Vuu ɓɔɔ zang nwangsɛ Yɔhana 12:9 - Nyaa Shɔɔ Ɓɔɔ Laa a Ɓɛɛ

⁹ A ri nwangsɛ sɔkɔ bang nɛɛ lapa, ri tasɛ wu ka koo nɛɛ rɛɛ zang ɓɔɔ ri dũng wu nandon. Sɔkɔ bang kaɓa zang ɓaa nung ɓiɓɛ nɛɛ Sheetang, wukɔ kpanti rɛɛ suru shi kpang. Wukɔ ti nwãarɛ zang ka koo dɔɔ tɛ̃ɛ tɛ̃ɛ.

Vuu ɓɔɔ zang nwangsɛ Yɔhana 12:9 Σταυροειδείς Αναφορές

Matiyu 13:39

Zang ɓɔɔ shing jĩng nɛɛ wu kpang, ɓɔɔ ɓaa zee lɔɔwɔ, kaɓa, ɓi Sheetang. Diki zee yeenang, ɓi kaa diki ɓɔɔ koolaa naa waa nyaa ɓɛɛ. Zang zee yeenang ɓi ti kaa zang nyaa shonang Laa ɓɔɔ ri ka lapa ɓɛɛ.

Matiyu 24:24

Ka ruu ɓɔɔ, zang ɓɔɔ ri ɓaa yuu ɓarɛ nɛɛ Kirisi, nɛɛ zang ɓɔɔ ri suu sèé nɛɛ ri zang nyaa shonang Laa naa alɛ ditɔ, ri tusu vuu bang bang ɓɔɔ zang zirɛ, zang mã naa ka danggn, nɛɛ tɔɔ ri nwãarɛ zang kati. Naa ri zunung zang ɓɔɔ Laa shɛ̃ɛrɛ ri nwãarɛnang katɔ, ri nɛɛ nwáarɛ̀ ri katɔ.

Matiyu 25:41

“A naa kɔ̀ɔ́ zang ɓɔɔ ka naa nagang ɓiɓɛ nɛɛ, ‘Zang ɓɔɔ Kpanti Laa ku nɔɔ nyaa tɔ ka bii, ka ruu vuu shi kpang manɛ ɓɛɛ, nɔɔ dita yeti waa ɓɔɔ Laa palɛ ka ruu Kpanti suru shi kpang nɛɛ zang nyaa shonang ɓiɓɛ ɓɛɛ.

Matiyu 4:1

A Suru Laa túu Yeesɔ daa nɔng ka waala nɛɛ tɔ̀ɔ, Sheetang wu daa gãsɛ wu.

Matiyu 4:10

A Yeesɔ kasɛ wu nyaa tɔɔ, “Daa nɛɛ kaaɓa, mɔ́ɔ yàa m bii Sheetang. Ruu Kpanti Laa kɔɔyi tɔɔ, ‘Shɔnzang wu dɔɔ Kpanti Laa ɓiɓɛ kɔ shɛ̃ɛning, nɛɛ wu ti bang wukɔ gbete.’ ”

Matiyu 4:5

A Sheetang túu Yeesɔ daa nɛɛ wu ka Urushalima, a daa shing wu ka sɔ̃ngsɔ̃ng yuu Gãa Laa.

Matiyu 4:8

A Sheetang tuu wu tɔkn daa nɛɛ wu ka yuu kɔpɔ ɓɔɔ beebang ɓɛɛ, a tusu wu koolaa ɓɔɔ ka bm bm nandon, nɛɛ vuu tɔ̃ɔ ɓɔɔ kagn piti.

Luka 10:18

A kɔɔ ri tɔɔ, “N zi sheetang watɛ nɛɛ lapa naa shala ɓɔɔ mang takoti ɓɛɛ.

Luka 13:16

A ka ruu vi, jaa zɔ̃ng Ibirayi zang soro kɔ sheetang mã wu, saa kopi tu mantaati, zang yaa wu naa ka Diki Ɔ̃sɔnang kpang viya?

Luka 22:3

A Sheetang naa nwãarɛ Yahuda ɓɔɔ zang ɓaa wu nɛɛ Isikariyoti, ɓɔɔ ka teteng zang kopi tu ziti ɓɔɔ ri mantɛ vuu ka bii Yeesɔ ɓɛɛ.

