Vuu ɓɔɔ zang nwangsɛ Yɔhana 21:8 - Nyaa Shɔɔ Ɓɔɔ Laa a Ɓɛɛ

⁸ A ɓɔɔ zang ɓɔɔ ri kaa vɔrɔ, nɛɛ zang ɓɔɔ ri shing danggn ka bii Laa kpang ɓɛɛ, nɛɛ zang ɓɔɔ shi kpang kagn bii ɓarɛ ɓɛɛ, nɛɛ zang ɓɔɔ ri nyɔ zang vɔrɔ ɓɛɛ, nɛɛ zang ɓɔɔ ri palɛ dũndũng, nɛɛ zang ɓɔɔ ri shaa nvaa, nɛɛ zang ɓɔɔ ri bang vaka, nɛɛ zang sèé nandon, zang naa tasɛ ri ɓarɛ ka too waa, ɓɔɔ tari ɓɔɔ ri shaa waa katɔ kagn ɓɛɛ. Wee kɔ vɔrɔ ɓɔɔ zang vɔrɛ daa kaa doo ziti ɓɛɛ kɔ.”

Vuu ɓɔɔ zang nwangsɛ Yɔhana 21:8 Σταυροειδείς Αναφορές

Matiyu 10:28

Nɔ́ɔ kaa vɔrɔ zang ɓɔɔ ri nyɔ gãmpãng bii, a ri zunung ɓɔɔ ri nyɔ suru bii kpang ɓɛɛ kpang. Nɔɔ Kaa vɔrɔ Kpanti Laa ɓɔɔ nyɔ gãmpãng bii nɛɛ suru bii piti, ka nɔng ɓɔɔ waa ning ɓi jong kpang ɓɛɛ.

Matiyu 25:25

Ka ruu nɔngkɔ, n kaa vɔrɔ, a n daayi, n daa waasɛ saka ɓaaɓɛ ka tipi. Vuu ɓaaɓɛ keɓe, ta, ta.’

Matiyu 8:26

Yeesɔ kɔɔ ri tɔɔ, “Zang kɔ shing danggn ka bii Laa rɛ̃rɛkɛ ɓee, nɔɔ káa vɔrɔ vi nɔngkɔ viya?” A seepaa mangkɛ jasung nɛɛ mii ɓɔɔ gɔnsɔ zɔɔ ɓɛɛ, a ri kàa kati.

Maraku 9:44

Ka nɔng kaɓa, jaagn ɓɔɔ shaa bii ɓarɛ, vɔ ɓi kpang ɓɛɛ. Waa ɓɔɔ ti shaa ri zang ningsi ɓi kpang ɓɛɛ.]

Yɔhana 8:44

Nɔɔ manɛ wujɛ daa manɛ sheetang, a nɔɔ ti kasɛ manɛ nɛɛ nɔ́ɔ palɛ vuu ɓɔɔ daa manɛ kasɛ ɓɛɛ. Daa manɛ nyɔ̀kɔ̀ zang vɔrɔ ɓi doo ka tĩng. Ruu ɓiɓɛ hãa ɓi kagn nɛɛ ruu ɓɔɔ niizang kpang. Ka ruu ɓɔɔ, niizang ɓi kagn yeti ɓiɓɛ kpang ɓɛɛ. Náa suu sèé, palɛ ɓi vuu ɓɔɔ ka yeti ɓiɓɛ kɔ nwani, ka ruu ɓɔɔ ɓi zang sèé, a sèé ti nwàng ɓi nɛɛ bìí ɓiɓɛ kɔ nwani ɓɛɛ.

2 Tesalonika 2:9

Yɔɔ ɓɔɔ dũng nyaa dannang ɓi kpang keɓe, naa a nɛɛ naa vuu palɛnang Sheetang wu pálɛ́ vuu ɓɔɔ zang zirɛ zang mã naa ka danggn ɓɔɔ sèé ka zɔ̃ng zɔ̃ng ɓɛɛ.

1 Timoti 4:2

Ɓi zang sèé ɓɔɔ ri nwãarɛ zang, nɛɛ vuu palɛnang kɔ ri tusu zang zɔ̃ng vuu keɓe. Zang keɓe ri rɛ̃̀rɛ́ ɓarɛ ka vuu ɓɔɔ Sheetang kasɛ ɓɛɛ.

