Vuu ɓɔɔ zang nwangsɛ Yɔhana 5:5 - Nyaa Shɔɔ Ɓɔɔ Laa a Ɓɛɛ

⁵ A zang bang gbete ka teteng rɛɛ zang bang bmati tu dɛ̃ɛti kaɓa, kɔɔ m nɛɛ, “Mɔɔ kaa kpang, zirɛ, yɔɔ ɓɔɔ zang ɓaa wu nɛɛ Zing, nwangnɛ teteng zang Yahuda ɓɔɔ ti zang bang zɔ̃ng Dawuda, ɓa yuu vuu piti tɔ. Daa naa ɓɔɔ wu tãlɛ lang ɓɔɔ zang ɓang labeenang kaɓa nɛɛ mani nɔng manziti kaɓa tɔ, wu puuyi.”

Vuu ɓɔɔ zang nwangsɛ Yɔhana 5:5 Σταυροειδείς Αναφορές

Luka 23:28

A Yeesɔ raa jĩng kɔɔ ri nɛɛ, “Zang soro gari Urushalima, nɔ́ɔ kaa nyavɔ, ka ruu mɛɛ kpang, nɔɔ kaa ka ruu yuu manɛ, nɛɛ wujɛ manɛ.

Luka 7:13

Ɓɔɔ Yeesɔ zi suvɔ ɓɔɔ jaa ɓiɓɛ vɔrɛ, gn ɓiɓɛ kɔng wu, a kɔɔ wu tɔɔ, “Mɔɔ kaa kpang.”

Luka 8:52

Zang ɓɔɔ ri ka nɔng nandon ri kaa ɓarɛ kana, zang ɓɔɔ ri ti ku naa yuu ka ruu jaa ɓɔɔ vɔ ɓɛɛ. A Yeesɔ kɔɔ ri tɔɔ, “Nɔ́ɔ kaa kpang, vɔ ɓi ka takpang, roo ɓi katɔ waati.”

Yɔhana 20:13

Ri hɛ̃ɛlɛ Marayamu nɛɛ, “Jaa soro, mɔɔ kaa viya?” Marayamu kasɛ ri nyaa tɔɔ, “Zang tuu Kpanti mɛɛ tɔ, n zi nɔng ɓɔɔ zang shing wu kagn kpang.”

Rooma 1:3

Ruu keɓe, ɓi ka yuu Jaa ɓiɓɛ Kpanti ɓuru Yeesɔ Kirisi. Ka bii shɔnzang, wu ɓi zɔ̃ng Dawuda.

Rooma 15:12

Ishaya ti kɔɔyi nɛɛ, “Zɔ̃ng Jeesi gbete a ditɔ, zang naa nwangsɛ wu, wu nwang kpanti zang ɓɔɔ ri zang Yahudi kpang ɓɛɛ, a ri naa shing gn ɓarɛ ka bii ɓiɓɛ”.

Yahudi 7:14

Zang zi tɔ piti nɛɛ Kpanti ɓuru Yeesɔ nwáng ɓi nɛɛ zɔ̃ng Yahuda. Musa kɔɔ vuu ɓɔɔ katɔ ka yuu zɔ̃ng zang keɓe, nɛɛ zang gbete ka teteng ɓarɛ naa nwang zang ɓɔɔ dɔɔ vuu ka Gãa Laa kpang. Ka ɓɔɔ wu rang yee ka yuu zang ɓɔɔ ri dɔ̀ɔ́ Laa vuu ɓɛɛ.

Vuu ɓɔɔ zang nwangsɛ Yɔhana 1:1

Wee vuu ɓɔɔ Yeesɔ Kirisi nwangsɛ zang, ɓɔɔ Laa á wu nɛɛ wu tusu zang ɓɔɔ ri pàlɛ́ Laa shonang nɛɛ tɔ̀ɔ, ri zi vuu ɓɔɔ naa palɛ diki bee takpang ɓɛɛ. A Yeesɔ shong zang nyaa shonang Laa ɓɔɔ ka lapa ɓɛɛ, ka bii zang shonang ɓiɓɛ Yɔhana nɛɛ tɔ̀ɔ wu tusu wu rɛɛ vuu keɓe.

