Vuu ɓɔɔ zang nwangsɛ Yɔhana 12:1 - Nyaa Shɔɔ Ɓɔɔ Laa a Ɓɛɛ

¹ A vuu bang ɓɔɔ zang zirɛ zang mã naa ka danggn ɓɛɛ, nwangsɛ bii ka lapa. Vuu keɓe ɓi Jaa soro zuu bii nɛɛ làa, a naa doo ɓiɓɛ ka yuu shala. A kãng lapoo yuu kpanti ɓɔɔ, zang palɛ nɛɛ sàng kopi tu ziti ka yuu ɓiɓɛ.

Vuu ɓɔɔ zang nwangsɛ Yɔhana 12:1 Σταυροειδείς Αναφορές

Matiyu 12:38

Ka teteng zang Farisi nɛɛ zang ɓɔɔ ri tusu zang labeenang kaɓa, zang ɓɔɔ ri kɔɔ Yeesɔ tɔɔ, “Maalang, ruu kàsɛ̀ nɛɛ mɔɔ tusu ruu vuu ɓɔɔ zang zirɛ zang mã naa ka danggn ɓɛɛ.”

Matiyu 24:30

“Tɔ̀ɔ zang naa zi vuu ɓɔɔ zang zirɛ zang mã naa ka danggn ka lapa ɓɔɔ tusu zang nɛɛ n ɓɔɔ n Jaa Shɔnzang n a kana ɓɛɛ. Zɔ̃ng zang ɓɔɔ ka koo keɓe piti, ri naa kaa ditɔ. Ri ti naa zi m kati, ka ɓɔɔ n a ka yeti sãmbong nɛɛ naa vuu palɛnang mɛɛ, nɛɛ bannang mɛɛ ɓɛɛ.

Maraku 13:25

Sang ri ti naa shili nɛɛ lapa. Vuu piti ɓɔɔ ka lapa ti naa rùutú katɔ.

Luka 21:11

Tipi naa ruutu ka nɔng piti piti. Nyɔkɔ nɛɛ kɔnang ka zɔ̃ng zɔ̃ng naa nwang nyaa nɛɛ nɔng piti piti. Vuu vɔrɔ kaanang nɛɛ vuu baabii naa nwang bii ka lapa.

Luka 21:25

“Nɔɔ naa zi vuu ka làa, nɛɛ shala nɛɛ sàng ka zɔ̃ng zɔ̃ng. Zang koolaa ka bm bm ri naa kaa vɔrɔ, ka ruu ɓɔɔ, mii waapo kaarɛ nyaa a ti see varɛ dɔɔli ɓɛɛ.

Yɔhana 3:29

Sinyɛ ɓeevɛ ɓi wukɔ zang sinyɛ. Sinyɛ ɓeevɛ ɓeesang ɓɔɔ shiiyi, ɓaa shoo, tãa tĩnang dɔɔli nɛɛ tãa yee sinyɛ ɓeevɛ tɔ ɓɛɛ. N tãa tĩnang m doo nɔngkɔ. Tĩnang mɛɛ ti daa ɓi tɔ kiiri.”

Zang Shonang Yeesɔ 2:19

N tusu vuu ka lapa zang zirɛ zang mã naa ka danggn. N ti tusu vuu ɓɔɔ zang zirɛ zang mã naa ka danggn ɓɛɛ ka tipi. Zĩi naa zɛ̃ɛ ka tipi, a waa naa shaa nɔng, zĩ̀irí ta nɔng piti.

Rooma 13:14

Nɔɔ yaa Kpanti Yeesɔ Kirisi wu ta rɛ̃rɛnang manɛ. Nɔ́ɔ ràa shoo tɔ̀ɔ́ vuu ɓɔɔ bii manɛ ɓɔɔ palɛ vuu shi kpang kasɛ ɓɛɛ kpang.

Rooma 3:22

Laa shíng zang, zang nwáng zang tɔ̃ɔ ka tĩng ɓiɓɛ, ka ruu danggn ɓɔɔ zang shing ka bii Yeesɔ Kirisi ɓɛɛ. Ɓi ɓɔɔ zang piti ɓɔɔ ri shing danggn ka bii Kirisi ɓɛɛ, ka ruu ɓɔɔ, Laa shɛ̃ɛrɛ zang ɓi kpang ɓɛɛ.

2 Koranti 11:2

N kaa sũnyaa ka yuu manɛ naa ɓɔɔ Laa kaayi ɓɛɛ. N a nyaa tɔ nɛɛ, n a nɔɔ Kirisi wu gee nɔɔ. A n kasɛ nɛɛ nɔ́ɔ pálɛ̀ vuu shi kpang, kpang, tɔ̀ɔ, ka diki ɓɔɔ zang gee nɔɔ kagn, n tuu nɔɔ naa jaa soro ɓɔɔ roo varɛ gn kpang, ɓɔɔ shi kpang ka bii kpang ɓɛɛ. N a nɔɔ varɛ manɛ ɓɔɔ wukɔ gbete ɓɛɛ kati.

