Vuu ɓɔɔ zang nwangsɛ Yɔhana 4:2 - Nyaa Shɔɔ Ɓɔɔ Laa a Ɓɛɛ

² Nyaa kɔ dòó naa ɓee, Suru Laa a ka bii mɛɛ. Ka lapa ka nɔng kaɓa, n zi láa nwannang kpanti, a zang ɓɔɔ nwang ka yuu ɓiɓɛ.

Vuu ɓɔɔ zang nwangsɛ Yɔhana 4:2 Σταυροειδείς Αναφορές

Matiyu 22:43

Yeesɔ hɛ̃ɛ ri tɔɔ, “A ka ruu vi, Suru Laa tusu Dawuda gbalang, a zirɛ, a ɓaa Kirisi nɛɛ, ‘Kpanti’ viya? Ka ruu ɓɔɔ, Dawuda kɔɔyi tɔɔ,

Yahudi 8:1

Gbãng gbãng ruu ɓɔɔ ruu kɔɔrɔ ɓɛɛ keɓe. Kpanti zang ɓɔɔ ri dɔɔ Laa vuu, ɓɔɔ ɓuru kagn naa weɓe, ɓɔɔ nwang ka nakn laa nwannang Kpanti Laa ɓɔɔ bannang piti ɓi ɓɔɔ ɓiɓɛ ɓɛɛ, ka lapa.

Vuu ɓɔɔ zang nwangsɛ Yɔhana 1:10

Ka nɔng kaɓa, ka lee Laadi, Suru Laa a ka bii mɛɛ, a n nwang kaa naa n rɔ̃kɔ katɔ. N tãa yee zang mɛɛ nyaa ka knti mɛɛ nabm naa gboo.

Vuu ɓɔɔ zang nwangsɛ Yɔhana 12:5

A jaa soro yi jaa zang varɛ, ɓɔɔ naa roo kpanti ka yuu zang koo nandon ɓɛɛ. Laa ɓɔɔ kpanti yiti ka naa, ɓɔɔ ɓiɓɛ, zang palɛ nɛɛ saka. Ka ɓɔɔ jaa nwang hn, zang tantɛ wu tuunang raayi, zang daa nɛɛ wu ka bii Laa, ka nɔng ɓɔɔ wu nwang ka yuu laa nwannang kpanti ɓɛɛ.

Vuu ɓɔɔ zang nwangsɛ Yɔhana 17:3

A Suru Laa a kaa bii mɛɛ, a zang nyaa shonang Laa ɓɔɔ ka lapa ɓɛɛ kaɓa, tuu m daa nɛɛ n ka jĩngti. A n zi jaa soro ka nɔng, nwáng kaa yɔpɔ jĩngti ɓɔɔ ta bii nwɛ̃ɛri ɓɛɛ. Yɔpɔ bìí zang beere nung shi kpang ɓɔɔ zang dãlɛ Laa nɛɛ mani ka bii ɓiɓɛ nandon. Yɔpɔ bìí yuu ɓiɓɛ manziti, a takɛ jee kagn kopi.

Vuu ɓɔɔ zang nwangsɛ Yɔhana 19:4

A rɛɛ zang bang bmati tu dɛ̃ɛti kaɓa, nɛɛ vuu dɛ̃ɛti ɓɔɔ suru bii ɓarɛ kagn kaɓa, ri tang jong ka tĩng Laa, ɓɔɔ nwang ka yuu laa nwannang kpanti ɓɛɛ. Ri bang wu, ri kɔɔyi nɛɛ, “Nɔngkɔ. Haliluyaa.”

Vuu ɓɔɔ zang nwangsɛ Yɔhana 20:11

A n zi láa ɓɔɔ kpanti nwáng kagn bang puru, a n ti zi zang nwàng ka yuu ɓiɓɛ. Tipi nɛɛ lapa ri yuku kana, ri yaa tĩng ɓiɓɛ zang zi ri takpang.

Vuu ɓɔɔ zang nwangsɛ Yɔhana 21:10

A Suru Laa a ka bii mɛɛ, a zang nyaa shonang Laa ɓɔɔ ka lapa ɓɛɛ kaɓa, tuu m, daa nɛɛ n, ka yuu kɔpɔ ɓɔɔ bang, a ti bee ka lapa dɔɔli ɓɛɛ, a tusu m gari Laa ɓɔɔ wukɔ Urushalima ɓɛɛ, nwangnɛ a kana tipi nɛɛ lapa nɛɛ nɔng Laa.

