ.

Kolosi 1:14

Jaa ɓɔɔ zang ta yuu ɓuru nɛɛ bii ɓiɓɛ, a zang yàa ruu gbalang vuu shi kpang ɓɔɔ rùu palɛ ɓɛɛ.

Kolosi 1:23

Nɔɔ yi tĩng manɛ ka danggn ɓɔɔ nɔɔ shing ɓɛɛ. Vuu ɓɔɔ wu kɔsɔ nɔɔ ka vuu gn shinnang ɓɔɔ nɔɔ walɛ ka ɓɔɔ nɔɔ tãa Ruu Tɔ̃ɔ Laa ɓɛɛ kpang. Ka ruu Ruu Tɔ̃ɔ keɓe kɔ, n Bulu n raa zang shonang. Ruu Tɔ̃ɔ ɓɔɔ zang kɔɔ zang tɔ nandon ka koo ɓɛɛ.

Titu 2:14

Yeesɔ a yuu ɓiɓɛ ka ruu ɓuru nɛɛ wu ta ruu nɛɛ naa vuu shi kpang nandon. Wu shing ruu, ruu nwang zang ɓiɓɛ kɔ bm gbete. Wu shing rùu rúu nwang zang ɓɔɔ ri kpalɛ bii tɔ, nɛɛ ri palɛ vuu ɓɔɔ tɔ̃ɔ ɓɛɛ.

Yahudi 11:14

Zang ɓɔɔ ri kɔɔ ruu naa weɓe, ri tusu ɓarɛ nɛɛ, ri kãa ɓarɛ dòo tipi ɓarɛ.

2 Bituru 2:1

Ka tĩng tɛ̃ɛ tɛ̃ɛ, zang nyaa shonang Laa ɓɔɔ sèé, ri nwáng nyaa ka teteng rɛɛ zang Laa. Kãntang keɓe dòo nɔngkɔ, maalang ɓɔɔ ri tusu zang vuu sèé, ri naa nwang nyaa ditɔ ka teteng manɛ. Ri naa arɛ, ri tusu zang vuu sèé ɓɔɔ shing zang, ri ning gbalang ɓɛɛ. Ri naa làá nyaa nɛɛ ri zi dabang ɓuru Yeesɔ Kirisi ɓɔɔ tá yuu ɓarɛ ka vuu shi kpang ɓarɛ kpang. Ka ruu vuu kɔ ri palɛ ɓee, diki bee kpang, jĩng dannang bang a ditɔ ka yuu ɓarɛ, wu nyɔkɔ ri vɔrɔ.

1 Yɔhana 1:7

Ruu nɛɛ nwang ka nɔng ɓɔɔ yakɛ katɔ naa wukɔ, ruu nwang katɔ nyaa zɔɔ tɔ̃ɔ tɔ̃ɔ. Zĩi Jaa ɓiɓɛ Yeesɔ sɔɔ ruu vuu shi kpang ɓuru katɔ nandon.

1 Yɔhana 2:2

Laa yàa ruu gbalang vuu shi kpang ɓuru ka ruu vɔrɔ ɓɔɔ Yeesɔ vɔ ɓɛɛ. Vɔ ka ruu vuu shi kpang ɓuru kɔ shɛ̃ɛning kpang, ka ruu vuu shi kpang zang koo piti.

Vuu ɓɔɔ zang nwangsɛ Yɔhana 10:11

A zang ɓɔɔ kɔɔ m nɛɛ, “Daa tɔkn mɔɔ daa kɔɔ ruu ka yuu zang koolaa ɓɔɔ nyaa ɓarɛ ka bm bm ɓɛɛ, nɛɛ rɛɛ kpanti ɓarɛ.”

Vuu ɓɔɔ zang nwangsɛ Yɔhana 11:9

Zang ɓɔɔ ri nwangnɛ zɔ̃ng zang piti, nɛɛ nɔng piti ka koo, ɓɔɔ nyaa ɓarɛ ka bm bm ɓɛɛ, ri naa pɛ̃ɛrɛ vɔrɔ ɓarɛ, diki ɓa katɔ taati nɛɛ nyaa gãasa. Ri zã́a zang vɔrɔ rɛɛ zang keɓe gbãanang katɔ.

Vuu ɓɔɔ zang nwangsɛ Yɔhana 13:7

A zang ti yaa wu nɛɛ wu ta sĩiri nɛɛ rɛɛ zang Laa wu ti shaa ri. A zang a wu naa wu roo kpanti ka yuu zɔ̃ng zang ka nɔng piti ka koo, nɛɛ zang ɓɔɔ ri rangkɛ nyaa ka bm bm ɓɛɛ.

