Vuu ɓɔɔ zang nwangsɛ Yɔhana 19:10 - Nyaa Shɔɔ Ɓɔɔ Laa a Ɓɛɛ

¹⁰ A n tang nɛɛ gutu ka tĩng ɓiɓɛ, n tɔɔ n bang wu kaa tɔ, a kɔɔ m tɔɔ, “Mɔ́ɔ palɛ vuu keɓe kpang tingkiring, ruu ɓuru zang shonang Laa nɛɛ mɔɔ, nɛɛ rɛɛ ɓaazung ɓɔɔ ri shing danggn tɔ, ka ruu ɓɔɔ niizang ɓɔɔ Yeesɔ tùsù ri ɓɛɛ. Báng ɓaa Laa.” Ka ruu ɓɔɔ, ruu niizang ɓɔɔ Yeesɔ nwangsɛ ruu, rɛɛ zang nyaa shonang Laa, ri walɛ ruu ɓɔɔ ri kɔɔrɔ zang ka wukɔ ɓɛɛ.

Vuu ɓɔɔ zang nwangsɛ Yɔhana 19:10 Σταυροειδείς Αναφορές

Matiyu 4:10

A Yeesɔ kasɛ wu nyaa tɔɔ, “Daa nɛɛ kaaɓa, mɔ́ɔ yàa m bii Sheetang. Ruu Kpanti Laa kɔɔyi tɔɔ, ‘Shɔnzang wu dɔɔ Kpanti Laa ɓiɓɛ kɔ shɛ̃ɛning, nɛɛ wu ti bang wukɔ gbete.’ ”

Maraku 5:22

A zang bang gãa zɔɔ kpalɛnang zang Yahudi ɓɔɔ gbete, ɓɔɔ zang ɓaa nɛɛ Yayiru, arɛ naa tang nɛɛ gutu ka tĩng Yeesɔ,

Maraku 7:25

A jaa soro ɓɔɔ suru shi kpang ka bii jaa ɓiɓɛ ɓɔɔ soro, naa tãa nyaa nɔng ɓɔɔ Yeesɔ kagn ɓɛɛ, a tantɛ anang naa tang nɛɛ gutu ka tĩng ɓiɓɛ.

Luka 1:19

A zang nyaa shonang Laa ɓɔɔ ka lapa kasɛ wu nyaa tɔɔ, “Nkɔ Jibirilu ɓɔɔ shíi ka tĩng Laa ɓɛɛ. Laa shong m nɛɛ n naa rang yee nɛɛ mɔɔ, nɛɛ n kɔɔ mɔɔ ruu tɔ̃ɔ keɓe.

Luka 24:44

A rang yee nɛɛ ri tɔɔ, “Wee yee mɛɛ ɓɔɔ n ràng nɔɔ bɛ̀ɛ́ n doo nɛɛ nɔɔ ning ɓɛɛ. N kɔɔ nɔɔ nɛɛ, vuu ɓɔɔ zang bee ka yuu mɛɛ ka yeti labeenang nyaa dannang Laa ɓɔɔ Musa, nɛɛ labeenang rɛɛ zang nyaa shonang Laa, a ɓɔɔ labeenang kpanti Dawuda ɓɔɔ zang ɓaa nɛɛ Zabura ɓɛɛ, nwang ditɔ niizang nandon.”

Yɔhana 5:39

Nɔɔ ĩi jĩng ka ɓɔɔ nɔɔ gã labeenang waasɛ̃, ka ruu ɓɔɔ, nɔɔ kɔɔ nɛɛ nɔɔ wàlɛ́ suru bii ɓɔɔ waa nyaa kpang katɔ kagn ɓɛɛ. Labeenang Laa keɓe, kɔɔ ruu ka yuu mɛɛ kɔ.

Zang Shonang Yeesɔ 10:43

Zang nyaa shonang Laa ri kɔɔ ruu ka yuu ɓiɓɛ tɔɔ, zang ɓɔɔ nɛɛ shing danggn ka bii ɓiɓɛ, Laa yaa zang keɓe gbalang vuu shi kpang ɓɔɔ wu palɛ katɔ nandon, ka ruu nung ɓiɓɛ.”

Zang Shonang Yeesɔ 13:27

Zang ɓɔɔ ri nwang ka Urushalima nɛɛ rɛɛ zang bang ɓarɛ ri zi Yeesɔ nung kpang. Ri ti zi rúu rɛɛ zang nyaa shonang Laa ɓɔɔ zang gã ka Diki Ɔ̃sɔnang diki diki kpang, ka ruu nɔngkɔ, ri palɛ vuu ɓɔɔ rɛɛ zang nyaa shonang Laa keɓe ri kɔɔ tɔ, ka ɓɔɔ ri dɔng wu ruu ɓɛɛ.