Vuu ɓɔɔ zang nwangsɛ Yɔhana 21:5

A zang ɓɔɔ nwang ka láa nwannang kpanti kaɓa, kɔɔyi nɛɛ, “Nɔɔ zirɛ, n rìsí vuu piti wu nwang kaa shɔɔ.” A ti kɔɔ m nɛɛ “Beere vuu keɓe ta, ka ruu ɓɔɔ, ruu keɓe daa naa gn shinang katɔ, a ti ruu ɓɔɔ niizang ɓɛɛ.”

Vuu ɓɔɔ zang nwangsɛ Yɔhana 3:21

Zang ɓɔɔ nɛɛ shii gbãng gbãng, nɛɛ ɓa yuu vuu gãsɛnang, n kasɛ tɔ, wu naa nwang nɛɛ n, ka laa kpanti roonang mɛɛ. Naa ɓɔɔ n ɓa yuu vuu gãsɛnang ka tĩng, n naa nwàng nɛɛ Daa mɛɛ ka laa kpanti roonang ɓiɓɛ ɓɛɛ.

Vuu ɓɔɔ zang nwangsɛ Yɔhana 4:10

rɛɛ zang bang bmati tu dɛ̃ɛti kaɓa, ri tang zang ɓɔɔ nwàng ka laa kpanti ɓɔɔ nwáng ɓi ningkãari dòndòng kaɓa nɛɛ gutu, ri bang wu. Ri ti tu lapoo ɓɔɔ ri kãng ka yuu, ɓɔɔ zang palɛ nɛɛ zinariya ɓɛɛ, ri shing ka tipi ka tĩng zang kaɓa, ri ti gàá wu soo nɛɛ,

Vuu ɓɔɔ zang nwangsɛ Yɔhana 4:5

Ka nɔng laa kpanti kaɓa, shala mangkɛ a ti mɛ̀ɛrɛ́. A n ti zi waa zàáng sɔɔ manziti yàkɛ̀ nɔng gbayi gbayi ka tĩng laa nwannang kpanti kaɓa. Rɛɛ waa zàáng sɔɔ manziti kaɓa rikɔ rɛɛ Suru Laa ɓɔɔ manziti ɓɛɛ.

Vuu ɓɔɔ zang nwangsɛ Yɔhana 4:9

Vuu dɛ̃ɛti ɓɔɔ suru bii ɓarɛ kagn keɓe, ri nɛɛ dɔ̀ɔ zang ɓɔɔ nwàng ka yuu laa nwannang kpanti ɓɔɔ nwáng ɓi ningkãari dòndòng, ri nɛɛ ti a wu bannang, ri nɛɛ zã̀a wu tɔ naa weɓe,

Vuu ɓɔɔ zang nwangsɛ Yɔhana 5:1

A n zi labeenang ɓɔɔ kagn, ka nakn zang ɓɔɔ nwang ka yuu laa nwannang kpanti ɓɛɛ. Zang bèe vuu ka yeti nɛɛ biling piti a zang leng kati. Zang ɓang nyaa ɓiɓɛ nɛɛ lang nɔng manziti.

Vuu ɓɔɔ zang nwangsɛ Yɔhana 5:13

A n tãa yee rɛɛ vuu ɓɔɔ ningkãari, ka lapa nɛɛ koo keɓe, nɛɛ ɓɔɔ koo rɛɛ suru zang ɓɔɔ vɔlɔ tɔ ɓɛɛ, nɛɛ rɛɛ vuu piti ɓɔɔ ka yeti mii ɓɛɛ, ri gaa soo nandon, ri kɔɔyi nɛɛ, “Ruu dɔ̀ɔ nɔɔ zang ɓɔɔ nwang ka laa nwannang kpanti ta, a ɓɔɔ Jaa Mɛ̀ɛrɛ́. Ruu a ri bannang, ruu ti zãa ri. Zang wu zɔ̃ɔrɔ ri, naa vuu palɛnang wu nwang ɓɔɔ ɓarɛ gbinggbing.”

Vuu ɓɔɔ zang nwangsɛ Yɔhana 6:16

Ri ɓaa rɛɛ kɔpɔ nyaa nɛɛ tari bang nɛɛ, “Nɔɔ watɛ ta ka yuu ɓuru, nɔɔ waasɛ ruu, tɔ̀ɔ, zang ɓɔɔ nwang ka laa nwannang kpanti kaɓa, wu zi ruu kaa takpang, Ruu ti wɔrɛ, Jaa Mɛ̀ɛrɛ́ Laa wu dang ruu jĩng kaa takpang.