Vuu ɓɔɔ zang nwangsɛ Yɔhana 1:7 - Nyaa Shɔɔ Ɓɔɔ Laa a Ɓɛɛ

⁷ Nɔɔ zirɛ, náa a ka yeti sãmbong, zang piti ri naa zi wu jĩng ka bii. Zang ɓɔɔ ri shu wu nɛɛ shalang, ri ti naa zi wu jong. Zang tipi koolaa keɓe nandon, ri naa káa ka ruu ɓiɓɛ. Vuu keɓe naa nwáng ditɔ nɔngkɔ niizang. Nɔngkɔ.

Vuu ɓɔɔ zang nwangsɛ Yɔhana 1:7 Σταυροειδείς Αναφορές

Matiyu 16:27

Jaa Shɔnzang naa a ditɔ nɛɛ bannang diiɓɛ, nɛɛ zang nyaa shonang ɓiɓɛ ɓɔɔ ka lapa ɓɛɛ. Tɔ̀ɔ, wu naa alɛ zang vuu, ka naa vuu ɓɔɔ ri palɛ ɓɛɛ.

Matiyu 16:28

N kɔɔ nɔɔ ruu ɓɔɔ niizang kɔ nwani, zang dɔɔli ka teteng zang keɓe, ri vɔ kpang. Ri zi naa ɓɔɔ Jaa Shɔnzang naa a ka yeti bannang kpanti roonang ɓiɓɛ ka gbongkarɛ.”

Matiyu 24:30

“Tɔ̀ɔ zang naa zi vuu ɓɔɔ zang zirɛ zang mã naa ka danggn ka lapa ɓɔɔ tusu zang nɛɛ n ɓɔɔ n Jaa Shɔnzang n a kana ɓɛɛ. Zɔ̃ng zang ɓɔɔ ka koo keɓe piti, ri naa kaa ditɔ. Ri ti naa zi m kati, ka ɓɔɔ n a ka yeti sãmbong nɛɛ naa vuu palɛnang mɛɛ, nɛɛ bannang mɛɛ ɓɛɛ.

Matiyu 25:31

“Ka diki ɓɔɔ Jaa Shɔnzang naa a ka naa bannang ɓiɓɛ, nɛɛ zang nyaa shonang Laa ɓɔɔ ri ka lapa piti, naa nwang ka yuu laa nwannang Kpanti ɓiɓɛ.

Matiyu 26:64

A Yeesɔ kasɛ wu nyaa kati tɔɔ, “Nn nkɔ. N kɔɔ nɔɔ, nɔɔ naa zi m ɓɔɔ n Jaa Shɔnzang ditɔ ka naa nakn Kpanti Laa ɓɔɔ palɛ vuu piti ɓɛɛ. Nɔɔ ti naa zi naa ɓɔɔ n a ka yeti sãmbong ditɔ.”

Maraku 13:26

Tɔ̀ɔ, zang naa zi Jaa Shɔnzang kati ka ɓɔɔ wu a ka yeti sãmbong, nɛɛ naa vuu palɛnang ɓiɓɛ, nɛɛ bannang ɓiɓɛ ɓɛɛ.

Maraku 14:62

Yeesɔ kasɛ wu nyaa tɔɔ, “Nn, nkɔ.” Nɔɔ naa zi m ɓɔɔ n Jaa Shɔnzang ditɔ ka naa nakn Kpanti Laa ɓɔɔ palɛ vuu piti ɓɛɛ. Nɔɔ ti naa zi naa ɓɔɔ n a ka yeti sãmbong ditɔ.

Luka 21:27

Tɔ̀ɔ, zang zi Jaa Shɔnzang kati, ka ɓɔɔ wu a nɛɛ lapa ka yeti sãmbong ɓɛɛ nɛɛ naa vuu palɛnang, a ɓɔɔ bannang ɓiɓɛ ɓɛɛ.

Yɔhana 19:34

Yɔɔ sɔɔja gbete shu kagň buru ɓiɓɛ nɛɛ shalang, zĩi nɛɛ mii tɛ̃ɛ nɛɛ nɔng ɓɔɔ yɔɔ shu ɓɛɛ.

