Vuu ɓɔɔ zang nwangsɛ Yɔhana 19:9 - Nyaa Shɔɔ Ɓɔɔ Laa a Ɓɛɛ

⁹ A zang nyaa shonang Laa ɓɔɔ ka lapa ɓɛɛ kaɓa, kɔɔ m nɛɛ, “Bée ruu keɓe, Zang ɓɔɔ zang gáarɛ̀ ri, nɛɛ ri naa shaa kn sinyɛ Jaa Mɛ̀ɛrɛ́ ri tãa tĩnang ɓarɛ tɔ.” A ti kɔɔ m nɛɛ, “Ruu keɓe nwangnɛ, nɛɛ nyaa Laa nɛɛ yuu ɓiɓɛ.”

Vuu ɓɔɔ zang nwangsɛ Yɔhana 19:9 Σταυροειδείς Αναφορές

Luka 22:16

N kɔɔ nɔɔ tɔ, n shaa vuu shaanang nyaalaa keɓe ɓɔɔ takpang. N naa shaa ka ɓɔɔ niizang ɓɔɔ zang naa shaa kaa ɓɔɔ Laa naa roo Kpanti ɓɛɛ.”

1 Timoti 1:15

Ruu keɓe niizang kɔ nwani, ti daa naa ɓɔɔ zang piti ri shing danggn kagn ɓɛɛ tɔ. Yeesɔ Kirisi a ka koo nɛɛ wu ta yuu zang ɓɔɔ ri palɛ vuu shi kpang ɓɛɛ. Nkɔ ɓa zang piti vuu shi kpang palɛnang.

1 Timoti 4:9

Ruu keɓe niizang kɔ nwani, ti daa naa ɓɔɔ zang piti tarɛ ri shing danggn gn tɔ.

2 Timoti 2:11

Ruu keɓe niizang kɔ nwani. Zang kɔɔyi nɛɛ, Ruu nɛɛ vɔ tɔ nɛɛ wu, Ruu ti naa nwang ditɔ ningkãari nɛɛ wu.

Titu 3:8

Ruu kɔ zang kɔɔ ɓɛɛ, niizang kɔ nwani. N kasɛ mɔɔ yi tĩng ɓaa ka vuu kɔ n kɔɔrɔ ɓee tɔ̃ɔ tɔ̃ɔ. Tɔ̀ɔ, zang ɓɔɔ ri dũng Laa, ri dũng vuu keɓe, ri pálɛ́ shonang ɓɔɔ tɔ̃ɔ ɓɛɛ. Shonang keɓe, wukɔ tɔ̃ɔ ti yi zang piti naa katɔ ka bii.

Vuu ɓɔɔ zang nwangsɛ Yɔhana 1:1

Wee vuu ɓɔɔ Yeesɔ Kirisi nwangsɛ zang, ɓɔɔ Laa á wu nɛɛ wu tusu zang ɓɔɔ ri pàlɛ́ Laa shonang nɛɛ tɔ̀ɔ, ri zi vuu ɓɔɔ naa palɛ diki bee takpang ɓɛɛ. A Yeesɔ shong zang nyaa shonang Laa ɓɔɔ ka lapa ɓɛɛ, ka bii zang shonang ɓiɓɛ Yɔhana nɛɛ tɔ̀ɔ wu tusu wu rɛɛ vuu keɓe.

Vuu ɓɔɔ zang nwangsɛ Yɔhana 1:19

Ka ruu nɔngkɔ, bée vuu ɓɔɔ mɔɔ zili ɓɛɛ ta, vuu ɓɔɔ palɛ kãntang keɓe, nɛɛ vuu ɓɔɔ naa palɛ nɛɛ knti ɓɛɛ.

Vuu ɓɔɔ zang nwangsɛ Yɔhana 10:4

Ɓɔɔ rɛɛ shala mii manziti kaɓa ri mɛɛyi, bɛ̀ɛ́ n tɔɔ n bee vuu ɓɔɔ ri kɔɔ ɓɛɛ kaa tɔ. A n tãa yee nɛɛ lapa kɔɔ m nɛɛ, “Mɔɔ nwangsɛ zang bii ruu kaɓa kpang, mɔɔ beere kpang.”

Vuu ɓɔɔ zang nwangsɛ Yɔhana 14:13

A n ti tãa yee ɓɔɔ tɔkn nɛɛ lapa kɔɔyi nɛɛ, “Béeré ruu keɓe, tĩnang tãanang ɓi ɓɔɔ zang ɓɔɔ ri naa vɔlɔ, ka ruu ɓɔɔ ri shing danggn tɔ ka bii Laa ɓɛɛ.” A Suru Laa kasɛ nyaa tɔɔ, “N, niizang, ri tãa tĩnang tɔ. Ri ɔ̃sɔ kaa tɔ nɛɛ shonang bang ɓɔɔ ri palɛ ɓɛɛ, ka ruu ɓɔɔ, tɔ̃ɔ ɓɔɔ shonang ɓarɛ nwàng ri, dũng ri ka knti ɓɛɛ.”

