Vuu ɓɔɔ zang nwangsɛ Yɔhana 17:14 - Nyaa Shɔɔ Ɓɔɔ Laa a Ɓɛɛ

¹⁴ Ri naa ta sĩiri nɛɛ Jaa Mɛ̀ɛrɛ́ Laa, a Jaa Mɛ̀ɛrɛ́ naa shaa ri katɔ, ka ruu ɓɔɔ, wukɔ kpanti ka yuu rɛɛ kpanti nandon. Kpanti roonang ɓiɓɛ, ɓa ɓɔɔ zang piti ɓɛɛ. Zang ɓiɓɛ ɓɔɔ wu zɔ̃ngkɔ, a ɓaa ri nyaa katɔ, ɓɔɔ ri dũng wu nɛɛ yeti gbete, ri naa shaa zang jong ka nyaa sĩiri nɛɛ wu.”

Vuu ɓɔɔ zang nwangsɛ Yɔhana 17:14 Σταυροειδείς Αναφορές

Matiyu 22:14

A Yeesɔ naa hangsɛ nyaa kati tɔɔ, “Zang ɓɔɔ zang gaarɛ, ri dɔɔli, a zang ɓɔɔ zang shɛ̃ɛrɛ, ri kaa tɔ̀ɔ́ dɔɔli kpang.”

Matiyu 25:40

“A Kpanti naa kasɛ ri nyaa nɛɛ, ‘N kɔɔ nɔɔ ruu ɓɔɔ niizang kɔ nwani, vuu piti ɓɔɔ nɔɔ palɛ zang gbete ɓɔɔ wukɔ tɔkɔlɔng ka teteng rɛɛ manzung keɓe, nɔɔ pàlɛ̀ nkɔ.’

Matiyu 28:18

A Yeesɔ arɛ naa kɔɔ ri tɔɔ, “Laa a m naa tɔ ka yuu vuu ɓɔɔ ka lapa, nɛɛ ɓɔɔ ka tipi nandon.

Yɔhana 15:16

Wu nɔkɔ zɔ̃ng m kpang, ɓi nkɔ shɛ̃ɛrɛ nɔɔ, n a nɔɔ shonang, tɔɔ nɔɔ daa ra jaa. Zɔ̃ng jaa ɓɔɔ nɔɔ rárɛ́, ri nwang dòndòng. Tɔ̀ɔ, vuu ɓɔɔ nɔɔ gaa nandon ka naa Daa, nɛɛ nung mɛɛ, Daa wu a nɔɔ kati.

Rooma 1:6

Ɓɔɔ nɔɔ zang Rooma, nɔɔ jong kagn. Nɔɔ doo ka teteng zang ɓɔɔ Laa zɔ̃ngkɔ ri, nɛɛ ri nwang zang Yeesɔ Kirisi ɓɛɛ kɔ.

Rooma 8:30

A Laa tá (shɛ̃ɛrɛ) rɛɛ zang ɓɔɔ wu ɓàa ri nyaa dang gbete. Zang kɔ wu ɓaa ri nyaa ɓee, risi ri nɛɛ ri nwang zang tɔ̃ɔ ka tĩng ɓiɓɛ. A á zang kɔ wu risi ri nɛɛ ri nwang zang tɔ̃ɔ ɓee, bannang kati.

Rooma 8:37

Wu nɔngkɔ kpang, zang ɓɔɔ basɛ ruu nɛɛ Yeesɔ kpang. Ka vuu kɔ palɛ ruu ɓee nandon zang ɓɔɔ kàsɛ̀ ruu ɓuru katɔ keɓe, yiki ruu naa kagn, ruu ɓa vuu keɓe yuu gbãng gbãng.

1 Koranti 15:24

Tɔ̀ɔ, diki ɓɔɔ koo waa nyaa kagn wu a kati. Ka laa kaɓa, Yeesɔ naa ɓa vuu piti ɓɔɔ ri roo kpanti ka koo keɓe yuu, nɛɛ vuu piti ka lapa ɓɔɔ naa vuu palɛnang ɓarɛ kagn ɓɛɛ. Wu naa ningsi naa vuu palɛnang ɓarɛ. Wu tuu kpanti ka yuu vuu piti, wu a Laa ɓɔɔ wukɔ Daa ɓiɓɛ kati.

1 Timoti 6:15

Yeesɔ Kirisi naa nwang nyaa ka diki ɓɔɔ Laa shing ɓɛɛ. Laa ɓɔɔ zang piti dɔɔ wu, wukɔ roo kpanti gbete. Wukɔ Kpanti ka yuu rɛɛ kpanti nandon. Wukɔ dabang gãa rɛɛ dabang gãa.

2 Timoti 2:4

Zang sɔɔja ɓɔɔ ka nyaa sĩiri, ta sĩiri tɔ̃ɔ, tɔ̀ɔ, zang bang ɓiɓɛ wu tãa tĩnang ɓiɓɛ kati. Ka ruu nɔngkɔ, mɔɔ pálɛ̀ vuu ɓɔɔ zang ɓɔɔ ri sɔɔja kpang ri pálɛ́ ɓɛɛ kpang.