Luka 22:31

“Siman, ɓaa shoo, zang a Sheetang naa tɔ, nɛɛ wu gãsɛ nɔɔ, tɔ̀ɔ, wu shɛ̃ɛrɛ zang tɔ̃ɔ, wu yaa zang shi kpang, naa ɓɔɔ zang hãlɛ zee ɓɛɛ.

Luka 8:12

Jĩng vuu ɓɔɔ shili ka gbalang nwang ɓi kaa naa zang ɓɔɔ ri tãa ruu Kpanti Laa a Sheetang kpanti suru shi kpang, arɛ naa zɔ̃ng Ruu Laa ɓɔɔ ri tãa ɓɛɛ, nɛɛ ka ruu ɓɔɔ ri nɛɛ shing danggn ka bii Laa, ri walɛ suru bii ɓɔɔ waa nyaa kpang ɓɛɛ.

Yɔhana 12:31

Diki ɓɔɔ zang jɛ̃ɛ zang koo keɓe ruu a tɔ. Wee kaa diki ɓɔɔ zang nwangsɛ sheetang, kpanti koo keɓe ɓɛɛ kɔ.

Yɔhana 14:30

N rang yee tɔ̀ɔ́ nɛɛ nɔɔ, làa bée naa ɓɔɔ n kasɛ ɓɛɛ kpang, ka ruu ɓɔɔ, zang ɓɔɔ wukɔ kpanti koo a ka naa ɓɛɛ. Zunung ɓɔɔ wu palɛ m vuu ɓɔɔ kpang.

Yɔhana 16:11

A ɓɔɔ ka ruu naa ɓɔɔ Laa naa jɛ̃ɛ zang ruu ɓɛɛ, ka ruu ɓɔɔ, zang dɔng zang ɓɔɔ wukɔ kpanti koo keɓe ruu ɓi tɔ ɓɛɛ.

Yɔhana 8:44

Nɔɔ manɛ wujɛ daa manɛ sheetang, a nɔɔ ti kasɛ manɛ nɛɛ nɔ́ɔ palɛ vuu ɓɔɔ daa manɛ kasɛ ɓɛɛ. Daa manɛ nyɔ̀kɔ̀ zang vɔrɔ ɓi doo ka tĩng. Ruu ɓiɓɛ hãa ɓi kagn nɛɛ ruu ɓɔɔ niizang kpang. Ka ruu ɓɔɔ, niizang ɓi kagn yeti ɓiɓɛ kpang ɓɛɛ. Náa suu sèé, palɛ ɓi vuu ɓɔɔ ka yeti ɓiɓɛ kɔ nwani, ka ruu ɓɔɔ ɓi zang sèé, a sèé ti nwàng ɓi nɛɛ bìí ɓiɓɛ kɔ nwani ɓɛɛ.

Zang Shonang Yeesɔ 26:18

Mɔ́ɔ pùu ri jĩng, ri yaa nɔng ɓɔɔ tɔ̀ɔ katɔ, ri a ka nɔng ɓɔɔ yakɛ katɔ ɓɛɛ. Ri ti yaa nɔng ɓɔɔ sheetang roo kpanti kagn, ri a ka bii Laa. Tɔ̀ɔ, ka ruu danggn ɓɔɔ ri shing ka bii mɛɛ, Laa wu kɔsɔ ri vuu shi kpang ɓarɛ kati. Wu ti a ri nɔng nwannang jong ka teteng zang ɓɔɔ wu zɔ̃ngkɔ ri katɔ ɓɛɛ.’

Zang Shonang Yeesɔ 5:3

Bituru hɛ̃ɛ wu nɛɛ, “Hananiya, ka ruu vi sheetang ta rɛ̃rɛnang ɓaaɓɛ, mɔɔ sùú Suru Laa sèé, a mɔɔ vaa saka tipi ɓɔɔ mɔɔ mãlɛ́ mɔɔ yiti viya?

Rooma 16:18

Ka ruu ɓɔɔ, zang ɓɔɔ ri palɛ naa weɓe ri pàlɛ́ ɓarɛ Kpanti ɓuru Kirisi shonang kpang, ri kãa ɓarɛ ɓɔɔ buru ɓarɛ. Ri nwãarɛ zang ɓɔɔ ri zi vuu kpang nɛɛ nyaa ɓɛlɛɓɛlɛ, nɛɛ nyaa tĩnang ɓarɛ.

