Vuu ɓɔɔ zang nwangsɛ Yɔhana 14:3 - Nyaa Shɔɔ Ɓɔɔ Laa a Ɓɛɛ

³ Zang kaɓa nandon, ri shii ka tĩng laa nwannang Kpanti Laa, nɛɛ tĩng rɛɛ vuu dɛ̃ɛti ɓɔɔ suru bii ɓarɛ kagn ɓɛɛ, nɛɛ tĩng rɛɛ zang bang bmati tu dɛ̃ɛti kaɓa, ri gaa soo shɔɔ. Zang ɓɔɔ zunung ɓɔɔ wu mantɛ soo kaɓa kagn kpang, ɓi zang labang dakn laa maani tu laa ziti tu dɛ̃ɛti kɔ zunung shɛ̃ɛning. Rikɔ zang ɓɔɔ zang tà yuu ɓarɛ nɛɛ koo ɓɛɛ.

Vuu ɓɔɔ zang nwangsɛ Yɔhana 14:3 Σταυροειδείς Αναφορές

1 Koranti 1:18

Zang ɓɔɔ ri shàarɛ́ kana, ri kɔɔ ɓarɛ nɛɛ, vɔrɔ ɓɔɔ Kirisi vɔ ka yuu laa ɓi vuu shoko waati. Ɓɔɔ ɓuru, ɓɔɔ Laa ta yuu ɓuru kana, ruu zi ɓuru tɔ nɛɛ, naa vuu palɛnang Laa kagn ka vɔrɔ ɓɔɔ Yeesɔ vɔ ɓɛɛ.

1 Koranti 2:14

Zang ɓɔɔ Suru Laa nɛɛ kagn yeti ɓiɓɛ kpang, ta vuu ɓɔɔ Suru Laa alɛ zang ɓi kpang. Zang kaɓa zi vuu keɓe kpang, vuu bìí nwang wu ɓi naa vuu shoko, ka ruu ɓɔɔ, ɓi Suru Laa kɔ shɛ̃ɛning shing zang, zang zi vuu kaɓa ɓɛɛ.

Vuu ɓɔɔ zang nwangsɛ Yɔhana 14:1

A n shing jĩng, n zi Jaa Mɛ̀ɛrɛ́ Laa shii ka yuu kɔpɔ Siyona. Shɔnzang labang dakn laa maani tu laa ziti tu dɛ̃ɛti ri shii nɛɛ wu. Zang ɓɔɔ zang bee nung Daa ɓiɓɛ tɔ, nɛɛ nung ɓiɓɛ ka wàá nyaating ɓarɛ ɓɛɛ.

Vuu ɓɔɔ zang nwangsɛ Yɔhana 15:3

Ri gaa soo ɓɔɔ Musa zang nyaa shonang Laa ri gaa ɓɛɛ, a Jaa Mɛ̀ɛrɛ́ ti gáa jong ɓɛɛ, ri kɔɔyi nɛɛ, “Laa ɓɔɔ mɔkɔ kpanti ɓuru ɓɛɛ, ɓɔɔ mɔɔ ɓa zang piti katɔ ɓɛɛ. Shonang ɓaaɓɛ bang dɔɔli, ti shing zang, zang mã naa ka danggn. Mɔkɔ kpanti zang ɓɔɔ ri ka koo nandon Vuu ɓɔɔ mɔɔ palɛ ɓɛɛ, ɓi tɔ̃ɔ, a mɔɔ ti zang ɓɔɔ palɛ vuu ɓɔɔ niizang.

Vuu ɓɔɔ zang nwangsɛ Yɔhana 2:17

Zang ɓɔɔ shoo ɓiɓɛ nɛɛ kagn, wu ɓaayi, wu tãa vuu ɓɔɔ Suru Laa kɔɔ rɛɛ zang ɓɔɔ ri dũng Laa ɓɛɛ. Zang piti ɓɔɔ nɛɛ ɓa vuu gãsɛnang yuu, n á wu vuu shaanang ɓɔɔ zang ɓaa nɛɛ maanaa ɓɔɔ zang waasɛ katɔ ɓɛɛ. N ti á wu tari ɓɔɔ kagn puru nɛɛ nung shɔɔ ɓɔɔ zang bee ka yuu tari bìí. Zang ɓɔɔ zi nung bìí kpang ɓi zang ɓɔɔ tarɛ kɔ zi shɛ̃ɛning.”

Vuu ɓɔɔ zang nwangsɛ Yɔhana 5:9

Ri gaa soo shɔɔ, ri kɔɔyi nɛɛ, “Mɔɔ daa naa tɔ, mɔɔ ta labeenang kaɓa, mɔɔ ti tãlɛ lang ɓɔɔ zang ɓang nɛɛ mani ɓɛɛ. Ka ruu ɓɔɔ, zang nyɔ mɔɔ vɔrɔ ka tĩng, a mɔɔ ta Laa yuu zang dɔɔli nɛɛ zĩi ɓaaɓɛ ɓɛɛ. Zang ɓɔɔ mɔɔ ta yuu ɓarɛ keɓe, ri nwangnɛ zɔ̃ng zang piti ka koo keɓe, nɛɛ nyaa ɓɔɔ ka koo piti, ri nwangnɛ tipi piti, a ɓɔɔ nɛɛ tipi rɛɛ kpanti ka bm bm.

Vuu ɓɔɔ zang nwangsɛ Yɔhana 7:4

A n tãayi, zang gã rɛɛ zang kaɓa, ɓɔɔ zang nyaa shonang Laa ɓɔɔ ka lapa ɓang ri vuu ka nyaating ɓɛɛ. Zang ri nandon, labang dakn laa maani tu laa ziti tu dɛ̃ɛti. Ri nwangnɛ teteng zɔ̃ng zang Isirela nandon.