Vuu ɓɔɔ zang nwangsɛ Yɔhana 21:5 - Nyaa Shɔɔ Ɓɔɔ Laa a Ɓɛɛ

⁵ A zang ɓɔɔ nwang ka láa nwannang kpanti kaɓa, kɔɔyi nɛɛ, “Nɔɔ zirɛ, n rìsí vuu piti wu nwang kaa shɔɔ.” A ti kɔɔ m nɛɛ “Beere vuu keɓe ta, ka ruu ɓɔɔ, ruu keɓe daa naa gn shinang katɔ, a ti ruu ɓɔɔ niizang ɓɛɛ.”

Vuu ɓɔɔ zang nwangsɛ Yɔhana 21:5 Σταυροειδείς Αναφορές

Luka 5:38

Zang tɛ̃ɛ saa shɔɔ ɓi doo ka zàáng ɓɔɔ shɔɔ kɔ doori.

2 Koranti 5:17

Ka ruu nɔngkɔ, zang ɓɔɔ nɛɛ ɓakɛ yuu ɓiɓɛ tɔ nɛɛ Yeesɔ Kirisi, ɓi kaa zang shɔɔ. Gbalang nwannang gbaala ɓiɓɛ ɓa ɓi tɔ. Nwannang ka gbalang shɔɔ gaayu tɔ.

Yahudi 12:27

Ruu kɔ zang kɔɔyi nɛɛ, “Yaa dòo doo gbete” tusu nɛɛ, zang naa zĩiti vuu ɓɔɔ Laa mãarɛ ɓɛɛ, zang rùkú, zang yaa nɔng. Tɔ̀ɔ, zang yaa kaa vuu ɓɔɔ zang zunung zĩitinang kpang kɔ shɛ̃ɛning.

Vuu ɓɔɔ zang nwangsɛ Yɔhana 1:11

Kɔ̀ɔ́ m nɛɛ, “Tuu labeenang mɔɔ bée vuu kɔ mɔɔ zili ɓee, mɔ́ɔ shòng zang ɓɔɔ ri dũng Laa ka Gãa Laa manziti kaɓa. Gãa Laa ɓɔɔ ri ka gari Afisa nɛɛ gari Simina nɛɛ gari Pagamu, nɛɛ gari Tayatira nɛɛ gari Sadisu, nɛɛ ɓɔɔ gari Filadifiya a ɓɔɔ gari Lawodikiya ɓɛɛ.”

Vuu ɓɔɔ zang nwangsɛ Yɔhana 1:19

Ka ruu nɔngkɔ, bée vuu ɓɔɔ mɔɔ zili ɓɛɛ ta, vuu ɓɔɔ palɛ kãntang keɓe, nɛɛ vuu ɓɔɔ naa palɛ nɛɛ knti ɓɛɛ.

Vuu ɓɔɔ zang nwangsɛ Yɔhana 19:9

A zang nyaa shonang Laa ɓɔɔ ka lapa ɓɛɛ kaɓa, kɔɔ m nɛɛ, “Bée ruu keɓe, Zang ɓɔɔ zang gáarɛ̀ ri, nɛɛ ri naa shaa kn sinyɛ Jaa Mɛ̀ɛrɛ́ ri tãa tĩnang ɓarɛ tɔ.” A ti kɔɔ m nɛɛ, “Ruu keɓe nwangnɛ, nɛɛ nyaa Laa nɛɛ yuu ɓiɓɛ.”

Vuu ɓɔɔ zang nwangsɛ Yɔhana 20:11

A n zi láa ɓɔɔ kpanti nwáng kagn bang puru, a n ti zi zang nwàng ka yuu ɓiɓɛ. Tipi nɛɛ lapa ri yuku kana, ri yaa tĩng ɓiɓɛ zang zi ri takpang.

Vuu ɓɔɔ zang nwangsɛ Yɔhana 22:19

Zang ɓɔɔ nɛɛ ti zɔ̃ng vuu ɓɔɔ ka ruu ɓɔɔ a nɛɛ bii Laa, ɓɔɔ ka labeenang keɓe, Laa ti naa yáa wu, wu shaa jĩng laa ɓɔɔ a zang suru bii ɓɔɔ waa nyaa kpang, kpang, ti daa yeti gari Laa kaɓa kpang. Wee rɛɛ vuu keɓe ɓɔɔ zang bee vuu ka yuu ɓarɛ ka labeenang keɓe ɓɛɛ kɔ.

Vuu ɓɔɔ zang nwangsɛ Yɔhana 22:6

A zang nyaa shonang Laa ɓɔɔ ka lapa ɓɛɛ kaɓa, kɔɔ m nɛɛ, “Rɛɛ vuu keɓe, ri daa ɓɔɔ zang shing gn kagn ɓɛɛ katɔ, a ti ruu ɓɔɔ niizang kɔ nwani. Kpanti Laa ɓɔɔ a rɛɛ zang nyaa shonang ɓiɓɛ naa, ri kɔɔ zang ruu ɓiɓɛ ɓɛɛ, shong zang nyaa shonang ɓiɓɛ ɓɔɔ ka lapa ɓɛɛ, nɛɛ wu naa tusu rɛɛ zang ɓɔɔ palɛ wu shonang ɓɛɛ, vuu ɓɔɔ bɛ̀ɛ́ zang palɛ kaa tɔ ɓɛɛ.”

Vuu ɓɔɔ zang nwangsɛ Yɔhana 4:2

Nyaa kɔ dòó naa ɓee, Suru Laa a ka bii mɛɛ. Ka lapa ka nɔng kaɓa, n zi láa nwannang kpanti, a zang ɓɔɔ nwang ka yuu ɓiɓɛ.

Vuu ɓɔɔ zang nwangsɛ Yɔhana 4:9

Vuu dɛ̃ɛti ɓɔɔ suru bii ɓarɛ kagn keɓe, ri nɛɛ dɔ̀ɔ zang ɓɔɔ nwàng ka yuu laa nwannang kpanti ɓɔɔ nwáng ɓi ningkãari dòndòng, ri nɛɛ ti a wu bannang, ri nɛɛ zã̀a wu tɔ naa weɓe,

Vuu ɓɔɔ zang nwangsɛ Yɔhana 5:1

A n zi labeenang ɓɔɔ kagn, ka nakn zang ɓɔɔ nwang ka yuu laa nwannang kpanti ɓɛɛ. Zang bèe vuu ka yeti nɛɛ biling piti a zang leng kati. Zang ɓang nyaa ɓiɓɛ nɛɛ lang nɔng manziti.