Zang kaɓa nandon, ri shii ka tĩng laa nwannang Kpanti Laa, nɛɛ tĩng rɛɛ vuu dɛ̃ɛti ɓɔɔ suru bii ɓarɛ kagn ɓɛɛ, nɛɛ tĩng rɛɛ zang bang bmati tu dɛ̃ɛti kaɓa, ri gaa soo shɔɔ. Zang ɓɔɔ zunung ɓɔɔ wu mantɛ soo kaɓa kagn kpang, ɓi zang labang dakn laa maani tu laa ziti tu dɛ̃ɛti kɔ zunung shɛ̃ɛning. Rikɔ zang ɓɔɔ zang tà yuu ɓarɛ nɛɛ koo ɓɛɛ.
Vuu ɓɔɔ zang nwangsɛ Yɔhana 4:6 - Nyaa Shɔɔ Ɓɔɔ Laa a Ɓɛɛ6 Ka tĩng laa nwannang kpanti kaɓa, n ti zi vuu ɓɔɔ nwàng naa mii waapo kɔlɔ katɔ puru naa vĩilaa. Vuu dɛ̃ɛti ɓɔɔ suru bii ɓarɛ kagn ri shiiri ka nɔng laa nwannang kpanti kaɓa, ri kiiri laa nyaa ka teteng, ka nakn ziti, ka nagang ziti. Ri takɛ jĩng dɔɔli nɛɛ bii piti piti, ɓɔɔ ka tĩng, ɓɔɔ ka knti. Δείτε το κεφάλαιο |
Vuu ɓɔɔ zang nwangsɛ Yɔhana 4:6
25 Σταυροειδείς Αναφορές
A n zi Jaa mɛ̀ɛrɛ́ shii ka nɔng laa nwannang kpanti naabm, a rɛɛ vuu dɛ̃ɛti ɓɔɔ suru bii ɓarɛ kagn kaɓa, nɛɛ zang bang bmati tu dɛ̃ɛti ri kiiri wu nyaa ka teteng. Jaa mɛɛrɛ bìí mɔɔ kɔɔ nɛɛ bɛ̀ɛ́ zang yée katɔ ka tĩng. Ta jee manziti, a jĩng ɓiɓɛ ti manziti. Rɛɛ jĩng manziti keɓe, ɓi rikɔ Suru Laa manziti ɓɔɔ zang shing ka dalɛ koo piti piti ɓɛɛ.
A ɓɔɔ daa ta labeenang kaɓa tɔ, rɛɛ zang bang bmati tu dɛ̃ɛti kaɓa, ri tang nɛɛ gutu ka tĩng Jaa Mɛ̀ɛrɛ́ kaɓa. Zang kaɓa nandon, zang ɓu yiti vũngta ka naa, nɛɛ pii ɓɔɔ zang palɛ nɛɛ zinariya ɓɛɛ. Vuu ɓɔɔ a sɛ̃ɛ tɔ̃ɔ kagn ka yeti pii ka nyaa gaagaa. Vuu ɓɔɔ a sɛ̃ɛ tɔ̃ɔ keɓe, ɓi Laa gaanang rɛɛ zang Laa.
N tãa yee mɔɔ kɔɔ nɛɛ nwangnɛ teteng rɛɛ vuu dɛ̃ɛti kaɓa, ɓɔɔ suru bii ɓarɛ kagn ɓɛɛ kɔɔyi nɛɛ, “Zang túu saka shonang ɓɔɔ zang palɛ ka diki gbete zang hoo zee waka gbete. Zang ti tuu saka shonang ɓɔɔ zang palɛ ka diki gbete zang hoo nyɔngkɔ waka taati. Nɔ́ɔ lasɛ nung kpang, nɔ́ɔ ti lasɛ mii inabi kpang.”
Διαφημίσεις