Yɔhana 19:37

Zang ti bee kagn ka yeti labeenang Laa tɔkn tɔɔ, “Zang ri pɛ̃ɛrɛ zang ɓɔɔ ri shu nɛɛ shalang nɛɛ jĩng ɓarɛ.”

1 Tesalonika 1:10

A ri ti kɔ̀ɔ ruu nɛɛ nɔɔ gã Jaa ɓiɓɛ wu a nɛɛ lapa, Jaa ɓiɓɛ Yeesɔ ɓɔɔ wu wisi paa nɛɛ sàa ɓɛɛ, a naa tá yuu ɓuru ka laa ɓɔɔ Laa naa jɛ̃ɛ zang ɓɔɔ wu lasɛ yeti nɛɛ ri ka ruu vuu shi kpang ɓɔɔ ri palɛ ruu ɓɛɛ.

1 Tesalonika 4:17

Tɔ̀ɔ, ɓɔɔ ruu doo ningkãari ka diki kaɓa, Laa naa sèé ruu, daa kaa nɛɛ ruu ka yeti sãmbong, wu daa lapa nɛɛ ruu. Ruu daa kpisi kpanti Yeesɔ yuu ka lapa. Ruu nwáng kaa nɛɛ Kpanti sasak.

Yahudi 10:29

Ɓɔɔ nɔɔ rɛ̃rɛ ka yeti manɛ, jĩng dannang zang ɓɔɔ risi Jaa Laa naa vĩi, naa bang ɓu biya? Zang ɓɔɔ risi zĩi Yeesɔ ɓɔɔ Laa mã nyaa shɔɔ nɛɛ mani, naa vuu ɓɔɔ kpang ɓɛɛ. Zĩi ɓɔɔ zang kɔsɔ wu vuu shi kpang ɓiɓɛ nɛɛ mani ɓɛɛ. A ti dãa Suru Laa ɓɔɔ palɛ zang tɔ̃ɔ ɓɛɛ.

Yahudi 6:6

Naa ri yaa gbalang Laa doo nɛɛ mani, naa zang tɔɔ zang sɔ́ɔrɔ̀ ri tɔkn, ri kɔ̃sɔ yeti, zang zunung takpang. Ka ruu ɓɔɔ, nwang naa ri ɓaa Jaa Laa naa kaa laa tɔkn, a ri shingnɛ, yusɛ̃ɛ tuu wu, ka jĩng zang piti ɓɛɛ.

1 Yɔhana 3:2

Rɛɛ masang ɓɔɔ n kasɛ nɔɔ dɔɔli ɓɛɛ, ruu kaa wujɛ Laa. Naa ɓɔɔ ruu naa nwangnɛ, ruu zi gn kpang. Ruu zi tɔ nɛɛ, naa Yeesɔ nwang nyaa, ruu naa nwang kaa naa wukɔ doori. Ka ruu ɓɔɔ, ruu naa zi wu ka naa ɓɔɔ wu nwang ɓɛɛ.

Yahuza 1:14

Ɛnɔk, zɔ̃ng Adamu ɓɔɔ daa kaa manziti ɓɛɛ, kɔ kɔɔ ruu keɓe ka yuu ɓarɛ tɔɔ, “Nɔɔ zirɛ, Kpanti Laa naa a ditɔ nɛɛ zang nyaa shonang ɓiɓɛ ɓɔɔ ri ka lapa ɓɛɛ labang gaagaa.

Vuu ɓɔɔ zang nwangsɛ Yɔhana 22:20

Yeesɔ ɓɔɔ kasɛ tɔ, nɛɛ vuu keɓe, ri niizang ɓɛɛ, wukɔ kɔɔyi nɛɛ, “Niizang, diki bee kpang, n a kaa tɔ.” Nɔngkɔ. A ta kpanti Yeesɔ.

Vuu ɓɔɔ zang nwangsɛ Yɔhana 22:4

Ri naa zi waa nyaating Laa, zang ti bee nung ɓiɓɛ ka nyaating ɓarɛ.