Rooma 16:20

Laa ɓɔɔ shing ruu, ruu nwang ka nyaa zɔɔ naa lasɛ naa vuu palɛnang Sheetang ditɔ, wu shingnɛ nɔ́ɔ náa Sheetang kaa nɛɛ doo. N gaayi Kpanti ɓuru Yeesɔ Kirisi wu palɛ nɔɔ tɔ̃ɔ.

2 Koranti 11:14

Niizang, wee wu vuu ɓɔɔ zang mã naa ka danggn kpang. Naa doo Sheetang risi yuu ɓiɓɛ katɔ, naa zang nyaa shonang Laa ɓɔɔ ka lapa ɓɔɔ bii ɓarɛ yakɛ ɓi katɔ ɓɛɛ.

2 Koranti 11:3

N kaa vɔrɔ, zang naa shingnɛ, nɔɔ rɛ̃rɛ shi kpang, nɔɔ yaa naa ɓɔɔ nɔɔ a Kirisi yeti manɛ ɓɔɔ kankalang dɔ̃ɔ gbete, nɔɔ pàlɛ́ wu shonang ɓɛɛ. Naa ɓɔɔ sɔkɔ nwãarɛ Hawawu nɛɛ zũnang sèé ɓɛɛ.

2 Koranti 12:7

Tɔ̀ɔ, zang zãa m yuu tuunang ka lapa dɔɔli, ka ruu vuu ɓɔɔ zang zirɛ zang mã naa ka danggn ɓɔɔ n zili ɓɛɛ. Laa nɛɛ yuu ɓiɓɛ shing nɔng ɓɔɔ ka bii mɛɛ, kɔng m naa zang ɓaa m nɛɛ kɔkɔ. Kɔnang keɓe, nwang naa zang nyaa shonang Sheetang ɓɔɔ zang dɔ̃ wu nɛɛ, wu naa dang m jĩng, wu zãa m yuu tuunang ɓɛɛ.

2 Koranti 2:11

Tɔ̀ɔ, wu zãa Sheetang gbalang ɓɔɔ wu vang ruu ka yuu ɓɛɛ. Ka ruu ɓɔɔ, ruu zi vuu ɓɔɔ wu mang ɓi tɔ ɓɛɛ.

2 Koranti 4:4

Ri shing danggn kpang ka ruu ɓɔɔ Sheetang ɓɔɔ wukɔ kpanti koo keɓe, zãa yeti ɓarɛ vuu zinang katɔ ɓɛɛ. Zãa ri zinang nɔng ɓɔɔ yakɛ ka bii ɓarɛ katɔ. Nɔng yakɛnang ɓɔɔ a nɛɛ Ruu Tɔ̃ɔ ɓɔɔ ka yuu bannang Yeesɔ Kirisi, ɓɔɔ wu doo Laa kɔ gbãng gbãng ɓɛɛ.

Afisa 4:14

Tɔ̀ɔ ruu nwàng kaa tɔ̀ɔ́ naa wujɛ ɓɔɔ zang ráarɛ̀ ri yuu, nɛɛ vuu ɓɔɔ zang ɓɔɔ ri nwãarɛ zang, ri tusu ɓɛɛ kpang. Zang sèé keɓe, ri shing zang, zang ri palɛ vuu shi kpang nɛɛ zũnang ɓɔɔ ri nwangsɛ nɛɛ yeti ɓarɛ ɓɛɛ.

2 Tesalonika 2:3

Nɔɔ yaa zang ɓɔɔ wu nwãarɛ nɔɔ ka gbalang ɓɔɔ kpang. Zang dɔɔli ri nɛɛ raa Laa yuu knti tɔ naa ɓɔɔ zang kɔɔ ɓɛɛ a yɔɔ ɓɔɔ dũ̀ng nyaa dannang ɓi kpang nɛɛ nwang nyaa tɔ, ɓɔɔ Laa naa ningsi wu ɓi ka waa ɓɛɛ, tɔ̀ɔ, Diki Kpanti ɓuru wu a kati.

1 Timoti 2:14

A zang ti nwãarɛ wu Adamu kpang. Zang nwãarɛ ɓi Hawawu, a ɓa nyaa ɓɔɔ Laa dang ɓɛɛ.

2 Timoti 3:13

A zang ɓɔɔ ri palɛ vuu shi kpang nɛɛ zang ɓɔɔ, ri tuu waa nyaating zang ɓɔɔ ri palɛ vuu nɛɛ mani ɓɛɛ, ri shaarɛ katɔ, shaarɛnang ɓarɛ daa nɛɛ tĩng kɔ jong. Ri nwãarɛ zang, zang ti nwãarɛ ri.

