Vuu ɓɔɔ zang nwangsɛ Yɔhana 22:9 - Nyaa Shɔɔ Ɓɔɔ Laa a Ɓɛɛ

⁹ a kɔɔ m nɛɛ, “Mɔɔ palɛ vuu keɓe kpang tingkiring. Ruu ɓuru zang shonang Laa nɛɛ mɔɔ, naa rɛɛ ɓaazung ɓɔɔ ri zang nyaa shonang Laa ɓɛɛ, a ɓɔɔ zang kaɓa piti, ɓɔɔ ri dũng ruu ɓɔɔ zang bee ka labeenang keɓe ɓɛɛ. Bang ɓaa Laa.”

Vuu ɓɔɔ zang nwangsɛ Yɔhana 22:9 Σταυροειδείς Αναφορές

Matiyu 4:9

A kɔɔ Yeesɔ tɔɔ, “Naa mɔɔ tang nɛɛ gutu ka tĩng mɛɛ, mɔɔ dɔɔ m, n a mɔɔ veɓe katɔ nandon.”

Luka 4:7

Ka ruu nɔngkɔ, naa mɔɔ tang nɛɛ gutu, mɔɔ dɔɔ m, vuu keɓe piti naa nwang kaa ɓɔɔ ɓaaɓɛ.”

1 Yɔhana 5:20

Ruu zi tɔ nɛɛ, Jaa Laa arɛ tùsù ruu gbalang ɓɔɔ ruu zi Laa ɓɔɔ wukɔ niizang ɓɛɛ. Ruu ɓuru ɓɔɔ Laa keɓe kɔ, ka ruu ɓɔɔ, ruu ɓuru ɓɔɔ Jaa ɓiɓɛ Yeesɔ Kirisi ɓɛɛ. Yeesɔ Kirisi keɓe wukɔ Laa niizang, wukɔ ti suru bii ɓɔɔ waa nyaa kpang ɓɛɛ.

Vuu ɓɔɔ zang nwangsɛ Yɔhana 1:1

Wee vuu ɓɔɔ Yeesɔ Kirisi nwangsɛ zang, ɓɔɔ Laa á wu nɛɛ wu tusu zang ɓɔɔ ri pàlɛ́ Laa shonang nɛɛ tɔ̀ɔ, ri zi vuu ɓɔɔ naa palɛ diki bee takpang ɓɛɛ. A Yeesɔ shong zang nyaa shonang Laa ɓɔɔ ka lapa ɓɛɛ, ka bii zang shonang ɓiɓɛ Yɔhana nɛɛ tɔ̀ɔ wu tusu wu rɛɛ vuu keɓe.

Vuu ɓɔɔ zang nwangsɛ Yɔhana 1:11

Kɔ̀ɔ́ m nɛɛ, “Tuu labeenang mɔɔ bée vuu kɔ mɔɔ zili ɓee, mɔ́ɔ shòng zang ɓɔɔ ri dũng Laa ka Gãa Laa manziti kaɓa. Gãa Laa ɓɔɔ ri ka gari Afisa nɛɛ gari Simina nɛɛ gari Pagamu, nɛɛ gari Tayatira nɛɛ gari Sadisu, nɛɛ ɓɔɔ gari Filadifiya a ɓɔɔ gari Lawodikiya ɓɛɛ.”

Vuu ɓɔɔ zang nwangsɛ Yɔhana 14:7

A mɛɛ nyaa nabm kɔɔyi nɛɛ, “Nɔɔ dũng nyaa Laa ta, nɔɔ ti a wu bannang ka ruu ɓɔɔ, diki ɓɔɔ Laa naa jɛ̃ɛ zang piti ruu, a tɔ ɓɛɛ. Ka ruu nɔngkɔ, nɔɔ bang Laa ta, ɓɔɔ wukɔ mãa lapa nɛɛ tipi, nɛɛ waapo nɛɛ sɔlɔng mii nandon ɓɛɛ.”

Vuu ɓɔɔ zang nwangsɛ Yɔhana 15:4

Ɓu wi kaa vɔrɔ ɓaaɓɛ, wu ti a mɔɔ bannang kpang wiya kpanti Laa? Ɓi mɔkɔ gbete ɓɔɔ shi kpang ka bii ɓaaɓɛ kpang ɓɛɛ. Zɔ̃ng zang tipi piti piti ri naa arɛ ri bang mɔɔ, ka ruu ɓɔɔ, ri zi naa ɓɔɔ mɔɔ dɔng ruu tɔ tɔ̃ɔ ɓɛɛ.”

