Vuu ɓɔɔ zang nwangsɛ Yɔhana 2:18 - Nyaa Shɔɔ Ɓɔɔ Laa a Ɓɛɛ

¹⁸ A kɔɔ m tɔkn nɛɛ, “Bèe zang nyaa shonang Laa ɓɔɔ ka lapa ɓɔɔ gãng jĩng ka zang Laa ɓɔɔ ri ka gari Tayatira ɓɛɛ ruu keɓe, mɔɔ kɔɔ wu nɛɛ: Wee ruu ɓɔɔ nwang nɛɛ nyaa Jaa Laa, ɓɔɔ jĩng ɓiɓɛ yakɛ nɔng naa nyɛlɛ waa ɓɛɛ, doo ɓiɓɛ kɔlɔ naa saka ɓɔɔ zang ɓaa nɛɛ tagula ɓɔɔ zang mɔlɔ bii ɓiɓɛ nɛɛ waa ɓɛɛ.

Vuu ɓɔɔ zang nwangsɛ Yɔhana 2:18 Σταυροειδείς Αναφορές

Matiyu 17:5

Bituru rang yee doo naa nyaa, sãmbong ɓɔɔ puru shãa shãa arɛ naa zuu ri kati. A ri tãa yee nɛɛ yeti sãmbong nɛɛ, “Wee Jaa mɛɛ ɓɔɔ yeti mɛɛ kasɛ gbãng gbãng kɔ. N tãa tĩnang ɓiɓɛ dɔɔli. Nɔɔ ɓaa shoo ka nyaa ɓiɓɛ ning.”

Matiyu 27:54

Yɔɔ zang bang sɔɔja, nɛɛ sɔɔja ɓɔɔ ri gãng jĩng ka Yeesɔ, ri zi naa ɓɔɔ tipi ruutu, nɛɛ vuu piti ɓɔɔ palɛ, bii kàa ri vɔrɔ. Ri tɔɔ, “Bɛ̀ɛ́ yɔɔ keɓe, Jaa Laa kɔ niizang.”

Matiyu 3:17

Ri ti tãa yee nɛɛ lapa tɔɔ, “Wee jaa mɛɛ ɓɔɔ yeti mɛɛ kasɛ wu gbãng gbãng ɓɛɛ kɔ.”

Luka 1:35

A zang nyaa shonang Laa kɔɔ wu tɔɔ, “Suru Laa naa a ditɔ ka bii ɓaaɓɛ. Náa bannang Laa naa zuu mɔɔ ditɔ. Ka ruu nɔngkɔ, jaa ɓɔɔ vuu shi kpang ɓi ka yeti ɓiɓɛ kpang kɔ mɔɔ naa yi ɓee, zang naa ɓaa wu nɛɛ Jaa Laa.

Yɔhana 1:14

A Ruu keɓe naa túu bii shɔnzang, a nwang kaa nɛɛ ruu nɔng gbete. Atɛ ruu tĩnang tãanang dɔɔli nɛɛ ruu ɓɔɔ niizang ɓɛɛ. A ruu ti zi bannang ɓɔɔ Laa a wu, nɛɛ jĩng ɓuru, ɓi bannang ɓɔɔ Daa a jaa gbete ɓiɓɛ ɓɛɛ.

Yɔhana 1:49

Natanalu kɔɔ wu tɔɔ, “Maalang, mɔkɔ Jaa Laa. Mɔkɔ Kpanti zang Isirela.”

Yɔhana 10:36

a zang ɓɔɔ Daa zɔ̃ngnɛ, a shong wu ka koo ɓɛɛ, nɔɔ kɔɔ ka ruu vi nɛɛ n kɔɔrɔ ruu shi kpang ka ruu ɓɔɔ n kɔɔyi nɛɛ n Jaa Laa viya?

Yɔhana 3:16

Laa kasɛ zang ɓɔɔ ka koo keɓe dɔɔli, ka ruu nɔngkɔ, shong nyaa nɛɛ Jaa gbete ɓiɓɛ. Nɛɛ tɔ̀ɔ, zang ɓɔɔ nɛɛ shing danggn ka bii ɓiɓɛ wu shaarɛ kpang, wu wàlɛ̀ suru bii ɓɔɔ waa nyaa kpang kɔ jong.

Yɔhana 3:18

Zang piti ɓɔɔ nɛɛ shing danggn ka bii Jaa, zang jɛ̃ɛ wu ruu ɓi kpang. Zang ɓɔɔ nɛɛ shing danggn ka bii Jaa kpang, zang dɔng wu ruu ɓi tɔ. Ka ruu ɓɔɔ shing danggn ka bii Jaa gbete Laa kpang ɓɛɛ.

