Vuu ɓɔɔ zang nwangsɛ Yɔhana 4:10 - Nyaa Shɔɔ Ɓɔɔ Laa a Ɓɛɛ

¹⁰ rɛɛ zang bang bmati tu dɛ̃ɛti kaɓa, ri tang zang ɓɔɔ nwàng ka laa kpanti ɓɔɔ nwáng ɓi ningkãari dòndòng kaɓa nɛɛ gutu, ri bang wu. Ri ti tu lapoo ɓɔɔ ri kãng ka yuu, ɓɔɔ zang palɛ nɛɛ zinariya ɓɛɛ, ri shing ka tipi ka tĩng zang kaɓa, ri ti gàá wu soo nɛɛ,

Vuu ɓɔɔ zang nwangsɛ Yɔhana 4:10 Σταυροειδείς Αναφορές

Matiyu 2:11

A ri a ka yeti gãa, ri naa zi jaa rɛ̃ɛting kaa nɛɛ niiɓɛ Marayamu. A ri tang nɛɛ gutu, ri bang wu. Ri puu nyaa duku ɓarɛ, ri see saka ɓɔɔ kɔlɔ katɔ, ɓɔɔ zang ɓáa nɛɛ zinariya, nɛɛ nung ɓɔɔ a sɛ̃ɛ tɔ̃ɔ ɓɛɛ, a ɓɔɔ nung ɓɔɔ zang ɓáa nɛɛ muru ɓɛɛ, ri a jaa. Ri tɔɔ, ri gbãayu kaa tɔ,

Luka 24:52

Ri bang wu, ri tãa tĩnang dɔɔli. A ri gbãayu ri daa gari Urushalima,

1 Koranti 15:10

A gn mɛɛ naa kɔng Laa. Ka ruu tɔ̃ɔ ɓɔɔ wu palɛ zang, palɛ m tɔ̃ɔ, a shing m n raa zang ɓɔɔ nɔɔ zi m kãntang keɓe. Tɔ̃ɔ ɓɔɔ wu palɛ m, wu waati kpang. Nwáng vuu tɔ̃ɔ tɔ, ka ruu ɓɔɔ, n palɛ shonang nɛɛ kaka mɛɛ, n ɓa zang shonang ɓɔɔ nimbang nandon ɓɛɛ. N palɛ vuu keɓe wu nɛɛ yuu mɛɛ kpang, ɓi tɔ̃ɔ ɓiɓɛ ɓɔɔ ka bii mɛɛ palɛ.

Vuu ɓɔɔ zang nwangsɛ Yɔhana 10:6

A tũng vuu nɛɛ nung Laa ɓɔɔ nwang ɓi ningkãari dòndòng, ɓɔɔ mãa lapa nɛɛ vuu piti ɓɔɔ kagn ɓɛɛ, nɛɛ tipi nɛɛ vuu piti ɓɔɔ kagn ɓɛɛ. A ɓɔɔ waapo nɛɛ vuu piti ɓɔɔ kagn ɓɛɛ, kɔɔyi nɛɛ, laa ɓɔɔ zang suukãng ɓɛɛ takpang.

Vuu ɓɔɔ zang nwangsɛ Yɔhana 11:16

A rɛɛ zang bang bmati tu dɛ̃ɛti, ɓɔɔ zang ɓu nwang ka yuu laa kpanti ɓɔɔ ɓarɛ ka tĩng Laa ɓɛɛ, ri tang nɛɛ gutu ka tĩng Laa, ri sòo yuu ka dii, ri bang Laa.

Vuu ɓɔɔ zang nwangsɛ Yɔhana 15:4

Ɓu wi kaa vɔrɔ ɓaaɓɛ, wu ti a mɔɔ bannang kpang wiya kpanti Laa? Ɓi mɔkɔ gbete ɓɔɔ shi kpang ka bii ɓaaɓɛ kpang ɓɛɛ. Zɔ̃ng zang tipi piti piti ri naa arɛ ri bang mɔɔ, ka ruu ɓɔɔ, ri zi naa ɓɔɔ mɔɔ dɔng ruu tɔ tɔ̃ɔ ɓɛɛ.”

