Vuu ɓɔɔ zang nwangsɛ Yɔhana 11:15 - Nyaa Shɔɔ Ɓɔɔ Laa a Ɓɛɛ

¹⁵ A zang nyaa shonang Laa ɓɔɔ wukɔ wàa rɛɛ zang nyaa shonang Laa ɓɔɔ ri manziti nyaa knti ɓɛɛ, jee gboo ɓiɓɛ. A n tãlɛ yee nwangnɛ lapa, ri rang yee nabm nɛɛ, “Kpanti roonang koo keɓe, raa ɓɔɔ kpanti ɓuru tɔ, nɛɛ ɓɔɔ Kirisi ɓiɓɛ. Laa kɔ naa roo kpanti gbinggbing.”

Vuu ɓɔɔ zang nwangsɛ Yɔhana 11:15 Σταυροειδείς Αναφορές

Matiyu 24:31

N naa shong zang nyaa shonang mɛɛ ɓɔɔ lapa ditɔ nɛɛ vuukãng ɓɔɔ káa dɔɔli ɓɛɛ, tɔɔ ri kpalɛ m zang mɛɛ ɓɔɔ n shɛ̃ɛrɛ ka koo keɓe piti, nɛɛ paa ɓɔɔ laa nwang nɔng, a ɓɔɔ nɛɛ dii ɓɔɔ laa hãa nyaa kagn ɓɛɛ.

Matiyu 6:13

Mɔɔ yaa Sheetang wu gãsɛ ruu nɛɛ vuu ɓɔɔ ɓa kaka ɓuru katɔ ɓɛɛ kpang. Ta ruu katɔ kɔ jong nɛɛ naa ɓiɓɛ.

Luka 1:33

Naa roo Kpanti ka yuu zang Yahudi dòndòng. Kpanti ɓɔɔ wu naa rooyi, naa waa nyaa ɓi kpang.”

Luka 15:10

A Yeesɔ naa hangsɛ nyaa kaa tɔɔ, ‘Zang nyaa shonang Laa ɓɔɔ ri ka lapa, ri tãa tĩnang doo nɔngkɔ, ka ruu zang gbete ɓɔɔ palɛ vuu shi kpang, ɓɔɔ yaa vuu shi kpang ɓiɓɛ a kɔ̃sɔ yeti ɓiɓɛ ɓɛɛ.’ ”

Luka 15:6

Nɛɛ shɛ̃ɛ gãa tɔ, wu ɓaarɛ nyaa ka rɛɛ ɓeesang nɛɛ zang ɓɔɔ ri roo nyaa gãa gbete ɓɛɛ, nɛɛ ri naa shaa vuu shaanang, ri tãa tĩnang nɛɛ wu, ka ruu ɓɔɔ, wu ĩi mɛ̀ɛrɛ́ ɓiɓɛ ɓɔɔ ning ɓɛɛ.

Zang Shonang Yeesɔ 4:26

Rɛɛ kpanti zang koo ri kpalɛ bii, a rɛɛ zang bang bang, ri tɔ̀ng zɔɔ nɔng gbete nɛɛ ri gaa nyaa nɛɛ Kpanti Laa nɛɛ Kirisi ɓiɓɛ’.

Yahudi 1:8

Ka yuu Jaa ɓiɓɛ, Laa kɔɔyi nɛɛ, “Mɔkɔ Laa, kpanti roonang ɓaaɓɛ ɓi ɓɔɔ gbinggbing ɓɛɛ. Vuu ɓɔɔ mɔɔ palɛ teetee, wukɔ nwang laa naa yitinang, ɓɔɔ mɔɔ roo kpanti nɛɛ mani ɓɛɛ.

Vuu ɓɔɔ zang nwangsɛ Yɔhana 10:7

Zang nyaa shonang Laa ɓɔɔ ka lapa ɓɔɔ daa kaa manziti nɛɛ naa jee gboo ɓiɓɛ tɔ, tɔ̀ɔ, vuu ɓɔɔ ri waasɛ bii katɔ, ri nwangsɛ bii kati, tɔ̀ɔ, wu hangsɛ nyaa ɓarɛ kati naa ɓɔɔ wu nwàngsɛ̀ rɛɛ zang nyaa shonang ɓiɓɛ ɓɔɔ ri kɔ̀ɔrɔ̀ zang Ruu Laa ɓɛɛ.

Vuu ɓɔɔ zang nwangsɛ Yɔhana 12:10

A n tãa yee mɛɛ nɛɛ lapa kɔɔyi nɛɛ, “Kãntang keɓe Laa ta yuu ɓuru tɔ, zang ti zi naa vuu palɛnang ɓiɓɛ tɔ, nɛɛ kpanti roonang ɓiɓɛ. A zang ti zi naa vuu palɛnang Kirisi ɓiɓɛ tɔ, ka ruu ɓɔɔ, zang ɓɔɔ bɛ̀ɛ́ shii ka tĩng Laa kɔɔrɔ ruu shi kpang, ka yuu rɛɛ manzung ɓuru diki diki nɛɛ zĩi nɛɛ laagɛ̃, zang hing wu tɔ nɛɛ lapa zang tasɛ wu tɔ ka koo ɓɛɛ.

Vuu ɓɔɔ zang nwangsɛ Yɔhana 15:4

Ɓu wi kaa vɔrɔ ɓaaɓɛ, wu ti a mɔɔ bannang kpang wiya kpanti Laa? Ɓi mɔkɔ gbete ɓɔɔ shi kpang ka bii ɓaaɓɛ kpang ɓɛɛ. Zɔ̃ng zang tipi piti piti ri naa arɛ ri bang mɔɔ, ka ruu ɓɔɔ, ri zi naa ɓɔɔ mɔɔ dɔng ruu tɔ tɔ̃ɔ ɓɛɛ.”

