Vuu ɓɔɔ zang nwangsɛ Yɔhana 12:17 - Nyaa Shɔɔ Ɓɔɔ Laa a Ɓɛɛ

¹⁷ Ka ruu nɔngkɔ, gnvɔ shaa sɔkɔ bang nɛɛ jaa soro kaɓa dɔɔli. Daayi nɛɛ wu daa ta sĩiri nɛɛ rɛɛ zɔ̃ng jaa soro kaɓa, ɓɔɔ ri nandon ri palɛ ɓarɛ vuu ɓɔɔ Laa kasɛ ɓɛɛ, ɓɔɔ ri ti shing danggn tɔ, ka ruu ɓɔɔ, niizang ɓɔɔ Yeesɔ Kirisi tùsù ri ɓɛɛ.

Vuu ɓɔɔ zang nwangsɛ Yɔhana 12:17 Σταυροειδείς Αναφορές

Matiyu 28:20

Nɔɔ ti kpɛ̃ɛrɛ ri, nɛɛ ri dũng nyaa ɓɔɔ n dang nɔɔ ɓɛɛ nandon. N yaa nɔɔ kpang. N nwang nɛɛ nɔɔ sasak, diki ɓɔɔ koo keɓe naa waa nyaa, nɛɛ mani.”

Yɔhana 8:44

Nɔɔ manɛ wujɛ daa manɛ sheetang, a nɔɔ ti kasɛ manɛ nɛɛ nɔ́ɔ palɛ vuu ɓɔɔ daa manɛ kasɛ ɓɛɛ. Daa manɛ nyɔ̀kɔ̀ zang vɔrɔ ɓi doo ka tĩng. Ruu ɓiɓɛ hãa ɓi kagn nɛɛ ruu ɓɔɔ niizang kpang. Ka ruu ɓɔɔ, niizang ɓi kagn yeti ɓiɓɛ kpang ɓɛɛ. Náa suu sèé, palɛ ɓi vuu ɓɔɔ ka yeti ɓiɓɛ kɔ nwani, ka ruu ɓɔɔ ɓi zang sèé, a sèé ti nwàng ɓi nɛɛ bìí ɓiɓɛ kɔ nwani ɓɛɛ.

1 Koranti 2:1

Rɛɛ manzung, ɓɔɔ n á ka nɔng manɛ tĩng shɔɔnang, n kɔ̀ɔ nɔɔ vuu ɓɔɔ Laa waasɛ katɔ ɓɔɔ wu nwangsɛ ruu ɓɛɛ. N a wu nɛɛ nyaa naa tãa, a ɓɔɔ zinang ɓɔɔ ɓa ɓɔɔ manɛ katɔ kpang.

1 Bituru 5:8

Nɔɔ yiti yuu manɛ waasɛ̃ nɔɔ ti gãng jĩng waasɛ̃, sheetang zang ɓɔɔ shing jĩng nɛɛ nɔɔ kpang kaɓa rakɛ nɛɛ nɔng piti piti. Nwang ɓi zing ɓɔɔ shaa varɛ ɓɛɛ, kãa vuu ɓɔɔ wu shaa ɓɛɛ.

1 Yɔhana 2:3

Naa ruu ɓa nyaa ɓɔɔ Laa dang kpang, ruu zi ka wukɔ nɛɛ ruu zi wu tɔ.

1 Yɔhana 5:10

Ka ruu nɔngkɔ, zang ɓɔɔ shing danggn ka bii Jaa Laa, zi katɔ ka yeti ɓiɓɛ nɛɛ ruu keɓe ɓi niizang. Zang ɓɔɔ ta vuu ɓɔɔ Laa kɔɔ kpang, ɓaa Laa sèé tɔ. Ka ruu ɓɔɔ, kasɛ vuu ɓɔɔ Laa kɔɔ ka yuu Jaa ɓiɓɛ kpang ɓɛɛ.

1 Yɔhana 5:2

Ka ruu nɔngkɔ, ruu nɛɛ kasɛ Laa katɔ, a ruu nɛɛ ti dũng nyaa ɓɔɔ wu dang ɓɛɛ katɔ, ruu zi ka wukɔ nɛɛ, ruu kasɛ wujɛ Laa katɔ.

