Vuu ɓɔɔ zang nwangsɛ Yɔhana 2:20 - Nyaa Shɔɔ Ɓɔɔ Laa a Ɓɛɛ

²⁰ A vuu ɓɔɔ nɔɔ palɛ kaa gn gbete ɓɔɔ n kasɛ kpang ɓɛɛ. Naa ɓɔɔ nɔɔ yaa jaa soro kaɓa, ɓɔɔ zang ɓaa wu nɛɛ Jezebel, nwàng ka teteng manɛ ɓɛɛ. A kpɛ̃ɛrɛ zang mɛɛ, nwãarɛ ri nɛɛ ri palɛ dũndũng, nɛɛ ri ti shaa vuu shaanang ɓɔɔ zang a vaka ɓɛɛ.

Vuu ɓɔɔ zang nwangsɛ Yɔhana 2:20 Σταυροειδείς Αναφορές

Zang Shonang Yeesɔ 15:20

Rúu bèe ri laa kɔ jong, rúu kɔɔ ri nɛɛ rí shaa vuu ɓɔɔ zang yee vaka kpang, ri rooro nɛɛ zang soro ɓɔɔ wu soro ɓarɛ kpang, kpang. Ri shaa vuu ɓɔɔ zang bɔ̃ɔ vɔ̃ɔrɔ katɔ ɓɛɛ kpang, ri ti shaa zĩi kpang.

Zang Shonang Yeesɔ 15:29

Nɔ́ɔ shaa vuu ɓɔɔ zang yee vaka kpang, nɔɔ shaa zĩi kpang. Nɔɔ ti shaa vuu ɓɔɔ zang bɔ̃ɔ vɔ̃ɔrɔ katɔ ɓɛɛ kpang, nɔɔ rooro nɛɛ soro ɓɔɔ wu soro manɛ kpang, kpang. Naa nɔɔ pálɛ̀ rɛɛ vuu keɓe kpang, nɔɔ tãa tĩnang katɔ.”

1 Koranti 10:28

Zang ɓɔɔgn nɛɛ naa kɔɔ mɔɔ nɛɛ, “Vuu shaanang keɓe zang báng vaka nɛɛ mani.” Mɔɔ shaa kpang, ka ruu zang ɓɔɔ kɔɔ mɔɔ kaɓa, nɛ̀ɛ́ kɔɔyi nɛɛ nɔɔ pálɛ́ vuu shi kpang tɔ.

Vuu ɓɔɔ zang nwangsɛ Yɔhana 2:14

A vuu shi kpang ɓɔɔ nɔɔ palɛ kaa gn, ɓɔɔ n kasɛ kpang ɓɛɛ. Zang ɓɔɔ kagn ka teteng manɛ ɓɔɔ ri palɛ vuu ɓɔɔ yɔɔ ɓɔɔ zang ɓaa wu nɛɛ Balamu tusu zang ɓɛɛ. Balamu ɓɔɔ kpɛ̃ɛrɛ Balak naa ɓɔɔ wu shing zang Isirela, ri palɛ vuu shi kpang, nɛɛ ri shaa vuu shaanang ɓɔɔ zang a vaka, nɛɛ ri palɛ dũndũng.

Vuu ɓɔɔ zang nwangsɛ Yɔhana 2:4

A vuu shi kpang ɓɔɔ nɔɔ pálɛ̀ keɓe, nɔɔ kasɛ m tɔ̀ɔ́ naa ɓɔɔ nɔɔ kasɛ m tĩng shɔɔnang ɓɛɛ kpang.