Vuu ɓɔɔ zang nwangsɛ Yɔhana 14:15 - Nyaa Shɔɔ Ɓɔɔ Laa a Ɓɛɛ

¹⁵ A zang nyaa shonang Laa ɓɔɔ ka lapa ɓɛɛ, nwangnɛ yeti Gãa Laa, rang yee nabm. Kɔɔ zang ɓɔɔ nwang ka yuu sãmbong ɓɛɛ nɛɛ, “Tuu jangsi ɓaaɓɛ ta mɔɔ gaayu vuu shaanang kpaanang, ka ruu ɓɔɔ laa vuu shaanang kpalɛnang a tɔ ɓɛɛ. Vuu shaanang zũng tɔ, gbayi gbayi.”

Vuu ɓɔɔ zang nwangsɛ Yɔhana 14:15 Σταυροειδείς Αναφορές

Matiyu 13:30

Nɔɔ yaa ri ka nɔngkɔ, ri bangkɛ nɛɛ zee ɓɔɔ tɔ̃ɔ gbã̀ágbãa, diki ɓɔɔ zang yee zee wu a nɛɛ mani. N naa kɔɔ zang ɓɔɔ ri yee ditɔ, nɛɛ, ri gaayu nɛɛ zee lɔɔwɔ kɔ kpalɛnang shɔɔnang. Tɔ̀ɔ, ri gɔɔ ka jɔɔ jɔɔ, ri dɔ́ɔ kati. Ri ti kpalɛ zee ɓɔɔ tɔ̃ɔ ɓi kaa bɔ̃nɔ mɛɛ.’ ”

Matiyu 13:39

Zang ɓɔɔ shing jĩng nɛɛ wu kpang, ɓɔɔ ɓaa zee lɔɔwɔ, kaɓa, ɓi Sheetang. Diki zee yeenang, ɓi kaa diki ɓɔɔ koolaa naa waa nyaa ɓɛɛ. Zang zee yeenang ɓi ti kaa zang nyaa shonang Laa ɓɔɔ ri ka lapa ɓɛɛ.

Matiyu 23:32

Nɔɔ hangsɛ nyaa vuu shi kpang ɓɔɔ daa manɛ ri yaa ɓɛɛ ta.

Maraku 4:29

Jĩng vuu nɛɛ zũng tɔ, wu ya jangsi, wu kpayi, ka ruu ɓɔɔ, diki vuu yeenang a tɔ ɓɛɛ.”

1 Tesalonika 2:16

Ri ti kãa naa ɓɔɔ ri zãa ruu gbalang ɓɔɔ ruu kɔɔ zang ɓɔɔ ri zang Isirela kpang ruu, ɓɔɔ naa ta yuu ɓarɛ katɔ ɓɛɛ. Vuu kɔ̀ ri palɛ ɓee, kɔ shingnɛ vuu shi kpang ɓɔɔ ri palɛ diki diki ɓɛɛ, ɓèe nyaa kaa kiiri. A kãntang yeti Laa lasɛ tɔ nɛɛ ri, jɛ̃ɛ ri ruu kaa tɔ.

Vuu ɓɔɔ zang nwangsɛ Yɔhana 11:19

A nyaa Gãa Laa ɓɔɔ ka lapa puuyi, zang zǐ akpaati nyaa ɓɔɔ Laa mã nɛɛ zang ɓiɓɛ kagn ɓɛɛ katɔ, ka yeti Gãa Laa. A shala mangkɛ, zang mɛɛrɛ nyaa nabm, tipi ruutu, shala mɛɛrɛ, a mii takong a dɔɔli.

Vuu ɓɔɔ zang nwangsɛ Yɔhana 13:12

Tuu naa vuu palɛnang yɔpɔ jĩngti ɓɔɔ tĩng shɔɔnang ɓɛɛ nandon, palɛ vuu nɛɛ mani ka jĩng ɓiɓɛ ka nɔngkɔ. A shing koo nɛɛ zang ɓɔɔ ri ka koo nandon nɛɛ ri bang yɔpɔ jĩngti ɓɔɔ tĩng shɔɔnang, ɓɔɔ zang shing wu nyaa vuu waa bang, a zũng tɔ ɓɛɛ.

