Vuu ɓɔɔ zang nwangsɛ Yɔhana 13:13 - Nyaa Shɔɔ Ɓɔɔ Laa a Ɓɛɛ

¹³ Yɔpɔ jĩngti ɓɔɔ doo knti, palɛ vuu ɓɔɔ zang zirɛ zang mã naa ka danggn ɓɛɛ dɔɔli. Shingnɛ waa nwangnɛ lapa a ka tipi, ka jĩng zang piti.

Vuu ɓɔɔ zang nwangsɛ Yɔhana 13:13 Σταυροειδείς Αναφορές

Matiyu 16:1

Zang Farisi nɛɛ Saduki, ri arɛ nɛɛ ri naa gãsɛ Yeesɔ. Ri kɔɔ Yeesɔ tɔɔ, “Tusu ruu vuu ɓɔɔ zang zirɛ zang mã naa ka danggn ɓɔɔ ruu zi kagn nɛɛ mɔɔ a nɛɛ bii Laa ɓɛɛ.”

Matiyu 24:24

Ka ruu ɓɔɔ, zang ɓɔɔ ri ɓaa yuu ɓarɛ nɛɛ Kirisi, nɛɛ zang ɓɔɔ ri suu sèé nɛɛ ri zang nyaa shonang Laa naa alɛ ditɔ, ri tusu vuu bang bang ɓɔɔ zang zirɛ, zang mã naa ka danggn, nɛɛ tɔɔ ri nwãarɛ zang kati. Naa ri zunung zang ɓɔɔ Laa shɛ̃ɛrɛ ri nwãarɛnang katɔ, ri nɛɛ nwáarɛ̀ ri katɔ.

Maraku 13:22

Ka ruu ɓɔɔ, zang ɓɔɔ ri naa ɓaa yuu ɓarɛ nɛɛ Kirisi, nɛɛ zang ɓɔɔ ri naa suu sèé nɛɛ ri zang nyaa shonang Laa, naa alɛ ditɔ. Ri naa tusu vuu bang bang, ɓɔɔ zang zirɛ zang mã naa ka danggn, nɛɛ tɔ̀ɔ ri nwãarɛ zang kati. Naa ri nɛɛ zunung zang ɓɔɔ Laa shɛ̃ɛrɛ ri nwãarɛnang katɔ, ri nɛ̀ɛ́ nwãarɛ ri katɔ.

2 Timoti 3:8

Naa ɓɔɔ Jani ri nɛɛ Jambari ri bɛ̃ɛ nyaa Musa ɓɛɛ, zang keɓe ri bɛ̃ɛ ruu ɓɔɔ niizang doo nɔngkɔ. Zang keɓe, yeti ɓarɛ zunung rɛ̃rɛnang kpang. Danggn shinnang ɓarɛ ɓi ɓɔɔ niizang kpang.

Vuu ɓɔɔ zang nwangsɛ Yɔhana 11:5

Zang ɓɔɔ nɛɛ tɔɔ wu palɛ ri vuu shi kpang, waa nwangnɛ nyaa ɓarɛ wu shaa zang ɓɔɔ ri shing jĩng nɛɛ ri kpang kaɓa. Wee naa ɓɔɔ zang nyɔkɔ zang ɓɔɔ ri shing jĩng nɛɛ ri kpang kɔ, tɔɔ ri wɔ kaa takpang.

Vuu ɓɔɔ zang nwangsɛ Yɔhana 16:14

Ri ɓarɛ, suru shi kpang ɓɔ̀ɔ́ Sheetang. Naa vuu palɛnang ɓarɛ kagn ɓɔɔ ri palɛ vuu ɓɔɔ zang zirɛ zang mã naa ka danggn ɓɛɛ. Ri daarɛ ka bii rɛɛ kpanti ɓɔɔ ka koo nandon, nɛɛ ri kpálɛ́ ri, ri ta sĩiri ka diki bang kaɓa, ɓɔɔ Laa ɓɔɔ ɓa zang piti katɔ, naa tusu zang yuu ɓiɓɛ kagn ɓɛɛ.

Vuu ɓɔɔ zang nwangsɛ Yɔhana 19:20

A zang yi yɔpɔ jĩngti kaɓa ka nyaa sĩiri, nɛɛ yɔɔ ɓɔɔ suu sèé nɛɛ wu kɔ̀ɔ́ zang Ruu Laa ɓɛɛ. Ɓɔɔ palɛ vuu ɓɔɔ zang zirɛ zang mã naa ka danggn ka tĩng yɔpɔ jĩngti bìí ɓɛɛ. (Nɔɔ nwãarɛ zang nɛɛ mani, a zang ɓang zang vuu yɔpɔ jĩngti ka nyaating. A zang ɓɔɔ ri bang vuu ɓɔɔ zang palɛ nwang wu ɓɛɛ). Zang ziti keɓe zang tasɛ ri ningkãari ka too waa kaɓa ɓɔɔ shaayi, tari ɓɔɔ shaa waa katɔ ti kagn ɓɛɛ.

Vuu ɓɔɔ zang nwangsɛ Yɔhana 20:9

Ri tantɛ ka dalɛ koo nandon, ri kiiri nɔng ɓɔɔ zang Laa ri kpalɛ zɔɔ kagn ɓɛɛ, ka teteng nɛɛ gari Laa ɓɔɔ Laa kasɛ wu katɔ ɓɛɛ. A waa a nɛɛ lapa, naa shaa zang Sheetang keɓe nandon.