Vuu ɓɔɔ zang nwangsɛ Yɔhana 16:17

A zang nyaa shonang Laa ɓɔɔ ka lapa ɓɛɛ ɓɔɔ daa ka manziti ɓɛɛ, arɛ ɓaa kɔnang ɓɔɔ ka waka ɓiɓɛ ɓɛɛ, ka jasung waati. A yee nwangnɛ laa nwannang kpanti ka yeti Gãa Laa, mɛɛ nabm kɔɔyi nɛɛ, “Zang hangsɛ vuu piti tɔ.”

Vuu ɓɔɔ zang nwangsɛ Yɔhana 17:14

Ri naa ta sĩiri nɛɛ Jaa Mɛ̀ɛrɛ́ Laa, a Jaa Mɛ̀ɛrɛ́ naa shaa ri katɔ, ka ruu ɓɔɔ, wukɔ kpanti ka yuu rɛɛ kpanti nandon. Kpanti roonang ɓiɓɛ, ɓa ɓɔɔ zang piti ɓɛɛ. Zang ɓiɓɛ ɓɔɔ wu zɔ̃ngkɔ, a ɓaa ri nyaa katɔ, ɓɔɔ ri dũng wu nɛɛ yeti gbete, ri naa shaa zang jong ka nyaa sĩiri nɛɛ wu.”

Vuu ɓɔɔ zang nwangsɛ Yɔhana 19:1

Vuu keɓe, ɓa tɔ, a n tãa vuu naa yee zang, ri kpalɛ ka lapa gaagaa, ri goo nyaa nabm, ri gaa soo nɛɛ, “Haliluyaa, ɓi Laa ɓuru kɔ tà yuu ɓuru. Bannang, nɛɛ naa vuu palɛnang ɓi ɓɔɔ ɓiɓɛ.

Vuu ɓɔɔ zang nwangsɛ Yɔhana 19:6

A n tãa vuu naa yee zang ɓɔɔ ri kpalɛ zɔɔ gaagaa ɓɛɛ. Yee ɓarɛ kaa nyaa naa mii zɛ̃ɛ ka rang kɔpɔ, a ɓɔɔ ti naa shala ɓɔɔ mɛɛ nabm ɓɛɛ. Yee bii kɔɔyi nɛɛ, “Haliluyaa, Laa ɓɔɔ wukɔ kpanti ɓuru, wukɔ ɓa zang piti, gaayu kpanti roonang tɔ.

Vuu ɓɔɔ zang nwangsɛ Yɔhana 20:4

A n ti zi rɛɛ laa nwannang kpanti gaagaa, zang ɓɔɔ zang a ri naa nɛɛ ri jɛ̃ɛ zang ruu ri nwalɛ kagn. N ti zi suru bii rɛɛ zang ɓɔɔ zang dɔlɔ ri yuu, ka ruu ɓɔɔ ri shing danggn tɔ, ka vuu ɓɔɔ Yeesɔ tusu ri ɓɛɛ. A ka ruu ɓɔɔ, ri kɔɔ zang Ruu Laa ɓɛɛ. Zang ɓɔɔ ri bang yɔpɔ jĩngti kpàng, ri ti bang vuu ɓɔɔ zang palɛ nwang wu katɔ kpàng ɓɛɛ. Ri ti kasɛ kpang nɛɛ zang ɓang ri vuu ɓiɓɛ ka nyaa tĩng kpang, zang ti ɓang ri ka naa kpang. Ri nwáng tɔkn nɛɛ sàa ningkãari, ri roo kpanti nɛɛ Yeesɔ Kirisi saa labang gbete. Wee paa yunang nɛɛ sàa ɓɔɔ tĩng shɔɔnang kɔ.

Vuu ɓɔɔ zang nwangsɛ Yɔhana 8:12

Zang nyaa shonang Laa ɓɔɔ ka lapa, ɓɔɔ daa kaa dɛ̃ɛti ɓɛɛ, jee gboo ɓiɓɛ. A tìng gbete ka teteng tìng taati ɓɔɔ zang basɛ làa, nɛɛ shala nɛɛ rɛɛ sang ɓɛɛ, ri tɔɔyi. Tìng gbete ɓɔɔ laagɛ̃ nɛɛ ɓɔɔ nɔng zĩi yakɛ kpang.

Vuu ɓɔɔ zang nwangsɛ Yɔhana 9:1

A zang nyaa shonang Laa ɓɔɔ ka lapa ɓɛɛ, ɓɔɔ daa kaa maani ɓɛɛ, jee gboo ɓiɓɛ. A n zi sang ɓɔɔ watɛ ka koo nɛɛ lapa ɓɛɛ. A zang a wu saka ɓɔɔ wu puu too ɓɔɔ dii ɓiɓɛ kagn kpang nɛɛ mani ɓɛɛ.

Vuu ɓɔɔ zang nwangsɛ Yɔhana 9:13

A zang nyaa shonang Laa ɓɔɔ ka lapa ɓɛɛ, ɓɔɔ daa ka mangbete jee gboo ɓiɓɛ. A n tãa yee nwangnɛ yeti jée dɛ̃ɛti, ɓɔɔ ka yuu paa nɔng ɓɔɔ zang dɔɔ Laa vuu kagn ɓɔɔ zang palɛ nɛɛ zinariya ɓɛɛ, ɓɔɔ bɛ̀ɛ́ ka tĩng Laa ɓɛɛ.