Vuu ɓɔɔ zang nwangsɛ Yɔhana 20:11 - Nyaa Shɔɔ Ɓɔɔ Laa a Ɓɛɛ

¹¹ A n zi láa ɓɔɔ kpanti nwáng kagn bang puru, a n ti zi zang nwàng ka yuu ɓiɓɛ. Tipi nɛɛ lapa ri yuku kana, ri yaa tĩng ɓiɓɛ zang zi ri takpang.

Vuu ɓɔɔ zang nwangsɛ Yɔhana 20:11 Σταυροειδείς Αναφορές

Matiyu 11:22

N kɔ̀ɔ́ nɔɔ, ka diki ɓɔɔ Kpanti Laa naa jɛ̃ɛ zang ruu, gn zang Taya nɛɛ Sidong naa kɔng wu ɓa ɓɔɔ manɛ katɔ.

Matiyu 24:35

Lapa nɛɛ tipi ri naa shaarɛ ditɔ nandon, a ruu mɛɛ shaarɛ ɓi kpang.

Matiyu 25:31

“Ka diki ɓɔɔ Jaa Shɔnzang naa a ka naa bannang ɓiɓɛ, nɛɛ zang nyaa shonang Laa ɓɔɔ ri ka lapa piti, naa nwang ka yuu laa nwannang Kpanti ɓiɓɛ.

Rooma 2:5

Wee nɔɔ kpãa nyaa nɔngkɔ, a nɔɔ ti kɔ̃sɔ yeti manɛ kpang, nɔɔ kpàlɛ́ yuu manɛ ɓi gnvɔ Laa. Nɔɔ shingnɛ, jĩng ɓɔɔ Laa naa dang nɔɔ, wu bangnɛ ka diki ɓɔɔ gnvɔ ɓiɓɛ, nɛɛ ruu tɔ̃ɔ ɓɔɔ wu jɛ̃ɛ zang ɓɛɛ, naa nwangsɛ bii kagn ɓɛɛ.

2 Bituru 3:7

A yee ɓɔɔ Laa rangnɛ kɔ shingnɛ, lapa nɛɛ tipi ɓɔɔ kãntang keɓe, wu nwangnɛ, wu gã diki ɓɔɔ waa naa lasɛ vuu ɓɔɔ ka yeti ɓiɓɛ nandon ɓɛɛ. Yaa vuu piti ka nɔngkɔ, nɛɛ diki ɓɔɔ wu naa dɔng zang piti ruu, wu ti ningsi zang ɓɔɔ ri palɛ vuu shi kpang, a ri dũng wu kpang ɓɛɛ.

Vuu ɓɔɔ zang nwangsɛ Yɔhana 12:8

A Maakel nɛɛ zang ɓiɓɛ ri shaa ri, a ri zãa rɛɛ sɔkɔ nɛɛ zang ɓiɓɛ nwannang ka lapa.

Vuu ɓɔɔ zang nwangsɛ Yɔhana 16:20

Tipi ɓɔɔ mii kiiri nyaa ka teteng ka koo keɓe nandon, ri ningki nɛɛ rɛɛ kɔpɔ piti. Zang zili ri takpang.

Vuu ɓɔɔ zang nwangsɛ Yɔhana 19:11

Vuu keɓe ɓa tɔ, a n zi nyaa gãa puu ka lapa. Gbantang puru nwangnɛ. Zang ɓaa nung zang ɓɔɔ vang kagn nɛɛ, “Zang ɓɔɔ palɛ vuu ɓɔɔ wu kɔɔ ɓɛɛ katɔ, ɓɛɛ.” A ɓɔɔ, “Zang ɓɔɔ kɔɔ ɓi ruu ɓɔɔ niizang diki diki,” ɓɛɛ. Palɛ ɓi vuu tɔ̃ɔ, ka ɓɔɔ wu jɛ̃ɛ zang ruu, nɛɛ ɓɔɔ wu ta sĩiri ɓɛɛ.

Vuu ɓɔɔ zang nwangsɛ Yɔhana 20:2

Yi sɔkɔ bang kaɓa, ɓɔɔ nwang doo ka tĩng tɛ̃ɛ tɛ̃ɛ ɓɛɛ, ɓɔɔ zang ɓaa wu nɛɛ Sheetang, kpanti suru shi kpang ɓɛɛ. A mã wu nɛɛ sáa yɔ̀ng bang nɛɛ wu nwang ka nɔngkɔ saa labang gbete.

Vuu ɓɔɔ zang nwangsɛ Yɔhana 21:1

A n zi lapa ɓɔɔ shɔɔ nɛɛ koo ɓɔɔ shɔɔ. Lapa tĩng shɔɔnang nɛɛ koo ɓɔɔ tĩng shɔɔnang ri ning tɔ, waapo ti tɔ̀ɔ́ kagn kpang.

Vuu ɓɔɔ zang nwangsɛ Yɔhana 21:5

A zang ɓɔɔ nwang ka láa nwannang kpanti kaɓa, kɔɔyi nɛɛ, “Nɔɔ zirɛ, n rìsí vuu piti wu nwang kaa shɔɔ.” A ti kɔɔ m nɛɛ “Beere vuu keɓe ta, ka ruu ɓɔɔ, ruu keɓe daa naa gn shinang katɔ, a ti ruu ɓɔɔ niizang ɓɛɛ.”

Vuu ɓɔɔ zang nwangsɛ Yɔhana 4:2

Nyaa kɔ dòó naa ɓee, Suru Laa a ka bii mɛɛ. Ka lapa ka nɔng kaɓa, n zi láa nwannang kpanti, a zang ɓɔɔ nwang ka yuu ɓiɓɛ.

Vuu ɓɔɔ zang nwangsɛ Yɔhana 6:14

Lapa leng naa ɓɔɔ zang leng siri ɓɛɛ, a yaa nɔng, rɛɛ kɔpɔ nandon, nɛɛ tipi ɓɔɔ mii kiiri nyaa ka teteng ɓɛɛ, ri ti yaa nɔng ɓɔɔ bɛ̀ɛ́ ri kagn ɓɛɛ.