Yahudi 2:14

Wee wujɛ bìí ri ta bii shɔnzang ɓee, a tuu bii jong nɔngkɔ, tɔ̀ɔ, wu vɔrɛ, wu ningsi sheetang kati. Zang ɓɔɔ zang a wukɔ naa vɔrɔ ɓɛɛ.

1 Bituru 5:8

Nɔɔ yiti yuu manɛ waasɛ̃ nɔɔ ti gãng jĩng waasɛ̃, sheetang zang ɓɔɔ shing jĩng nɛɛ nɔɔ kpang kaɓa rakɛ nɛɛ nɔng piti piti. Nwang ɓi zing ɓɔɔ shaa varɛ ɓɛɛ, kãa vuu ɓɔɔ wu shaa ɓɛɛ.

1 Yɔhana 5:19

Ruu zi tɔ, ruu ɓuru wujɛ Laa. Zang ɓɔɔ dũ̀ng Laa kpang, ri ɓarɛ ka naa Sheetang.

Yahuza 1:9

Naa dòo Maakel ɓɔɔ wukɔ kpanti zang nyaa shonang Laa ɓɔɔ ri ka lapa ɓɛɛ, ka ɓɔɔ ri laa zɔɔ nyaa nɛɛ Sheetang ka yuu vɔrɔ Musa, dãa Sheetang kpang. Kɔɔ wu katɔ waati nɛɛ “Laa wu dang mɔɔ jĩng.”

Vuu ɓɔɔ zang nwangsɛ Yɔhana 12:12

Ka ruu nɔngkɔ, zang ri tãa tĩnang ta ka lapa. Zang ɓɔɔ ri nwang ka lapa piti ri tãa tĩnang. A ɓɔɔ tipi nɛɛ waapo, jĩng dannang ɓi kagn yuu ɓarɛ, ka ruu ɓɔɔ, Sheetang a tɔ, ka nɔng ɓarɛ ka tipi ɓɛɛ. Gnvɔ shaa wu dɔɔli, ka ruu ɓɔɔ, zi tɔ nɛɛ diki ɓiɓɛ yaa kaa tɔkɔlɔng ɓɛɛ.”

Vuu ɓɔɔ zang nwangsɛ Yɔhana 12:3

A vuu bang ɓɔɔgn ɓɔɔ zang zirɛ zang mã naa ka danggn nwangsɛ bii ka lapa. Vuu keɓe ɓi sɔkɔ nwɛ̃ɛri bang, baabii katɔ, ta yuu manziti nɛɛ jee kopi, ti kãng lapoo yuu kpanti ka yuu manziti nandon.

Vuu ɓɔɔ zang nwangsɛ Yɔhana 12:7

A sĩiri yupaa ka lapa. Zang nyaa shonang Laa ɓɔɔ ka lapa ɓɛɛ ɓɔɔ bang, ɓɔɔ zang ɓaa wu nɛɛ Maakel ɓɛɛ, nɛɛ rɛɛ zang nyaa shonang Laa ɓɔɔ ri ka lapa ɓɛɛ, ɓɔɔ ri nɛɛ wu ri ta sĩiri nɛɛ sɔkɔ bang kaɓa. Sɔkɔ bang nɛɛ rɛɛ zang nyaa shonang Laa ɓɔɔ ka lapa, ɓɔɔ ri dũng ɓarɛ kaa sɔkɔ keɓe, ri taarɛ yuu gbãng gbãng.

Vuu ɓɔɔ zang nwangsɛ Yɔhana 12:8

A Maakel nɛɛ zang ɓiɓɛ ri shaa ri, a ri zãa rɛɛ sɔkɔ nɛɛ zang ɓiɓɛ nwannang ka lapa.

Vuu ɓɔɔ zang nwangsɛ Yɔhana 13:14

Tuu vuu ɓɔɔ zang a wu naa palɛnang ka tĩng yɔpɔ jĩngti ɓɔɔ tĩng shɔɔnang kaɓa, a nwãarɛ zang piti, ɓɔɔ ri nwalɛ ka koo nandon nɛɛ mani. Kɔɔ ri nɛɛ, ri pálɛ́ vuu ɓɔɔ nwang yɔpɔ jĩngti ɓɔɔ tĩng shɔɔnang, ɓɔɔ bɛ̀ɛ́ zang shing wu nyaa vuu waa ka bii nɛɛ yere bang a nwang doo ningkãari ɓɛɛ, ri a wu bannang nɛɛ mani.

