Vuu ɓɔɔ zang nwangsɛ Yɔhana 3:11 - Nyaa Shɔɔ Ɓɔɔ Laa a Ɓɛɛ

¹¹ N gbãayu katɔ pati. Nɔɔ yiti vuu ɓɔɔ ka naa manɛ waasɛ̃, tɔ̀ɔ, zang ɓɔɔ nwãarɛ nɔɔ, wu ta vuu ɓɔɔ Laa kasɛ nɛɛ wu a nɔɔ ɓɛɛ kpang.

Vuu ɓɔɔ zang nwangsɛ Yɔhana 3:11 Σταυροειδείς Αναφορές

1 Koranti 9:25

Zang ɓɔɔ nɛɛ tɔɔ wu yurɛ, kpɛ̃ɛrɛ yuu ɓiɓɛ doo yunang waasɛ̃. Wu zãa yuu ɓiɓɛ vuu dɔɔli. Ri pálɛ̀ nɔngkɔ nɛɛ, tɔ̀ɔ, zang a ri vuu ɓɔɔ naa lasɛ katɔ ɓɛɛ. Ruu palɛ ɓuru nɔngkɔ, tɔ̀ɔ, zang a ruu vuu ɓɔɔ lasɛ kpang dòndòng ɓɛɛ.

Filipi 4:5

Nɔɔ yaa nwannang manɛ ɓɔɔ nɔɔ yi tĩng ka vuu ɓɔɔ ɓi ɓɔɔ manɛ ɓɛɛ kpang, wu nwang vuu ɓɔɔ zang piti ri zi ɓɛɛ kati. Kpanti Kirisi yaa kaa tɔkɔlɔng a kaa tɔ.

2 Timoti 2:5

Zang ɓɔɔ ri yuu jajayu nɛɛ dũ̀ng nyaa ɓɔɔ zang dang ɓɛɛ kpang, walɛ vuu ɓɔɔ ɓi kpang.

2 Timoti 4:8

Kãntang keɓe, Laa shing vuu ɓɔɔ wu a m ɓɛɛ tɔ, vuu ɓɔɔ wu a zang ɓɔɔ palɛ vuu ɓɔɔ wu kasɛ ɓɛɛ. Kpanti Yeesɔ Kirisi ɓɔɔ jɛ̃ɛ zang ruu ɓi tɔ̃ɔ, naa a m vuu keɓe ka diki ɓɔɔ wu jɛ̃ɛ zang ruu kagn ɓɛɛ. A nkɔ ka bm kpang, a zang piti ɓɔɔ ri kasɛ wu, ri gãng jĩng diki ɓɔɔ wu gbãayu kagn ɓɛɛ.

Yakubu 1:12

Zang ɓɔɔ zang nɛɛ gãsɛ wu, nɛɛ watɛ kpang wukɔ tãa tĩnang. Ka ruu ɓɔɔ, nɛɛ shìi kakata, nɛɛ watɛ kpang, naa ta vuu ɓɔɔ Kpanti Laa tɔɔ wu a zang ɓɔɔ kasɛ wu katɔ ɓɛɛ. Vuu keɓe wukɔ suru bii ɓɔɔ waa nyaa kpang ɓɛɛ.

Yakubu 5:9

Manzung nɔ́ɔ gɔ̃ɔrɔ yee ka yuu zɔɔ kpang, ka ruu ɓɔɔ zang nɛɛ jɛ̃ɛ nɔɔ ruu ɓɛɛ. Zang ɓɔɔ naa jɛ̃ɛ ruu rúu, kɔ shii tɔ ka nyaa gãa ɓee.

Vuu ɓɔɔ zang nwangsɛ Yɔhana 1:3

Tĩnang tãanang ɓi ɓɔɔ zang ɓɔɔ gã ruu kɔ Laa nwángsɛ̀ ɓee. Tĩnang tãanang ɓi ti ɓɔɔ zang piti, ɓɔɔ ri tã̀a ruu keɓe, a ri dũng vuu ɓɔɔ zang bee kagn ɓɛɛ. Ka ruu ɓɔɔ, làa ɓɔɔ vuu keɓe naa palɛ a naabm tɔ ɓɛɛ.

Vuu ɓɔɔ zang nwangsɛ Yɔhana 16:15

A Yeesɔ kɔɔyi tɔɔ, “N naa a naa shɔngɓɔ. Tĩnang tãanang ɓi zang ɓɔɔ nwang doo paa, gãng jĩng, hãa fɔ̃ɔrɔ ɓiɓɛ ka bii ɓɛɛ. Ka ruu ɓɔɔ nɛɛ yaa bii bɔ̃bɔ̃rɔ, yusɛ̃ɛ nɛɛ tuu wu ɓɛɛ.”

