Vuu ɓɔɔ zang nwangsɛ Yɔhana 4:11 - Nyaa Shɔɔ Ɓɔɔ Laa a Ɓɛɛ

¹¹ “Laa ɓɔɔ mɔkɔ kpanti ɓuru ɓɛɛ, mɔkɔ daa naa ɓɔɔ zang bang mɔɔ, zang dɔɔ mɔɔ, a naa vuu palɛnang piti ka naa ɓaaɓɛ kɔ. Mɔkɔ mã́arɛ̀ vuu piti ka tĩng tɛ̃ɛ tɛ̃ɛ, a mɔkɔ ti kasɛ nɛɛ ri nwalɛ naa weɓe, a mɔɔ mã́arɛ̀ ri kati.”

Vuu ɓɔɔ zang nwangsɛ Yɔhana 4:11 Σταυροειδείς Αναφορές

Zang Shonang Yeesɔ 14:15

“Nɔɔ palɛ vuu keɓe ka ruu viya? Rùu ɓuru doo shɔnzang kɔ naa nɔkɔ. Ruu arɛ ruu tɔɔ ruu naa kɔ̀ɔ́ nɔɔ Ruu Tɔ̃ɔ Laa. Ruu tɔɔ nɔɔ yaa gbalang vuu ɓɔɔ nwàng nɔɔ vuu ɓɔɔ kpang keɓe. Nɔɔ a ka bii Laa ɓɔɔ ningkãari ɓɔɔ wukɔ mãa lapa nɛɛ tipi nɛɛ waapo nɛɛ vuu ɓɔɔ ka yeti ɓarɛ nandon ɓɛɛ.

Zang Shonang Yeesɔ 17:24

Laa ɓɔɔ wukɔ mãa koo nɛɛ vuu ɓɔɔ ka yeti koo nandon, ɓɔɔ wukɔ kpanti lapa nɛɛ tipi, nwang ɓi jong ka yeti gãa ɓɔɔ shɔnzang mãa ɓɛɛ kpang.

Rooma 11:36

Vuu piti a nɛɛ bii Laa. Mãa vuu piti ka ruu ɓiɓɛ kɔ, a vuu piti ti gbãayu ka bii ɓiɓɛ ka nɔng. Rúu dɔɔ nɔɔ Laa dòndòng. Nɔngkɔ.

Afisa 3:9

Ń ti shing zang piti ri zi naa ɓɔɔ zang naa palɛ shonang nɛɛ vuu ɓɔɔ Laa mang ka yeti a wàasɛ̀ zang katɔ ɓɛɛ. Laa ɓɔɔ wukɔ mãa vuu piti wáasɛ́ vuu keɓe doo tɛ̃ɛ tɛ̃ɛ.

Yahudi 1:10

A ti kɔɔ tɔkn nɛɛ, “Kpanti, mɔkɔ loo doo koo keɓe ka tĩng, a mɔkɔ ti mãa lapa nɛɛ naa ɓaaɓɛ.

Yahudi 1:2

A ka doo knti keɓe, Laa rang ruu yee ɓi kaa nɛɛ nyaa Jaa ɓiɓɛ. Jaa keɓe, Laa zɔ̃ng wu, nɛɛ vuu piti, wu naa nwang ɓɔɔ ɓiɓɛ, a Laa mã́a koo nɛɛ bii ɓiɓɛ ɓɛɛ kɔ.

Vuu ɓɔɔ zang nwangsɛ Yɔhana 1:6

A shing ruu, rúu nwang zang ɓɔɔ ri dɔɔrɔ vuu ka Gãa Laa, ɓɔɔ Laa kɔ ɓi kpanti ɓuru, a Laa ti Daa ɓiɓɛ ɓɛɛ. Bannang nɛɛ kpanti roonang wu nwang ɓɔɔ ɓiɓɛ dòndòng. Nɔngkɔ.

Vuu ɓɔɔ zang nwangsɛ Yɔhana 10:6

A tũng vuu nɛɛ nung Laa ɓɔɔ nwang ɓi ningkãari dòndòng, ɓɔɔ mãa lapa nɛɛ vuu piti ɓɔɔ kagn ɓɛɛ, nɛɛ tipi nɛɛ vuu piti ɓɔɔ kagn ɓɛɛ. A ɓɔɔ waapo nɛɛ vuu piti ɓɔɔ kagn ɓɛɛ, kɔɔyi nɛɛ, laa ɓɔɔ zang suukãng ɓɛɛ takpang.

Vuu ɓɔɔ zang nwangsɛ Yɔhana 14:7

A mɛɛ nyaa nabm kɔɔyi nɛɛ, “Nɔɔ dũng nyaa Laa ta, nɔɔ ti a wu bannang ka ruu ɓɔɔ, diki ɓɔɔ Laa naa jɛ̃ɛ zang piti ruu, a tɔ ɓɛɛ. Ka ruu nɔngkɔ, nɔɔ bang Laa ta, ɓɔɔ wukɔ mãa lapa nɛɛ tipi, nɛɛ waapo nɛɛ sɔlɔng mii nandon ɓɛɛ.”

Vuu ɓɔɔ zang nwangsɛ Yɔhana 19:1

Vuu keɓe, ɓa tɔ, a n tãa vuu naa yee zang, ri kpalɛ ka lapa gaagaa, ri goo nyaa nabm, ri gaa soo nɛɛ, “Haliluyaa, ɓi Laa ɓuru kɔ tà yuu ɓuru. Bannang, nɛɛ naa vuu palɛnang ɓi ɓɔɔ ɓiɓɛ.

Vuu ɓɔɔ zang nwangsɛ Yɔhana 5:12

Ri gaa soo ri mɛɛ nyaa nabm nɛɛ, “Jaa Mɛ̀ɛrɛ́ ɓɔɔ bɛ̀ɛ́ zang nyɔ wu vɔrɔ ɓɛɛ, daa naa ɓɔɔ zang a wu naa vuu palɛnang tɔ, nɛɛ vuu naa, nɛɛ zũnang, nɛɛ kaka, nɛɛ bannang, nɛɛ dɔɔnang a ɓɔɔ zɔ̃ɔrɔnang.”

Vuu ɓɔɔ zang nwangsɛ Yɔhana 5:2

A n zi zang nyaa shonang Laa ɓɔɔ ka lapa gbete ɓɔɔ lakɛ katɔ ɓɛɛ, mɛɛ nyaa ka lapa nabm kɔɔyi nɛɛ, “Wi daa naa ɓɔɔ wu tãlɛ lang keɓe, wu kãlɛ labeenang keɓe wiya?”

Vuu ɓɔɔ zang nwangsɛ Yɔhana 5:9

Ri gaa soo shɔɔ, ri kɔɔyi nɛɛ, “Mɔɔ daa naa tɔ, mɔɔ ta labeenang kaɓa, mɔɔ ti tãlɛ lang ɓɔɔ zang ɓang nɛɛ mani ɓɛɛ. Ka ruu ɓɔɔ, zang nyɔ mɔɔ vɔrɔ ka tĩng, a mɔɔ ta Laa yuu zang dɔɔli nɛɛ zĩi ɓaaɓɛ ɓɛɛ. Zang ɓɔɔ mɔɔ ta yuu ɓarɛ keɓe, ri nwangnɛ zɔ̃ng zang piti ka koo keɓe, nɛɛ nyaa ɓɔɔ ka koo piti, ri nwangnɛ tipi piti, a ɓɔɔ nɛɛ tipi rɛɛ kpanti ka bm bm.