Vuu ɓɔɔ zang nwangsɛ Yɔhana 16:14 - Nyaa Shɔɔ Ɓɔɔ Laa a Ɓɛɛ

¹⁴ Ri ɓarɛ, suru shi kpang ɓɔ̀ɔ́ Sheetang. Naa vuu palɛnang ɓarɛ kagn ɓɔɔ ri palɛ vuu ɓɔɔ zang zirɛ zang mã naa ka danggn ɓɛɛ. Ri daarɛ ka bii rɛɛ kpanti ɓɔɔ ka koo nandon, nɛɛ ri kpálɛ́ ri, ri ta sĩiri ka diki bang kaɓa, ɓɔɔ Laa ɓɔɔ ɓa zang piti katɔ, naa tusu zang yuu ɓiɓɛ kagn ɓɛɛ.

Vuu ɓɔɔ zang nwangsɛ Yɔhana 16:14 Σταυροειδείς Αναφορές

Matiyu 24:14

Zang naa rang zang koolaa keɓe Ruu Tɔ̃ɔ Kpanti Laa ditɔ nandon, tɔɔ zang ɓɔɔ ka rɛɛ tipi ɓɔɔ ka koo keɓe ri tãa ruu ɓɔɔ niizang kati. Tɔ̀ɔ, koo keɓe wu naa waa nyaa kati.”

Matiyu 24:24

Ka ruu ɓɔɔ, zang ɓɔɔ ri ɓaa yuu ɓarɛ nɛɛ Kirisi, nɛɛ zang ɓɔɔ ri suu sèé nɛɛ ri zang nyaa shonang Laa naa alɛ ditɔ, ri tusu vuu bang bang ɓɔɔ zang zirɛ, zang mã naa ka danggn, nɛɛ tɔɔ ri nwãarɛ zang kati. Naa ri zunung zang ɓɔɔ Laa shɛ̃ɛrɛ ri nwãarɛnang katɔ, ri nɛɛ nwáarɛ̀ ri katɔ.

Maraku 13:22

Ka ruu ɓɔɔ, zang ɓɔɔ ri naa ɓaa yuu ɓarɛ nɛɛ Kirisi, nɛɛ zang ɓɔɔ ri naa suu sèé nɛɛ ri zang nyaa shonang Laa, naa alɛ ditɔ. Ri naa tusu vuu bang bang, ɓɔɔ zang zirɛ zang mã naa ka danggn, nɛɛ tɔ̀ɔ ri nwãarɛ zang kati. Naa ri nɛɛ zunung zang ɓɔɔ Laa shɛ̃ɛrɛ ri nwãarɛnang katɔ, ri nɛ̀ɛ́ nwãarɛ ri katɔ.

Luka 2:1

Ka diki kaɓa Kayisa Agɔsitu kpanti zang tipi Rooma, shong nyaa nɛɛ zang gã zang ɓɔɔ ka tipi ɓiɓɛ nandon.

Yɔhana 8:44

Nɔɔ manɛ wujɛ daa manɛ sheetang, a nɔɔ ti kasɛ manɛ nɛɛ nɔ́ɔ palɛ vuu ɓɔɔ daa manɛ kasɛ ɓɛɛ. Daa manɛ nyɔ̀kɔ̀ zang vɔrɔ ɓi doo ka tĩng. Ruu ɓiɓɛ hãa ɓi kagn nɛɛ ruu ɓɔɔ niizang kpang. Ka ruu ɓɔɔ, niizang ɓi kagn yeti ɓiɓɛ kpang ɓɛɛ. Náa suu sèé, palɛ ɓi vuu ɓɔɔ ka yeti ɓiɓɛ kɔ nwani, ka ruu ɓɔɔ ɓi zang sèé, a sèé ti nwàng ɓi nɛɛ bìí ɓiɓɛ kɔ nwani ɓɛɛ.

Rooma 1:8

N gaayu, n zãa Laa mɛɛ nɛɛ bii Yeesɔ Kirisi, ka ruu ɓɔɔ, zang koo nandon, ri rang ruu ka yuu danggn shinang manɛ ɓɛɛ.

2 Tesalonika 2:9

Yɔɔ ɓɔɔ dũng nyaa dannang ɓi kpang keɓe, naa a nɛɛ naa vuu palɛnang Sheetang wu pálɛ́ vuu ɓɔɔ zang zirɛ zang mã naa ka danggn ɓɔɔ sèé ka zɔ̃ng zɔ̃ng ɓɛɛ.

1 Timoti 4:1

Suru kɔɔ tɔ faarik nɛɛ, diki a ditɔ, zang ɓɔɔ ri naa yaa danggn ɓɔɔ ri shing ka bii Laa ɓɛɛ. Ri naa ɓaa shoo ka nyaa rɛɛ suru shi kpang ɓɔɔ nwãarɛ zang ɓɛɛ. Ri naa dũng vuu ɓɔɔ suru shi kpang ri tusu ɓɛɛ.

