Vuu ɓɔɔ zang nwangsɛ Yɔhana 13:17 - Nyaa Shɔɔ Ɓɔɔ Laa a Ɓɛɛ

¹⁷ Zang ɓɔɔ zang nɛɛ ɓang wu vuu keɓe kpang, zang yaa wu, wu hoo vuu kpang, ti mãlɛ́ vuu kpang. Vuu kɔ zang ɓang zang ɓee ɓi nung yɔpɔ jĩngti kaɓa nɛɛ lamba ɓɔɔ wukɔ nwàng kaa naa nung ɓiɓɛ ɓɛɛ.

Vuu ɓɔɔ zang nwangsɛ Yɔhana 13:17 Σταυροειδείς Αναφορές

Galati 6:17

N hangsɛ nyaa ruu keɓe nɛɛ, zang ɓɔɔ wu kpãa m takpang, ka ruu ɓɔɔ, nyaa nɔɔrɔ kɔ ka bii mɛɛ, wukɔ tusu nɛɛ n m jaafoo Yeesɔ Kirisi.

Vuu ɓɔɔ zang nwangsɛ Yɔhana 13:16

Yɔpɔ jĩngti ɓɔɔ doo knti ti shingnɛ nɛɛ zang piti, zang bang nɛɛ wujɛ, nɛɛ zang ying, nɛɛ zang ɓɔɔ vuu ka naa ɓarɛ kpang ɓɛɛ, jaafoo, nɛɛ jaa gãa, zang nɛɛ ɓang ri vuu ka nakn kpang, zang ɓang ri ka nyaating ɓarɛ.

Vuu ɓɔɔ zang nwangsɛ Yɔhana 13:18

Vuu keɓe, ɓi vuu zũnang. Zang ɓɔɔ nɛɛ zũng katɔ wu zi dĩiri lamba yɔpɔ jĩngti keɓe, ka ruu ɓɔɔ, ɓi lamba shɔnzang ɓɛɛ. Lamba bìí ɓi laa maani dakn mangbete tu laa taati tu mangbete.

Vuu ɓɔɔ zang nwangsɛ Yɔhana 14:11

Zĩiri waa ɓɔɔ zang dang ri jĩng kagn shii paa ɓi sasak di nyaa kpang. Zang ɓɔɔ ri nɛɛ bang yɔpɔ jĩngti nɛɛ vuu ɓɔɔ zang palɛ nwang wu, a ri ti kasɛ zang ɓáng ri vuu nung ɓiɓɛ ɓɛɛ, ri ɔ̃sɔ kpang nɛɛ zĩi nɛɛ laagɛ̃ piti.”

Vuu ɓɔɔ zang nwangsɛ Yɔhana 14:9

A zang nyaa shonang Laa ɓɔɔ ka lapa ɓɛɛ, ɓɔɔ daa kaa nɛɛ wukɔ taati ɓɛɛ, arɛ, a mɛɛ nyaa nabm, kɔɔyi nɛɛ, “Zang ɓɔɔ nɛɛ bang yɔpɔ jĩngti kaɓa nɛɛ vuu ɓɔɔ zang palɛ nwang wu kaɓa, nɛɛ ti kasɛ, zang nɛɛ ɓang wu vuu ɓiɓɛ ka nakn kpang, zang ɓang wu ka nyaating.

Vuu ɓɔɔ zang nwangsɛ Yɔhana 15:2

A n zi vuu ɓɔɔ nwang waapo ɓɔɔ kɔlɔ naa vĩilaa, a waa ti shaa kagn ɓɛɛ. Zang kaɓa ɓɔɔ ri ɓa yɔpɔ jĩngti kaɓa yuu ɓɛɛ, nɛɛ vuu ɓɔɔ zang palɛ nwang wu, nɛɛ lamba nung ɓiɓɛ piti ɓɛɛ, ri shiiri ka nyaa waapo kaɓa. Ri yi vũngta ɓɔɔ Laa a ri ɓɛɛ kaa naa.

Vuu ɓɔɔ zang nwangsɛ Yɔhana 17:5

Ka nyaating jaa soro bìí, zang bèe nung ɓɔɔ kagn, zang waasɛ vuu ɓɔɔ nung bìí kɔɔ ɓɛɛ katɔ. Zang bee nɛɛ, “Gari Babila ɓɔɔ bang dɔɔli ɓɛɛ, mɔɔ nwang nàá rɛɛ zang ɓɔɔ rakɛ wàázaa, nɛɛ ɓɔɔ vuu gn bàanang ɓɔɔ ka koo keɓe nandon ɓɛɛ.”

Vuu ɓɔɔ zang nwangsɛ Yɔhana 20:4

A n ti zi rɛɛ laa nwannang kpanti gaagaa, zang ɓɔɔ zang a ri naa nɛɛ ri jɛ̃ɛ zang ruu ri nwalɛ kagn. N ti zi suru bii rɛɛ zang ɓɔɔ zang dɔlɔ ri yuu, ka ruu ɓɔɔ ri shing danggn tɔ, ka vuu ɓɔɔ Yeesɔ tusu ri ɓɛɛ. A ka ruu ɓɔɔ, ri kɔɔ zang Ruu Laa ɓɛɛ. Zang ɓɔɔ ri bang yɔpɔ jĩngti kpàng, ri ti bang vuu ɓɔɔ zang palɛ nwang wu katɔ kpàng ɓɛɛ. Ri ti kasɛ kpang nɛɛ zang ɓang ri vuu ɓiɓɛ ka nyaa tĩng kpang, zang ti ɓang ri ka naa kpang. Ri nwáng tɔkn nɛɛ sàa ningkãari, ri roo kpanti nɛɛ Yeesɔ Kirisi saa labang gbete. Wee paa yunang nɛɛ sàa ɓɔɔ tĩng shɔɔnang kɔ.

Vuu ɓɔɔ zang nwangsɛ Yɔhana 22:4

Ri naa zi waa nyaating Laa, zang ti bee nung ɓiɓɛ ka nyaating ɓarɛ.

Vuu ɓɔɔ zang nwangsɛ Yɔhana 3:12

Zang ɓɔɔ nɛɛ ɓa vuu gãsɛnang yuu, naa nwáng naa lajàa ɓɔɔ zang di sãa Gãa Laa nɛɛ mani ɓɛɛ. Ri yaa Gãa Laa takpang. N bee nung Laa mɛɛ, ka bii ɓarɛ, nɛɛ nung nɔng nwannang Laa mɛɛ, nɔng ɓɔɔ zang ɓaa nɛɛ Urushalima ɓɔɔ shɔɔ ɓɔɔ shooro nɛɛ lapa nɛɛ nɔng Laa mɛɛ ɓɛɛ. N ti bee nung mɛɛ ɓɔɔ shɔɔ jong ka bìí ɓarɛ.

Vuu ɓɔɔ zang nwangsɛ Yɔhana 7:3

A kɔɔ ri nɛɛ, “Nɔ́ɔ dang rɛɛ tipi nɛɛ waapo, nɛɛ laa, jĩng gn kpang. Ruu ɓǎng rɛɛ zang shonang Laa ɓuru vuu ɓiɓɛ doo ka nyaating ka gbongkarɛ.”