Yɔhana 5:25

N kɔ̀ɔ́ nɔɔ ruu ɓɔɔ niizang kɔ nwani, diki a kana, diki bìí ti a tɔ, diki ɓɔɔ zang ɓɔɔ ri vɔlɔ tɔ ri tãa yee Jaa Laa ɓɛɛ. Zang ɓɔɔ ri tãayi, a ri ti dũngnɛ, ri nwáng ningkãari tɔkn.

Zang Shonang Yeesɔ 16:14

Ka teteng zang soro ɓɔɔ ri tã̀á ruu keɓe, jaa soro ɓɔɔ kagn gbete, zang ɓaa wu nɛɛ Lidiya. Jaa soro keɓe, zang gari Tayatira, màlɛ́ fɔ̃ɔrɔ ɓɔɔ nwɛ̃ɛri ɓɛɛ. Ɓi ti zang ɓɔɔ bang Laa ɓɛɛ. Laa puu wu jĩng nɛɛ, wu zi vuu ɓɔɔ Bulu kɔ̀ɔ́ ɓɛɛ, nɛɛ wu ti shing danggn kati.

Zang Shonang Yeesɔ 8:36

Ri daa kana ka gbalang, a ri naa a ka nɔng ɓɔɔ mii kagn ɓɛɛ. Yɔɔ ɓɔɔ bii varɛ ɓiɓɛ vɔ katɔ keɓe kɔɔyi tɔɔ, “Mii keɓe, palɛ m batizima ta.”

Rooma 1:4

Ka nwannang ɓiɓɛ ɓɔɔ shi kpang ɓi kagn kpang ɓɛɛ, Laa túsù nɛɛ naa vuu palɛnang ɓiɓɛ nɛɛ, Yeesɔ Kirisi kɔ Jaa ɓiɓɛ, ka ɓɔɔ wu wisi wu paa nɛɛ saa ɓɛɛ.

Rooma 8:32

Laa zãa Jaa ɓiɓɛ jĩng dannang kpang, a zang wu, nɛɛ zang nyɔ wu vɔrɔ ka ruu ɓuru nandon. Naa a ruu vuu piti ɓi kaa tɔ̀ɔ́ waati nɛɛ wu ning kpang ya?

Vuu ɓɔɔ zang nwangsɛ Yɔhana 1:11

Kɔ̀ɔ́ m nɛɛ, “Tuu labeenang mɔɔ bée vuu kɔ mɔɔ zili ɓee, mɔ́ɔ shòng zang ɓɔɔ ri dũng Laa ka Gãa Laa manziti kaɓa. Gãa Laa ɓɔɔ ri ka gari Afisa nɛɛ gari Simina nɛɛ gari Pagamu, nɛɛ gari Tayatira nɛɛ gari Sadisu, nɛɛ ɓɔɔ gari Filadifiya a ɓɔɔ gari Lawodikiya ɓɛɛ.”

Vuu ɓɔɔ zang nwangsɛ Yɔhana 2:1

A zang ɓɔɔ n zi wu kaɓa, kɔɔ m nɛɛ, “Bèe zang nyaa shonang Laa ɓɔɔ ka lapa ɓɔɔ gãng jĩng ka zang Laa ɓɔɔ ri ka gari Afisa ruu keɓe. Mɔɔ kɔɔ wu nɛɛ: Wee ruu ɓɔɔ nwang nɛɛ nyaa zang ɓɔɔ yiti sang manziti ka nakn ɓiɓɛ ɓɛɛ, ɓɔɔ rakɛ ka teteng rɛɛ vuu manziti ɓɔɔ zang palɛ nɛɛ zinariya zang shĩili waa zàáng sɔɔ kagn ɓɛɛ.

Vuu ɓɔɔ zang nwangsɛ Yɔhana 2:24

Ɓɔɔ zang ɓɔɔ ri yaa ka Tayatira ɓɛɛ, ɓɔɔ nɔɔ dũng vuu ɓɔɔ Jezebel kpɛ̃ɛrɛ zang ɓɛɛ manɛ kpang, nɔɔ ti zi rɛɛ vuu shi kpang ɓɔɔ zang ri ɓaa nɛɛ vuu Sheetang ɓɔɔ hãa bii dɔɔli ɓɛɛ manɛ kpang ɓɛɛ. N kɔɔ nɔɔ, wu vuu ɓɔɔgn nɛɛ nɔɔ palɛ kpang.