2 Koranti 8:7

Ka vuu piti, nɔɔ ɓa zang ɓɔɔ ri dũng Laa ɓɔɔ nimbang tɔ. Nɔkɔ ka ting, ka danggn ɓɔɔ nɔɔ shing ka bii Yeesɔ Kirisi, ka naa ɓɔɔ nɔɔ kɔɔrɔ zang Ruu Tɔ̃ɔ Laa ɓɛɛ. Ka naa ɓɔɔ nɔɔ zi ruu ɓɔɔ niizang, ka ɓɔɔ nɔɔ kasɛ shonang palɛnang katɔ ɓɛɛ, a ɓɔɔ ti ka naa ɓɔɔ nɔɔ kasɛ ruu. Ka ruu nɔngkɔ, n kasɛ nɔkɔ nɔ́ɔ sɔɔ tĩng ka shonang keɓe, ɓɔɔ tusu nɛɛ nɔɔ kàsɛ̀ zang katɔ ɓɛɛ.

Afisa 5:15

Ka ruu nɔngkɔ, nɔɔ gãng jĩng ka nwannang manɛ waasɛ̃. Nɔ́ɔ nwàng wu naa shoko kpang, nɔɔ nwáng naa zang ɓɔɔ ri zũng katɔ ɓɛɛ.

Afisa 5:33

Zang ráng nɔkɔ ruu keɓe jong. Varɛ ɓu wu kasɛ ɓeeso naa ɓɔɔ wu kasɛ yuu ɓiɓɛ ɓɛɛ, a soro ɓu wu seng ɓeevɛ katɔ.

Filipi 3:3

Ka ruu ɓɔɔ, ɓi rukɔ zang ɓɔɔ zang yee ri shaa ɓɔɔ niizang ɓɛɛ. Rukɔ bang Laa nɛɛ naa vuu palɛnang Suru ɓiɓɛ, a ruu ti walɛ bannang ɓuru ka bii Yeesɔ Kirisi. Ruu pãng yuu ɓuru ka rɛɛ vuu ɓɔɔ ɓi ɓɔɔ bìí shɔnzang kpang.

1 Tesalonika 5:15

Nɔɔ gãng jĩng kagn, zang ɓɔɔ wu waa pãng vuu shi kpang ɓɔɔ zang palɛ wu doo nɛɛ vuu shi kpang kɔ kpang. Nɔɔ shing jĩng kɔ jong diki diki nɛɛ nɔɔ pàlɛ́ zɔɔ tɔ̃ɔ. Nɔɔ ti pàlɛ̀ zang piti tɔ̃ɔ jong.

Yahudi 1:14

Ka ruu nɔngkɔ zang nyaa shonang Laa ɓɔɔ ri ka lapa, ri ɓarɛ zang ɓɔɔ ri pàlɛ́ Laa shonang ɓɛɛ waati. Laa shong ri, nɛɛ ri yi rɛɛ zang ɓɔɔ wu naa ta yuu ɓarɛ naa ka bii.

Yahudi 12:25

Nɔɔ palɛ waasɛ̃, nɔ́ɔ bɛ̃ɛ Laa kɔ rang yee ɓee kpang. Ka ruu ɓɔɔ, naa zang ɓɔɔ ri bɛ̃ɛ ruu ɓiɓɛ ɓɔɔ a nɛɛ bii Musa ɓɔɔ shàarɛ̀ ri nyaa ka koo keɓe ri wɔ kpang, a ruu nɛɛ bɛ̃ɛ ruu ɓiɓɛ ɓɔɔ a nɛɛ bii Yeesɔ ɓɔɔ a nɛɛ lapa, a shaarɛ ri nyaa ɓɛɛ, ruu palɛ biya ruu wɔ viya?

1 Yɔhana 5:10

Ka ruu nɔngkɔ, zang ɓɔɔ shing danggn ka bii Jaa Laa, zi katɔ ka yeti ɓiɓɛ nɛɛ ruu keɓe ɓi niizang. Zang ɓɔɔ ta vuu ɓɔɔ Laa kɔɔ kpang, ɓaa Laa sèé tɔ. Ka ruu ɓɔɔ, kasɛ vuu ɓɔɔ Laa kɔɔ ka yuu Jaa ɓiɓɛ kpang ɓɛɛ.

1 Yɔhana 5:21

Wujɛ mɛɛ, nɔɔ bang vaka kpang. Nɔɔ ti dàa nɔng ɓiɓɛ kpang.

Vuu ɓɔɔ zang nwangsɛ Yɔhana 1:1

Wee vuu ɓɔɔ Yeesɔ Kirisi nwangsɛ zang, ɓɔɔ Laa á wu nɛɛ wu tusu zang ɓɔɔ ri pàlɛ́ Laa shonang nɛɛ tɔ̀ɔ, ri zi vuu ɓɔɔ naa palɛ diki bee takpang ɓɛɛ. A Yeesɔ shong zang nyaa shonang Laa ɓɔɔ ka lapa ɓɛɛ, ka bii zang shonang ɓiɓɛ Yɔhana nɛɛ tɔ̀ɔ wu tusu wu rɛɛ vuu keɓe.

