Vuu ɓɔɔ zang nwangsɛ Yɔhana 19:12 - Nyaa Shɔɔ Ɓɔɔ Laa a Ɓɛɛ

¹² Jĩng ɓiɓɛ yakɛ nɔng naa nyɛlɛ waa. Ti kãngtɛ lapoo yuu kpanti ka yuu ɓiɓɛ gaagaa. Nung ɓiɓɛ ɓɔɔ kagn zang beeyi, ɓɔɔ zang ɓɔɔ zi dĩiri ɓiɓɛ kpang, ɓi wukɔ zirɛ gbete ɓɛɛ.

Vuu ɓɔɔ zang nwangsɛ Yɔhana 19:12 Σταυροειδείς Αναφορές

Matiyu 11:27

A Yeesɔ naa risi nyaa, kɔɔ ri tɔkn tɔɔ, “Daa mɛɛ, a m vuu piti tɔ ka naa. Zang ɓɔɔ zi m Jaa Laa, kagn gbete kpang, ɓi Daa mɛɛ kɔ gbete. Zang ɓɔɔ ti zi Daa mɛɛ kagn gbete kpang, ɓi nkɔ Jaa ɓiɓɛ n zirɛ, nɛɛ zang ɓɔɔ n kasɛ nɛɛ n tusu ri Daa mɛɛ ɓɛɛ.

Matiyu 21:5

Laa kɔɔyi tɔɔ, “Nɔɔ kɔɔ zang gari Siyona nɛɛ, ‘Kpanti manɛ a kana bii manɛ. Tuu yuu ɓiɓɛ kpang, vang seesaa, ka jaa seesaa.’ ”

Matiyu 28:18

A Yeesɔ arɛ naa kɔɔ ri tɔɔ, “Laa a m naa tɔ ka yuu vuu ɓɔɔ ka lapa, nɛɛ ɓɔɔ ka tipi nandon.

Luka 10:22

“Daa mɛɛ a m vuu piti tɔ ka naa. A zang ɓɔɔ zi Jaa kagn gbete kpang. Daa kɔ zi wu gbete. Zang ɓɔɔ ti zi Daa kagn gbete kpang, Jaa kɔ zi wu gbete nɛɛ shɔnzang piti ɓɔɔ Jaa kasɛ nɛɛ wu tusu wu Daa ɓɛɛ.”

Yɔhana 17:11

Yaa kaa tɔkɔlɔng n gbãayu kaa tɔ ka bii ɓaaɓɛ. N yaa koo keɓe m kaa tɔ, ri ɓarɛ doo ka koo. Daa, ɓɔɔ shi kpang ka bii ɓaaɓɛ kpang ɓɛɛ, yiti ri waasɛ̃ nɛɛ naa vuu palɛnang ɓɔɔ mɔɔ a m ɓɛɛ. Tɔ̀ɔ, ri nwang kaa gbete naa ɓɔɔ ruu nɛɛ mɔɔ, ruu gbete ɓɛɛ.

Yɔhana 17:12

Ɓɔɔ bɛ̀ɛ́ n doo nɛɛ ri, n yiti ri waasɛ̃ nɛɛ naa vuu palɛnang ɓaaɓɛ, ɓɔɔ mɔɔ á m ɓɛɛ. N yiti ri waasɛ̃, vuu ɓɔɔ lee ri naa ka bii kpang, a ɓɔɔ gbete ti ning kpang. Ɓi zang gbete ɓɔɔ bɛ̀ɛ́ nɛ̀ɛ́ ning ɓi katɔ kɔ nwani kɔ gbete. Ti ning ɓi ka náa ɓɔɔ zang bee ka yeti labeenang Laa tɛ̃ɛ tɛ̃ɛ nɛɛ naa ning ɓi katɔ kɔ nwani ɓɛɛ.

Afisa 1:21

Yeesɔ Kirisi roo kpanti ka nɔngkɔ, ɓa yuu rɛɛ kpanti nandon, naa doo zang nyaa shonang sheetang piti, nɛɛ nung piti ɓɔɔ zang ɓaa zang nɛɛ mani, wu ka koo keɓe kɔ shɛ̃ɛning kpang, nɛɛ koo ɓɔɔ naa a ɓɛɛ nandon.

