Vuu ɓɔɔ zang nwangsɛ Yɔhana 14:4 - Nyaa Shɔɔ Ɓɔɔ Laa a Ɓɛɛ

⁴ Zang keɓe nandon, ɓi rikɔ zang ɓɔɔ ri palɛ dũndũng nɛɛ zang soro kpang, ri yiti yuu ɓarɛ waasɛ̃ ɓɛɛ. Rikɔ ti dũlu Jaa Mɛ̀ɛrɛ́ ka knti ka nɔng ɓɔɔ wu dàá ɓɛɛ piti. Zang tà yuu ɓarɛ kɔ, nɛɛ teteng rɛɛ shɔnzang, a zang a Laa nɛɛ Jaa Mɛɛrɛ ɓiɓɛ ri.

Vuu ɓɔɔ zang nwangsɛ Yɔhana 14:4 Σταυροειδείς Αναφορές

Matiyu 19:12

Zang ɓɔɔgn, ri roo soro kpang, bii varɛ ɓarɛ vɔ katɔ, ka ruu ɓɔɔ zang yi ri nɔngkɔ ɓɛɛ. Zang ɓɔɔgn zang palɛ ri katɔ. Zang ɓɔɔ ri ti bɛ̃ɛ soro roonang nɛɛ yuu ɓarɛ, ka ruu kpanti roonang Laa. Zang ɓɔɔ nɛɛ ta ruu keɓe katɔ, wu tarɛ.”

Matiyu 25:1

“Ka diki kaɓa kpanti roonang Laa naa nwang naa ruu rɛɛ ja soo kopi ɓɔɔ ri daa kn sinyɛ shaanang ɓɛɛ. Ri yaka waa zàáng sɔɔ nɛɛ ri daa ɓee sinyɛ ɓeevɛ yuu.

Matiyu 8:19

A zang gbete ka teteng zang ɓɔɔ ri tusu zang labeenang Laa, arɛ naa kɔɔ Yeesɔ tɔɔ, “Maalang, nɔng ɓɔɔ mɔɔ daa piti, n daa nɛɛ mɔɔ ning.”

Yɔhana 10:27

Mɛ̀ɛrɛ́ mɛɛ ri tãa yee mɛɛ ɓarɛ katɔ. N zi ri nung tɔ, a ri dũng m katɔ.

Yɔhana 12:26

Zang ɓɔɔ nɛɛ shòng m shonang, wu dũng, m ka knti. Nɔng ɓɔɔ n kagn zang shonang mɛɛ nwáng doo ka nɔngkɔ. Daa mɛɛ ti naa a zang ɓɔɔ palɛ m shonang bannang katɔ.”

Yɔhana 13:37

Bituru hɛ̃ɛ wu tɔɔ, “Kpanti, n dũ̀ng mɔɔ kãntang kpang ka ruu viya? N kasɛ tɔ, n vɔ ka ruu ɓaaɓɛ katɔ.”

Yɔhana 8:12

A Yeesɔ rang zang Farisi yee tɔkn tɔɔ, “Nkɔ yakɛ koo, zang ɓɔɔ nɛɛ dũ̀ng m ra ka nɔng ɓɔɔ tɔɔ katɔ kpang. Walɛ ɓi nɔng yakɛnang ɓɔɔ a zang suru bii ɓɛɛ kɔ jong.”

Zang Shonang Yeesɔ 20:28

Nɔɔ gãng jĩng ka yuu manɛ nɛɛ zang ɓɔɔ Suru Laa, a ri nɔɔ ka naa ɓɛɛ waasɛ̃. Nɔɔ nwang jagãng zang ɓɔɔ ri dũng Laa, ɓɔɔ ri nwàng ka ruu ɓɔɔ, wu hoo ri nɛɛ zĩi Jaa ɓiɓɛ ɓɛɛ.

1 Koranti 16:15

Rɛɛ manzung, nɔɔ zi tɔ nɛɛ Sitifana nɛɛ zang ɓɔɔ ri ka gãa ɓiɓɛ rikɔ tá Ruu Tɔ̃ɔ Laa shɔɔnang ka tipi Akaya. Ri ti a yuu ɓarɛ tɔ nɛɛ ri palɛ shonang ri yi zang ɓɔɔ ri dũng Laa naa ka bii.