Vuu ɓɔɔ zang nwangsɛ Yɔhana 19:10

A n tang nɛɛ gutu ka tĩng ɓiɓɛ, n tɔɔ n bang wu kaa tɔ, a kɔɔ m tɔɔ, “Mɔ́ɔ palɛ vuu keɓe kpang tingkiring, ruu ɓuru zang shonang Laa nɛɛ mɔɔ, nɛɛ rɛɛ ɓaazung ɓɔɔ ri shing danggn tɔ, ka ruu ɓɔɔ niizang ɓɔɔ Yeesɔ tùsù ri ɓɛɛ. Báng ɓaa Laa.” Ka ruu ɓɔɔ, ruu niizang ɓɔɔ Yeesɔ nwangsɛ ruu, rɛɛ zang nyaa shonang Laa, ri walɛ ruu ɓɔɔ ri kɔɔrɔ zang ka wukɔ ɓɛɛ.

Vuu ɓɔɔ zang nwangsɛ Yɔhana 22:10

A ti kɔɔ m nɛɛ, “Ruu ɓɔɔ a nɛɛ bii Laa kɔ, zang bee ka labeenang keɓe ɓee, mɔɔ waasɛ zang kpang. Ka ruu ɓɔɔ, laa ɓɔɔ vuu keɓe ri palɛ kagn, a naabm tɔ ɓɛɛ.

Vuu ɓɔɔ zang nwangsɛ Yɔhana 22:18

N shaarɛ zang piti ɓɔɔ tãa ruu ɓɔɔ a nɛɛ bii Laa kɔ zang bee ka labeenang keɓe ɓee nyaa, zang ɓɔɔ nɛɛ gisi vuu ɓɔɔ kagn, Laa naa tuu kɔnang ɓɔɔ zang bee vuu ka yuu ɓarɛ ka labeenang keɓe, naa gisi wu ka yuu jĩng ɓɔɔ wu naa dang ɓɛɛ.

Vuu ɓɔɔ zang nwangsɛ Yɔhana 22:7

Yeesɔ kɔ̀ɔyi nɛɛ “Nɔɔ zirɛ, diki bee kpang, n a kaa tɔ. Tĩnang naa nwang ɓɔ̀ɔ́ zang piti ɓɔɔ dũng ruu ɓɔɔ zang bee ka labeenang keɓe ɓɛɛ, ka ruu ɓɔɔ, a nɛɛ bii Laa ɓɛɛ.”

Vuu ɓɔɔ zang nwangsɛ Yɔhana 4:10

rɛɛ zang bang bmati tu dɛ̃ɛti kaɓa, ri tang zang ɓɔɔ nwàng ka laa kpanti ɓɔɔ nwáng ɓi ningkãari dòndòng kaɓa nɛɛ gutu, ri bang wu. Ri ti tu lapoo ɓɔɔ ri kãng ka yuu, ɓɔɔ zang palɛ nɛɛ zinariya ɓɛɛ, ri shing ka tipi ka tĩng zang kaɓa, ri ti gàá wu soo nɛɛ,

Vuu ɓɔɔ zang nwangsɛ Yɔhana 9:20

A zang ɓɔɔ kɔnang kaɓa nyɔkɔ ri vɔrɔ kpang, ri kɔ̃sɔ yeti ɓarɛ kpang. Ri yi tĩng, ri bang ɓarɛ doo rɛɛ suru shi kpang nɛɛ rɛɛ vaka ɓɔɔ ri palɛ nɛɛ naa ɓarɛ ɓɛɛ. Ri palɛ vaka ɓɔɔ nɛɛ zinariya, ɓɔɔ nɛɛ azurufa, a ɓɔɔ nɛɛ saka nwɛ̃ɛri ɓɛɛ. Ri palɛ ɓɔɔ nɛɛ tari, a zang sèe ɓɔɔ nɛɛ laa. Vuu keɓe ri rang yee kpang, ri ti tãa nɔng kpang, a ri ti ra kpang.