Vuu ɓɔɔ zang nwangsɛ Yɔhana 13:8

Zang ɓɔɔ ri nwang ka koo nandon ri naa bang wu. Rɛɛ zang ɓɔɔ zang bee nung ɓarɛ doo tɛ̃ɛ tɛ̃ɛ kpang, ka yeti labeenang Jaa Mɛ̀ɛrɛ́ Laa, ɓɔɔ bɛ̀ɛ́ zang nyɔ wu vɔrɔ ɓɛɛ.

Vuu ɓɔɔ zang nwangsɛ Yɔhana 14:6

A n zi zang nyaa shonang Laa ɓɔɔ ka lapa ɓɛɛ ɓɔɔgn, tãa ka lapa. Atɛ Ruu Tɔ̃ɔ Laa ɓɔɔ di nyaa kpang ɓɛɛ, ɓɔɔ wu naa daa kɔɔrɔ zang ɓɔɔ ri nwang ka koo ɓɛɛ, nɛɛ zɔ̃ng zang piti, nɛɛ nɔng piti ka koo, a ɓɔɔ zang ɓɔɔ ri rangkɛ nyaa ka bm bm ɓɛɛ.

Vuu ɓɔɔ zang nwangsɛ Yɔhana 15:3

Ri gaa soo ɓɔɔ Musa zang nyaa shonang Laa ri gaa ɓɛɛ, a Jaa Mɛ̀ɛrɛ́ ti gáa jong ɓɛɛ, ri kɔɔyi nɛɛ, “Laa ɓɔɔ mɔkɔ kpanti ɓuru ɓɛɛ, ɓɔɔ mɔɔ ɓa zang piti katɔ ɓɛɛ. Shonang ɓaaɓɛ bang dɔɔli, ti shing zang, zang mã naa ka danggn. Mɔkɔ kpanti zang ɓɔɔ ri ka koo nandon Vuu ɓɔɔ mɔɔ palɛ ɓɛɛ, ɓi tɔ̃ɔ, a mɔɔ ti zang ɓɔɔ palɛ vuu ɓɔɔ niizang.

Vuu ɓɔɔ zang nwangsɛ Yɔhana 17:15

A zang nyaa shonang Laa ɓɔɔ ka lapa ɓɛɛ kaɓa, kɔɔ m nɛɛ, “Mii ɓɔɔ mɔɔ zi jaa soro ɓɔɔ rakɛ wàázaa dɔɔli nwang ka yuu ɓiɓɛ kaɓa, ɓi zang dɔɔli ɓɔɔ ka tipi piti, ka nɔng piti ka koo, ɓɔɔ ri ti rangkɛ nyaa ka bm bm ɓɛɛ.

Vuu ɓɔɔ zang nwangsɛ Yɔhana 4:11

“Laa ɓɔɔ mɔkɔ kpanti ɓuru ɓɛɛ, mɔkɔ daa naa ɓɔɔ zang bang mɔɔ, zang dɔɔ mɔɔ, a naa vuu palɛnang piti ka naa ɓaaɓɛ kɔ. Mɔkɔ mã́arɛ̀ vuu piti ka tĩng tɛ̃ɛ tɛ̃ɛ, a mɔkɔ ti kasɛ nɛɛ ri nwalɛ naa weɓe, a mɔɔ mã́arɛ̀ ri kati.”

Vuu ɓɔɔ zang nwangsɛ Yɔhana 5:12

Ri gaa soo ri mɛɛ nyaa nabm nɛɛ, “Jaa Mɛ̀ɛrɛ́ ɓɔɔ bɛ̀ɛ́ zang nyɔ wu vɔrɔ ɓɛɛ, daa naa ɓɔɔ zang a wu naa vuu palɛnang tɔ, nɛɛ vuu naa, nɛɛ zũnang, nɛɛ kaka, nɛɛ bannang, nɛɛ dɔɔnang a ɓɔɔ zɔ̃ɔrɔnang.”

Vuu ɓɔɔ zang nwangsɛ Yɔhana 5:6

A n zi Jaa mɛ̀ɛrɛ́ shii ka nɔng laa nwannang kpanti naabm, a rɛɛ vuu dɛ̃ɛti ɓɔɔ suru bii ɓarɛ kagn kaɓa, nɛɛ zang bang bmati tu dɛ̃ɛti ri kiiri wu nyaa ka teteng. Jaa mɛɛrɛ bìí mɔɔ kɔɔ nɛɛ bɛ̀ɛ́ zang yée katɔ ka tĩng. Ta jee manziti, a jĩng ɓiɓɛ ti manziti. Rɛɛ jĩng manziti keɓe, ɓi rikɔ Suru Laa manziti ɓɔɔ zang shing ka dalɛ koo piti piti ɓɛɛ.