Yahudi 2:9

A ruu zirɛ, Yeesɔ ɓɔɔ zang shíng wu zang nyaa shonang Laa ɓɔɔ ri ka lapa ri ɓá wu, a diki bee kaa takpang ɓee, zang a wu bannang nɛɛ dɔɔnang ka ruu jĩng ɓɔɔ wu dangnɛ a vɔrɛ ɓɛɛ. Vuu keɓe piti ɓi ka ruu tɔ̃ɔ ɓɔɔ Laa palɛ zang ɓɛɛ, shingnɛ Yeesɔ tãa naa ɓɔɔ vɔrɔ nwang ɓɛɛ ka nung zang piti.

Vuu ɓɔɔ zang nwangsɛ Yɔhana 1:14

Suuyuu ɓiɓɛ nɛɛ yuu ɓiɓɛ puru shãa shãa naa ruutu, puru shãa shãa naa zũng mii takong ɓɔɔ zang ɓaa nɛɛ sino ɓɛɛ. Jĩng ɓiɓɛ yakɛ nɔng naa nyɛlɛ waa.

Vuu ɓɔɔ zang nwangsɛ Yɔhana 12:3

A vuu bang ɓɔɔgn ɓɔɔ zang zirɛ zang mã naa ka danggn nwangsɛ bii ka lapa. Vuu keɓe ɓi sɔkɔ nwɛ̃ɛri bang, baabii katɔ, ta yuu manziti nɛɛ jee kopi, ti kãng lapoo yuu kpanti ka yuu manziti nandon.

Vuu ɓɔɔ zang nwangsɛ Yɔhana 13:1

Ka knti vuu keɓe, n zi yɔpɔ jĩngti ɓɔɔ nwangnɛ yeti waapo. Yuu ɓiɓɛ manziti, a takɛ jee kagn kopi. Kãng lapoo yuu kpanti ka jee ɓu, a zang ti bee wu nung shi kpang ɓɔɔ dãa Laa ka yuu ɓu.

Vuu ɓɔɔ zang nwangsɛ Yɔhana 19:16

Ka fɔ̃ɔrɔ ɓiɓɛ, nɛɛ doo sãng ɓiɓɛ, zang bee nung ɓiɓɛ kagn nɛɛ, “Kpanti ɓɔɔ ka yuu rɛɛ kpanti nandon ɓɛɛ, kpanti roonang ɓiɓɛ ɓa ɓɔɔ kpanti piti.”

Vuu ɓɔɔ zang nwangsɛ Yɔhana 3:12

Zang ɓɔɔ nɛɛ ɓa vuu gãsɛnang yuu, naa nwáng naa lajàa ɓɔɔ zang di sãa Gãa Laa nɛɛ mani ɓɛɛ. Ri yaa Gãa Laa takpang. N bee nung Laa mɛɛ, ka bii ɓarɛ, nɛɛ nung nɔng nwannang Laa mɛɛ, nɔng ɓɔɔ zang ɓaa nɛɛ Urushalima ɓɔɔ shɔɔ ɓɔɔ shooro nɛɛ lapa nɛɛ nɔng Laa mɛɛ ɓɛɛ. N ti bee nung mɛɛ ɓɔɔ shɔɔ jong ka bìí ɓarɛ.

Vuu ɓɔɔ zang nwangsɛ Yɔhana 6:2

N shing jĩng tɔkn a n zi gbantang puru a kana. Zang ɓɔɔ vang ka dakn gbantang kaɓa yiti taka ka naa, a zang kãng wu lapoo yuu kpanti ɓɔɔ zang palɛ nɛɛ zinariya ka yuu. Árɛ, mɔɔ kɔɔ nɛɛ zang ɓɔɔ shaarɛ zang ka nyaa sĩiri diki diki ɓɛɛ, a daayi nɛɛ tɔ̀ɔ wu daa shaa zang tɔkn ka nɔng sĩiri.