Vuu ɓɔɔ zang nwangsɛ Yɔhana 13:6 - Nyaa Shɔɔ Ɓɔɔ Laa a Ɓɛɛ

⁶ A gaayu ɓɔɔ wu rangkɛ yee shi kpang ka yuu Laa, nɛɛ nung Laa, ɓɔɔ nɔng nwannang Laa, a ɓɔɔ kaa zang piti ɓɔɔ ri nwang ka lapa ɓɛɛ.

Vuu ɓɔɔ zang nwangsɛ Yɔhana 13:6 Σταυροειδείς Αναφορές

Matiyu 12:34

Nɔkɔ shi kpang naa sɔkɔ pudi ɓi, nɔɔ palɛ biya, yee manɛ wu nwang ɓi kaa tɔ̃ɔ viya? Shɔnzang kɔɔ ɓi doo ruu ɓɔɔ ka yeti ɓiɓɛ kɔ.

Matiyu 15:19

Ka ruu ɓɔɔ vuu shi kpang ɓɔɔ ka yeti shɔnzang kɔ shing zang, zang rɛ̃rɛ vuu shi kpang. Zang nyɔ zang vɔrɔ, roonang nɛɛ soro zang ɓɔɔgn, roonang nɛɛ jaa soro ɓɔɔ zang gee ka takpang ɓɛɛ. Zang ti ɓɔɔ shɔngɓɔ, zang zɛ̃ɛ zang nyaa, zang ti rang yee shi kpang ka yuu zang.

Yɔhana 1:14

A Ruu keɓe naa túu bii shɔnzang, a nwang kaa nɛɛ ruu nɔng gbete. Atɛ ruu tĩnang tãanang dɔɔli nɛɛ ruu ɓɔɔ niizang ɓɛɛ. A ruu ti zi bannang ɓɔɔ Laa a wu, nɛɛ jĩng ɓuru, ɓi bannang ɓɔɔ Daa a jaa gbete ɓiɓɛ ɓɛɛ.

Rooma 3:13

Nyaa ɓarɛ ɓi sàa ɓɔɔ nyaa bm ɓɛɛ Yee ɓɔɔ ri rangnɛ, ɓi zang nwãarɛnang kɔ shɛ̃ɛning Ruu ɓɔɔ nyɔ zang vɔrɔ nwàng nɛɛ nyaa ɓarɛ naa ɓɔɔ zɔ̃pɔ nwáng nɛɛ nyaa sɔkɔ ɓɛɛ.

Kolosi 1:19

Ka ruu ɓɔɔ, Laa kɔ kasɛ nɛɛ yuu ɓiɓɛ nɛɛ nwannang ɓiɓɛ wu nwang ka bii Jaa nandon.

Kolosi 2:9

Ka ruu ɓɔɔ, nwannang Laa nandon ɓi ka bii shɔnzang Yeesɔ kɔ ɓɛɛ,

Yahudi 9:2

Zang ɓáa putali, a zang basɛ yeti ɓiɓɛ nɛɛ fɔ̃ɔrɔ nyaa pɛɛrɛ. Ka yeti ɓiɓɛ, ɓɔɔ waa nyaa biling, zang tɛ̃ɛ vuu ɓɔɔ zang shĩili waa zàáng sɔɔ ka yuu ɓarɛ ɓɛɛ, nɛɛ teeburu ɓɔ̀ɔ́ borodi ɓɔɔ zang a Laa ka yuu ɓiɓɛ ɓɛɛ. Nɔng keɓe zang ɓaa nɛɛ “Nɔng ɓɔɔ shi kpang kagn kpang ɓɛɛ”.

Yahudi 9:24

Kirisi dàa ka yeti putali ɓɔɔ shɔnzang palɛ nɛɛ naa, ɓɔɔ ɓi jasuru ɓɔɔ niizang ɓɛɛ kpang. Daa ɓi ka lapa dɔ̃ɔ gbete, nɔng ɓɔɔ wu shii kagn, ka tĩng Laa, ka nung ɓuru ɓɛɛ.

Vuu ɓɔɔ zang nwangsɛ Yɔhana 11:12

A zang ziti kaɓa, ri tãa yee nwangnɛ lapa, ɓaa ri nyaa nabm nɛɛ, “Nɔɔ a ta ka lapa ka nihn.” A ri daa lapa ka yeti sãmbong, zang ɓɔɔ ri shing jĩng nɛɛ ri kpang nandon, ri zi ri jĩng bii.

Vuu ɓɔɔ zang nwangsɛ Yɔhana 12:12

Ka ruu nɔngkɔ, zang ri tãa tĩnang ta ka lapa. Zang ɓɔɔ ri nwang ka lapa piti ri tãa tĩnang. A ɓɔɔ tipi nɛɛ waapo, jĩng dannang ɓi kagn yuu ɓarɛ, ka ruu ɓɔɔ, Sheetang a tɔ, ka nɔng ɓarɛ ka tipi ɓɛɛ. Gnvɔ shaa wu dɔɔli, ka ruu ɓɔɔ, zi tɔ nɛɛ diki ɓiɓɛ yaa kaa tɔkɔlɔng ɓɛɛ.”

