Vuu ɓɔɔ zang nwangsɛ Yɔhana 5:8 - Nyaa Shɔɔ Ɓɔɔ Laa a Ɓɛɛ

⁸ A ɓɔɔ daa ta labeenang kaɓa tɔ, rɛɛ zang bang bmati tu dɛ̃ɛti kaɓa, ri tang nɛɛ gutu ka tĩng Jaa Mɛ̀ɛrɛ́ kaɓa. Zang kaɓa nandon, zang ɓu yiti vũngta ka naa, nɛɛ pii ɓɔɔ zang palɛ nɛɛ zinariya ɓɛɛ. Vuu ɓɔɔ a sɛ̃ɛ tɔ̃ɔ kagn ka yeti pii ka nyaa gaagaa. Vuu ɓɔɔ a sɛ̃ɛ tɔ̃ɔ keɓe, ɓi Laa gaanang rɛɛ zang Laa.

Vuu ɓɔɔ zang nwangsɛ Yɔhana 5:8 Σταυροειδείς Αναφορές

Yɔhana 1:29

Nɔng naa gãntɛ tɔ, a Yɔhana zi Yeesɔ a kana bìí ɓiɓɛ, a kɔɔyi nɛɛ, “Nɔɔ zirɛ, Jaa Mɛ̀ɛrɛ́ Laa kaɓa, ɓɔɔ naa shingnɛ, Laa yàá zang koo keɓe gbalang vuu shi kpang ɓɔɔ ri pàlɛ̀ ɓɛɛ kɔ.

Yɔhana 5:23

Tɔ̀ɔ, zang ri á Jaa bannang kati, naa ɓɔɔ ri á Daa ɓɛɛ. Zang ɓɔɔ nɛɛ á Jaa bannang kpang, á Daa ɓɔɔ shong wu bannang doo kpang kɔ.

Yahudi 1:6

A kɔɔ tɔkn, ka ɓɔɔ Laa nwangsɛ jamari ɓiɓɛ ka koo, kɔɔyi tɔɔ, “Zang nyaa shonang Laa ɓɔɔ ri ka lapa nandon ri bang wu ta.”

Vuu ɓɔɔ zang nwangsɛ Yɔhana 13:8

Zang ɓɔɔ ri nwang ka koo nandon ri naa bang wu. Rɛɛ zang ɓɔɔ zang bee nung ɓarɛ doo tɛ̃ɛ tɛ̃ɛ kpang, ka yeti labeenang Jaa Mɛ̀ɛrɛ́ Laa, ɓɔɔ bɛ̀ɛ́ zang nyɔ wu vɔrɔ ɓɛɛ.

Vuu ɓɔɔ zang nwangsɛ Yɔhana 15:2

A n zi vuu ɓɔɔ nwang waapo ɓɔɔ kɔlɔ naa vĩilaa, a waa ti shaa kagn ɓɛɛ. Zang kaɓa ɓɔɔ ri ɓa yɔpɔ jĩngti kaɓa yuu ɓɛɛ, nɛɛ vuu ɓɔɔ zang palɛ nwang wu, nɛɛ lamba nung ɓiɓɛ piti ɓɛɛ, ri shiiri ka nyaa waapo kaɓa. Ri yi vũngta ɓɔɔ Laa a ri ɓɛɛ kaa naa.

Vuu ɓɔɔ zang nwangsɛ Yɔhana 15:7

Vuu gbete ka teteng vuu dɛ̃ɛti ɓɔɔ suru bii ɓarɛ kagn kaɓa, álɛ́ rɛɛ zang nyaa shonang Laa ɓɔɔ ri ka lapa ɓɛɛ ɓɔɔ ri manziti ɓɛɛ kaɓa, waka ɓɔɔ zang palɛ nɛɛ zinariya gbete gbete. Laa ɓɔɔ nwáng ɓi ningkãari dòndòng ɓɛɛ, gnvɔ ɓiɓɛ yiki nyaa waka katɔ.

Vuu ɓɔɔ zang nwangsɛ Yɔhana 19:4

A rɛɛ zang bang bmati tu dɛ̃ɛti kaɓa, nɛɛ vuu dɛ̃ɛti ɓɔɔ suru bii ɓarɛ kagn kaɓa, ri tang jong ka tĩng Laa, ɓɔɔ nwang ka yuu laa nwannang kpanti ɓɛɛ. Ri bang wu, ri kɔɔyi nɛɛ, “Nɔngkɔ. Haliluyaa.”

Vuu ɓɔɔ zang nwangsɛ Yɔhana 4:10

rɛɛ zang bang bmati tu dɛ̃ɛti kaɓa, ri tang zang ɓɔɔ nwàng ka laa kpanti ɓɔɔ nwáng ɓi ningkãari dòndòng kaɓa nɛɛ gutu, ri bang wu. Ri ti tu lapoo ɓɔɔ ri kãng ka yuu, ɓɔɔ zang palɛ nɛɛ zinariya ɓɛɛ, ri shing ka tipi ka tĩng zang kaɓa, ri ti gàá wu soo nɛɛ,

Vuu ɓɔɔ zang nwangsɛ Yɔhana 4:4

Láa nwannang kpanti ɓɔɔ ri ti kagn bmati tu dɛ̃ɛti, ri kiiri laa nwannang kpanti ɓɔɔ gbete keɓe nyaa ka teteng. Zang bang, ri bmati tu dɛ̃ɛti ri nwalɛ ka yuu rɛɛ laa kaɓa, zang ɓu hãa fɔ̃ɔrɔ puru wu ti kãng lapoo kpanti ɓɔɔ zang palɛ nɛɛ zinariya ɓɛɛ ka yuu.