Vuu ɓɔɔ zang nwangsɛ Yɔhana 1:2

Yɔhana ɓɔɔ kɔɔ zang vuu piti ɓɔɔ wu zili ɓɛɛ. Wukɔ bée vuu ɓɔɔ Laa kɔɔ ɓɛɛ, ɓɔɔ Yeesɔ Kirisi nwangsɛ wu ɓɛɛ.

Vuu ɓɔɔ zang nwangsɛ Yɔhana 1:9

Nkɔ Yɔhana manzung manɛ, ɓɔɔ ruu ɓakɛ zɔɔ tɔ nɛɛ Yeesɔ ɓɛɛ. Ruu mã danggn nɛɛ zɔɔ ka jĩng ɓɔɔ ruu dangnɛ, ka ruu ɓɔɔ, Yeesɔ kpanti ɓuru ɓɛɛ. Zang shing m ka tipi ɓɔɔ mii kiiri wu nyaa ka teteng, ɓɔɔ zang ɓaa nɛɛ Patimu ɓɛɛ, ka ruu ɓɔɔ, n kɔɔ zang Ruu Laa ɓɔɔ Yeesɔ kasɛ tɔ, nɛɛ ɓi niizang ɓɛɛ.

Vuu ɓɔɔ zang nwangsɛ Yɔhana 11:7

Ri nɛɛ hangsɛ Ruu Laa kɔɔnang tɔ, yɔpɔ jĩngti ɓɔɔ shaa varɛ dɔɔli, ɓɔɔ nwangnɛ yeti too ɓɔɔ dii kagn kpang, wu naa ta sĩiri nɛɛ ri. Naa ɓa ri kaka, wu nyɔkɔ ri vɔrɔ.

Vuu ɓɔɔ zang nwangsɛ Yɔhana 12:16

A tipi yi jaa soro naa ka bii. Tipi puuyi a mii ɓɔɔ sɔkɔ bang jeng nɛɛ nyaa daa kagn nandon.

Vuu ɓɔɔ zang nwangsɛ Yɔhana 13:7

A zang ti yaa wu nɛɛ wu ta sĩiri nɛɛ rɛɛ zang Laa wu ti shaa ri. A zang a wu naa wu roo kpanti ka yuu zɔ̃ng zang ka nɔng piti ka koo, nɛɛ zang ɓɔɔ ri rangkɛ nyaa ka bm bm ɓɛɛ.

Vuu ɓɔɔ zang nwangsɛ Yɔhana 14:12

Ka ruu nɔngkɔ, zang Laa ri mã danggn katɔ, ri dũng nyaa Laa, ri ti yaa danggn shinnang ka bii Yeesɔ kpang.

Vuu ɓɔɔ zang nwangsɛ Yɔhana 17:14

Ri naa ta sĩiri nɛɛ Jaa Mɛ̀ɛrɛ́ Laa, a Jaa Mɛ̀ɛrɛ́ naa shaa ri katɔ, ka ruu ɓɔɔ, wukɔ kpanti ka yuu rɛɛ kpanti nandon. Kpanti roonang ɓiɓɛ, ɓa ɓɔɔ zang piti ɓɛɛ. Zang ɓiɓɛ ɓɔɔ wu zɔ̃ngkɔ, a ɓaa ri nyaa katɔ, ɓɔɔ ri dũng wu nɛɛ yeti gbete, ri naa shaa zang jong ka nyaa sĩiri nɛɛ wu.”

Vuu ɓɔɔ zang nwangsɛ Yɔhana 17:6

A n zirɛ jaa soro bìí, ɓoo zĩi rɛɛ zang Laa ɓɔɔ zang nyɔkɔ ri vɔrɔ ka ruu ɓɔɔ ri kɔɔyi nɛɛ Yeesɔ kɔ Kpanti ɓarɛ ɓɛɛ, a zĩi ɓarɛ si wu kana. Ɓɔɔ n zi jaa soro kaɓa, n mã naa ka danggn.