Vuu ɓɔɔ zang nwangsɛ Yɔhana 16:14

Ri ɓarɛ, suru shi kpang ɓɔ̀ɔ́ Sheetang. Naa vuu palɛnang ɓarɛ kagn ɓɔɔ ri palɛ vuu ɓɔɔ zang zirɛ zang mã naa ka danggn ɓɛɛ. Ri daarɛ ka bii rɛɛ kpanti ɓɔɔ ka koo nandon, nɛɛ ri kpálɛ́ ri, ri ta sĩiri ka diki bang kaɓa, ɓɔɔ Laa ɓɔɔ ɓa zang piti katɔ, naa tusu zang yuu ɓiɓɛ kagn ɓɛɛ.

Vuu ɓɔɔ zang nwangsɛ Yɔhana 18:2

Mɛɛ nyaa nɛɛ kaka nabm, kɔɔyi nɛɛ, “Shàarɛ̀ tɔ, Babila gari bang kaɓa, shaarɛ tɔ. Raa nɔng nwannang rɛɛ raanang, nɛɛ nɔng ɓɔɔ rɛɛ suru shi kpang, ɓɔɔ yeti ɓarɛ la dɔɔli, ri kpalɛ zɔɔ kagn ɓɛɛ tɔ. Zɔ̃ng rɛɛ jaaning ɓɔɔ ri baabii dɔɔli, ɓɔɔ zang kasɛ ri kpang ɓɛɛ piti, ri nwang kaa nɔngkɔ.

Vuu ɓɔɔ zang nwangsɛ Yɔhana 18:23

Waa zàáng sɔɔ ti yakɛ yeti ɓiɓɛ takpang, zang ti paasɛ yèé zang ɓɔɔ gee soro, nɛɛ ɓɔ̀ɔ́ sinyɛ tãanang takpang, ka yeti ɓiɓɛ kpang. Ɓeleng zang ɓɔɔ mɔɔ hooro vuu ɓarɛ rikɔ zang bang ka koo zang ti nwãarɛ zɔ̃ng zang ɓɔɔ ka koo, nɛɛ nvaa ɓaaɓɛ kɔ.

Vuu ɓɔɔ zang nwangsɛ Yɔhana 19:20

A zang yi yɔpɔ jĩngti kaɓa ka nyaa sĩiri, nɛɛ yɔɔ ɓɔɔ suu sèé nɛɛ wu kɔ̀ɔ́ zang Ruu Laa ɓɛɛ. Ɓɔɔ palɛ vuu ɓɔɔ zang zirɛ zang mã naa ka danggn ka tĩng yɔpɔ jĩngti bìí ɓɛɛ. (Nɔɔ nwãarɛ zang nɛɛ mani, a zang ɓang zang vuu yɔpɔ jĩngti ka nyaating. A zang ɓɔɔ ri bang vuu ɓɔɔ zang palɛ nwang wu ɓɛɛ). Zang ziti keɓe zang tasɛ ri ningkãari ka too waa kaɓa ɓɔɔ shaayi, tari ɓɔɔ shaa waa katɔ ti kagn ɓɛɛ.

Vuu ɓɔɔ zang nwangsɛ Yɔhana 2:13

N zi nɔng ɓɔɔ nɔɔ nwàng gn ɓɛ̀ɛ́ tɔ, ka nɔng ɓɔɔ Sheetang roo kpanti kagn ɓɛɛ. Nɔɔ yaa kɔɔnang kpang nɛɛ nkɔ kpanti manɛ kpang. Nɔɔ yaa danggn ɓɔɔ nɔɔ shing ka bii mɛɛ kpang doo nɛɛ mani, ka laa ɓɔɔ zang nyɔ Antiba, yɔɔ ɓɔɔ dũng m nɛɛ yeti gbete vɔrɔ ɓɛɛ. Zang nyɔ wu vɔrɔ ka teteng manɛ, ka nɔng ɓɔɔ Sheetang nwang ɓɛɛ, ka ruu ɓɔɔ, kɔɔ ka shoo zang piti nɛɛ wu dũng ɓi nkɔ ɓɛɛ.