1 Koranti 6:20

Ka ruu ɓɔɔ, hoo nɔɔ nɛɛ zĩi Yeesɔ Kirisi ɓɛɛ. Ka ruu nɔngkɔ, nɔɔ a Laa bannang nɛɛ bii manɛ.

1 Koranti 7:28

Naa n kɔɔ doo nɔngkɔ piti, naa zang ɓɔɔ gee soro palɛ wu vuu shi kpang, kpang. Nɔɔ zi tɔ nɛɛ zang ɓɔɔ ri gee soro tɔ, ri naa dang jĩng dɔɔli, ka koo keɓe. N kasɛ nɛɛ jĩng dannang kaɓa wu à ka yuu manɛ kpang.

2 Koranti 11:2

N kaa sũnyaa ka yuu manɛ naa ɓɔɔ Laa kaayi ɓɛɛ. N a nyaa tɔ nɛɛ, n a nɔɔ Kirisi wu gee nɔɔ. A n kasɛ nɛɛ nɔ́ɔ pálɛ̀ vuu shi kpang, kpang, tɔ̀ɔ, ka diki ɓɔɔ zang gee nɔɔ kagn, n tuu nɔɔ naa jaa soro ɓɔɔ roo varɛ gn kpang, ɓɔɔ shi kpang ka bii kpang ɓɛɛ. N a nɔɔ varɛ manɛ ɓɔɔ wukɔ gbete ɓɛɛ kati.

Afisa 1:14

Suru Laa keɓe kɔ pálɛ̀, Laa á nɔɔ vuu ɓɔɔ Laa a nyaa nɛɛ wu a zang ɓiɓɛ ɓɛɛ. Wukɔ shing zang ɓɔɔ ri ɓarɛ zang Laa ri wɔrɛ dɔ̃ɔ gbete, tɔɔ zang ri dɔɔ bannang Laa kati.

Afisa 5:27

Kirisi palɛ vuu keɓe nɛɛ tɔ̀ɔ, zang ɓɔɔ ri dũng wu, ri nwang kaa zang ɓɔɔ ri shi dɔɔli, kalang kalang, shi kpang kagn bii ɓarɛ kpang ɓɛɛ. Vuu ɓɔɔ ti luku ri ka bii kpang, bii ɓarɛ ti gɔ́ɔrɔ̀ kpang, a vuu shi kpang ti kagn bii ɓarɛ kpang.

1 Timoti 4:3

Zang ɓɔɔ ri kpɛ̃ɛrɛ zang nɛɛ, soro geenang shi kpang. Nɛɛ vuu shaanang ɓɔɔ kagn, ri ti shaa kpang. Vuu shaanang ɓɔɔ Laa mãarɛ, nɛɛ tɔɔ zang ɓɔɔ ri dũng wu, ɓɔɔ ri ti zi ruu ɓɔɔ niizang tɔ, ri tarɛ ri ti zãa wu kati ɓɛɛ.

Yahudi 12:23

Nɔɔ á manɛ tɔ, ka nɔng ɓɔɔ zang ɓɔɔ ri dũng Laa ɓɔɔ rikɔ jamari ɓiɓɛ, ɓɔɔ zang béeré nung ɓarɛ tɔ ka lapa, ri kpalɛ zɔɔ ɓɛɛ. Nɔɔ a ka bii Laa, ɓɔɔ wukɔ jɛ̃ɛ zang piti ruu ɓɛɛ, a ɓɔɔ ka bii rɛɛ suru zang tɔ̃ɔ ɓɔɔ zang shing ri tɔ, ri nwang tɔ nyaa kiiri ɓɛɛ.

Yakubu 1:18

Wukɔ kasɛ nɛɛ yuu ɓiɓɛ, a shing rùu, rùu nwang wujɛ ɓiɓɛ, nɛɛ yee ɓiɓɛ ɓɔɔ niizang ɓɛɛ. Nɛɛ tɔ̀ɔ, ruu nwang kaa naa jamari rɛɛ vuu ɓɔɔ wu mã́arɛ̀ ɓɛɛ.