Vuu ɓɔɔ zang nwangsɛ Yɔhana 22:16

Yeesɔ ti kɔɔyi nɛɛ, “Nkɔ Yeesɔ, n shong zang nyaa shonang mɛɛ ɓɔɔ ka lapa ɓɛɛ tɔ, ka nɔng manɛ nɛɛ wu kɔɔ nɔɔ vuu keɓe, ka rɛɛ gãa Laa ɓɔɔ zang ɓɔɔ ri dũng Laa ri kpalɛ zɔɔ kagn ɓɛɛ. N m zɔ̃ng zang kpanti Dawuda. Nkɔ ti sang ɓɔɔ yakɛ nɔng nɛɛ yuu gãndi ɓɛɛ.”

Vuu ɓɔɔ zang nwangsɛ Yɔhana 3:21

Zang ɓɔɔ nɛɛ shii gbãng gbãng, nɛɛ ɓa yuu vuu gãsɛnang, n kasɛ tɔ, wu naa nwang nɛɛ n, ka laa kpanti roonang mɛɛ. Naa ɓɔɔ n ɓa yuu vuu gãsɛnang ka tĩng, n naa nwàng nɛɛ Daa mɛɛ ka laa kpanti roonang ɓiɓɛ ɓɛɛ.

Vuu ɓɔɔ zang nwangsɛ Yɔhana 4:10

rɛɛ zang bang bmati tu dɛ̃ɛti kaɓa, ri tang zang ɓɔɔ nwàng ka laa kpanti ɓɔɔ nwáng ɓi ningkãari dòndòng kaɓa nɛɛ gutu, ri bang wu. Ri ti tu lapoo ɓɔɔ ri kãng ka yuu, ɓɔɔ zang palɛ nɛɛ zinariya ɓɛɛ, ri shing ka tipi ka tĩng zang kaɓa, ri ti gàá wu soo nɛɛ,

Vuu ɓɔɔ zang nwangsɛ Yɔhana 4:4

Láa nwannang kpanti ɓɔɔ ri ti kagn bmati tu dɛ̃ɛti, ri kiiri laa nwannang kpanti ɓɔɔ gbete keɓe nyaa ka teteng. Zang bang, ri bmati tu dɛ̃ɛti ri nwalɛ ka yuu rɛɛ laa kaɓa, zang ɓu hãa fɔ̃ɔrɔ puru wu ti kãng lapoo kpanti ɓɔɔ zang palɛ nɛɛ zinariya ɓɛɛ ka yuu.

Vuu ɓɔɔ zang nwangsɛ Yɔhana 5:4

Ka ruu nɔngkɔ n kaa gbãng gbãng, ka ruu ɓɔɔ, zang ɓɔɔ kagn ɓɔɔ daa naa ɓɔɔ wu puu labeenang kaɓa, wu gã vuu ɓɔɔ zang bee gn kpang ɓɛɛ.

Vuu ɓɔɔ zang nwangsɛ Yɔhana 6:1

A n zirɛ Jaa Mɛ̀ɛrɛ́ Laa, tã́a lang ɓɔɔ tĩng shɔɔnang, a n tãayi vuu gbete ka teteng vuu dɛ̃ɛti ɓɔɔ suru bii ɓarɛ kagn kaɓa, kɔɔyi, yee ɓiɓɛ naa shala mɛɛyi nɛɛ, “Arɛ.”

Vuu ɓɔɔ zang nwangsɛ Yɔhana 7:13

A zang bang gbete hɛ̃ɛ m nɛɛ, “Zang kɔ ri hãlɛ fɔ̃ɔrɔ puru ɓee, mɔɔ zi ri nung tɔ ya? Mɔɔ ti zi nɔng ɓɔɔ ri alɛ nɛɛ mani tɔ ya?”