Vuu ɓɔɔ zang nwangsɛ Yɔhana 22:17 - Nyaa Shɔɔ Ɓɔɔ Laa a Ɓɛɛ

¹⁷ Suru Laa nɛɛ sinyɛ Jaa Mɛɛrɛ, ri kɔɔyi nɛɛ, “Arɛ” Zang piti ɓɔɔ nɛɛ tãa ruu keɓe tɔ, wu kɔɔ jong nɛɛ, “Arɛ” Zang ɓɔɔ sutu nɛɛ maa wu, wu arɛ, zang ɓɔɔ nɛɛ kasɛ katɔ, wu naa zã mii ɓɔɔ a zang suru bii ɓɔɔ waa nyaa kpang waati wu ɓooyi.

Vuu ɓɔɔ zang nwangsɛ Yɔhana 22:17 Σταυροειδείς Αναφορές

Yɔhana 1:37

Zang ɓɔɔ ri mantɛ vuu ka bii ɓiɓɛ ziti kaɓa, ɓɔɔ ri tãa vuu ɓɔɔ wu kɔɔ naa weɓe, ri yaa wu ri dũng ɓarɛ kaa Yeesɔ.

Yɔhana 4:10

Yeesɔ kasɛ wu nyaa tɔɔ, “Naa mɔɔ nɛ̀ɛ́ zi vuu ɓɔɔ Laa a zang tɔ. A mɔɔ nɛɛ ti zi zang ɓɔɔ gaa mii ka naa ɓaaɓɛ tɔ. Mɔɔ nɛ̀ɛ́ gàa wu tɔ, wu nɛ̀ɛ́ á mɔɔ mii ɓɔɔ a zang Suru bii ɓɔɔ waa nyaa kpang tɔ.”

Yɔhana 4:11

Jaa soro kasɛ wu nyaa tɔɔ, “Maalang, vuu ɓɔɔ mɔɔ wɔ mii nɛɛ mani kpang, toomii ti bee katɔ. A mɔɔ walɛ mii ɓɔɔ a zang suru bii ka niya?

Yɔhana 4:14

Zang piti ɓɔɔ ɓoo mii ɓɔɔ n a wu, sutu mãa wu takpang, ka ruu ɓɔɔ, mii ɓɔɔ n a wu, nwàng kaa naa sɔlɔng mii ka yeti ɓiɓɛ ɓɛɛ. Sɔlɔng mii ɓɔɔ nwangsɛ mii ɓɔɔ á wu suru bii ɓɔɔ waa nyaa kpang ɓɛɛ.”

Yɔhana 4:29

“Nɔɔ arɛ nɔɔ zi yɔɔ ɓɔɔ kɔɔ m vuu ɓɔɔ n pálɛ́ ka tĩng ɓɛɛ nandon. Naa ɓu bɛ̀ɛ́ Kirisi kɔ ya?”

Yɔhana 7:37

Diki ɓɔɔ nyaalaa waa nyaa kagn kɔ, ɓa diki ɓɔɔ tɛɛrɛ tɔ nandon. Ka diki kaɓa, Yeesɔ shii paa, mɛɛ nyaa ka lapa tɔɔ, “Zang ɓɔɔ sutu nɛɛ mãa wu, wu a ka bii mɛɛ, n a wu vuu ɓɔɔ wu ɓooyi.

Rooma 3:24

A ka ruu tɔ̃ɔ ɓɔɔ Laa palɛ zang waati, Laa yaa ri gbalang vuu shi kpang ɓarɛ a shing ri tɔ, ri nwáng zang tɔ̃ɔ tɔ, ka tĩng ɓiɓɛ nɛɛ bii Yeesɔ Kirisi ɓɔɔ wukɔ ta yuu ɓarɛ ɓɛɛ.

1 Koranti 2:12

Suru ɓɔɔ Laa shìng ruu ka yeti ɓuru, ɓi Suru ɓiɓɛ, ɓi ɓɔɔ koo keɓe kpang. Suru keɓe kɔ shing ruu, ruu zi vuu piti ɓɔɔ Laa á ruu waati ɓɛɛ.

Vuu ɓɔɔ zang nwangsɛ Yɔhana 14:13

A n ti tãa yee ɓɔɔ tɔkn nɛɛ lapa kɔɔyi nɛɛ, “Béeré ruu keɓe, tĩnang tãanang ɓi ɓɔɔ zang ɓɔɔ ri naa vɔlɔ, ka ruu ɓɔɔ ri shing danggn tɔ ka bii Laa ɓɛɛ.” A Suru Laa kasɛ nyaa tɔɔ, “N, niizang, ri tãa tĩnang tɔ. Ri ɔ̃sɔ kaa tɔ nɛɛ shonang bang ɓɔɔ ri palɛ ɓɛɛ, ka ruu ɓɔɔ, tɔ̃ɔ ɓɔɔ shonang ɓarɛ nwàng ri, dũng ri ka knti ɓɛɛ.”