Vuu ɓɔɔ zang nwangsɛ Yɔhana 14:14

A n shing jĩng, n zi sãmbong puru. A zang ɓɔɔ nwàng ka yuu sãmbong kaɓa, nwang Jaa shɔnzang. Kãng lapoo yuu kpanti ɓɔɔ zang palɛ nɛɛ zinariya ɓɛɛ, ka yuu ɓiɓɛ, a yiti jangsi ɓɔɔ wɔng nyaa dɔɔli ɓɛɛ, ka naa ɓiɓɛ.

Vuu ɓɔɔ zang nwangsɛ Yɔhana 14:16

A zang kaɓa ɓɔɔ nwang ka yuu sãmbong tuu jangsi ɓiɓɛ, gɔ̃kɔ ka tipi, a kpaa vuu shaanang nandon.

Vuu ɓɔɔ zang nwangsɛ Yɔhana 14:17

A n zi zang nyaa shonang Laa ɓɔɔ ka lapa ɓɛɛ, ɓɔɔgn nwangnɛ yeti Gãa Laa, yiti jangsi ɓɔɔ wɔng nyaa dɔɔli jong ka naa.

Vuu ɓɔɔ zang nwangsɛ Yɔhana 14:18

A zang nyaa shonang Laa ɓɔɔ ka lapa ɓɛɛ, ɓɔɔgn nwangnɛ nɔng ɓɔɔ zang dɔɔ Laa vuu kagn ɓɛɛ, ɓɔɔ zang a wukɔ naa waa, ka nɔng kaɓa ɓɛɛ. Rang yee nabm kɔɔ zang nyaa shonang Laa ɓɔɔ ka lapa ɓɔɔ yiti jangsi ɓɔɔ wɔng nyaa dɔɔli kaɓa nɛɛ, “Zirɛ shing jangsi ɓaaɓɛ ta, mɔɔ kpang jĩng laa inabi ɓɔɔ ra ka laa ka koo ɓɛɛ, ri zũng tɔ.”

Vuu ɓɔɔ zang nwangsɛ Yɔhana 15:6

Zang nyaa shonang Laa ɓɔɔ ka lapa manziti ɓɔɔ ri atɛ kɔnang manziti kaɓa, ri nwangnɛ yeti Gãa Laa. Ri hãlɛ fɔ̃ɔrɔ puru ɓɔɔ kɔlɔ katɔ ɓɛɛ, ri ti mã guruji ɓɔɔ zang palɛ nɛɛ zinariya ɓɛɛ, ka danggn ɓarɛ.

Vuu ɓɔɔ zang nwangsɛ Yɔhana 16:17

A zang nyaa shonang Laa ɓɔɔ ka lapa ɓɛɛ ɓɔɔ daa ka manziti ɓɛɛ, arɛ ɓaa kɔnang ɓɔɔ ka waka ɓiɓɛ ɓɛɛ, ka jasung waati. A yee nwangnɛ laa nwannang kpanti ka yeti Gãa Laa, mɛɛ nabm kɔɔyi nɛɛ, “Zang hangsɛ vuu piti tɔ.”

Vuu ɓɔɔ zang nwangsɛ Yɔhana 6:10

A ri mɛɛ nyaa nabm nɛɛ, “Laa ɓɔɔ mɔkɔ kpanti ɓɛɛ, shi kpang ka bii ɓaaɓɛ kpang. Mɔkɔ kɔɔ ruu ɓɔɔ niizang ɓɛɛ, ruu nwáng diki nɛya ka nihn, tɔ̀ɔ, mɔɔ dɔng zang koo ɓɔɔ ri nyɔkɔ rùu ruu, mɔɔ waa ruu pãng wiya?”