1 Bituru 2:9

Ɓɔɔ manɛ, nɔɔ manɛ zɔ̃ng zang ɓɔɔ Laa shɛ̃ɛrɛ ri katɔ ɓɛɛ, rɛɛ zang ɓɔɔ ri dɔɔ vuu ɓɔɔ ri shong kpanti ɓɛɛ. Nɔɔ manɛ zɔ̃ng zang ɓɔɔ Laa shɛ̃ɛrɛ ri nɛɛ nɔɔ nwang zang ɓiɓɛ ɓɛɛ. Laa shɛ̃ɛrɛ nɔ́ɔ nɛɛ nɔɔ kɔɔ zang rɛɛ vuu bang bang, ɓɔɔ tɔ̃ɔ tɔ̃ɔ, ɓɔɔ wu pàlɛ̀ nɔɔ ka ɓɔɔ wu nwangsɛ nɔɔ nɛɛ nɔng ɓɔɔ tɔ̀ɔ katɔ ɓɛɛ. A átɛ̀ nɔɔ nɛɛ nɔ́ɔ nwang ka nɔng ɓiɓɛ ɓɔɔ yakɛ katɔ, ɓɔɔ zang zirɛ zang mã naa ka danggn ɓɛɛ.

Vuu ɓɔɔ zang nwangsɛ Yɔhana 17:14

Ri naa ta sĩiri nɛɛ Jaa Mɛ̀ɛrɛ́ Laa, a Jaa Mɛ̀ɛrɛ́ naa shaa ri katɔ, ka ruu ɓɔɔ, wukɔ kpanti ka yuu rɛɛ kpanti nandon. Kpanti roonang ɓiɓɛ, ɓa ɓɔɔ zang piti ɓɛɛ. Zang ɓiɓɛ ɓɔɔ wu zɔ̃ngkɔ, a ɓaa ri nyaa katɔ, ɓɔɔ ri dũng wu nɛɛ yeti gbete, ri naa shaa zang jong ka nyaa sĩiri nɛɛ wu.”

Vuu ɓɔɔ zang nwangsɛ Yɔhana 21:22

N zi Gãa Laa ka yeti gari bìí kpang, ka ruu ɓɔɔ, kpanti ɓuru Laa ɓɔɔ ɓa zang piti, a ɓɔɔ Jaa Mɛ̀ɛrɛ́ ri ka nɔng ɓɛɛ.

Vuu ɓɔɔ zang nwangsɛ Yɔhana 21:23

Ruu zang gari kaɓa hãa ɓi kagn nɛɛ laa nɛɛ shala kpang, ka ruu ɓɔɔ, bannang Laa yakɛ nɔng ka nɔng kaɓa a Jaa Mɛ̀ɛrɛ́ ti nwang naa waa zàáng sɔɔ ɓɔɔ yakɛ gari kaɓa ɓɛɛ.

Vuu ɓɔɔ zang nwangsɛ Yɔhana 3:4

A zang ɓɔɔ kaa gn teteng manɛ, ka Sadisu ka nɔngkɔ, ɓɔɔ ri tɔ̀ɔ fɔ̃ɔrɔ ɓarɛ kpang ɓɛɛ. Zang kaɓa ri naa hã̀lɛ́ fɔ̃ɔrɔ puru ri rakɛ nɛɛ n, ka ruu ɓɔɔ, nwannang ɓarɛ daa naa tɔ ɓɛɛ.

Vuu ɓɔɔ zang nwangsɛ Yɔhana 5:9

Ri gaa soo shɔɔ, ri kɔɔyi nɛɛ, “Mɔɔ daa naa tɔ, mɔɔ ta labeenang kaɓa, mɔɔ ti tãlɛ lang ɓɔɔ zang ɓang nɛɛ mani ɓɛɛ. Ka ruu ɓɔɔ, zang nyɔ mɔɔ vɔrɔ ka tĩng, a mɔɔ ta Laa yuu zang dɔɔli nɛɛ zĩi ɓaaɓɛ ɓɛɛ. Zang ɓɔɔ mɔɔ ta yuu ɓarɛ keɓe, ri nwangnɛ zɔ̃ng zang piti ka koo keɓe, nɛɛ nyaa ɓɔɔ ka koo piti, ri nwangnɛ tipi piti, a ɓɔɔ nɛɛ tipi rɛɛ kpanti ka bm bm.