Vuu ɓɔɔ zang nwangsɛ Yɔhana 11:8 - Nyaa Shɔɔ Ɓɔɔ Laa a Ɓɛɛ

⁸ Zang naa yaa vɔrɔ ɓarɛ ka gbalang ɓɔɔ ka yeti gari bang kaɓa, ɓɔɔ nɛɛ nyaa vuu jɛ̃ɛnang, zang ɓaa nɛɛ Sɔɔdom nɛɛ Masara ɓɛɛ. Nɔng ɓɔɔ zang ɓáa kpanti ɓarɛ naa ka laa kagn ɓɛɛ.

Vuu ɓɔɔ zang nwangsɛ Yɔhana 11:8 Σταυροειδείς Αναφορές

Matiyu 10:15

N kɔ̀ɔ́ nɔɔ ruu ɓɔɔ niizang kɔ nwani, ka diki ɓɔɔ Kpanti Laa naa jɛ̃ɛ zang ruu, jĩng dannang ɓarɛ naa ɓa ɓɔɔ zang gari Sɔɔdom nɛɛ Gomora katɔ.

Zang Shonang Yeesɔ 9:4

Watɛ ka tipi, a tãa yee kɔ̀ɔ́ wu nɛɛ, “Shaawulu, Shaawulu, mɔɔ dang m jĩng nɔngkɔ, ka ruu viya?”

Yahudi 13:12

Yeesɔ dang jĩng doo nɔngkɔ ka yuu knti gari, nɛɛ tɔ̀ɔ, wu sɔɔ zang vuu shi kpang ɓarɛ kati nɛɛ zĩi ɓiɓɛ.

Yahudi 6:6

Naa ri yaa gbalang Laa doo nɛɛ mani, naa zang tɔɔ zang sɔ́ɔrɔ̀ ri tɔkn, ri kɔ̃sɔ yeti, zang zunung takpang. Ka ruu ɓɔɔ, nwang naa ri ɓaa Jaa Laa naa kaa laa tɔkn, a ri shingnɛ, yusɛ̃ɛ tuu wu, ka jĩng zang piti ɓɛɛ.

2 Bituru 2:6

Ɓɔɔ rɛɛ gari Sɔɔdom nɛɛ Gomora dòo nɔngkɔ, Laa ti dɔng zang ɓɔɔ ri nwalɛ kagn ruu. A dɔɔ rɛɛ gari ziti keɓe dɔ̃ɔ gbete nɛɛ waa, yaa pũngku ɓarɛ kɔ shɛ̃ɛning ka tipi. Wee tusu zang nɛɛ zang ri zi naa ɓɔɔ wu dang zang ɓɔɔ ri naa dũ̀ng nyaa ɓiɓɛ kpang jĩng ɓɛɛ.

Yahuza 1:7

Danggn gari Sɔɔdom nɛɛ Gomora nɛɛ rɛɛ gari ɓɔɔ ri naabm ɓɛɛ, wu ning nɔɔ kpang. Ri pálɛ́ dũndũng ka zɔ̃ng zɔ̃ng. Laa dang ri jĩng, ningsi ri nɛɛ waa ɓɔɔ ning ɓi kpang dòndòng ɓɛɛ, tɔ̀ɔ zang piti ri zi kaa gn.

Vuu ɓɔɔ zang nwangsɛ Yɔhana 11:13

Nyaa kɔ doo naa ɓee, tipi ruutu nabm, a naa zang basɛ gari bang kaɓa tìng kopi, tìng gbete ka teteng ɓarɛ jirɛ. A tipi ɓɔɔ ruutu ɓee nyɔ shɔnzang labang manziti. A zang ɓɔɔ ri yaa knti, bii kaa ri vɔrɔ dɔɔli, a ri dɔɔ Laa ɓɔɔ ka lapa ɓɛɛ kati.

Vuu ɓɔɔ zang nwangsɛ Yɔhana 11:9

Zang ɓɔɔ ri nwangnɛ zɔ̃ng zang piti, nɛɛ nɔng piti ka koo, ɓɔɔ nyaa ɓarɛ ka bm bm ɓɛɛ, ri naa pɛ̃ɛrɛ vɔrɔ ɓarɛ, diki ɓa katɔ taati nɛɛ nyaa gãasa. Ri zã́a zang vɔrɔ rɛɛ zang keɓe gbãanang katɔ.

Vuu ɓɔɔ zang nwangsɛ Yɔhana 14:20

Too ɓɔɔ zang kãng mii inabi kagn, ɓi ka yuu knti gari. Ri kãng mii jĩng inabi, a zĩi nwangnɛ nɔngkɔ, zɛ̃ɛyi daa naa nung mɛli laa maani dakn ziti naa mɔɔ shɛ̃ɛ kagn, a mɔɔ ka danggn.

Vuu ɓɔɔ zang nwangsɛ Yɔhana 14:8

A zang nyaa shonang Laa ɓɔɔ ka lapa ɓɛɛ, ɓɔɔgn ti a tɔkn ka knti ɓɔɔ tĩng shɔɔnang ɓɛɛ, kɔɔyi nɛɛ, “Shaarɛ tɔ, Gari bang kaɓa, ɓɔɔ zang ɓaa nɛɛ Babila, shaarɛ tɔ, gari ɓɔɔ ɓeleng shing zang tipi ɓɔɔgn ri ɓoo sàa ɓiɓɛ, ɓɔɔ wukɔ ɓi kaa nung sũnang nɛɛ dũndũng ɓiɓɛ ɓɛɛ.”

