Vuu ɓɔɔ zang nwangsɛ Yɔhana 14:13 - Nyaa Shɔɔ Ɓɔɔ Laa a Ɓɛɛ

¹³ A n ti tãa yee ɓɔɔ tɔkn nɛɛ lapa kɔɔyi nɛɛ, “Béeré ruu keɓe, tĩnang tãanang ɓi ɓɔɔ zang ɓɔɔ ri naa vɔlɔ, ka ruu ɓɔɔ ri shing danggn tɔ ka bii Laa ɓɛɛ.” A Suru Laa kasɛ nyaa tɔɔ, “N, niizang, ri tãa tĩnang tɔ. Ri ɔ̃sɔ kaa tɔ nɛɛ shonang bang ɓɔɔ ri palɛ ɓɛɛ, ka ruu ɓɔɔ, tɔ̃ɔ ɓɔɔ shonang ɓarɛ nwàng ri, dũng ri ka knti ɓɛɛ.”

Vuu ɓɔɔ zang nwangsɛ Yɔhana 14:13 Σταυροειδείς Αναφορές

Matiyu 3:17

Ri ti tãa yee nɛɛ lapa tɔɔ, “Wee jaa mɛɛ ɓɔɔ yeti mɛɛ kasɛ wu gbãng gbãng ɓɛɛ kɔ.”

Luka 16:25

“A Ibirayi kasɛ wu nyaa tɔɔ, ‘Man jaa, ɓɔɔ bɛ̀ɛ́ mɔɔ doo ka koo mɔɔ walɛ vuu tɔ̃ɔ, Liyazaru walɛ vuu tɔ̃ɔ ɓi kpang. Kãntang keɓe Liyazaru tãa ɓi kaa tĩnang ka nihn, mɔɔ ti dang ɓaa kaa jĩng.

Luka 16:9

A Yeesɔ kɔɔ ri nɛɛ “N kɔ̀ɔ́ nɔɔ, nɔɔ yiki wusang nɛɛ zɔɔ nɛɛ vuu naa manɛ, ka ruu ɓɔɔ, nɛɛ naa waa nyaa tɔ, zang naa ta nɔɔ ka nɔng ɓɔɔ nɔɔ naa nwang dòndòng ɓɛɛ.

Rooma 14:8

Ruu nɛɛ nwangnɛ, ruu nwàng ɓuru nwannang Laa. A ruu nɛɛ ti vɔrɛ, ruu vɔ ɓuru ka ruu ɓɔɔ tɔ̀ɔ, zang a Laa bannang ɓɛɛ. Naa ruu nwàng doo ningkãari, a naa ruu vɔ doo katɔ, ruu ɓuru zang Laa.

1 Koranti 15:18

Ti nwang kaa naa ɓɔɔ zang ɓɔɔ ri shing danggn tɔ ka bii Yeesɔ Kirisi a ri vɔlɔ, ri shaarɛ ɓarɛ tɔ ɓɛɛ.

1 Koranti 15:20

Niizang, Laa wisi Yeesɔ Kirisi paa tɔ nɛɛ sàa. Ka teteng zang ɓɔɔ ri vɔlɔ ɓɛɛ, Laa wisi wukɔ paa shɔɔnang, a ruu zi kaa wukɔ nɛɛ Laa naa wisi zang ɓɔɔ ri vɔlɔ tɔ paa ditɔ jong nɛɛ sàa.

1 Koranti 15:58

Ka ruu nɔngkɔ, manzung, ɓɔɔ n kasɛ nɔɔ katɔ ɓɛɛ, n kɔɔ nɔɔ, nɔɔ shii nɛɛ kaka, vuu ɓɔɔ wu shing nɔɔ nɔ́ɔ kɔ̃sɔ yeti manɛ kpang. Nɔɔ palɛ shonang Kpanti ɓuru Yeesɔ Kirisi nɛɛ yeti manɛ nandon, ka ruu ɓɔɔ, nɔɔ zi tɔ nɛɛ shonang ɓɔɔ nɔɔ pàlɛ́ Kpanti Kirisi naa nwǎng nɔɔ vuu tɔ̃ɔ katɔ ɓɛɛ.

2 Koranti 5:8

Ruu yaa gn naa kpang. Ruu kasɛ katɔ kɔ jong, ruu yaa bii kɔ wukɔ gãa ɓuru ɓee, ruu daa nwang kaa nɛɛ Kpanti Yeesɔ.

Filipi 2:17

Danggn ɓɔɔ nɔɔ shing ka bii Yeesɔ Kirisi nwang naa vuu ɓɔɔ nɔɔ dɔɔ Laa ɓɛɛ. Naa zang tɛ̃ɛ zĩi mɛɛ doo ka yuu vuu kɔ nɔɔ dɔɔ Laa ɓee, n tãa m tĩnang nɛɛ nɔɔ.

