Vuu ɓɔɔ zang nwangsɛ Yɔhana 10:1 - Nyaa Shɔɔ Ɓɔɔ Laa a Ɓɛɛ

¹ Ka knti vuu keɓe, n zi zang nyaa shonang Laa ɓɔɔ ka lapa ɓɛɛ, ɓɔɔ naa vuu palɛnang ɓiɓɛ kagn ɓɛɛ, a nɛɛ lapa. Sãmbong zuu wu naa fɔ̃ɔrɔ, a sɔkɔ mii kãng ka yuu ɓiɓɛ. Wàá nyaating ɓiɓɛ kɔlɔ katɔ naa laa, a doo ɓiɓɛ naa nyɛlɛ waa ɓɔɔ kɔ nabm ɓɛɛ.

Vuu ɓɔɔ zang nwangsɛ Yɔhana 10:1 Σταυροειδείς Αναφορές

Matiyu 17:2

A bii Yeesɔ risi kaa naa ɓɔɔgn ka jĩng ɓarɛ. Waa nyaating ɓiɓɛ kɔlɔ kaa naa làa, a fɔ̃ɔrɔ ɓiɓɛ ti risi nwang ka puru shãa shãa.

Luka 21:27

Tɔ̀ɔ, zang zi Jaa Shɔnzang kati, ka ɓɔɔ wu a nɛɛ lapa ka yeti sãmbong ɓɛɛ nɛɛ naa vuu palɛnang, a ɓɔɔ bannang ɓiɓɛ ɓɛɛ.

Zang Shonang Yeesɔ 26:13

Kpanti, n daa kana ka gbalang bɛ̀ɛ́ laa kaa dãngdãng yuu, a vuu yakɛ nɔng nɛɛ lapa. Nɔng ɓɔɔ yakɛ, ɓa ɓɔɔ laa yakɛ katɔ. Yakɛ nɔng kiiri ruu nyaa ka teteng nɛɛ zang ɓɔɔ ruu nɛɛ ri ɓɛɛ.

Vuu ɓɔɔ zang nwangsɛ Yɔhana 1:7

Nɔɔ zirɛ, náa a ka yeti sãmbong, zang piti ri naa zi wu jĩng ka bii. Zang ɓɔɔ ri shu wu nɛɛ shalang, ri ti naa zi wu jong. Zang tipi koolaa keɓe nandon, ri naa káa ka ruu ɓiɓɛ. Vuu keɓe naa nwáng ditɔ nɔngkɔ niizang. Nɔngkɔ.

Vuu ɓɔɔ zang nwangsɛ Yɔhana 18:1

Vuu keɓe naa ɓa tɔ, a n zi zang nyaa shonang Laa ɓɔɔ ka lapa ɓɛɛ, a nɛɛ lapa a ka tipi. Naa vuu palɛnang ɓiɓɛ bang dɔɔli, a bii ɓiɓɛ yakɛ nɔng ka koo nandon.

Vuu ɓɔɔ zang nwangsɛ Yɔhana 18:21

Vuu keɓe ɓa tɔ, a zang nyaa shonang Laa ɓɔɔ ka lapa ɓɛɛ, ɓɔɔ lakɛ dɔɔli ɓɛɛ, arɛ naa tuu ree bang, tasɛ ka waapo, a kɔɔyi nɛɛ, “Zang ɓɔɔ naa tuu Babila gari bang kaɓa ditɔ nɔngkɔ, wu lu nabm ka tipi. Zang naa zi gari Babila takpang.

Vuu ɓɔɔ zang nwangsɛ Yɔhana 20:1

A n zi zang nyaa shonang Laa ɓɔɔ ka lapa ɓɛɛ, a nɛɛ lapa. Yiti shɔ̌ng saka ɓɔɔ zang puu nyaa too ɓɔɔ dii kagn kpang nɛɛ mani ɓɛɛ, nɛɛ sáa yɔ̀ng bang ka naa.

Vuu ɓɔɔ zang nwangsɛ Yɔhana 4:3

Zang ɓɔɔ nwang ka yuu láa nwannang kpanti kaɓa, kɔlɔ katɔ naa rɛɛ tari ɓɔɔ kɔlɔ, ɓɔɔ zang palɛ nɛɛ Jasifa nɛɛ kaneliya ɓɛɛ. Sɔkɔ mii ti lurɛ kiiri laa nwannang kpanti ka teteng. Sɔkɔ bìí ta bii naa tari ɓɔɔ zang ɓaa nɛɛ Emɛra ɓɛɛ.

Vuu ɓɔɔ zang nwangsɛ Yɔhana 5:2

A n zi zang nyaa shonang Laa ɓɔɔ ka lapa gbete ɓɔɔ lakɛ katɔ ɓɛɛ, mɛɛ nyaa ka lapa nabm kɔɔyi nɛɛ, “Wi daa naa ɓɔɔ wu tãlɛ lang keɓe, wu kãlɛ labeenang keɓe wiya?”

Vuu ɓɔɔ zang nwangsɛ Yɔhana 8:13

N shing jĩng a n zi gangong tãa ka lapa, n tãayi mɛɛ nyaa nabm kɔɔyi nɛɛ, “Ayìi rang, jĩng dannang kagn yuu manɛ, zang ɓɔɔ ri nwalɛ ka koo ɓɛɛ. Naa zang jee rɛɛ gboo ɓɔɔ yaa knti, kɔ̀ rɛɛ zang nyaa shonang Laa ɓɔɔ ri ka lapa ɓɔɔ ri yaa taati, ri kpalɛ bii jeenang ɓa ɓɛɛ.”