Yakubu 3:15

Wee ɓi zũnang ɓɔɔ a nɛɛ bii Laa kpang, ɓi ɓɔɔ koo keɓe. Ɓi ɓɔɔ Suru Laa kpang. Ɓi ɓɔ̀ɔ́ suru shi kpang.

1 Yɔhana 5:19

Ruu zi tɔ, ruu ɓuru wujɛ Laa. Zang ɓɔɔ dũ̀ng Laa kpang, ri ɓarɛ ka naa Sheetang.

Vuu ɓɔɔ zang nwangsɛ Yɔhana 12:9

A ri nwangsɛ sɔkɔ bang nɛɛ lapa, ri tasɛ wu ka koo nɛɛ rɛɛ zang ɓɔɔ ri dũng wu nandon. Sɔkɔ bang kaɓa zang ɓaa nung ɓiɓɛ nɛɛ Sheetang, wukɔ kpanti rɛɛ suru shi kpang. Wukɔ ti nwãarɛ zang ka koo dɔɔ tɛ̃ɛ tɛ̃ɛ.

Vuu ɓɔɔ zang nwangsɛ Yɔhana 13:3

Yuu yɔpɔ jĩngti kaɓa gbete, nwàng naa ɓɔɔ bɛ̀ɛ́ zang shing wu nyaa vuu waa bang kagn, a nyaa vuu waa bìí zũng tɔ ɓɛɛ. Yɔpɔ kaɓa palɛ vuu ɓɔɔ zang zirɛ zang mã naa ka danggn dɔɔli, ka ruu nɔngkɔ, zang koo nandon ri gaayu ɓɔɔ ri dũng wu ɓɛɛ.

Vuu ɓɔɔ zang nwangsɛ Yɔhana 16:16

A rɛɛ suru shi kpang kaɓa, ri kpalɛ rɛɛ kpanti ɓɔɔ ka koo nandon, ka nɔng ɓɔɔ zang ɓaa nɛɛ Amagedɔng nɛɛ nyaa zang Yahudi ɓɛɛ.

Vuu ɓɔɔ zang nwangsɛ Yɔhana 16:7

A n tãayi yee nwangnɛ nɔng ɓɔɔ zang dɔ̀ɔ́ Laa vuu kagn ɓɛɛ, kasɛ nyaa nɛɛ, “Niizang, Kpanti Laa ɓɔɔ mɔɔ ɓa zang piti katɔ ɓɛɛ. Mɔɔ ɓaa zang ɓɔɔ palɛ vuu ɓɔɔ niizang ɓɛɛ, mɔɔ ti dɔ̀ng zang ruu ɓaa gn dang gbete kpang.”

Vuu ɓɔɔ zang nwangsɛ Yɔhana 17:14

Ri naa ta sĩiri nɛɛ Jaa Mɛ̀ɛrɛ́ Laa, a Jaa Mɛ̀ɛrɛ́ naa shaa ri katɔ, ka ruu ɓɔɔ, wukɔ kpanti ka yuu rɛɛ kpanti nandon. Kpanti roonang ɓiɓɛ, ɓa ɓɔɔ zang piti ɓɛɛ. Zang ɓiɓɛ ɓɔɔ wu zɔ̃ngkɔ, a ɓaa ri nyaa katɔ, ɓɔɔ ri dũng wu nɛɛ yeti gbete, ri naa shaa zang jong ka nyaa sĩiri nɛɛ wu.”

Vuu ɓɔɔ zang nwangsɛ Yɔhana 20:8

Naa daarɛ ka rɛɛ tipi ɓɔɔ ka koo keɓe, ka nɔng ɓɔɔ koo di nyaa ɓɛɛ nandon, nwãarɛ zang. Rɛɛ tipi ɓɔɔ zang ɓaa ri nɛɛ Gog nɛɛ Maagɔng ɓɛɛ. Naa kpalɛ ri ka nɔng gbete nɛɛ ri ta sĩiri. Zang ɓɔɔ ri naa kpalɛ ɓɛɛ, ri shang dɔɔli naa seseele ka nyaa waapo.

Vuu ɓɔɔ zang nwangsɛ Yɔhana 3:10

Nɔɔ dũng ruu mɛɛ ɓɔɔ n kɔ̀ɔ nɔɔ nɛɛ nɔɔ mã danggn ɓɛɛ tɔ, ka ruu nɔngkɔ, n naa shingnɛ, nɔ́ɔ wɔ ka jĩng dannang ɓɔɔ a kaa tɔ ka koo piti ɓɔɔ zang gãsɛ zang ɓɔɔ ri nwang ka koo nɛɛ mani ɓɛɛ.

Vuu ɓɔɔ zang nwangsɛ Yɔhana 6:17

Ka ruu ɓɔɔ, laa ɓɔɔ gnvɔ ɓarɛ tusu bii kagn, a tɔ ɓɛɛ. Wi zunung ɓɔɔ wu shii ka tĩng ɓarɛ wiya?”