Vuu ɓɔɔ zang nwangsɛ Yɔhana 15:5

Ka knti vuu keɓe, n zirɛ, zang puu nɔng ɓɔɔ shi kpang ɓi kagn kpang ɓɛɛ, nɔng ɓɔɔ zang shĩili vuu ɓɔɔ tusu nyaa ɓɔɔ Laa a ɓɛɛ, ɓɔɔ ka Gãa Laa ka lapa ɓɛɛ.

Vuu ɓɔɔ zang nwangsɛ Yɔhana 18:20

Zang ɓɔɔ ri ka lapa ɓɛɛ, ri tãa tĩnang ta, ka ruu ɓɔɔ, gari Babila shaarɛ tɔ ɓɛɛ. Nɔɔ tãa tĩnang jong, rɛɛ zang Laa, nɛɛ rɛɛ zang shonang ɓiɓɛ, nɛɛ rɛɛ zang nyaa shonang ɓiɓɛ, ka ruu ɓɔɔ, Laa dɔng wu ruu tɔ ka ruu vuu shi kpang ɓɔɔ bɛ̀ɛ́ palɛ nɔɔ ɓɛɛ.”

Vuu ɓɔɔ zang nwangsɛ Yɔhana 21:3

N tãa yee nabm nwangnɛ, nɔng láa nwannang kpanti, kɔɔyi nɛɛ “Zirɛ, Laa a tɔ, naa nwang kaa teteng shɔnzang. Naa nwang kaa nɛɛ ri, ri naa nwang kaa zang ɓiɓɛ jong. Laa nɛɛ yuu ɓiɓɛ naa nwang nɛɛ ri, ti naa nwang kaa Laa ɓarɛ.

Vuu ɓɔɔ zang nwangsɛ Yɔhana 4:1

Ka knti rɛɛ vuu keɓe, n shing jĩng, a n zirɛ nyaa gãa puu ka lapa. A n tãa yee naa gboo, ɓɔɔ ɓaasi rang m yee ɓɛɛ, ɓaa m nyaa kɔɔyi nɛɛ, “A ka lapa ka nihn, tɔ̀ɔ, n tusu mɔɔ vuu ɓɔɔ naa palɛ kaa nɛɛ knti ɓɛɛ.”

Vuu ɓɔɔ zang nwangsɛ Yɔhana 4:4

Láa nwannang kpanti ɓɔɔ ri ti kagn bmati tu dɛ̃ɛti, ri kiiri laa nwannang kpanti ɓɔɔ gbete keɓe nyaa ka teteng. Zang bang, ri bmati tu dɛ̃ɛti ri nwalɛ ka yuu rɛɛ laa kaɓa, zang ɓu hãa fɔ̃ɔrɔ puru wu ti kãng lapoo kpanti ɓɔɔ zang palɛ nɛɛ zinariya ɓɛɛ ka yuu.

Vuu ɓɔɔ zang nwangsɛ Yɔhana 5:13

A n tãa yee rɛɛ vuu ɓɔɔ ningkãari, ka lapa nɛɛ koo keɓe, nɛɛ ɓɔɔ koo rɛɛ suru zang ɓɔɔ vɔlɔ tɔ ɓɛɛ, nɛɛ rɛɛ vuu piti ɓɔɔ ka yeti mii ɓɛɛ, ri gaa soo nandon, ri kɔɔyi nɛɛ, “Ruu dɔ̀ɔ nɔɔ zang ɓɔɔ nwang ka laa nwannang kpanti ta, a ɓɔɔ Jaa Mɛ̀ɛrɛ́. Ruu a ri bannang, ruu ti zãa ri. Zang wu zɔ̃ɔrɔ ri, naa vuu palɛnang wu nwang ɓɔɔ ɓarɛ gbinggbing.”

Vuu ɓɔɔ zang nwangsɛ Yɔhana 7:15

Ka ruu nɔngkɔ, “Ri shii ka tĩng laa nwannang Kpanti Laa ri bang wu nɛɛ zĩi nɛɛ laagɛ̃ ka yeti Gãa ɓɔɔ zang bang wu kagn ɓɛɛ. Zang ɓɔɔ nwang ka yuu laa nwannang kpanti yiti ri katɔ, wu gãng jĩng ka ri, tɔ̀ɔ, vuu ɓɔɔ wu lee ri naa kaa tɔ̀ɔ́ bii kpang.

Vuu ɓɔɔ zang nwangsɛ Yɔhana 7:9

Ka knti vuu keɓe, n shing jĩng, a n zirɛ zang ri kpalɛ yuu zingkãng zingkãng, daa naa gãnang kpang. Ri nwangnɛ teteng zɔ̃ng zang piti, nɛɛ nɔng piti ka koo keɓe, a ɓɔɔ nyaa ɓɔɔ ka koo piti. Ri shiiri ka tĩng laa nwannang kpanti ka nɔng ɓɔɔ Jaa Mɛ̀ɛrɛ́ kagn ɓɛɛ. Ri hã̀lɛ̀ fɔ̃ɔrɔ puru, a ri ti yiti nasãng laa nung manja ka naa.