Vuu ɓɔɔ zang nwangsɛ Yɔhana 11:1 - Nyaa Shɔɔ Ɓɔɔ Laa a Ɓɛɛ

¹ Ka knti vuu keɓe, zang a m laa ɓɔɔ zang gãsɛ nɔng nɛɛ mani ɓɛɛ. A zang kɔɔ m nɛɛ “Yupaa mɔɔ daa gãsɛ Gãa Laa, nɛɛ nɔng ɓɔɔ zang dɔɔ wu vuu kagn ɓɛɛ. Mɔɔ ti gã zang ɓɔɔ ri bang Laa ka nɔng ɓɛɛ.

Vuu ɓɔɔ zang nwangsɛ Yɔhana 11:1 Σταυροειδείς Αναφορές

2 Koranti 6:16

Zang ɓɔɔ ri dũng Laa, ri palɛ biya nyaa ɓarɛ wu daa gbete nɛɛ zang ɓɔɔ ri bang vaka viya? Ka ruu nɔngkɔ, ruu ɓuru gãa Laa, Laa ɓɔɔ ningkãari ɓɛɛ. Laa kɔɔyi tɔɔ, “N palɛ nɔng nwannang mɛɛ ka nɔng zang mɛɛ, n nwang ka teteng ɓarɛ. N nwang Laa ɓɔɔ ri bang ɓɛɛ, ri nwang ɓarɛ kaa zang mɛɛ.”

1 Bituru 2:5

Nɔɔ ɓɔɔ Yeesɔ Kirisi a nɔɔ suru bii tɔ ɓɛɛ, nɔɔ nwàng doo naa rɛɛ tari kɔ. Tari ɓɔɔ Laa mãa gãa ɓɔɔ suru nwang kagn ɓɛɛ. Nɔɔ manɛ zang ɓɔɔ Laa zɔ̃ng ri nɛɛ ri nwang zang ɓɔɔ ri dɔ̀ɔ́ wu vuu ɓɛɛ. Nɛɛ tɔ̀ɔ, nɔ́ɔ shòng wu kaa nɛɛ yeti manɛ piti naa ɓɔɔ wu tãa tĩnang ɓɛɛ, ka ruu Yeesɔ Kirisi.

1 Bituru 2:9

Ɓɔɔ manɛ, nɔɔ manɛ zɔ̃ng zang ɓɔɔ Laa shɛ̃ɛrɛ ri katɔ ɓɛɛ, rɛɛ zang ɓɔɔ ri dɔɔ vuu ɓɔɔ ri shong kpanti ɓɛɛ. Nɔɔ manɛ zɔ̃ng zang ɓɔɔ Laa shɛ̃ɛrɛ ri nɛɛ nɔɔ nwang zang ɓiɓɛ ɓɛɛ. Laa shɛ̃ɛrɛ nɔ́ɔ nɛɛ nɔɔ kɔɔ zang rɛɛ vuu bang bang, ɓɔɔ tɔ̃ɔ tɔ̃ɔ, ɓɔɔ wu pàlɛ̀ nɔɔ ka ɓɔɔ wu nwangsɛ nɔɔ nɛɛ nɔng ɓɔɔ tɔ̀ɔ katɔ ɓɛɛ. A átɛ̀ nɔɔ nɛɛ nɔ́ɔ nwang ka nɔng ɓiɓɛ ɓɔɔ yakɛ katɔ, ɓɔɔ zang zirɛ zang mã naa ka danggn ɓɛɛ.

Vuu ɓɔɔ zang nwangsɛ Yɔhana 10:11

A zang ɓɔɔ kɔɔ m nɛɛ, “Daa tɔkn mɔɔ daa kɔɔ ruu ka yuu zang koolaa ɓɔɔ nyaa ɓarɛ ka bm bm ɓɛɛ, nɛɛ rɛɛ kpanti ɓarɛ.”

Vuu ɓɔɔ zang nwangsɛ Yɔhana 21:15

Zang nyaa shonang Laa ɓɔɔ ka lapa ɓɛɛ, ɓɔɔ rang m yee kaɓa, yiti laa ɓɔɔ zang mà nɔng nɛɛ mani, ɓɔɔ zang palɛ nɛɛ Zinariya ɓɛɛ. Nɛɛ wu mà gari bìí, wu mà rɛɛ nyaa gãa nɛɛ binting ɓɔɔ zang kiiri gari nyaa nɛɛ mani ɓɛɛ.