Vuu ɓɔɔ zang nwangsɛ Yɔhana 2:10

Nɔ́ɔ kaa vɔrɔ jĩng dannang ɓɔɔ yaa kaa tɔkɔlɔng nɔɔ dǎng kaa tɔ kaɓa kpang. Nɔɔ ɓaa shoo, Sheetang naa gãsɛ nɔɔ ditɔ, naa shingnɛ zang wu mã zang ɓɔɔ ka teteng manɛ ka sãa. Zang naa dang nɔɔ jĩng diki kopi kɔ nwani. Nɔ́ɔ yaa danggn ɓɔɔ nɔɔ shing ka bii mɛɛ kpang, naa zang nyɔ nɔɔ doo vɔrɔ ɓɛɛ. Tɔ̀ɔ, n a nɔɔ suru bii ɓɔɔ waa nyaa kpang, nɔ́ɔ walɛ bannang kati.

Vuu ɓɔɔ zang nwangsɛ Yɔhana 2:13

N zi nɔng ɓɔɔ nɔɔ nwàng gn ɓɛ̀ɛ́ tɔ, ka nɔng ɓɔɔ Sheetang roo kpanti kagn ɓɛɛ. Nɔɔ yaa kɔɔnang kpang nɛɛ nkɔ kpanti manɛ kpang. Nɔɔ yaa danggn ɓɔɔ nɔɔ shing ka bii mɛɛ kpang doo nɛɛ mani, ka laa ɓɔɔ zang nyɔ Antiba, yɔɔ ɓɔɔ dũng m nɛɛ yeti gbete vɔrɔ ɓɛɛ. Zang nyɔ wu vɔrɔ ka teteng manɛ, ka nɔng ɓɔɔ Sheetang nwang ɓɛɛ, ka ruu ɓɔɔ, kɔɔ ka shoo zang piti nɛɛ wu dũng ɓi nkɔ ɓɛɛ.

Vuu ɓɔɔ zang nwangsɛ Yɔhana 2:25

Nɔɔ yiti vuu ɓɔɔ ka naa manɛ gbãng gbãng, n gbãayu nɛɛ mani.

Vuu ɓɔɔ zang nwangsɛ Yɔhana 22:12

Yeesɔ kɔɔyi nɛɛ, “Nɔɔ zirɛ, diki bee kpang. N a kaa tɔ. N naa atɛ vuu ɓɔɔ n a zang waati ɓɛɛ ka naa ning, n a zang ɓu ka doo shonang ɓɔɔ wu palɛ ɓɛɛ.

Vuu ɓɔɔ zang nwangsɛ Yɔhana 22:20

Yeesɔ ɓɔɔ kasɛ tɔ, nɛɛ vuu keɓe, ri niizang ɓɛɛ, wukɔ kɔɔyi nɛɛ, “Niizang, diki bee kpang, n a kaa tɔ.” Nɔngkɔ. A ta kpanti Yeesɔ.

Vuu ɓɔɔ zang nwangsɛ Yɔhana 22:7

Yeesɔ kɔ̀ɔyi nɛɛ “Nɔɔ zirɛ, diki bee kpang, n a kaa tɔ. Tĩnang naa nwang ɓɔ̀ɔ́ zang piti ɓɔɔ dũng ruu ɓɔɔ zang bee ka labeenang keɓe ɓɛɛ, ka ruu ɓɔɔ, a nɛɛ bii Laa ɓɛɛ.”

Vuu ɓɔɔ zang nwangsɛ Yɔhana 3:3

Ka ruu nɔngkɔ, danggn wu ning nɔɔ vuu ɓɔɔ nɔɔ tãayi, a nɔɔ ti tarɛ ɓɛɛ kpang. Nɔɔ yiti katɔ, nɔɔ ti kɔ̃sɔ yeti manɛ. Naa nɔɔ yupaa kpang, n a ditɔ naa shɔngɓɔ, a nɔɔ zi laa ɓɔɔ n a kagn yuu manɛ kpang.

Vuu ɓɔɔ zang nwangsɛ Yɔhana 4:10

rɛɛ zang bang bmati tu dɛ̃ɛti kaɓa, ri tang zang ɓɔɔ nwàng ka laa kpanti ɓɔɔ nwáng ɓi ningkãari dòndòng kaɓa nɛɛ gutu, ri bang wu. Ri ti tu lapoo ɓɔɔ ri kãng ka yuu, ɓɔɔ zang palɛ nɛɛ zinariya ɓɛɛ, ri shing ka tipi ka tĩng zang kaɓa, ri ti gàá wu soo nɛɛ,

Vuu ɓɔɔ zang nwangsɛ Yɔhana 4:4

Láa nwannang kpanti ɓɔɔ ri ti kagn bmati tu dɛ̃ɛti, ri kiiri laa nwannang kpanti ɓɔɔ gbete keɓe nyaa ka teteng. Zang bang, ri bmati tu dɛ̃ɛti ri nwalɛ ka yuu rɛɛ laa kaɓa, zang ɓu hãa fɔ̃ɔrɔ puru wu ti kãng lapoo kpanti ɓɔɔ zang palɛ nɛɛ zinariya ɓɛɛ ka yuu.