Vuu ɓɔɔ zang nwangsɛ Yɔhana 17:5 - Nyaa Shɔɔ Ɓɔɔ Laa a Ɓɛɛ

⁵ Ka nyaating jaa soro bìí, zang bèe nung ɓɔɔ kagn, zang waasɛ vuu ɓɔɔ nung bìí kɔɔ ɓɛɛ katɔ. Zang bee nɛɛ, “Gari Babila ɓɔɔ bang dɔɔli ɓɛɛ, mɔɔ nwang nàá rɛɛ zang ɓɔɔ rakɛ wàázaa, nɛɛ ɓɔɔ vuu gn bàanang ɓɔɔ ka koo keɓe nandon ɓɛɛ.”

Vuu ɓɔɔ zang nwangsɛ Yɔhana 17:5 Σταυροειδείς Αναφορές

Filipi 3:19

Zang keɓe, ri daa ɓarɛ ka nɔng waa. Ka ruu ɓɔɔ, ɓi buru ɓarɛ kɔ nwang kaa naa Laa ɓarɛ, ri ti tuu yuu ɓarɛ ka rɛɛ vuu ɓɔɔ yusɛ̃ɛ nɛɛ tuu ri kagn kɔ jong ɓɛɛ. Ri rɛ̃rɛ ɓarɛ ka yuu rɛɛ vuu ɓɔɔ ka koo keɓe kɔ shɛ̃ɛning.

2 Tesalonika 2:7

Kãntang keɓe, vuu ɓɔɔ shing zang, zang palɛ vuu shi kpang palɛ shoonang kana nɛɛ nwĩiri ka yeti shɔnzang dɔɔli. Zang ɓɔɔ maka wu, ti maka wu katɔ sasak. Zang nɛɛ naa kɔsɔ vuu bìí tɔ, tɔɔ wu naa nwangsɛ bii kati.

Vuu ɓɔɔ zang nwangsɛ Yɔhana 1:20

Zirɛ, rɛɛ sang manziti kɔ n yiti ka naa ɓee, nɛɛ rɛɛ vuu manziti ɓɔɔ zang shĩili waa zàáng sɔɔ kagn, ɓɔɔ zang palɛ ri nɛɛ zinariya ɓɛɛ. N kaaɓi n nwangsɛ mɔɔ dĩiri rɛɛ vuu keɓe. Rɛɛ sang manziti keɓe, ɓi rɛɛ zang nyaa shonang Laa, ɓɔɔ ri ka lapa, ɓɔɔ ri gãng jĩng, ka rɛɛ Gãa Laa manziti kaɓa ɓɛɛ. Vuu manziti ɓɔɔ zang shĩili waa zàáng sɔɔ kagn kaɓa, ɓi kaa rɛɛ Gãa Laa bìí, nɛɛ yuu ɓarɛ.”

Vuu ɓɔɔ zang nwangsɛ Yɔhana 11:8

Zang naa yaa vɔrɔ ɓarɛ ka gbalang ɓɔɔ ka yeti gari bang kaɓa, ɓɔɔ nɛɛ nyaa vuu jɛ̃ɛnang, zang ɓaa nɛɛ Sɔɔdom nɛɛ Masara ɓɛɛ. Nɔng ɓɔɔ zang ɓáa kpanti ɓarɛ naa ka laa kagn ɓɛɛ.

Vuu ɓɔɔ zang nwangsɛ Yɔhana 14:8

A zang nyaa shonang Laa ɓɔɔ ka lapa ɓɛɛ, ɓɔɔgn ti a tɔkn ka knti ɓɔɔ tĩng shɔɔnang ɓɛɛ, kɔɔyi nɛɛ, “Shaarɛ tɔ, Gari bang kaɓa, ɓɔɔ zang ɓaa nɛɛ Babila, shaarɛ tɔ, gari ɓɔɔ ɓeleng shing zang tipi ɓɔɔgn ri ɓoo sàa ɓiɓɛ, ɓɔɔ wukɔ ɓi kaa nung sũnang nɛɛ dũndũng ɓiɓɛ ɓɛɛ.”

Vuu ɓɔɔ zang nwangsɛ Yɔhana 16:19

Gari bang kaɓa puusu taati, a rɛɛ gari nandon, ɓɔɔ ka tipi piti ka koo ri ti jili. Laa kpaa danggn gari bang kaɓa ɓɔɔ zang ɓaa nɛɛ Babila ɓɛɛ. A á wu waka ɓɔɔ yi nyaa nɛɛ gnvɔ ɓiɓɛ. Jĩng dannang a kaa gari kaɓa, a shing ri, ri dang jĩng, ri hangsɛ naa ɓɔɔ zang ɓoo saa kaa waka ɓɔɔ la katɔ, zang kusu ɓɛɛ.