Titu 1:16

Ri kɔ̀ɔ́ ɓarɛ nɛɛ ri zi Laa tɔ, a vuu ɓɔɔ ri palɛ tusu kaa nɛɛ ri zi Laa nung kpang. Ri ɓarɛ vuu ɓɔɔ zang bɛ̃ɛ katɔ ɓɛɛ, ri ɓaa shoo ka nyaa zang kpang, ri daa naa vuu tɔ̃ɔ palɛnang ɓarɛ kpang tingkiring.

Yahudi 12:24

A ɓɔɔ ka bii Yeesɔ ɓɔɔ wukɔ shii ka teteng ɓuru nɛɛ Laa, ka nyaa shɔɔ kɔ Laa mã nɛɛ ruu ɓee. A nɔɔ ti a ka nɔng zĩi ɓɔɔ zang ɓisi katɔ, kaa nyavɔ, kɔɔ vuu tɔ̃ɔ, ɓa zĩi Habila katɔ ɓɛɛ.

Yahudi 13:4

Zang piti ɓɔɔ ri gee zɔɔ tɔ, ri seng zɔɔ katɔ, a zang ɓɔɔ ri gee zɔɔ tɔ, ri yaasɛ zɔɔ gn naa kpang. Ka ruu ɓɔɔ, Laa naa dɔng zang ɓɔɔ ri palɛ dũndũng nɛɛ zang ɓɔɔ ri rooro nɛɛ soro zang, ruu katɔ ɓɛɛ.

1 Yɔhana 2:22

Ɓu wi, zang sèé wiya? Zang ɓɔɔ laa nyaa nɛɛ Yeesɔ kɔ Kirisi, zang ɓɔɔ naa a ɓɛɛ, kpang ɓɛɛ. Zang keɓe, wukɔ ti laa nyaa Jaa Laa, nɛɛ Daa ɓiɓɛ Laa nandon.

1 Yɔhana 3:15

Zang ɓɔɔ kasɛ ruu ɓeezung kpang, wukɔ zang ɓɔɔ nyɔ zang vɔrɔ ɓɛɛ. Nɔɔ ti zi tɔ nɛɛ, suru bii ɓɔɔ waa nyaa kpang, ɓi kagn bii zang ɓɔɔ nyɔ zang vɔrɔ ɓɛɛ kpang.

1 Yɔhana 5:10

Ka ruu nɔngkɔ, zang ɓɔɔ shing danggn ka bii Jaa Laa, zi katɔ ka yeti ɓiɓɛ nɛɛ ruu keɓe ɓi niizang. Zang ɓɔɔ ta vuu ɓɔɔ Laa kɔɔ kpang, ɓaa Laa sèé tɔ. Ka ruu ɓɔɔ, kasɛ vuu ɓɔɔ Laa kɔɔ ka yuu Jaa ɓiɓɛ kpang ɓɛɛ.

Vuu ɓɔɔ zang nwangsɛ Yɔhana 14:10

Gnvɔ naa shaa Laa nɛɛ wu. Gnvɔ kaɓa, ɓi naa sàa ɓɔɔ la katɔ, zang tɛ̃ɛ mii kagn kpang ɓɛɛ. A zang naa dang wu jĩng nɛɛ waa ɓɔɔ nwãa dɔɔli, nɛɛ mii takong, ka tĩng rɛɛ zang nyaa shonang Laa ɓɔɔ ri ka lapa ɓɛɛ nɛɛ tĩng Jaa Mɛ̀ɛrɛ́.

Vuu ɓɔɔ zang nwangsɛ Yɔhana 19:20

A zang yi yɔpɔ jĩngti kaɓa ka nyaa sĩiri, nɛɛ yɔɔ ɓɔɔ suu sèé nɛɛ wu kɔ̀ɔ́ zang Ruu Laa ɓɛɛ. Ɓɔɔ palɛ vuu ɓɔɔ zang zirɛ zang mã naa ka danggn ka tĩng yɔpɔ jĩngti bìí ɓɛɛ. (Nɔɔ nwãarɛ zang nɛɛ mani, a zang ɓang zang vuu yɔpɔ jĩngti ka nyaating. A zang ɓɔɔ ri bang vuu ɓɔɔ zang palɛ nwang wu ɓɛɛ). Zang ziti keɓe zang tasɛ ri ningkãari ka too waa kaɓa ɓɔɔ shaayi, tari ɓɔɔ shaa waa katɔ ti kagn ɓɛɛ.