Vuu ɓɔɔ zang nwangsɛ Yɔhana 2:7

Zang ɓɔɔ shoo ɓiɓɛ nɛɛ kagn, wu ɓaayi wu tãa vuu kɔ Suru Laa kɔɔ rɛɛ zang ɓɔɔ ri dũng Laa ɓee. Zang ɓɔɔ nɛɛ mã danggn nɛɛ ɓa vuu gãsɛnang yuu, n naa yaa wukɔ, wu shaa jĩng laa ɓɔɔ ra ka laa ɓɔɔ a zang suru bii ɓɔɔ waa nyaa kpang, ɓɔɔ ta ka yeti jaa ɓɔɔ Laa shĩili ɓɛɛ.”

Vuu ɓɔɔ zang nwangsɛ Yɔhana 21:2

N zi Urushalima ɓɔɔ shɔɔ, ɓɔɔ wukɔ gari Laa ɓɛɛ, a nɛɛ lapa nɛɛ nɔng Laa. Zang gbarɛ wu bii tɔ, naa sinyɛ ɓɔɔ zang gbarɛ wu bii, ka ruu ɓeevɛ ɓɛɛ.

Vuu ɓɔɔ zang nwangsɛ Yɔhana 21:6

A ti kɔɔ m nɛɛ, “Zang hangsɛ vuu piti tɔ. Nkɔ Alafa nɛɛ Omɛga, ɓɔɔ tĩng shɔɔnang nɛɛ ɓɔɔ waa nyaa knti ɓɛɛ. Zang ɓɔɔ sutu nɛɛ mãa wu, n a wu mii ɓɔɔ nwang nɛɛ sɔlɔng mii, ɓɔɔ a zang suru bii ɓɔɔ waa nyaa kpang ɓɛɛ waati.

Vuu ɓɔɔ zang nwangsɛ Yɔhana 21:9

A zang gbete, ka teteng zang nyaa shonang Laa ɓɔɔ ri ka lapa ɓɛɛ, ɓɔɔ ri manziti kaɓa, ɓɔɔ ri yiti waka ka naa manziti, ɓɔɔ kɔnang manziti kagn ɓɛɛ. Kɔnang diki ɓɔɔ koo naa waa nyaa kagn ɓɛɛ. A ka bii mɛɛ, a kɔɔ m nɛɛ “Arɛ, n tusu mɔɔ sinyɛ, jaa soro Jaa Mɛ̀ɛrɛ́.”

Vuu ɓɔɔ zang nwangsɛ Yɔhana 22:1

Zang nyaa shonang Laa ɓɔɔ ka lapa ɓɛɛ kaɓa, ti tusu m rang mii, ɓɔɔ a zang suru bii ɓɔɔ waa nyaa kpang. Mii ɓiɓɛ kɔlɔ katɔ naa vĩilaa. Nwangnɛ laa nwannang kpanti Laa, nɛɛ ɓɔɔ Jaa Mɛ̀ɛrɛ́.

Vuu ɓɔɔ zang nwangsɛ Yɔhana 22:16

Yeesɔ ti kɔɔyi nɛɛ, “Nkɔ Yeesɔ, n shong zang nyaa shonang mɛɛ ɓɔɔ ka lapa ɓɛɛ tɔ, ka nɔng manɛ nɛɛ wu kɔɔ nɔɔ vuu keɓe, ka rɛɛ gãa Laa ɓɔɔ zang ɓɔɔ ri dũng Laa ri kpalɛ zɔɔ kagn ɓɛɛ. N m zɔ̃ng zang kpanti Dawuda. Nkɔ ti sang ɓɔɔ yakɛ nɔng nɛɛ yuu gãndi ɓɛɛ.”

Vuu ɓɔɔ zang nwangsɛ Yɔhana 7:17

Ka ruu ɓɔɔ, Jaa Mɛ̀ɛrɛ́ ɓɔɔ ka nɔng laa nwannang kpanti gãng jĩng katɔ ka ri ɓɛɛ. Sɔ̀ɔ ri tĩng, atɛ ri ka rang mii ɓɔɔ a zang suru bii ɓɔɔ waa nyaa kpang ɓɛɛ. Laa ti naa àlɛ́ ri miiri nandon ka jĩng ɓarɛ.”