Vuu ɓɔɔ zang nwangsɛ Yɔhana 17:1

Vuu keɓe ɓa tɔ, a ka teteng zang nyaa shonang Laa ɓɔɔ ka lapa ɓɛɛ, ɓɔɔ manziti ɓɔɔ ri yiti waka ka naa ɓɛɛ. Gbete arɛ naa kɔɔ m nɛɛ, “Arɛ, n tusu mɔɔ jĩng ɓɔɔ Laa naa dang jaa soro ɓɔɔ rakɛ wàázaa dɔɔli, ɓɔɔ wukɔ gari ɓɔɔ zang mãa ka nɔng ɓɔɔ mii kagn dɔɔli ɓɛɛ.

Vuu ɓɔɔ zang nwangsɛ Yɔhana 17:17

Ɓi Laa kɔ shing rɛɛ kpanti kopi kaɓa, rɛ̃rɛnang ɓarɛ wu daa gbete, tɔ̀ɔ, ri palɛ vuu ɓɔɔ wu mang ɓɛɛ kati. Ɓi Laa kɔ shing ri, nɛɛ ri a yɔpɔ jĩngti naa kpanti roonang ɓarɛ, tɔ̀ɔ, vuu piti wu naa nwang kaa naa ɓɔɔ wu kɔɔyi nɛɛ naa nwang ɓɛɛ.

Vuu ɓɔɔ zang nwangsɛ Yɔhana 2:1

A zang ɓɔɔ n zi wu kaɓa, kɔɔ m nɛɛ, “Bèe zang nyaa shonang Laa ɓɔɔ ka lapa ɓɔɔ gãng jĩng ka zang Laa ɓɔɔ ri ka gari Afisa ruu keɓe. Mɔɔ kɔɔ wu nɛɛ: Wee ruu ɓɔɔ nwang nɛɛ nyaa zang ɓɔɔ yiti sang manziti ka nakn ɓiɓɛ ɓɛɛ, ɓɔɔ rakɛ ka teteng rɛɛ vuu manziti ɓɔɔ zang palɛ nɛɛ zinariya zang shĩili waa zàáng sɔɔ kagn ɓɛɛ.

Vuu ɓɔɔ zang nwangsɛ Yɔhana 2:12

A kɔɔ m tɔkn nɛɛ, “Bèe zang nyaa shonang Laa ɓɔɔ ka lapa ɓɔɔ gãng jĩng ka zang Laa ɓɔɔ ri ka gari Pagamu ɓɛɛ ruu keɓe, mɔɔ kɔɔ wu nɛɛ, Wee ruu ɓɔɔ nwang nɛɛ nyaa zang ɓɔɔ yere bang ɓiɓɛ kagn nyaa ɓiɓɛ ziti, wɔng katɔ kɔ nandon ɓɛɛ.

Vuu ɓɔɔ zang nwangsɛ Yɔhana 2:18

A kɔɔ m tɔkn nɛɛ, “Bèe zang nyaa shonang Laa ɓɔɔ ka lapa ɓɔɔ gãng jĩng ka zang Laa ɓɔɔ ri ka gari Tayatira ɓɛɛ ruu keɓe, mɔɔ kɔɔ wu nɛɛ: Wee ruu ɓɔɔ nwang nɛɛ nyaa Jaa Laa, ɓɔɔ jĩng ɓiɓɛ yakɛ nɔng naa nyɛlɛ waa ɓɛɛ, doo ɓiɓɛ kɔlɔ naa saka ɓɔɔ zang ɓaa nɛɛ tagula ɓɔɔ zang mɔlɔ bii ɓiɓɛ nɛɛ waa ɓɛɛ.

Vuu ɓɔɔ zang nwangsɛ Yɔhana 2:8

A kɔɔ m tɔkn nɛɛ, “Bèe zang nyaa shonang Laa ɓɔɔ ka lapa ɓɔɔ gãng jĩng ka zang Laa ɓɔɔ ri ka gari Simina ruu keɓe, mɔɔ kɔɔ wu nɛɛ, Wee ruu ɓɔɔ nwang nɛɛ nyaa zang ɓɔɔ wukɔ ka tĩng shɔɔnang wukɔ ti waa nyaa knti ɓɛɛ, ɓɔɔ vɔrɛ, a yupaa tɔkn ningkãari ɓɛɛ.

