Vuu ɓɔɔ zang nwangsɛ Yɔhana 20:12 - Nyaa Shɔɔ Ɓɔɔ Laa a Ɓɛɛ

¹² N ti zi zang ɓɔɔ ri vɔlɔ tɔ ɓɛɛ. Zang bang nɛɛ wujɛ, ri shiiri ka tĩng laa nwannang kpanti kaɓa. A zang atɛ rɛɛ labeenang ɓɔɔ, zang púlù ka tĩng ɓarɛ. Zang ti puu labeenang ɓɔɔ zang beere nung zang ɓɔɔ ri walɛ suru bii ɓɔɔ waa nyaa kpang tɔ kagn ɓɛɛ. A zang jɛ̃ɛ zang ɓɔɔ ri vɔlɔ tɔ ruu ka doo shonang ɓɔɔ ri palɛ ɓɛɛ, ɓɔɔ zang beere ka rɛɛ labeenang kaɓa ɓɛɛ.

Vuu ɓɔɔ zang nwangsɛ Yɔhana 20:12 Σταυροειδείς Αναφορές

Matiyu 11:22

N kɔ̀ɔ́ nɔɔ, ka diki ɓɔɔ Kpanti Laa naa jɛ̃ɛ zang ruu, gn zang Taya nɛɛ Sidong naa kɔng wu ɓa ɓɔɔ manɛ katɔ.

Matiyu 16:27

Jaa Shɔnzang naa a ditɔ nɛɛ bannang diiɓɛ, nɛɛ zang nyaa shonang ɓiɓɛ ɓɔɔ ka lapa ɓɛɛ. Tɔ̀ɔ, wu naa alɛ zang vuu, ka naa vuu ɓɔɔ ri palɛ ɓɛɛ.

Luka 10:20

Nɔ́ɔ tãa tĩnang ka ruu ɓɔɔ suru shi kpang ɓaa shoo ka nyaa manɛ kpang. Nɔɔ tãa tĩnang manɛ, ka ruu ɓɔɔ, zang bee nung manɛ tɔ ka lapa ɓɛɛ.”

Zang Shonang Yeesɔ 24:15

N ti shing danggn m doo nɔngkɔ, ka bii Laa, naa ɓɔɔ zang keɓe ri shing ɓɛɛ, nɛɛ zang tɔ̃ɔ, nɛɛ zang shi kpang, Laa naa wisi ri paa katɔ nɛɛ sàa.

Rooma 2:6

Ka ruu ɓɔɔ, Laa naa sɔ̀ɔrɔ́ zang ɓu doo ka doo vuu ɓɔɔ zang ɓu pálɛ̀ ɓɛɛ.

1 Koranti 4:5

Ka ruu nɔngkɔ, daa naa ɓɔɔ nɔɔ dɔng zang ruu ɓɛɛ kpang. Nɔɔ yaa gbongkarɛ diki ɓiɓɛ wu arɛ. Diki ɓɔɔ Kpanti Yeesɔ gbãayu kagn ɓɛɛ. Naa nwangsɛ dĩiri vuu ɓɔɔ zang waasɛ̃ katɔ kãntang keɓe ditɔ. Ti naa nwangsɛ rɛ̃rɛnang ɓɔɔ zang ɓu rɛ̃rɛ ka yeti ɓiɓɛ ditɔ. Ka diki kaɓa kɔ, Laa naa dɔ̀ɔ zang ɓu nɛɛ dɔɔnang ɓɔɔ daa teetee nɛɛ zang ɓu ɓɛɛ.

2 Koranti 5:10

Ka ruu ɓɔɔ, ruu nandon ruu naa shii ditɔ ka tĩng Yeesɔ Kirisi, wu jɛ̃ɛ rùu rúu. Wu jɛ̃ɛ ruu rúu, wu ti pàlɛ̀ zang ɓu vuu naa ɓɔɔ daa naa katɔ ɓɛɛ. Yeesɔ pàlɛ́ ruu vuu ka doo vuu tɔ̃ɔ nɛɛ vuu shi kpang ɓɔɔ zang ɓu palɛ ka koo keɓe ɓɛɛ.

