Vuu ɓɔɔ zang nwangsɛ Yɔhana 22:15 - Nyaa Shɔɔ Ɓɔɔ Laa a Ɓɛɛ

¹⁵ Zang ɓɔɔ ri palɛ vuu shi kpang, nɛɛ rɛɛ nvaa, nɛɛ zang ɓɔɔ ri palɛ dũndũng, nɛɛ zang ɓɔɔ ri nyɔkɔ zang vɔrɔ, nɛɛ zang ɓɔɔ ri bang vaka, a zang piti ɓɔɔ ri suru sèé, ɓɔɔ ri ti tãa tĩnnang sèé suunang katɔ ɓɛɛ, ri naa nwang ɓarɛ ka yuu knti gari bìí, ri daa yeti ɓiɓɛ kpang.

Vuu ɓɔɔ zang nwangsɛ Yɔhana 22:15 Σταυροειδείς Αναφορές

Matiyu 7:6

“Nɔ́ɔ a zaa vuu ɓɔɔ zang a Laa ɓɛɛ kpang. Ka ruu ɓɔɔ ri naa raa jĩng ri yi nɔɔ ɓɛɛ. Nɔ́ɔ ti tàsɛ̀ gãnya vutu jasang palɛnang kpang. Ka ruu ɓɔɔ ri nɛɛ nàalɛ́ nɛɛ doo ɓɛɛ.

Matiyu 8:12

A zang naa nwangsɛ kaa zang ɓɔɔ ri shing danggn nɛɛ rikɔ naa daa ka nɔng ɓɔɔ Laa roo Kpanti ɓɛɛ jong, zang tasɛ ri ka nɔng ɓɔɔ tɔ̀ɔ katɔ ɓɛɛ. Ka nɔng ɓɔɔ ri naa kaayi ri ti shaa nyaa kagn kpaaka, kpaaka ɓɛɛ.”

Yɔhana 8:46

Zang gbete kagn teteng manɛ, ɓɔɔ túsù vuu shi kpang, ɓɔɔ nɔɔ tɔɔ n palɛ ɓɛɛ ya? N nɛɛ kɔ̀ɔ́ vuu ɓɔɔ niizang, a nɔɔ shing danggn ka bii mɛɛ kpang ka ruu viya?

Zang Shonang Yeesɔ 8:11

Ri dũng wu, ka ruu ɓɔɔ, diki bee tɔ, ɓɔɔ wu pàlɛ́ ri vuu ɓɔɔ ri zirɛ ri mã naa ka danggn nɛɛ paa hɛ̃ɛnang ɓiɓɛ ɓɛɛ.

Filipi 3:2

Nɔɔ gãng jĩng waasɛ̃ ka zang ɓɔɔ ri nwang naa zaa ɓɛɛ. Zang ɓɔɔ ri palɛ vuu shi kpang ɓɛɛ. Ri yi tĩng nɛɛ, zang ri yee shaa katɔ ɓɛɛ.

Kolosi 3:6

Ka ruu rɛɛ vuu ɓɔɔ naa weɓe kɔ, Laa naa dǎng zang ɓɔɔ ri ta nyaa ɓɔɔ wu dang ɓɛɛ jĩng.

1 Timoti 1:10

Ka ruu zang ɓɔɔ ri palɛ dũndũng ɓɛɛ, nɛɛ zang varɛ ɓɔɔ ri rooro nɛɛ zɔɔ ɓɛɛ, nɛɛ zang soro ɓɔɔ ri palɛ doo nɔngkɔ ɓɛɛ. Ka ruu zang ɓɔɔ ri ɓɔɔrɔ zang ri mãlɛ́ ɓɛɛ, nɛɛ zang ɓɔɔ ri suuru sèé ɓɛɛ, nɛɛ zang ɓɔɔ ri kɔ̀ɔrɔ̀ ruu niizang ka yuu ruu kpang ɓɛɛ. Ka ruu zang piti ɓɔɔ ri pálɛ̀ vuu ka doo vuu tusunang ɓɔɔ niizang kpang ɓɛɛ.

Vuu ɓɔɔ zang nwangsɛ Yɔhana 18:23

Waa zàáng sɔɔ ti yakɛ yeti ɓiɓɛ takpang, zang ti paasɛ yèé zang ɓɔɔ gee soro, nɛɛ ɓɔ̀ɔ́ sinyɛ tãanang takpang, ka yeti ɓiɓɛ kpang. Ɓeleng zang ɓɔɔ mɔɔ hooro vuu ɓarɛ rikɔ zang bang ka koo zang ti nwãarɛ zɔ̃ng zang ɓɔɔ ka koo, nɛɛ nvaa ɓaaɓɛ kɔ.

Vuu ɓɔɔ zang nwangsɛ Yɔhana 21:27

A vuu shi kpang ɓɔɔ daa ka yeti gari kaɓa kpang. Zang ɓɔɔ ri palɛ vuu baabii, nɛɛ zang ɓɔɔ ri suru sèé ri ti daa yeti gari kaɓa kpang jong. Zang ɓɔɔ ri daa yeti gari kaɓa, ɓi zang ɓɔɔ zang béeré nung ɓarɛ tɔ, ka yeti labeenang Jaa Mɛ̀ɛrɛ́, ɓɔɔ zang beere nung zang ɓɔɔ ri walɛ suru bii ɓɔɔ waa nyaa kpang tɔ kagn ɓɛɛ.

Vuu ɓɔɔ zang nwangsɛ Yɔhana 21:8

A ɓɔɔ zang ɓɔɔ ri kaa vɔrɔ, nɛɛ zang ɓɔɔ ri shing danggn ka bii Laa kpang ɓɛɛ, nɛɛ zang ɓɔɔ shi kpang kagn bii ɓarɛ ɓɛɛ, nɛɛ zang ɓɔɔ ri nyɔ zang vɔrɔ ɓɛɛ, nɛɛ zang ɓɔɔ ri palɛ dũndũng, nɛɛ zang ɓɔɔ ri shaa nvaa, nɛɛ zang ɓɔɔ ri bang vaka, nɛɛ zang sèé nandon, zang naa tasɛ ri ɓarɛ ka too waa, ɓɔɔ tari ɓɔɔ ri shaa waa katɔ kagn ɓɛɛ. Wee kɔ vɔrɔ ɓɔɔ zang vɔrɛ daa kaa doo ziti ɓɛɛ kɔ.”