Vuu ɓɔɔ zang nwangsɛ Yɔhana 16:19

Gari bang kaɓa puusu taati, a rɛɛ gari nandon, ɓɔɔ ka tipi piti ka koo ri ti jili. Laa kpaa danggn gari bang kaɓa ɓɔɔ zang ɓaa nɛɛ Babila ɓɛɛ. A á wu waka ɓɔɔ yi nyaa nɛɛ gnvɔ ɓiɓɛ. Jĩng dannang a kaa gari kaɓa, a shing ri, ri dang jĩng, ri hangsɛ naa ɓɔɔ zang ɓoo saa kaa waka ɓɔɔ la katɔ, zang kusu ɓɛɛ.

Vuu ɓɔɔ zang nwangsɛ Yɔhana 17:1

Vuu keɓe ɓa tɔ, a ka teteng zang nyaa shonang Laa ɓɔɔ ka lapa ɓɛɛ, ɓɔɔ manziti ɓɔɔ ri yiti waka ka naa ɓɛɛ. Gbete arɛ naa kɔɔ m nɛɛ, “Arɛ, n tusu mɔɔ jĩng ɓɔɔ Laa naa dang jaa soro ɓɔɔ rakɛ wàázaa dɔɔli, ɓɔɔ wukɔ gari ɓɔɔ zang mãa ka nɔng ɓɔɔ mii kagn dɔɔli ɓɛɛ.

Vuu ɓɔɔ zang nwangsɛ Yɔhana 17:18

“Jaa soro ɓɔɔ mɔɔ zi ɓɛɛ, wukɔ gari bang kaɓa, ɓɔɔ roo kpanti ka yuu rɛɛ kpanti ɓɔɔ ka koo ɓɛɛ.”

Vuu ɓɔɔ zang nwangsɛ Yɔhana 17:5

Ka nyaating jaa soro bìí, zang bèe nung ɓɔɔ kagn, zang waasɛ vuu ɓɔɔ nung bìí kɔɔ ɓɛɛ katɔ. Zang bee nɛɛ, “Gari Babila ɓɔɔ bang dɔɔli ɓɛɛ, mɔɔ nwang nàá rɛɛ zang ɓɔɔ rakɛ wàázaa, nɛɛ ɓɔɔ vuu gn bàanang ɓɔɔ ka koo keɓe nandon ɓɛɛ.”

Vuu ɓɔɔ zang nwangsɛ Yɔhana 18:10

Ri naa shii nɛɛ nɔng beebang, ka ruu ɓɔɔ, ri kaa vɔrɔ jĩng dannang ɓiɓɛ ɓɛɛ, ri kɔɔyi nɛɛ, “Ayìi rang, Babila gari bang kaɓa, ɓɔɔ bɛ̀ɛ́ ɓa gari piti ɓɛɛ, làa gbete zang dang mɔɔ jĩng tɔ, waa shaa mɔɔ tɔ, dɔ̃ɔ gbete.”

Vuu ɓɔɔ zang nwangsɛ Yɔhana 18:18

ri goo nyaa ka lapa nabm, ka ɓɔɔ ri zi zĩiri waa ɓɔɔ shaa gari bìí ɓɛɛ, ri kɔɔyi nɛɛ, “Gari bang ɓɔɔ kagn naa weɓe kpang.”

Vuu ɓɔɔ zang nwangsɛ Yɔhana 18:2

Mɛɛ nyaa nɛɛ kaka nabm, kɔɔyi nɛɛ, “Shàarɛ̀ tɔ, Babila gari bang kaɓa, shaarɛ tɔ. Raa nɔng nwannang rɛɛ raanang, nɛɛ nɔng ɓɔɔ rɛɛ suru shi kpang, ɓɔɔ yeti ɓarɛ la dɔɔli, ri kpalɛ zɔɔ kagn ɓɛɛ tɔ. Zɔ̃ng rɛɛ jaaning ɓɔɔ ri baabii dɔɔli, ɓɔɔ zang kasɛ ri kpang ɓɛɛ piti, ri nwang kaa nɔngkɔ.

Vuu ɓɔɔ zang nwangsɛ Yɔhana 18:21

Vuu keɓe ɓa tɔ, a zang nyaa shonang Laa ɓɔɔ ka lapa ɓɛɛ, ɓɔɔ lakɛ dɔɔli ɓɛɛ, arɛ naa tuu ree bang, tasɛ ka waapo, a kɔɔyi nɛɛ, “Zang ɓɔɔ naa tuu Babila gari bang kaɓa ditɔ nɔngkɔ, wu lu nabm ka tipi. Zang naa zi gari Babila takpang.

Vuu ɓɔɔ zang nwangsɛ Yɔhana 18:24

Zang ti ĩ́i zĩi rɛɛ zang nyaa shonang Laa nɛɛ ɓɔɔ rɛɛ zang Laa nɛɛ ɓɔɔ zang piti ɓɔɔ zang nyɔkɔ ri vɔrɔ ka koo ɓɛɛ, ka gari kaɓa kɔ.”