Vuu ɓɔɔ zang nwangsɛ Yɔhana 17:1

Vuu keɓe ɓa tɔ, a ka teteng zang nyaa shonang Laa ɓɔɔ ka lapa ɓɛɛ, ɓɔɔ manziti ɓɔɔ ri yiti waka ka naa ɓɛɛ. Gbete arɛ naa kɔɔ m nɛɛ, “Arɛ, n tusu mɔɔ jĩng ɓɔɔ Laa naa dang jaa soro ɓɔɔ rakɛ wàázaa dɔɔli, ɓɔɔ wukɔ gari ɓɔɔ zang mãa ka nɔng ɓɔɔ mii kagn dɔɔli ɓɛɛ.

Vuu ɓɔɔ zang nwangsɛ Yɔhana 17:2

Ɓɔɔ rɛɛ kpanti ɓɔɔ ri ka koo ri palɛ dũndũng nɛɛ wu ɓɛɛ, a zang koo nandon ri ɓoo sàá dũndũng ɓiɓɛ tɔ, sàa si ri kana ɓɛɛ.”

Vuu ɓɔɔ zang nwangsɛ Yɔhana 17:7

Ka ruu nɔngkɔ, zang nyaa shonang Laa ɓɔɔ ka lapa ɓɛɛ kaɓa, hɛ̃ɛ m nɛɛ, “Mɔɔ mã naa ka danggn ka ruu viya? N kaaɓi n nwangsɛ mɔɔ vuu ɓɔɔ mɔɔ zi kpang ka yuu jaa soro kaɓa ɓɛɛ, nɛɛ ɓɔɔ yɔpɔ jĩngti ɓɔɔ tuu wu kaɓa, ɓɔɔ yuu ɓiɓɛ manziti, a takɛ jee kopi ɓa.

Vuu ɓɔɔ zang nwangsɛ Yɔhana 18:2

Mɛɛ nyaa nɛɛ kaka nabm, kɔɔyi nɛɛ, “Shàarɛ̀ tɔ, Babila gari bang kaɓa, shaarɛ tɔ. Raa nɔng nwannang rɛɛ raanang, nɛɛ nɔng ɓɔɔ rɛɛ suru shi kpang, ɓɔɔ yeti ɓarɛ la dɔɔli, ri kpalɛ zɔɔ kagn ɓɛɛ tɔ. Zɔ̃ng rɛɛ jaaning ɓɔɔ ri baabii dɔɔli, ɓɔɔ zang kasɛ ri kpang ɓɛɛ piti, ri nwang kaa nɔngkɔ.

Vuu ɓɔɔ zang nwangsɛ Yɔhana 18:21

Vuu keɓe ɓa tɔ, a zang nyaa shonang Laa ɓɔɔ ka lapa ɓɛɛ, ɓɔɔ lakɛ dɔɔli ɓɛɛ, arɛ naa tuu ree bang, tasɛ ka waapo, a kɔɔyi nɛɛ, “Zang ɓɔɔ naa tuu Babila gari bang kaɓa ditɔ nɔngkɔ, wu lu nabm ka tipi. Zang naa zi gari Babila takpang.

Vuu ɓɔɔ zang nwangsɛ Yɔhana 19:2

Ɓi zang ɓɔɔ palɛ vuu ɓɔɔ niizang ɓɛɛ, ti dɔ̀ng zang ruu ɓi gn dang gbete kpang. Dɔ̀ng jaa soro ɓɔɔ rakɛ wàázaa dɔɔli kaɓa, ɓɔɔ lasɛ koo nɛɛ dũndũng ɓiɓɛ ɓɛɛ, ruu tɔ. Ti wàa zang shonang ɓiɓɛ pãng zĩi ɓarɛ tɔ ka yuu ɓiɓɛ.”

Vuu ɓɔɔ zang nwangsɛ Yɔhana 7:3

A kɔɔ ri nɛɛ, “Nɔ́ɔ dang rɛɛ tipi nɛɛ waapo, nɛɛ laa, jĩng gn kpang. Ruu ɓǎng rɛɛ zang shonang Laa ɓuru vuu ɓiɓɛ doo ka nyaating ka gbongkarɛ.”