Filipi 4:3

N gaa mɔɔ katɔ, zang ɓɔɔ palɛ shonang nɛɛ n, a ti ɓaa shoo ka nyaa mɛɛ ɓɛɛ. Mɔɔ yì rɛɛ zang soro keɓe naa ka bii, ka ruu ɓɔɔ, ri nɛɛ n, ruu palɛ shonang, a ruu ti dang jĩng nɛɛ zɔɔ, ka ɓɔɔ ruu, kɔɔrɔ zang Ruu Tɔ̃ɔ Laa ɓɛɛ. Naa ɓɔɔ Kilema nɛɛ rɛɛ wusang shonang mɛɛ, ɓɔɔ Laa bée nung ɓarɛ tɔ nandon ka yeti labeenang ɓiɓɛ, ɓɔɔ wu beere nung zang ɓɔɔ ri walɛ suru bii ɓɔɔ waa nyaa kpang tɔ, kagn ɓɛɛ.

Vuu ɓɔɔ zang nwangsɛ Yɔhana 11:18

Zang koo ɓɔ̀ɔ́gn, ɓɔɔ ri ɓarɛ zang Laa kpang, ri lasɛ yeti tɔ nɛɛ mɔɔ gbãng gbãng, a diki ɓɔɔ mɔɔ lasɛ yeti jong nɛɛ ri ti a tɔ. Diki ɓɔɔ mɔɔ dɔng zang ɓɔɔ ri vɔlɔ tɔ ruu kagn, mɔɔ ti sɔ̀ɔrɔ̀ rɛɛ zang nyaa shonang ɓaaɓɛ nɛɛ rɛɛ zang ɓaaɓɛ doo, ka ruu shonang ɓɔɔ ri palɛ ɓɛɛ. Nɛɛ rɛɛ zang bang, nɛɛ wujɛ ɓɔɔ ri a nung ɓaaɓɛ bannang katɔ ɓɛɛ. Zang ti ningsi zang ɓɔɔ bɛ̀ɛ́ ri ningsi koo ɓɛɛ.”

Vuu ɓɔɔ zang nwangsɛ Yɔhana 13:8

Zang ɓɔɔ ri nwang ka koo nandon ri naa bang wu. Rɛɛ zang ɓɔɔ zang bee nung ɓarɛ doo tɛ̃ɛ tɛ̃ɛ kpang, ka yeti labeenang Jaa Mɛ̀ɛrɛ́ Laa, ɓɔɔ bɛ̀ɛ́ zang nyɔ wu vɔrɔ ɓɛɛ.

Vuu ɓɔɔ zang nwangsɛ Yɔhana 17:8

Yɔpɔ jĩngti kaɓa bɛ̀ɛ́ ningkãari, kãntang keɓe tɔ̀ɔ́ ningkãari kpang. Naa nwang ditɔ nɛɛ too ɓɔɔ dii kagn kpang kaɓa, wu daa kaa nɔng ɓɔɔ zang daa nyɔ wu vɔrɔ ɓɛɛ. Zang ɓɔɔ ri nwang ka koo ɓɔɔ zang bee nung ɓarɛ ka labeenang ɓɔɔ zang beere nung zang ɓɔɔ ri walɛ suru bii ɓɔɔ waa nyaa kpang, bɛ̀ɛ́ zang mãa koo gn kpang, kpang ɓɛɛ. Ri nɛɛ naa zi yɔpɔ jĩngti bìí tɔ, ri naa mã naa ka danggn. Ka ruu ɓɔɔ, bɛ̀ɛ́ yɔpɔ jĩngti kaɓa ningkãari, a kãntang keɓe tɔ̀ɔ́ ningkãari kpang ɓɛɛ, a ti naa gbãayu ditɔ tɔkn ɓɛɛ.