Vuu ɓɔɔ zang nwangsɛ Yɔhana 18:20

Zang ɓɔɔ ri ka lapa ɓɛɛ, ri tãa tĩnang ta, ka ruu ɓɔɔ, gari Babila shaarɛ tɔ ɓɛɛ. Nɔɔ tãa tĩnang jong, rɛɛ zang Laa, nɛɛ rɛɛ zang shonang ɓiɓɛ, nɛɛ rɛɛ zang nyaa shonang ɓiɓɛ, ka ruu ɓɔɔ, Laa dɔng wu ruu tɔ ka ruu vuu shi kpang ɓɔɔ bɛ̀ɛ́ palɛ nɔɔ ɓɛɛ.”

Vuu ɓɔɔ zang nwangsɛ Yɔhana 19:10

A n tang nɛɛ gutu ka tĩng ɓiɓɛ, n tɔɔ n bang wu kaa tɔ, a kɔɔ m tɔɔ, “Mɔ́ɔ palɛ vuu keɓe kpang tingkiring, ruu ɓuru zang shonang Laa nɛɛ mɔɔ, nɛɛ rɛɛ ɓaazung ɓɔɔ ri shing danggn tɔ, ka ruu ɓɔɔ niizang ɓɔɔ Yeesɔ tùsù ri ɓɛɛ. Báng ɓaa Laa.” Ka ruu ɓɔɔ, ruu niizang ɓɔɔ Yeesɔ nwangsɛ ruu, rɛɛ zang nyaa shonang Laa, ri walɛ ruu ɓɔɔ ri kɔɔrɔ zang ka wukɔ ɓɛɛ.

Vuu ɓɔɔ zang nwangsɛ Yɔhana 19:19

A n zi yɔpɔ jĩngti kaɓa nɛɛ rɛɛ kpanti ɓɔɔ ka koo nɛɛ zang sĩiri tanang ɓarɛ. Ri kpalɛ zɔɔ tɔ nɛɛ ri ta kaa sĩiri nɛɛ zang ɓɔɔ vang gbantang puru ɓɛɛ nɛɛ zang sĩiri ɓiɓɛ.

Vuu ɓɔɔ zang nwangsɛ Yɔhana 20:4

A n ti zi rɛɛ laa nwannang kpanti gaagaa, zang ɓɔɔ zang a ri naa nɛɛ ri jɛ̃ɛ zang ruu ri nwalɛ kagn. N ti zi suru bii rɛɛ zang ɓɔɔ zang dɔlɔ ri yuu, ka ruu ɓɔɔ ri shing danggn tɔ, ka vuu ɓɔɔ Yeesɔ tusu ri ɓɛɛ. A ka ruu ɓɔɔ, ri kɔɔ zang Ruu Laa ɓɛɛ. Zang ɓɔɔ ri bang yɔpɔ jĩngti kpàng, ri ti bang vuu ɓɔɔ zang palɛ nwang wu katɔ kpàng ɓɛɛ. Ri ti kasɛ kpang nɛɛ zang ɓang ri vuu ɓiɓɛ ka nyaa tĩng kpang, zang ti ɓang ri ka naa kpang. Ri nwáng tɔkn nɛɛ sàa ningkãari, ri roo kpanti nɛɛ Yeesɔ Kirisi saa labang gbete. Wee paa yunang nɛɛ sàa ɓɔɔ tĩng shɔɔnang kɔ.

Vuu ɓɔɔ zang nwangsɛ Yɔhana 22:14

Tĩnang naa nwang ɓi ɓɔ̀ɔ́ zang kaɓa, ɓɔɔ ri sɔ̀ɔ́ fɔ̃ɔrɔ, tu kalang kalang ɓɛɛ. Zang naa yaa rikɔ, ri shɛ̃ɛ nɛɛ nyaa gãa gari kaɓa, ri daa yeti gari. Ri ti shaa jaa laa, ɓɔɔ a zang suru bii ɓɔɔ waa nyaa kpang ɓɛɛ.

Vuu ɓɔɔ zang nwangsɛ Yɔhana 6:9

Ɓɔɔ tãa lang ɓɔɔ daa kaa maani ɓɛɛ, n zili suru bii zang ɓɔɔ zang nyɔkɔ ri vɔrɔ ka ruu ɓɔɔ ri kɔɔrɔ zang Ruu Laa, a ri ti kɔɔ ruu niizang ka yuu danggn ɓɔɔ ri shing ɓɛɛ. N zi suru bii ɓarɛ ka dii nɔng ɓɔɔ zang dɔɔ Laa vuu kagn ɓɛɛ.