Galati 3:27

Nɔɔ nandon ɓɔɔ zang palɛ nɔɔ batizima tɔ, nɔɔ ɓakɛ yuu tɔ nɛɛ Yeesɔ Kirisi. Ka ruu nɔngkɔ, nɔɔ nwàng manɛ kaa nwannang Yeesɔ nɛɛ yuu ɓiɓɛ.

Galati 4:26

A Urushalima ɓɔɔ ka lapa ɓi kaa tɔ̀ɔ́ jaafoo kpang, ɓi wukɔ nàá ɓuru.

Galati 6:14

Ɓɔɔ mɛɛ, n kɔɔrɔ ruu bang bang m ka yuu laa ɓɔɔ zang ɓaa Kpanti ɓuru Yeesɔ Kirisi naa kagn kɔ shɛ̃ɛning. Ka ruu ɓɔɔ, laa keɓe kɔ shingnɛ, vuu ɓɔɔ ka koo nwàng m vuu ɓɔɔ kpang. Mɔɔ kɔɔ nɛɛ zang ɓaa vuu keɓe tɔ ka yuu laa ɓɔɔ zang ɓaa Yeesɔ kagn ɓɛɛ. N ti nwang m kaa zang ɓɔɔ yaa rɛɛ vuu koo tɔ ɓɛɛ.

Afisa 5:32

Ruu niizang ɓɔɔ bang, ɓɔɔ ruu keɓe nwangsɛ kagn, n zirɛ, zang rang yee ɓi ka yuu Kirisi nɛɛ zang ɓɔɔ ri dũng wu ɓɛɛ.

Vuu ɓɔɔ zang nwangsɛ Yɔhana 1:20

Zirɛ, rɛɛ sang manziti kɔ n yiti ka naa ɓee, nɛɛ rɛɛ vuu manziti ɓɔɔ zang shĩili waa zàáng sɔɔ kagn, ɓɔɔ zang palɛ ri nɛɛ zinariya ɓɛɛ. N kaaɓi n nwangsɛ mɔɔ dĩiri rɛɛ vuu keɓe. Rɛɛ sang manziti keɓe, ɓi rɛɛ zang nyaa shonang Laa, ɓɔɔ ri ka lapa, ɓɔɔ ri gãng jĩng, ka rɛɛ Gãa Laa manziti kaɓa ɓɛɛ. Vuu manziti ɓɔɔ zang shĩili waa zàáng sɔɔ kagn kaɓa, ɓi kaa rɛɛ Gãa Laa bìí, nɛɛ yuu ɓarɛ.”

Vuu ɓɔɔ zang nwangsɛ Yɔhana 11:19

A nyaa Gãa Laa ɓɔɔ ka lapa puuyi, zang zǐ akpaati nyaa ɓɔɔ Laa mã nɛɛ zang ɓiɓɛ kagn ɓɛɛ katɔ, ka yeti Gãa Laa. A shala mangkɛ, zang mɛɛrɛ nyaa nabm, tipi ruutu, shala mɛɛrɛ, a mii takong a dɔɔli.

Vuu ɓɔɔ zang nwangsɛ Yɔhana 12:3

A vuu bang ɓɔɔgn ɓɔɔ zang zirɛ zang mã naa ka danggn nwangsɛ bii ka lapa. Vuu keɓe ɓi sɔkɔ nwɛ̃ɛri bang, baabii katɔ, ta yuu manziti nɛɛ jee kopi, ti kãng lapoo yuu kpanti ka yuu manziti nandon.

Vuu ɓɔɔ zang nwangsɛ Yɔhana 15:1

Ka knti vuu keɓe, n zi vuu ɓɔɔgn ɓɔɔ zang zirɛ zang mã naa ka danggn ɓɛɛ ka lapa, daa naa ɓɔɔ zang rang yee ɓiɓɛ kpang. N zi zang nyaa shonang Laa ɓɔɔ ri ka lapa ɓɛɛ, ri manziti, ri yiti kɔnang manziti ka naa. Rɛɛ kɔnang keɓe, rikɔ kɔnang ɓɔɔ Laa di nyaa kɔnang atɛnang kaa gn ɓɛɛ kɔ. Laa hangsɛ nyaa gnvɔ ɓiɓɛ kaa nɛɛ rikɔ.

Vuu ɓɔɔ zang nwangsɛ Yɔhana 21:14

Zang loo doo binting bìí ka yuu tari kopi tu ziti. Zang beere nung rɛɛ zang shonang Jaa Mɛ̀ɛrɛ́, ɓɔɔ ri kopi tu ziti ka rɛɛ tari bìí.

Vuu ɓɔɔ zang nwangsɛ Yɔhana 21:23

Ruu zang gari kaɓa hãa ɓi kagn nɛɛ laa nɛɛ shala kpang, ka ruu ɓɔɔ, bannang Laa yakɛ nɔng ka nɔng kaɓa a Jaa Mɛ̀ɛrɛ́ ti nwang naa waa zàáng sɔɔ ɓɔɔ yakɛ gari kaɓa ɓɛɛ.