Vuu ɓɔɔ zang nwangsɛ Yɔhana 22:8 - Nyaa Shɔɔ Ɓɔɔ Laa a Ɓɛɛ

⁸ Nkɔ Yɔhana, n tãa vuu keɓe nandon, n ti zili nɛɛ jĩng mɛɛ. Ɓɔɔ n tãa vuu keɓe tɔ, n ti zili ri tɔ, n tang nɛɛ gutu ka tĩng zang nyaa shonang Laa ɓɔɔ ka lapa ɓɛɛ, ɓɔɔ tusu m rɛɛ vuu keɓe ɓɛɛ. N tɔɔ, n báng wu,

Vuu ɓɔɔ zang nwangsɛ Yɔhana 22:8 Σταυροειδείς Αναφορές

Zang Shonang Yeesɔ 10:26

Bituru wisi wu paa, a kɔɔ wu tɔɔ, “Shii doo paa n m doo shɔnzang naa mɔkɔ.”

Vuu ɓɔɔ zang nwangsɛ Yɔhana 1:1

Wee vuu ɓɔɔ Yeesɔ Kirisi nwangsɛ zang, ɓɔɔ Laa á wu nɛɛ wu tusu zang ɓɔɔ ri pàlɛ́ Laa shonang nɛɛ tɔ̀ɔ, ri zi vuu ɓɔɔ naa palɛ diki bee takpang ɓɛɛ. A Yeesɔ shong zang nyaa shonang Laa ɓɔɔ ka lapa ɓɛɛ, ka bii zang shonang ɓiɓɛ Yɔhana nɛɛ tɔ̀ɔ wu tusu wu rɛɛ vuu keɓe.

Vuu ɓɔɔ zang nwangsɛ Yɔhana 1:4

Labeenang keɓe nɛɛ bii mɛɛ, nkɔ Yɔhana n bèé nɔɔ zang Laa ɓɔɔ nɔɔ ka rɛɛ Gãa Laa manziti ɓɔɔ ka tipi Asiya ɓɛɛ. Laa wu palɛ nɔɔ tɔ̃ɔ, wu shingnɛ yeti manɛ wu valɛ katɔ. Laa ɓɔɔ ɓi ningkãari kãntang keɓe, ɓɔɔ bɛ̀ɛ́ ɓi ningkãari, ka ɓɔɔ bɛ̀ɛ́ zang mãa koo gn kpang, ɓɔɔ ti naa gbãayu ditɔ ka koo keɓe ɓɛɛ. Rɛɛ suru Laa manziti ɓɔɔ ri shiiri ka tĩng ɓiɓɛ, ka ɓɔɔ wu nwang ka yuu laa kpanti ɓiɓɛ ɓɛɛ. Ri palɛ nɔɔ tɔ̃ɔ jong, ri ti shingnɛ yeti manɛ wu valɛ katɔ.

Vuu ɓɔɔ zang nwangsɛ Yɔhana 19:10

A n tang nɛɛ gutu ka tĩng ɓiɓɛ, n tɔɔ n bang wu kaa tɔ, a kɔɔ m tɔɔ, “Mɔ́ɔ palɛ vuu keɓe kpang tingkiring, ruu ɓuru zang shonang Laa nɛɛ mɔɔ, nɛɛ rɛɛ ɓaazung ɓɔɔ ri shing danggn tɔ, ka ruu ɓɔɔ niizang ɓɔɔ Yeesɔ tùsù ri ɓɛɛ. Báng ɓaa Laa.” Ka ruu ɓɔɔ, ruu niizang ɓɔɔ Yeesɔ nwangsɛ ruu, rɛɛ zang nyaa shonang Laa, ri walɛ ruu ɓɔɔ ri kɔɔrɔ zang ka wukɔ ɓɛɛ.

Vuu ɓɔɔ zang nwangsɛ Yɔhana 19:19

A n zi yɔpɔ jĩngti kaɓa nɛɛ rɛɛ kpanti ɓɔɔ ka koo nɛɛ zang sĩiri tanang ɓarɛ. Ri kpalɛ zɔɔ tɔ nɛɛ ri ta kaa sĩiri nɛɛ zang ɓɔɔ vang gbantang puru ɓɛɛ nɛɛ zang sĩiri ɓiɓɛ.