Vuu ɓɔɔ zang nwangsɛ Yɔhana 4:1 - Nyaa Shɔɔ Ɓɔɔ Laa a Ɓɛɛ

¹ Ka knti rɛɛ vuu keɓe, n shing jĩng, a n zirɛ nyaa gãa puu ka lapa. A n tãa yee naa gboo, ɓɔɔ ɓaasi rang m yee ɓɛɛ, ɓaa m nyaa kɔɔyi nɛɛ, “A ka lapa ka nihn, tɔ̀ɔ, n tusu mɔɔ vuu ɓɔɔ naa palɛ kaa nɛɛ knti ɓɛɛ.”

Vuu ɓɔɔ zang nwangsɛ Yɔhana 4:1 Σταυροειδείς Αναφορές

Matiyu 3:16

Ɓɔɔ Yɔhana pàlɛ̀ wu batizima hn, Yeesɔ nwang kaa nɛɛ mii, a lapa tantɛ kaa puunang, a zi Suru Laa shooro kaa naa koro, naa nwáng ka yuu ɓiɓɛ.

Maraku 1:10

Ɓɔɔ Yeesɔ nwang nɛɛ mii hn, a zi lapa puuyi, Suru Laa shooro kana, ka yuu ɓiɓɛ naa koro.

Luka 3:21

Yɔhana palɛ zang piti batizima tɔ, a naa pàlɛ̀ Yeesɔ kati. Ɓɔɔ Yeesɔ gàá Laa doo naa, lapa puu kati,

Yɔhana 16:13

Suru keɓe ɓɔɔ wukɔ tusu zang ruu ɓɔɔ niizang ka yuu Laa nɛɛ a tɔ, naa shing nɔɔ, nɔɔ zi vuu ɓɔɔ niizang ɓɛɛ. Rang yee nɛɛ yuu ɓiɓɛ kpang, kɔ̀ɔ́ vuu ɓɔɔ wu tãa nɛɛ nyaa Laa ɓɛɛ, wu ti kɔɔ nɔɔ vuu ɓɔɔ naa a ka knti ɓɛɛ.

Zang Shonang Yeesɔ 10:11

Zirɛ lapa puuyi, vuu a kana nɛɛ lapa naa fɔ̃ɔrɔ nyaa pɛɛrɛ bang ɓɔɔ zang yaa naa nɛɛ soo ɓɔɔ zang mãlɛ ka nyaa ɓiɓɛ ɓɔɔ dɛ̃ɛti ɓɛɛ.

Zang Shonang Yeesɔ 7:56

A kɔɔyi tɔɔ, “Nɔɔ zirɛ, n zirɛ lapa puuyi, a Jaa Shɔnzang shii ka nakn Laa.”

Vuu ɓɔɔ zang nwangsɛ Yɔhana 1:10

Ka nɔng kaɓa, ka lee Laadi, Suru Laa a ka bii mɛɛ, a n nwang kaa naa n rɔ̃kɔ katɔ. N tãa yee zang mɛɛ nyaa ka knti mɛɛ nabm naa gboo.

Vuu ɓɔɔ zang nwangsɛ Yɔhana 1:12

A n raa jĩng, n tɔɔ, n zi zang ɓɔɔ rang m yee ɓɛɛ. Ɓɔɔ n raa jĩng, n zi vuu ɓɔɔ zang shĩili waa ka yuu ɓiɓɛ ɓɛɛ manziti.

Vuu ɓɔɔ zang nwangsɛ Yɔhana 1:19

Ka ruu nɔngkɔ, bée vuu ɓɔɔ mɔɔ zili ɓɛɛ ta, vuu ɓɔɔ palɛ kãntang keɓe, nɛɛ vuu ɓɔɔ naa palɛ nɛɛ knti ɓɛɛ.

Vuu ɓɔɔ zang nwangsɛ Yɔhana 11:12

A zang ziti kaɓa, ri tãa yee nwangnɛ lapa, ɓaa ri nyaa nabm nɛɛ, “Nɔɔ a ta ka lapa ka nihn.” A ri daa lapa ka yeti sãmbong, zang ɓɔɔ ri shing jĩng nɛɛ ri kpang nandon, ri zi ri jĩng bii.

Vuu ɓɔɔ zang nwangsɛ Yɔhana 11:19

A nyaa Gãa Laa ɓɔɔ ka lapa puuyi, zang zǐ akpaati nyaa ɓɔɔ Laa mã nɛɛ zang ɓiɓɛ kagn ɓɛɛ katɔ, ka yeti Gãa Laa. A shala mangkɛ, zang mɛɛrɛ nyaa nabm, tipi ruutu, shala mɛɛrɛ, a mii takong a dɔɔli.

Vuu ɓɔɔ zang nwangsɛ Yɔhana 16:17

A zang nyaa shonang Laa ɓɔɔ ka lapa ɓɛɛ ɓɔɔ daa ka manziti ɓɛɛ, arɛ ɓaa kɔnang ɓɔɔ ka waka ɓiɓɛ ɓɛɛ, ka jasung waati. A yee nwangnɛ laa nwannang kpanti ka yeti Gãa Laa, mɛɛ nabm kɔɔyi nɛɛ, “Zang hangsɛ vuu piti tɔ.”

Vuu ɓɔɔ zang nwangsɛ Yɔhana 19:11

Vuu keɓe ɓa tɔ, a n zi nyaa gãa puu ka lapa. Gbantang puru nwangnɛ. Zang ɓaa nung zang ɓɔɔ vang kagn nɛɛ, “Zang ɓɔɔ palɛ vuu ɓɔɔ wu kɔɔ ɓɛɛ katɔ, ɓɛɛ.” A ɓɔɔ, “Zang ɓɔɔ kɔɔ ɓi ruu ɓɔɔ niizang diki diki,” ɓɛɛ. Palɛ ɓi vuu tɔ̃ɔ, ka ɓɔɔ wu jɛ̃ɛ zang ruu, nɛɛ ɓɔɔ wu ta sĩiri ɓɛɛ.

Vuu ɓɔɔ zang nwangsɛ Yɔhana 22:6

A zang nyaa shonang Laa ɓɔɔ ka lapa ɓɛɛ kaɓa, kɔɔ m nɛɛ, “Rɛɛ vuu keɓe, ri daa ɓɔɔ zang shing gn kagn ɓɛɛ katɔ, a ti ruu ɓɔɔ niizang kɔ nwani. Kpanti Laa ɓɔɔ a rɛɛ zang nyaa shonang ɓiɓɛ naa, ri kɔɔ zang ruu ɓiɓɛ ɓɛɛ, shong zang nyaa shonang ɓiɓɛ ɓɔɔ ka lapa ɓɛɛ, nɛɛ wu naa tusu rɛɛ zang ɓɔɔ palɛ wu shonang ɓɛɛ, vuu ɓɔɔ bɛ̀ɛ́ zang palɛ kaa tɔ ɓɛɛ.”