Vuu ɓɔɔ zang nwangsɛ Yɔhana 18:14 - Nyaa Shɔɔ Ɓɔɔ Laa a Ɓɛɛ

¹⁴ Zang ɓɔɔ ri mãlɛ́ vuu kaɓa, ri ti kɔɔ wu nɛɛ, “Vuu piti ɓɔɔ mɔɔ shing gn kagn ri dàá tɔ. Vuu ɓɔɔ mɔɔ tãa tĩnang nɛɛ mani, nɛɛ vuu naa ɓaaɓɛ nandon ri dàá tɔ, mɔɔ zi ri takpang.”

Vuu ɓɔɔ zang nwangsɛ Yɔhana 18:14 Σταυροειδείς Αναφορές

Matiyu 11:8

Nɛɛ nɔngkɔ kpang, nɔɔ daa vi zinang viya? Nɔɔ daa zang ɓɔɔ hãa fɔ̃ɔrɔ tɔ̃ɔ tɔ̃ɔ zinang ya? Zang ɓɔɔ ri hãlɛ fɔ̃ɔrɔ tɔ̃ɔ tɔ̃ɔ, ri nwalɛ ɓarɛ ka gãa rɛɛ kpanti.

Luka 12:20

A Laa naa kɔɔ yɔɔ tɔɔ, ‘Shoko kiɓi, lɛ̀ɛ́kɔ nɛɛ zĩi keɓe, mɔɔ vɔ kaa tɔ. Vuu kɔ mɔɔ shĩ̀lí ɓɛɛ, naa raa ɓu kaa ɓɔɔ wiya?’ ”

Luka 16:25

“A Ibirayi kasɛ wu nyaa tɔɔ, ‘Man jaa, ɓɔɔ bɛ̀ɛ́ mɔɔ doo ka koo mɔɔ walɛ vuu tɔ̃ɔ, Liyazaru walɛ vuu tɔ̃ɔ ɓi kpang. Kãntang keɓe Liyazaru tãa ɓi kaa tĩnang ka nihn, mɔɔ ti dang ɓaa kaa jĩng.

1 Koranti 10:6

Vuu kɔ ri palɛ doo tɛ̃ɛ tɛ̃ɛ ɓee, nwàng ɓi kaa vuu ɓɔɔ ruu zirɛ ɓɔɔ shaarɛ ruu nyaa nɛɛ tɔ̀ɔ, ruu shing jĩng kaa tɔ̀ɔ́ vuu shi kpang palɛnang naa ɓɔɔ rɛɛ dabang ɓuru ri palɛ doo tɛ̃ɛ tɛ̃ɛ ɓɛɛ kpang.

Yakubu 4:2

Nɔɔ kasɛ vuu, a nɔɔ walɛ kpang, ka ruu nɔngkɔ, nɔɔ nyɔ zang vɔrɔ. Nɔɔ shíng ka yeti manɛ nɛɛ vuu keɓe nɛɛ nwàng ɓɔɔ manɛ, a nɔɔ walɛ kaa takpang, ka ruu nɔngkɔ, nɔɔ gaa nyaa a nɔɔ ti ta sĩiri. Nɔɔ walɛ vuu ɓɔɔ nɔɔ kasɛ ɓɛɛ kpang, ka ruu ɓɔɔ, nɔɔ gàa ka naa Laa kpang ɓɛɛ.

Vuu ɓɔɔ zang nwangsɛ Yɔhana 18:13

Rɛɛ vuu ɓɔɔ a sɛ̃ɛ tɔ̃ɔ ɓɛɛ, naa Kirifa, nɛɛ vuu yaaji. Nɛɛ vuu ɓɔɔ zang dɔɔ ka waa, a sɛ̃ɛ tɔ̃ɔ ɓɛɛ, nɛɛ vuu ɓɔɔ zang ɓaa nɛɛ muru, a ɓɔɔ luuban ɓɛɛ. Nɛɛ mii inabi, nɛɛ nung, nɛɛ zũng ɓɔɔ zang palɛ borodi nɛɛ mani ɓɛɛ, nɛɛ jĩng alakama ɓɔɔ zang nang zũng keɓe nɛɛ mani ɓɛɛ. Nɛɛ rɛɛ napo, nɛɛ mɛ̀ɛrɛ́ nɛɛ gbantang, nɛɛ kɛkɛ ɓɔɔ gbantang gɔ̃ ɓɛɛ, a ɓɔɔ shɔnzang ɓɔɔ zang mãlɛ́ ri, ri nwang kaa jaafoo ɓɛɛ.

Vuu ɓɔɔ zang nwangsɛ Yɔhana 18:15

Zang ɓɔɔ ri mãlɛ́ rɛɛ vuu kaɓa, a ri naa ràa zang ying ɓɛɛ, bii naa kaa ri vɔrɔ dɔɔli, ka ruu jĩng dannang bang ɓɔɔ gari kaɓa dang ɓɛɛ. Ri naa shii nɛɛ nɔng beebang, ri naa zaayi, ri kaa nyavɔ, ri kɔɔyi nɛɛ,