Vuu ɓɔɔ zang nwangsɛ Yɔhana 1:9

Nkɔ Yɔhana manzung manɛ, ɓɔɔ ruu ɓakɛ zɔɔ tɔ nɛɛ Yeesɔ ɓɛɛ. Ruu mã danggn nɛɛ zɔɔ ka jĩng ɓɔɔ ruu dangnɛ, ka ruu ɓɔɔ, Yeesɔ kpanti ɓuru ɓɛɛ. Zang shing m ka tipi ɓɔɔ mii kiiri wu nyaa ka teteng, ɓɔɔ zang ɓaa nɛɛ Patimu ɓɛɛ, ka ruu ɓɔɔ, n kɔɔ zang Ruu Laa ɓɔɔ Yeesɔ kasɛ tɔ, nɛɛ ɓi niizang ɓɛɛ.

Vuu ɓɔɔ zang nwangsɛ Yɔhana 12:11

Ri ti ɓa wu yuu tɔ, nɛɛ naa vuu palɛnang zĩi Jaa Mɛ̀ɛrɛ́, a ɓɔɔ ka ruu ruu ɓiɓɛ ɓɔɔ ri kɔɔyi nɛɛ ɓi niizang ɓɛɛ. Ri ti kasɛ tɔ nɛɛ ri vɔrɛ ka ruu ɓiɓɛ.

Vuu ɓɔɔ zang nwangsɛ Yɔhana 12:17

Ka ruu nɔngkɔ, gnvɔ shaa sɔkɔ bang nɛɛ jaa soro kaɓa dɔɔli. Daayi nɛɛ wu daa ta sĩiri nɛɛ rɛɛ zɔ̃ng jaa soro kaɓa, ɓɔɔ ri nandon ri palɛ ɓarɛ vuu ɓɔɔ Laa kasɛ ɓɛɛ, ɓɔɔ ri ti shing danggn tɔ, ka ruu ɓɔɔ, niizang ɓɔɔ Yeesɔ Kirisi tùsù ri ɓɛɛ.

Vuu ɓɔɔ zang nwangsɛ Yɔhana 14:7

A mɛɛ nyaa nabm kɔɔyi nɛɛ, “Nɔɔ dũng nyaa Laa ta, nɔɔ ti a wu bannang ka ruu ɓɔɔ, diki ɓɔɔ Laa naa jɛ̃ɛ zang piti ruu, a tɔ ɓɛɛ. Ka ruu nɔngkɔ, nɔɔ bang Laa ta, ɓɔɔ wukɔ mãa lapa nɛɛ tipi, nɛɛ waapo nɛɛ sɔlɔng mii nandon ɓɛɛ.”

Vuu ɓɔɔ zang nwangsɛ Yɔhana 15:4

Ɓu wi kaa vɔrɔ ɓaaɓɛ, wu ti a mɔɔ bannang kpang wiya kpanti Laa? Ɓi mɔkɔ gbete ɓɔɔ shi kpang ka bii ɓaaɓɛ kpang ɓɛɛ. Zɔ̃ng zang tipi piti piti ri naa arɛ ri bang mɔɔ, ka ruu ɓɔɔ, ri zi naa ɓɔɔ mɔɔ dɔng ruu tɔ tɔ̃ɔ ɓɛɛ.”

Vuu ɓɔɔ zang nwangsɛ Yɔhana 19:9

A zang nyaa shonang Laa ɓɔɔ ka lapa ɓɛɛ kaɓa, kɔɔ m nɛɛ, “Bée ruu keɓe, Zang ɓɔɔ zang gáarɛ̀ ri, nɛɛ ri naa shaa kn sinyɛ Jaa Mɛ̀ɛrɛ́ ri tãa tĩnang ɓarɛ tɔ.” A ti kɔɔ m nɛɛ, “Ruu keɓe nwangnɛ, nɛɛ nyaa Laa nɛɛ yuu ɓiɓɛ.”

Vuu ɓɔɔ zang nwangsɛ Yɔhana 4:10

rɛɛ zang bang bmati tu dɛ̃ɛti kaɓa, ri tang zang ɓɔɔ nwàng ka laa kpanti ɓɔɔ nwáng ɓi ningkãari dòndòng kaɓa nɛɛ gutu, ri bang wu. Ri ti tu lapoo ɓɔɔ ri kãng ka yuu, ɓɔɔ zang palɛ nɛɛ zinariya ɓɛɛ, ri shing ka tipi ka tĩng zang kaɓa, ri ti gàá wu soo nɛɛ,