Vuu ɓɔɔ zang nwangsɛ Yɔhana 21:4 - Nyaa Shɔɔ Ɓɔɔ Laa a Ɓɛɛ

⁴ Naa àlɛ́ ri miiri ɓɔɔ ka jĩng ɓarɛ ɓɛɛ. Zang naa vɔ̀lɔ̀ takpang. Zang ri zàa takpang, ri kaa nyavɔ takpang, ri ti tãa kɔnang takpang, ka ruu ɓɔɔ, vuu ɓɔɔ bɛ̀ɛ́ ri nwáng ka tĩng, ri tɛɛ tɔ ɓɛɛ.”

Vuu ɓɔɔ zang nwangsɛ Yɔhana 21:4 Σταυροειδείς Αναφορές

Matiyu 24:35

Lapa nɛɛ tipi ri naa shaarɛ ditɔ nandon, a ruu mɛɛ shaarɛ ɓi kpang.

1 Koranti 15:26

Vɔrɔ kɔ̀ vuu ɓɔɔ shing jĩng nɛɛ Kirisi kpang, ɓɔɔ Laa naa ningsi wukɔ doo knti.

1 Koranti 7:31

Zang ɓɔɔ ri nɛɛ palɛ shonang ɓɔɔ ka koo keɓe, ri shing danggn nandon ka yuu vuu keɓe kpang. Ka ruu ɓɔɔ, koo keɓe naa wee wu kãntang ɓee, waa nyaa kaa tɔ ɓɛɛ.

2 Koranti 5:17

Ka ruu nɔngkɔ, zang ɓɔɔ nɛɛ ɓakɛ yuu ɓiɓɛ tɔ nɛɛ Yeesɔ Kirisi, ɓi kaa zang shɔɔ. Gbalang nwannang gbaala ɓiɓɛ ɓa ɓi tɔ. Nwannang ka gbalang shɔɔ gaayu tɔ.

2 Koranti 6:17

Ka ruu nɔngkɔ, Laa kɔɔyi tɔɔ, “Nwang ta, nɔ́ɔ yaa teteng ɓarɛ, nɔɔ kusu yuu manɛ dang gbete. Nɔ́ɔ pálɛ̀ vuu ɓɔɔ shi kpang, kpang, tɔ̀ɔ, n ta nɔɔ kati, nɔ́ɔ nwang zang mɛɛ.

Yahudi 12:27

Ruu kɔ zang kɔɔyi nɛɛ, “Yaa dòo doo gbete” tusu nɛɛ, zang naa zĩiti vuu ɓɔɔ Laa mãarɛ ɓɛɛ, zang rùkú, zang yaa nɔng. Tɔ̀ɔ, zang yaa kaa vuu ɓɔɔ zang zunung zĩitinang kpang kɔ shɛ̃ɛning.

2 Bituru 3:10

Naa dòo nɔngkɔ piti, diki nɛɛ a tɔ, Kpanti Yeesɔ Kirisi naa gbãayu naa shɔngɓɔ ka diki kaɓa, zang ri naa tãa nyaa ɓɔɔ zang mɛɛ ɓɛɛ, a lapa wu ning kati. Waa wu shaa vuu ɓɔɔ ka lapa nɛɛ koo kati nandon. Tipi nɛɛ vuu ɓɔɔ ka yuu ɓiɓɛ piti naa ning katɔ nandon.

1 Yɔhana 2:17

Diki ɓɔɔ koolaa keɓe naa waa nyaa, waa nyaa ɓi nɛɛ vuu ɓɔɔ zang kasɛ ka yeti ɓiɓɛ ning. Zang ɓɔɔ palɛ vuu ɓɔɔ yeti Laa kasɛ, wukɔ nwang ɓi gbinggbing.

Vuu ɓɔɔ zang nwangsɛ Yɔhana 20:13

A waapo nwangsɛ rɛɛ vɔrɔ zang ɓɔɔ ri vɔlɔ ka yeti ɓiɓɛ ɓɛɛ. A vɔrɔ nɛɛ koo suru zang ɓɔɔ ri vɔlɔ tɔ ɓɛɛ, ri nwangsɛ vɔrɔ ɓarɛ jong, a zang jɛ̃ɛ ri ruu ka doo shonang ɓɔɔ ri palɛ ɓɛɛ.

Vuu ɓɔɔ zang nwangsɛ Yɔhana 20:14

A zang tuu rɛɛ vɔrɔ nɛɛ koo suru zang ɓɔɔ ri vɔlɔ tɔ ɓɛɛ zang tasɛ ri ka too waa. Too waa kaɓa, wukɔ vɔrɔ ɓɔɔ daa kaa doo ziti ɓɛɛ.

Vuu ɓɔɔ zang nwangsɛ Yɔhana 21:1

A n zi lapa ɓɔɔ shɔɔ nɛɛ koo ɓɔɔ shɔɔ. Lapa tĩng shɔɔnang nɛɛ koo ɓɔɔ tĩng shɔɔnang ri ning tɔ, waapo ti tɔ̀ɔ́ kagn kpang.

Vuu ɓɔɔ zang nwangsɛ Yɔhana 22:3

Vuu ɓɔɔ Laa ku wu nyaa ka bii, nwàng gari kaɓa kpang. Láa nwannang kpanti ɓɔ̀ɔ́ Laa, nɛɛ ɓɔ̀ɔ́ Jaa Mɛ̀ɛrɛ́ ɓi ka nɔngkɔ, a zang ɓiɓɛ ri bang wu ka nɔngkɔ.

Vuu ɓɔɔ zang nwangsɛ Yɔhana 7:17

Ka ruu ɓɔɔ, Jaa Mɛ̀ɛrɛ́ ɓɔɔ ka nɔng laa nwannang kpanti gãng jĩng katɔ ka ri ɓɛɛ. Sɔ̀ɔ ri tĩng, atɛ ri ka rang mii ɓɔɔ a zang suru bii ɓɔɔ waa nyaa kpang ɓɛɛ. Laa ti naa àlɛ́ ri miiri nandon ka jĩng ɓarɛ.”