Vuu ɓɔɔ zang nwangsɛ Yɔhana 15:7

Vuu gbete ka teteng vuu dɛ̃ɛti ɓɔɔ suru bii ɓarɛ kagn kaɓa, álɛ́ rɛɛ zang nyaa shonang Laa ɓɔɔ ri ka lapa ɓɛɛ ɓɔɔ ri manziti ɓɛɛ kaɓa, waka ɓɔɔ zang palɛ nɛɛ zinariya gbete gbete. Laa ɓɔɔ nwáng ɓi ningkãari dòndòng ɓɛɛ, gnvɔ ɓiɓɛ yiki nyaa waka katɔ.

Vuu ɓɔɔ zang nwangsɛ Yɔhana 19:4

A rɛɛ zang bang bmati tu dɛ̃ɛti kaɓa, nɛɛ vuu dɛ̃ɛti ɓɔɔ suru bii ɓarɛ kagn kaɓa, ri tang jong ka tĩng Laa, ɓɔɔ nwang ka yuu laa nwannang kpanti ɓɛɛ. Ri bang wu, ri kɔɔyi nɛɛ, “Nɔngkɔ. Haliluyaa.”

Vuu ɓɔɔ zang nwangsɛ Yɔhana 4:2

Nyaa kɔ dòó naa ɓee, Suru Laa a ka bii mɛɛ. Ka lapa ka nɔng kaɓa, n zi láa nwannang kpanti, a zang ɓɔɔ nwang ka yuu ɓiɓɛ.

Vuu ɓɔɔ zang nwangsɛ Yɔhana 4:4

Láa nwannang kpanti ɓɔɔ ri ti kagn bmati tu dɛ̃ɛti, ri kiiri laa nwannang kpanti ɓɔɔ gbete keɓe nyaa ka teteng. Zang bang, ri bmati tu dɛ̃ɛti ri nwalɛ ka yuu rɛɛ laa kaɓa, zang ɓu hãa fɔ̃ɔrɔ puru wu ti kãng lapoo kpanti ɓɔɔ zang palɛ nɛɛ zinariya ɓɛɛ ka yuu.

Vuu ɓɔɔ zang nwangsɛ Yɔhana 4:9

Vuu dɛ̃ɛti ɓɔɔ suru bii ɓarɛ kagn keɓe, ri nɛɛ dɔ̀ɔ zang ɓɔɔ nwàng ka yuu laa nwannang kpanti ɓɔɔ nwáng ɓi ningkãari dòndòng, ri nɛɛ ti a wu bannang, ri nɛɛ zã̀a wu tɔ naa weɓe,

Vuu ɓɔɔ zang nwangsɛ Yɔhana 5:14

A rɛɛ vuu dɛ̃ɛti ɓɔɔ suru bii ɓarɛ kagn kaɓa, ri kasɛ nyaa nɛɛ, “Wu nwang nɔngkɔ.” Rɛɛ zang bang bmati tu dɛ̃ɛti kaɓa ri tang jong ka tĩng zang ɓɔɔ nwàng ka laa nwannang kpanti nɛɛ Jaa Mɛ̀ɛrɛ́ ri bang ri.

Vuu ɓɔɔ zang nwangsɛ Yɔhana 5:8

A ɓɔɔ daa ta labeenang kaɓa tɔ, rɛɛ zang bang bmati tu dɛ̃ɛti kaɓa, ri tang nɛɛ gutu ka tĩng Jaa Mɛ̀ɛrɛ́ kaɓa. Zang kaɓa nandon, zang ɓu yiti vũngta ka naa, nɛɛ pii ɓɔɔ zang palɛ nɛɛ zinariya ɓɛɛ. Vuu ɓɔɔ a sɛ̃ɛ tɔ̃ɔ kagn ka yeti pii ka nyaa gaagaa. Vuu ɓɔɔ a sɛ̃ɛ tɔ̃ɔ keɓe, ɓi Laa gaanang rɛɛ zang Laa.

Vuu ɓɔɔ zang nwangsɛ Yɔhana 7:11

A rɛɛ zang nyaa shonang Laa ɓɔɔ ri ka lapa nandon, ɓɔɔ ri shiiyi ri kiiri rɛɛ zang bang bmati tu dɛ̃ɛti nɛɛ vuu dɛ̃ɛti ɓɔɔ suru bii ɓarɛ kagn kaɓa nyaa ka teteng ɓɛɛ, ri tang nɛɛ gutu ka tĩng laa nwannang kpanti a ri bang Laa.