Vuu ɓɔɔ zang nwangsɛ Yɔhana 11:7 - Nyaa Shɔɔ Ɓɔɔ Laa a Ɓɛɛ

⁷ Ri nɛɛ hangsɛ Ruu Laa kɔɔnang tɔ, yɔpɔ jĩngti ɓɔɔ shaa varɛ dɔɔli, ɓɔɔ nwangnɛ yeti too ɓɔɔ dii kagn kpang, wu naa ta sĩiri nɛɛ ri. Naa ɓa ri kaka, wu nyɔkɔ ri vɔrɔ.

Vuu ɓɔɔ zang nwangsɛ Yɔhana 11:7 Σταυροειδείς Αναφορές

Luka 13:32

A kɔɔ ri tɔɔ, “Nɔɔ dita, nɔɔ daa kɔɔ yaka jĩngti kaɓa nɛɛ, ‘N nwangsɛ suru shi kpang, a n ti masɛ zang lɛɛkɔ, nɛɛ ɓuru. Lagbete n naa hangsɛ nyaa shonang mɛɛ.’

Luka 8:31

A suru shi kpang kaɓa, ri gaa Yeesɔ nɛɛ wu dɔ̃ɔ ri ka nɔng ɓɔɔ Laa palɛ ka ruu zang shi kpang, kpang.

Yɔhana 17:4

N tusu zang koo bannang ɓaaɓɛ tɔ, ka ruu ɓɔɔ, n hangsɛ shonang ɓɔɔ mɔɔ a m nɛɛ n palɛ tɔ ɓɛɛ.

Yɔhana 19:30

Yeesɔ máa mii inabi ɓɔɔ gbang katɔ tɔ, a kɔɔyi tɔɔ, “Zang hangsɛ nyaa tɔ.” A ɓaa yuu ka dii, vɔ kati.

Zang Shonang Yeesɔ 20:24

N ti tɔɔ m kpang nɛɛ suru bii mɛɛ daa naa vuu ɓɔɔ tɔ kpang. Ǹ kasɛ n palɛ vuu ɓɔɔ zang shong m ɓɛɛ, n ti hangsɛ shonang ɓɔɔ Kpanti Yeesɔ a m nɛɛ n palɛ ɓɛɛ. Shonang ɓɔɔ nɛɛ n kɔɔrɔ zang rúu, ka yuu tɔ̃ɔ ɓɔɔ Laa pàlɛ́ zang ɓɛɛ.

2 Timoti 4:7

N yuu m tɔ waasɛ̃ n yurɛ n daa hangsɛ nyaa. N yaa danggn ɓɔɔ n shing ka bii Laa ɓɛɛ kpang.

Vuu ɓɔɔ zang nwangsɛ Yɔhana 11:3

N shong zang mɛɛ ziti ɓɔɔ ri daa kɔɔ zang ruu ka yuu mɛɛ ɓɛɛ. Ri naa hã̀lɛ́ fɔ̃ɔrɔ ɓɔɔ zang ɓɔɔ ri kaa nyavɔ ri hã̀lɛ́ ɓɛɛ. N a ri naa ri kɔɔ zang ruu ka yuu mɛɛ diki labang gbete tu laa maani dakn ziti, tu laa taati.”

Vuu ɓɔɔ zang nwangsɛ Yɔhana 12:17

Ka ruu nɔngkɔ, gnvɔ shaa sɔkɔ bang nɛɛ jaa soro kaɓa dɔɔli. Daayi nɛɛ wu daa ta sĩiri nɛɛ rɛɛ zɔ̃ng jaa soro kaɓa, ɓɔɔ ri nandon ri palɛ ɓarɛ vuu ɓɔɔ Laa kasɛ ɓɛɛ, ɓɔɔ ri ti shing danggn tɔ, ka ruu ɓɔɔ, niizang ɓɔɔ Yeesɔ Kirisi tùsù ri ɓɛɛ.

Vuu ɓɔɔ zang nwangsɛ Yɔhana 13:11

Ka knti vuu keɓe, n zi yɔpɔ jĩngti ɓɔɔ, shing baabii dɔɔli, nwangnɛ tipi. Ta jee ka yuu ziti, naa jaa mɛ̀ɛrɛ́, a ti ráng yee naa sɔkɔ bang.

Vuu ɓɔɔ zang nwangsɛ Yɔhana 13:7

A zang ti yaa wu nɛɛ wu ta sĩiri nɛɛ rɛɛ zang Laa wu ti shaa ri. A zang a wu naa wu roo kpanti ka yuu zɔ̃ng zang ka nɔng piti ka koo, nɛɛ zang ɓɔɔ ri rangkɛ nyaa ka bm bm ɓɛɛ.