Vuu ɓɔɔ zang nwangsɛ Yɔhana 11:10 - Nyaa Shɔɔ Ɓɔɔ Laa a Ɓɛɛ

¹⁰ Zang koo keɓe ri naa gaarɛ zɔɔ, ri tãa tĩnang ka ruu vɔrɔ zang ziti keɓe. Ri alɛ zɔɔ vuu waati ka ruu ɓɔɔ zang nyaa shonang Laa kaɓa, ri kɔɔ Ruu Laa, ri dang zang ɓɔɔ ri nwalɛ ka koo jĩng dɔɔli ɓɛɛ.

Vuu ɓɔɔ zang nwangsɛ Yɔhana 11:10 Σταυροειδείς Αναφορές

Matiyu 10:22

Zang piti ri naa bɛ̃ɛ nɔɔ ditɔ, ka ruu nung mɛɛ. Shɔnzang ɓɔɔ nɛɛ mã danggn sasak, wukɔ naa wɔrɛ.

Yɔhana 16:20

N kɔ̀ɔ́ nɔɔ ruu ɓɔɔ niizang kɔ nwani, nɔɔ naa kaayi, nɔɔ ɓaa nyaavaa, zang koo ri tãa ɓarɛ tĩnang. Yeti manɛ naa lasɛ, yeti lasɛnang manɛ naa raa tĩnang tãanang ditɔ.

Yɔhana 7:7

Zang koo keɓe ɓɔɔ ri zi Laa kpang, ri bɛ̃ɛ nɔɔ manɛ kpang. Ri bɛ̃ɛ ɓarɛ nkɔ, ka ruu ɓɔɔ, n kɔɔrɔ ri nɛɛ vuu ɓɔɔ ri palɛ ɓi vuu shi kpang ɓɛɛ.

Zang Shonang Yeesɔ 5:33

Ɓɔɔ rɛɛ zang ɓɔɔ ri jɛ̃ɛ zang ruu, ri tãa ruu keɓe gnvɔ shaa ri dɔɔli, ri kasɛ nɛɛ ri nyɔ rɛɛ zang shonang Yeesɔ keɓe kaa vɔrɔ.

1 Koranti 13:6

Zang ɓɔɔ kàsɛ̀ zang katɔ, naa zang palɛ vuu tɔ̃ɔ tãa tĩnang katɔ. Naa zang palɛ vuu shi kpang, tãa tĩnang kpang.

Vuu ɓɔɔ zang nwangsɛ Yɔhana 12:13

Ka ɓɔɔ sɔkɔ bang zirɛ zang nwangsɛ wu tɔ nɛɛ lapa, gaayu ɓɔɔ wu hing jaa soro ɓɔɔ yi jaa zang varɛ ɓɛɛ.

Vuu ɓɔɔ zang nwangsɛ Yɔhana 13:14

Tuu vuu ɓɔɔ zang a wu naa palɛnang ka tĩng yɔpɔ jĩngti ɓɔɔ tĩng shɔɔnang kaɓa, a nwãarɛ zang piti, ɓɔɔ ri nwalɛ ka koo nandon nɛɛ mani. Kɔɔ ri nɛɛ, ri pálɛ́ vuu ɓɔɔ nwang yɔpɔ jĩngti ɓɔɔ tĩng shɔɔnang, ɓɔɔ bɛ̀ɛ́ zang shing wu nyaa vuu waa ka bii nɛɛ yere bang a nwang doo ningkãari ɓɛɛ, ri a wu bannang nɛɛ mani.

Vuu ɓɔɔ zang nwangsɛ Yɔhana 13:8

Zang ɓɔɔ ri nwang ka koo nandon ri naa bang wu. Rɛɛ zang ɓɔɔ zang bee nung ɓarɛ doo tɛ̃ɛ tɛ̃ɛ kpang, ka yeti labeenang Jaa Mɛ̀ɛrɛ́ Laa, ɓɔɔ bɛ̀ɛ́ zang nyɔ wu vɔrɔ ɓɛɛ.

Vuu ɓɔɔ zang nwangsɛ Yɔhana 16:10

A zang nyaa shonang Laa ɓɔɔ ka lapa ɓɛɛ, ɓɔɔ daa ka maani ɓɛɛ, arɛ naa ɓaa kɔnang ɓɔɔ ka waka ɓiɓɛ ka yuu laa nwannang kpanti, ɓɔɔ yɔpɔ jĩngti kaɓa nwang kagn ɓɛɛ. A nɔng tɔɔnang zuu zang ɓɔɔ wu roo kpanti ka yuu ɓarɛ ɓɛɛ. Zang ri shaa rĩiti ka ruu jĩng ɓɔɔ ri dang ɓɛɛ.

Vuu ɓɔɔ zang nwangsɛ Yɔhana 3:10

Nɔɔ dũng ruu mɛɛ ɓɔɔ n kɔ̀ɔ nɔɔ nɛɛ nɔɔ mã danggn ɓɛɛ tɔ, ka ruu nɔngkɔ, n naa shingnɛ, nɔ́ɔ wɔ ka jĩng dannang ɓɔɔ a kaa tɔ ka koo piti ɓɔɔ zang gãsɛ zang ɓɔɔ ri nwang ka koo nɛɛ mani ɓɛɛ.