1 Tesalonika 4:14

Ruu shing danggn tɔ nɛɛ, Yeesɔ vɔrɛ, a yuu paa tɔkn, a ruu ti shing danggn tɔ nɛɛ, Laa naa sɔɔrɔ zang ɓɔɔ ri shing danggn ka bii ɓiɓɛ, ɓɔɔ ri vɔlɔ tɔ ditɔ jong nɛɛ Yeesɔ Kirisi.

1 Tesalonika 4:16

Laa naa mɛɛ nyaa nabm, a zang bang rɛɛ zang nyaa shonang Laa ɓɔɔ ri ka lapa ɓɛɛ, naa rang yee, a zang ri tãa yee vuukãng ɓɔɔ Laa jee ɓɛɛ. Tɔ̀ɔ, Kpanti Yeesɔ nɛɛ yuu ɓiɓɛ wu naa shooro kaa nɛɛ lapa zang ɓɔɔ ri shing danggn tɔ ka bii Yeesɔ a ri vɔlɔ ɓɛɛ, rikɔ yupaa ningkãari shɔɔnang.

1 Tesalonika 5:10

Yeesɔ vɔ ka ruu ɓuru nɛɛ tɔ̀ɔ, ruu nwang kaa nɔng gbete nɛɛ wu, naa ruu doo ningkãari, kɔ́ ruu vɔlɔ katɔ, ka diki ɓɔɔ wu a kagn ɓɛɛ.

1 Timoti 5:24

Vuu shi kpang zang ɓɔɔ tusu bii tantɛnang, bɛ̀ɛ́ zang kɔɔ gn kpang nɛɛ ri palɛ vuu shi kpang tɔ kpang. Vuu shi kpang zang ɓɔɔ tusu bii pati kpang, tusu bii ɓi nɛɛ knti.

1 Timoti 5:25

Vuu tɔ̃ɔ ɓɔɔ zang palɛ ɓɛɛ, ɓi doo nɔngkɔ, ɓɔɔ kpãa zinang kpang. Ɓɔɔ zang zi kãntang kpang, waasɛ bii dòndòng kpang.

Vuu ɓɔɔ zang nwangsɛ Yɔhana 1:11

Kɔ̀ɔ́ m nɛɛ, “Tuu labeenang mɔɔ bée vuu kɔ mɔɔ zili ɓee, mɔ́ɔ shòng zang ɓɔɔ ri dũng Laa ka Gãa Laa manziti kaɓa. Gãa Laa ɓɔɔ ri ka gari Afisa nɛɛ gari Simina nɛɛ gari Pagamu, nɛɛ gari Tayatira nɛɛ gari Sadisu, nɛɛ ɓɔɔ gari Filadifiya a ɓɔɔ gari Lawodikiya ɓɛɛ.”

Vuu ɓɔɔ zang nwangsɛ Yɔhana 10:4

Ɓɔɔ rɛɛ shala mii manziti kaɓa ri mɛɛyi, bɛ̀ɛ́ n tɔɔ n bee vuu ɓɔɔ ri kɔɔ ɓɛɛ kaa tɔ. A n tãa yee nɛɛ lapa kɔɔ m nɛɛ, “Mɔɔ nwangsɛ zang bii ruu kaɓa kpang, mɔɔ beere kpang.”

Vuu ɓɔɔ zang nwangsɛ Yɔhana 11:15

A zang nyaa shonang Laa ɓɔɔ wukɔ wàa rɛɛ zang nyaa shonang Laa ɓɔɔ ri manziti nyaa knti ɓɛɛ, jee gboo ɓiɓɛ. A n tãlɛ yee nwangnɛ lapa, ri rang yee nabm nɛɛ, “Kpanti roonang koo keɓe, raa ɓɔɔ kpanti ɓuru tɔ, nɛɛ ɓɔɔ Kirisi ɓiɓɛ. Laa kɔ naa roo kpanti gbinggbing.”

Vuu ɓɔɔ zang nwangsɛ Yɔhana 11:19

A nyaa Gãa Laa ɓɔɔ ka lapa puuyi, zang zǐ akpaati nyaa ɓɔɔ Laa mã nɛɛ zang ɓiɓɛ kagn ɓɛɛ katɔ, ka yeti Gãa Laa. A shala mangkɛ, zang mɛɛrɛ nyaa nabm, tipi ruutu, shala mɛɛrɛ, a mii takong a dɔɔli.

Vuu ɓɔɔ zang nwangsɛ Yɔhana 16:17

A zang nyaa shonang Laa ɓɔɔ ka lapa ɓɛɛ ɓɔɔ daa ka manziti ɓɛɛ, arɛ ɓaa kɔnang ɓɔɔ ka waka ɓiɓɛ ɓɛɛ, ka jasung waati. A yee nwangnɛ laa nwannang kpanti ka yeti Gãa Laa, mɛɛ nabm kɔɔyi nɛɛ, “Zang hangsɛ vuu piti tɔ.”