Vuu ɓɔɔ zang nwangsɛ Yɔhana 2:11

Zang ɓɔɔ shoo ɓiɓɛ nɛɛ kagn wu ɓaayi wu tãa vuu ɓɔɔ Suru Laa kɔɔ rɛɛ zang ɓɔɔ dũng Laa ɓɛɛ. Zang ɓɔɔ shii gbãng gbãng nɛɛ ɓa vuu gãsɛnang yuu, vɔrɔ ɓɔɔ zang naa vɔ tɔkn, daa kaa doo ziti, naa palɛ wu vuu ɓɔɔ kpang tingkiring.”

Vuu ɓɔɔ zang nwangsɛ Yɔhana 2:2

N zi shonang ɓɔɔ nɔɔ pálɛ̀ ɓɛɛ tɔ, naa ɓɔɔ nɔɔ palɛ shonang nɛɛ kaka manɛ, a nɔɔ ti mã danggn ɓɛɛ. N ti zi naa ɓɔɔ nɔɔ kasɛ kpang nɛɛ zang ɓɔɔ ri palɛ vuu shi kpang, ri nwàng ka teteng manɛ kpang tɔ. Nɔɔ ti gãsɛ rɛɛ zang ɓɔɔ ri suu sèé ri tuu yuu ɓarɛ naa ri zang shonang Yeesɔ tɔ, a nɔɔ ti ĩiyi, ri suu ɓarɛ sèé waati.

Vuu ɓɔɔ zang nwangsɛ Yɔhana 21:27

A vuu shi kpang ɓɔɔ daa ka yeti gari kaɓa kpang. Zang ɓɔɔ ri palɛ vuu baabii, nɛɛ zang ɓɔɔ ri suru sèé ri ti daa yeti gari kaɓa kpang jong. Zang ɓɔɔ ri daa yeti gari kaɓa, ɓi zang ɓɔɔ zang béeré nung ɓarɛ tɔ, ka yeti labeenang Jaa Mɛ̀ɛrɛ́, ɓɔɔ zang beere nung zang ɓɔɔ ri walɛ suru bii ɓɔɔ waa nyaa kpang tɔ kagn ɓɛɛ.

Vuu ɓɔɔ zang nwangsɛ Yɔhana 22:15

Zang ɓɔɔ ri palɛ vuu shi kpang, nɛɛ rɛɛ nvaa, nɛɛ zang ɓɔɔ ri palɛ dũndũng, nɛɛ zang ɓɔɔ ri nyɔkɔ zang vɔrɔ, nɛɛ zang ɓɔɔ ri bang vaka, a zang piti ɓɔɔ ri suru sèé, ɓɔɔ ri ti tãa tĩnnang sèé suunang katɔ ɓɛɛ, ri naa nwang ɓarɛ ka yuu knti gari bìí, ri daa yeti ɓiɓɛ kpang.

Vuu ɓɔɔ zang nwangsɛ Yɔhana 9:17

Wee naa ɓɔɔ n zi rɛɛ gbantang bìí, ka vuu ɓɔɔ zang tusu ɓɛɛ. Zang ɓɔɔ ri vãlɛ gbantang bìí ri hãa saka ɓɔɔ zuu ri danggn ɓɛɛ, ta bii nwɛ̃ɛri naa waa, a ɓɔɔ ta bii naa bii sãmbong, a ɓɔɔ ta bii naa mii rong. Rɛɛ gbantang, ri takɛ yuu naa ɓɔɔ zing. Waa nɛɛ zĩiri nɛɛ vuu ɓɔɔ ta bii naa mii rong, nwangkɛ nɛɛ nyaa ɓarɛ.

Vuu ɓɔɔ zang nwangsɛ Yɔhana 9:21

Zang kaɓa ri kɔ̃sɔ yeti, ri yaa zang nyɔkɔnang vɔrɔ, nɛɛ nvaa shaanang nɛɛ dũndũng palɛnang a ɓɔɔ shɔngɓɔ ɓɔɔnang ɓarɛ kpang.