Vuu ɓɔɔ zang nwangsɛ Yɔhana 4:6

Ka tĩng laa nwannang kpanti kaɓa, n ti zi vuu ɓɔɔ nwàng naa mii waapo kɔlɔ katɔ puru naa vĩilaa. Vuu dɛ̃ɛti ɓɔɔ suru bii ɓarɛ kagn ri shiiri ka nɔng laa nwannang kpanti kaɓa, ri kiiri laa nyaa ka teteng, ka nakn ziti, ka nagang ziti. Ri takɛ jĩng dɔɔli nɛɛ bii piti piti, ɓɔɔ ka tĩng, ɓɔɔ ka knti.

Vuu ɓɔɔ zang nwangsɛ Yɔhana 4:8

Vuu dɛ̃ɛti ɓɔɔ suru bii kagn keɓe, vuu ɓu ta nasãng mangbete, bii ɓarɛ ɓi jĩng kɔ shɛ̃ɛning, ka dakn nɛɛ yeti piti. Ri yaa soo gáanang kpang, nɛɛ zĩi nɛɛ laagɛ̃, ri gaa soo nɛɛ, “Kpanti Laa ɓɔɔ mɔkɔ kpanti ka yuu vuu piti ɓɛɛ, shi kpang ɓi kagn bii ɓaaɓɛ kpang Mɔkɔ nwáng ɓaa ningkãari dòo ka tĩng tɛ̃ɛ tɛ̃ɛ, mɔɔ ti ɓaa ningkãari kãntang keɓe, mɔkɔ ti naa gbãayu tɔkn ka koo keɓe.”

Vuu ɓɔɔ zang nwangsɛ Yɔhana 5:11

A n shing jĩng n zi zang nyaa shonang Laa ɓɔɔ ri ka lapa ɓɛɛ, ri labang labang gaagaa daa ɓɔɔ zang gã ri kpang. A n ti tãa yee ɓarɛ. Ri shiiri, ri kiiri laa nwannang kpanti nɛɛ rɛɛ vuu dɛ̃ɛti ɓɔɔ suru bii ɓarɛ kagn ɓɛɛ, nyaa ka teteng.

Vuu ɓɔɔ zang nwangsɛ Yɔhana 5:12

Ri gaa soo ri mɛɛ nyaa nabm nɛɛ, “Jaa Mɛ̀ɛrɛ́ ɓɔɔ bɛ̀ɛ́ zang nyɔ wu vɔrɔ ɓɛɛ, daa naa ɓɔɔ zang a wu naa vuu palɛnang tɔ, nɛɛ vuu naa, nɛɛ zũnang, nɛɛ kaka, nɛɛ bannang, nɛɛ dɔɔnang a ɓɔɔ zɔ̃ɔrɔnang.”

Vuu ɓɔɔ zang nwangsɛ Yɔhana 5:14

A rɛɛ vuu dɛ̃ɛti ɓɔɔ suru bii ɓarɛ kagn kaɓa, ri kasɛ nyaa nɛɛ, “Wu nwang nɔngkɔ.” Rɛɛ zang bang bmati tu dɛ̃ɛti kaɓa ri tang jong ka tĩng zang ɓɔɔ nwàng ka laa nwannang kpanti nɛɛ Jaa Mɛ̀ɛrɛ́ ri bang ri.

Vuu ɓɔɔ zang nwangsɛ Yɔhana 5:6

A n zi Jaa mɛ̀ɛrɛ́ shii ka nɔng laa nwannang kpanti naabm, a rɛɛ vuu dɛ̃ɛti ɓɔɔ suru bii ɓarɛ kagn kaɓa, nɛɛ zang bang bmati tu dɛ̃ɛti ri kiiri wu nyaa ka teteng. Jaa mɛɛrɛ bìí mɔɔ kɔɔ nɛɛ bɛ̀ɛ́ zang yée katɔ ka tĩng. Ta jee manziti, a jĩng ɓiɓɛ ti manziti. Rɛɛ jĩng manziti keɓe, ɓi rikɔ Suru Laa manziti ɓɔɔ zang shing ka dalɛ koo piti piti ɓɛɛ.

Vuu ɓɔɔ zang nwangsɛ Yɔhana 6:1

A n zirɛ Jaa Mɛ̀ɛrɛ́ Laa, tã́a lang ɓɔɔ tĩng shɔɔnang, a n tãayi vuu gbete ka teteng vuu dɛ̃ɛti ɓɔɔ suru bii ɓarɛ kagn kaɓa, kɔɔyi, yee ɓiɓɛ naa shala mɛɛyi nɛɛ, “Arɛ.”