Vuu ɓɔɔ zang nwangsɛ Yɔhana 19:9

A zang nyaa shonang Laa ɓɔɔ ka lapa ɓɛɛ kaɓa, kɔɔ m nɛɛ, “Bée ruu keɓe, Zang ɓɔɔ zang gáarɛ̀ ri, nɛɛ ri naa shaa kn sinyɛ Jaa Mɛ̀ɛrɛ́ ri tãa tĩnang ɓarɛ tɔ.” A ti kɔɔ m nɛɛ, “Ruu keɓe nwangnɛ, nɛɛ nyaa Laa nɛɛ yuu ɓiɓɛ.”

Vuu ɓɔɔ zang nwangsɛ Yɔhana 2:1

A zang ɓɔɔ n zi wu kaɓa, kɔɔ m nɛɛ, “Bèe zang nyaa shonang Laa ɓɔɔ ka lapa ɓɔɔ gãng jĩng ka zang Laa ɓɔɔ ri ka gari Afisa ruu keɓe. Mɔɔ kɔɔ wu nɛɛ: Wee ruu ɓɔɔ nwang nɛɛ nyaa zang ɓɔɔ yiti sang manziti ka nakn ɓiɓɛ ɓɛɛ, ɓɔɔ rakɛ ka teteng rɛɛ vuu manziti ɓɔɔ zang palɛ nɛɛ zinariya zang shĩili waa zàáng sɔɔ kagn ɓɛɛ.

Vuu ɓɔɔ zang nwangsɛ Yɔhana 2:7

Zang ɓɔɔ shoo ɓiɓɛ nɛɛ kagn, wu ɓaayi wu tãa vuu kɔ Suru Laa kɔɔ rɛɛ zang ɓɔɔ ri dũng Laa ɓee. Zang ɓɔɔ nɛɛ mã danggn nɛɛ ɓa vuu gãsɛnang yuu, n naa yaa wukɔ, wu shaa jĩng laa ɓɔɔ ra ka laa ɓɔɔ a zang suru bii ɓɔɔ waa nyaa kpang, ɓɔɔ ta ka yeti jaa ɓɔɔ Laa shĩili ɓɛɛ.”

Vuu ɓɔɔ zang nwangsɛ Yɔhana 20:6

Tĩnang ɓi ɓɔ̀ɔ́ zang ɓɔɔ ri yupaa jong ka paa yunang ɓɔɔ tĩng shɔɔnang keɓe. Ri ɓarɛ ti zang ɓɔɔ shi kpang ka bii ɓarɛ kpang ɓɛɛ. Vɔrɔ ɓɔɔ zang naa vɔ tɔkn, ɓɔɔ daa kaa doo ziti naa palɛ ri vuu ɓɔɔ ɓarɛ kpang. Ri naa nwang ɓarɛ kaa zang ɓɔɔ ri dɔɔ Laa nɛɛ Kirisi vuu, ka Gãa Laa ɓɛɛ. A ri naa roo kpanti nɛɛ wu, saa labang gbete.

Vuu ɓɔɔ zang nwangsɛ Yɔhana 21:5

A zang ɓɔɔ nwang ka láa nwannang kpanti kaɓa, kɔɔyi nɛɛ, “Nɔɔ zirɛ, n rìsí vuu piti wu nwang kaa shɔɔ.” A ti kɔɔ m nɛɛ “Beere vuu keɓe ta, ka ruu ɓɔɔ, ruu keɓe daa naa gn shinang katɔ, a ti ruu ɓɔɔ niizang ɓɛɛ.”

Vuu ɓɔɔ zang nwangsɛ Yɔhana 22:17

Suru Laa nɛɛ sinyɛ Jaa Mɛɛrɛ, ri kɔɔyi nɛɛ, “Arɛ” Zang piti ɓɔɔ nɛɛ tãa ruu keɓe tɔ, wu kɔɔ jong nɛɛ, “Arɛ” Zang ɓɔɔ sutu nɛɛ maa wu, wu arɛ, zang ɓɔɔ nɛɛ kasɛ katɔ, wu naa zã mii ɓɔɔ a zang suru bii ɓɔɔ waa nyaa kpang waati wu ɓooyi.

Vuu ɓɔɔ zang nwangsɛ Yɔhana 6:11

A zang a zang ɓu ka teteng ɓarɛ fɔ̃ɔrɔ puru. A zang kɔɔ ri nɛɛ, ri gã ka gbongkarɛ tɔkɔlɔng, ka ruu ɓɔɔ, ri ɓee nyaa gn kpang ɓɛɛ. Rɛɛ ɓeezung ɓarɛ ɓɔɔ ri dũng dòo Laa kɔ ɓɔɔ zang koo naa nyɔkɔ ri vɔrɔ ditɔ jong, naa ɓɔɔ ɓeleng zang nyɔkɔ nɔɔ vɔrɔ ɓɛɛ.