1 Bituru 2:9

Ɓɔɔ manɛ, nɔɔ manɛ zɔ̃ng zang ɓɔɔ Laa shɛ̃ɛrɛ ri katɔ ɓɛɛ, rɛɛ zang ɓɔɔ ri dɔɔ vuu ɓɔɔ ri shong kpanti ɓɛɛ. Nɔɔ manɛ zɔ̃ng zang ɓɔɔ Laa shɛ̃ɛrɛ ri nɛɛ nɔɔ nwang zang ɓiɓɛ ɓɛɛ. Laa shɛ̃ɛrɛ nɔ́ɔ nɛɛ nɔɔ kɔɔ zang rɛɛ vuu bang bang, ɓɔɔ tɔ̃ɔ tɔ̃ɔ, ɓɔɔ wu pàlɛ̀ nɔɔ ka ɓɔɔ wu nwangsɛ nɔɔ nɛɛ nɔng ɓɔɔ tɔ̀ɔ katɔ ɓɛɛ. A átɛ̀ nɔɔ nɛɛ nɔ́ɔ nwang ka nɔng ɓiɓɛ ɓɔɔ yakɛ katɔ, ɓɔɔ zang zirɛ zang mã naa ka danggn ɓɛɛ.

Vuu ɓɔɔ zang nwangsɛ Yɔhana 1:5

Yeesɔ Kirisi ɓɔɔ kɔ̀ɔ́ ɓi ruu ɓɔɔ niizang diki diki ɓɛɛ, ɓɔɔ Laa wisi wukɔ paa shɔɔnang nɛɛ sàa, a wukɔ ti nwang kpanti ka yuu rɛɛ kpanti ɓɔɔ ka koo keɓe, wu palɛ nɔɔ tɔ̃ɔ jong, wu ti shingnɛ yeti manɛ wu valɛ katɔ. Yeesɔ ɓɔɔ kasɛ ruu katɔ, a vɔ ka ruu ɓuru nɛɛ, tɔ̀ɔ, zĩi ɓiɓɛ wu ta ruu kaa nɛɛ naa vuu shi kpang ɓɔɔ ruu palɛ ɓɛɛ.

Vuu ɓɔɔ zang nwangsɛ Yɔhana 11:7

Ri nɛɛ hangsɛ Ruu Laa kɔɔnang tɔ, yɔpɔ jĩngti ɓɔɔ shaa varɛ dɔɔli, ɓɔɔ nwangnɛ yeti too ɓɔɔ dii kagn kpang, wu naa ta sĩiri nɛɛ ri. Naa ɓa ri kaka, wu nyɔkɔ ri vɔrɔ.

Vuu ɓɔɔ zang nwangsɛ Yɔhana 16:14

Ri ɓarɛ, suru shi kpang ɓɔ̀ɔ́ Sheetang. Naa vuu palɛnang ɓarɛ kagn ɓɔɔ ri palɛ vuu ɓɔɔ zang zirɛ zang mã naa ka danggn ɓɛɛ. Ri daarɛ ka bii rɛɛ kpanti ɓɔɔ ka koo nandon, nɛɛ ri kpálɛ́ ri, ri ta sĩiri ka diki bang kaɓa, ɓɔɔ Laa ɓɔɔ ɓa zang piti katɔ, naa tusu zang yuu ɓiɓɛ kagn ɓɛɛ.

Vuu ɓɔɔ zang nwangsɛ Yɔhana 2:10

Nɔ́ɔ kaa vɔrɔ jĩng dannang ɓɔɔ yaa kaa tɔkɔlɔng nɔɔ dǎng kaa tɔ kaɓa kpang. Nɔɔ ɓaa shoo, Sheetang naa gãsɛ nɔɔ ditɔ, naa shingnɛ zang wu mã zang ɓɔɔ ka teteng manɛ ka sãa. Zang naa dang nɔɔ jĩng diki kopi kɔ nwani. Nɔ́ɔ yaa danggn ɓɔɔ nɔɔ shing ka bii mɛɛ kpang, naa zang nyɔ nɔɔ doo vɔrɔ ɓɛɛ. Tɔ̀ɔ, n a nɔɔ suru bii ɓɔɔ waa nyaa kpang, nɔ́ɔ walɛ bannang kati.

Vuu ɓɔɔ zang nwangsɛ Yɔhana 2:13

N zi nɔng ɓɔɔ nɔɔ nwàng gn ɓɛ̀ɛ́ tɔ, ka nɔng ɓɔɔ Sheetang roo kpanti kagn ɓɛɛ. Nɔɔ yaa kɔɔnang kpang nɛɛ nkɔ kpanti manɛ kpang. Nɔɔ yaa danggn ɓɔɔ nɔɔ shing ka bii mɛɛ kpang doo nɛɛ mani, ka laa ɓɔɔ zang nyɔ Antiba, yɔɔ ɓɔɔ dũng m nɛɛ yeti gbete vɔrɔ ɓɛɛ. Zang nyɔ wu vɔrɔ ka teteng manɛ, ka nɔng ɓɔɔ Sheetang nwang ɓɛɛ, ka ruu ɓɔɔ, kɔɔ ka shoo zang piti nɛɛ wu dũng ɓi nkɔ ɓɛɛ.

Vuu ɓɔɔ zang nwangsɛ Yɔhana 3:21

Zang ɓɔɔ nɛɛ shii gbãng gbãng, nɛɛ ɓa yuu vuu gãsɛnang, n kasɛ tɔ, wu naa nwang nɛɛ n, ka laa kpanti roonang mɛɛ. Naa ɓɔɔ n ɓa yuu vuu gãsɛnang ka tĩng, n naa nwàng nɛɛ Daa mɛɛ ka laa kpanti roonang ɓiɓɛ ɓɛɛ.