Vuu ɓɔɔ zang nwangsɛ Yɔhana 21:5

A zang ɓɔɔ nwang ka láa nwannang kpanti kaɓa, kɔɔyi nɛɛ, “Nɔɔ zirɛ, n rìsí vuu piti wu nwang kaa shɔɔ.” A ti kɔɔ m nɛɛ “Beere vuu keɓe ta, ka ruu ɓɔɔ, ruu keɓe daa naa gn shinang katɔ, a ti ruu ɓɔɔ niizang ɓɛɛ.”

Vuu ɓɔɔ zang nwangsɛ Yɔhana 22:6

A zang nyaa shonang Laa ɓɔɔ ka lapa ɓɛɛ kaɓa, kɔɔ m nɛɛ, “Rɛɛ vuu keɓe, ri daa ɓɔɔ zang shing gn kagn ɓɛɛ katɔ, a ti ruu ɓɔɔ niizang kɔ nwani. Kpanti Laa ɓɔɔ a rɛɛ zang nyaa shonang ɓiɓɛ naa, ri kɔɔ zang ruu ɓiɓɛ ɓɛɛ, shong zang nyaa shonang ɓiɓɛ ɓɔɔ ka lapa ɓɛɛ, nɛɛ wu naa tusu rɛɛ zang ɓɔɔ palɛ wu shonang ɓɛɛ, vuu ɓɔɔ bɛ̀ɛ́ zang palɛ kaa tɔ ɓɛɛ.”

Vuu ɓɔɔ zang nwangsɛ Yɔhana 3:1

Zang kaɓa kɔɔ m tɔkn nɛɛ, “Bèe zang nyaa shonang Laa ɓɔɔ ka lapa ɓɔɔ gãng jĩng ka zang Laa ɓɔɔ ri ka gari Sadisu ɓɛɛ ruu keɓe, mɔɔ kɔɔ wu nɛɛ, Wee ruu ɓɔɔ nwang nɛɛ nyaa zang ɓɔɔ yiti rɛɛ Suru Laa manziti nɛɛ sang manziti ka naa ɓɛɛ. N zi shonang ɓɔɔ nɔɔ palɛ ɓɛɛ tɔ. Zang zi nɔɔ naa nɔɔ ningkãari, a ɓeekpang nɔɔ vɔlɔ manɛ katɔ.

Vuu ɓɔɔ zang nwangsɛ Yɔhana 3:14

A zang kaɓa kɔɔ tɔkn nɛɛ, “Bèe zang nyaa shonang Laa ɓɔɔ ka lapa ɓɔɔ gãng jĩng ka zang Laa ɓɔɔ ri ka gari Lawodikiya ɓɛɛ ruu keɓe, mɔɔ kɔɔ wu nɛɛ: Wee ruu ɓɔɔ nwang nɛɛ nyaa zang ɓɔɔ zang ɓaa wu nɛɛ, Wu nwang ta nɔngkɔ ɓɛɛ. Zang ɓɔɔ kɔ̀ɔ́ ɓi ruu ɓɔɔ niizang diki diki, ɓɔɔ ti palɛ vuu ɓɔɔ wu kɔɔ ɓɛɛ katɔ ɓɛɛ. Laa ti mã́arɛ̀ vuu piti nɛɛ bii ɓiɓɛ kɔ.

Vuu ɓɔɔ zang nwangsɛ Yɔhana 3:20

Nɔɔ zirɛ, n shii ka nyaa gãa, n waa nyaa gãa. Zang ɓɔɔ nɛɛ tãa yee mɛɛ, nɛɛ puu nyaa gãa, n shɛ̃ɛ ka yeti gãa ɓiɓɛ. Ruu shaa vuu shaanang nɛɛ zɔɔ nɔng gbete.

Vuu ɓɔɔ zang nwangsɛ Yɔhana 3:7

A kɔɔ m tɔkn nɛɛ, “Bèe zang nyaa shonang Laa ɓɔɔ ka lapa ɓɔɔ gãng jĩng ka zang Laa ɓɔɔ ri ka gari Filadifiya ɓɛɛ ruu keɓe, mɔɔ kɔɔ wu nɛɛ: Wee ruu ɓɔɔ nwang nɛɛ nyaa zang ɓɔɔ shi kpang ɓi ka bii ɓiɓɛ kpang, zang ɓɔɔ wu ɓi niizang ɓɛɛ. Wukɔ yiti shɔng saka nyaa gãa ɓɔɔ bɛ̀ɛ́ Dawuda yiti ɓɛɛ. Nɛɛ puu nyaa gãa tɔ, zang ɓɔɔ zunung kunang kagn kpang, nɛɛ ti ku tɔ, zang ɓɔɔ zunung puunang kagn kpang.