Vuu ɓɔɔ zang nwangsɛ Yɔhana 19:5

A n tãa yee nwangnɛ laa nwannang Laa kɔɔyi nɛɛ, “Nɔɔ zang ɓɔɔ nɔɔ pàlɛ́ Laa shonang ɓɔɔ nɔɔ a wu bannang, zang bang nɛɛ wujɛ nandon, nɔɔ dɔɔ Laa ɓuru.”

Vuu ɓɔɔ zang nwangsɛ Yɔhana 2:23

N naa nyɔkɔ zang ɓɔɔ ri dũng wu vɔrɔ nandon. Tɔ̀ɔ, zang ɓɔɔ ri dũng Laa ka nɔng piti, ri zi kati nɛɛ nkɔ zang ɓɔɔ zi rɛ̃rɛnang zang tɔ nɛɛ yeti ɓarɛ piti ɓɛɛ. N a zang ɓu vuu ka doo shonang ɓɔɔ wu palɛ ɓɛɛ.

Vuu ɓɔɔ zang nwangsɛ Yɔhana 20:11

A n zi láa ɓɔɔ kpanti nwáng kagn bang puru, a n ti zi zang nwàng ka yuu ɓiɓɛ. Tipi nɛɛ lapa ri yuku kana, ri yaa tĩng ɓiɓɛ zang zi ri takpang.

Vuu ɓɔɔ zang nwangsɛ Yɔhana 20:13

A waapo nwangsɛ rɛɛ vɔrɔ zang ɓɔɔ ri vɔlɔ ka yeti ɓiɓɛ ɓɛɛ. A vɔrɔ nɛɛ koo suru zang ɓɔɔ ri vɔlɔ tɔ ɓɛɛ, ri nwangsɛ vɔrɔ ɓarɛ jong, a zang jɛ̃ɛ ri ruu ka doo shonang ɓɔɔ ri palɛ ɓɛɛ.

Vuu ɓɔɔ zang nwangsɛ Yɔhana 20:15

A zang piti ɓɔɔ zang nɛɛ ĩi nung ɓiɓɛ, zang bee ka yeti labeenang ɓɔɔ zang beere nung zang ɓɔɔ ri walɛ suru bii ɓɔɔ waa nyaa kpang tɔ, kagn kpang, zang tasɛ wu ka too waa kaɓa kɔ.

Vuu ɓɔɔ zang nwangsɛ Yɔhana 21:27

A vuu shi kpang ɓɔɔ daa ka yeti gari kaɓa kpang. Zang ɓɔɔ ri palɛ vuu baabii, nɛɛ zang ɓɔɔ ri suru sèé ri ti daa yeti gari kaɓa kpang jong. Zang ɓɔɔ ri daa yeti gari kaɓa, ɓi zang ɓɔɔ zang béeré nung ɓarɛ tɔ, ka yeti labeenang Jaa Mɛ̀ɛrɛ́, ɓɔɔ zang beere nung zang ɓɔɔ ri walɛ suru bii ɓɔɔ waa nyaa kpang tɔ kagn ɓɛɛ.

Vuu ɓɔɔ zang nwangsɛ Yɔhana 22:12

Yeesɔ kɔɔyi nɛɛ, “Nɔɔ zirɛ, diki bee kpang. N a kaa tɔ. N naa atɛ vuu ɓɔɔ n a zang waati ɓɛɛ ka naa ning, n a zang ɓu ka doo shonang ɓɔɔ wu palɛ ɓɛɛ.

Vuu ɓɔɔ zang nwangsɛ Yɔhana 3:5

Zang piti ɓɔɔ nɛɛ ɓa vuu gãsɛnang yuu, zang naa hãa wu fɔ̃ɔrɔ puru, n àlɛ̀ nung ɓiɓɛ ka labeenang ɓɔɔ zang beere nung zang ɓɔɔ ri walɛ suru bii ɓɔɔ waa nyaa kpang ɓɛɛ kpang. N naa kɔ̀ɔ́ ka tĩng Daa mɛɛ nɛɛ rɛɛ zang nyaa shonang ɓiɓɛ ɓɔɔ ri ka lapa ɓɛɛ, nɛɛ wu ɓi ɓɔɔ mɛɛ.