Vuu ɓɔɔ zang nwangsɛ Yɔhana 2:24

Ɓɔɔ zang ɓɔɔ ri yaa ka Tayatira ɓɛɛ, ɓɔɔ nɔɔ dũng vuu ɓɔɔ Jezebel kpɛ̃ɛrɛ zang ɓɛɛ manɛ kpang, nɔɔ ti zi rɛɛ vuu shi kpang ɓɔɔ zang ri ɓaa nɛɛ vuu Sheetang ɓɔɔ hãa bii dɔɔli ɓɛɛ manɛ kpang ɓɛɛ. N kɔɔ nɔɔ, wu vuu ɓɔɔgn nɛɛ nɔɔ palɛ kpang.

Vuu ɓɔɔ zang nwangsɛ Yɔhana 2:9

N zi jĩng ɓɔɔ nɔɔ dang ɓɛɛ tɔ. N ti zi tɔ, nɔɔ vuu ka naa kpang. A niizang nɔɔ wu vuu ka naa kpang, kpang, nɔɔ manɛ wujɛ ying. N ti zi naa ɓɔɔ zang kaɓa ɓɔɔ ri suu sèé, ri tuu yuu ɓarɛ naa ri zang Yahudi, ri rangkɛ ruu shi kpang ka yuu manɛ tɔ. Ri ɓarɛ zang ɓɔɔ ri dũng Sheetang ɓɛɛ.

Vuu ɓɔɔ zang nwangsɛ Yɔhana 20:10

A kpanti suru shi kpang ɓɔɔ nwãarɛ ri ɓɛɛ, zang tasɛ wu ka too waa kaɓa ɓɔɔ tari ɓɔɔ shaa waa katɔ kagn ɓɛɛ. Nɔng ɓɔɔ bɛ̀ɛ́ zang tásɛ́ rɛɛ yɔpɔ jĩngti kagn, nɛɛ zang ɓɔɔ suu sèé nɛɛ wu zang nyaa shonang Laa ɓɛɛ. Ri nwang ka nɔngkɔ, ri dang jĩng nɛɛ zĩi nɛɛ laagɛ̃ gbinggbing.

Vuu ɓɔɔ zang nwangsɛ Yɔhana 20:8

Naa daarɛ ka rɛɛ tipi ɓɔɔ ka koo keɓe, ka nɔng ɓɔɔ koo di nyaa ɓɛɛ nandon, nwãarɛ zang. Rɛɛ tipi ɓɔɔ zang ɓaa ri nɛɛ Gog nɛɛ Maagɔng ɓɛɛ. Naa kpalɛ ri ka nɔng gbete nɛɛ ri ta sĩiri. Zang ɓɔɔ ri naa kpalɛ ɓɛɛ, ri shang dɔɔli naa seseele ka nyaa waapo.

Vuu ɓɔɔ zang nwangsɛ Yɔhana 3:9

Ɓɔɔ zang ɓɔɔ ri dũng Sheetang kaɓa, ɓɔɔ ri suu sèé nɛɛ ri zang Yahudi ɓa, n naa shing zang sèé kaɓa, ri arɛ, ri tang nɛɛ gutu ka tĩng manɛ. Ri zi kati nɛɛ n kasɛ nɔɔ katɔ.

Vuu ɓɔɔ zang nwangsɛ Yɔhana 9:1

A zang nyaa shonang Laa ɓɔɔ ka lapa ɓɛɛ, ɓɔɔ daa kaa maani ɓɛɛ, jee gboo ɓiɓɛ. A n zi sang ɓɔɔ watɛ ka koo nɛɛ lapa ɓɛɛ. A zang a wu saka ɓɔɔ wu puu too ɓɔɔ dii ɓiɓɛ kagn kpang nɛɛ mani ɓɛɛ.

Vuu ɓɔɔ zang nwangsɛ Yɔhana 9:20

A zang ɓɔɔ kɔnang kaɓa nyɔkɔ ri vɔrɔ kpang, ri kɔ̃sɔ yeti ɓarɛ kpang. Ri yi tĩng, ri bang ɓarɛ doo rɛɛ suru shi kpang nɛɛ rɛɛ vaka ɓɔɔ ri palɛ nɛɛ naa ɓarɛ ɓɛɛ. Ri palɛ vaka ɓɔɔ nɛɛ zinariya, ɓɔɔ nɛɛ azurufa, a ɓɔɔ nɛɛ saka nwɛ̃ɛri ɓɛɛ. Ri palɛ ɓɔɔ nɛɛ tari, a zang sèe ɓɔɔ nɛɛ laa. Vuu keɓe ri rang yee kpang, ri ti tãa nɔng kpang, a ri ti ra kpang.